អ្នកនាង Rihanna ដែលត្រូវបានគេស្គាល់ថា ជា «Queen of the Met Gala» មិនដែលធ្វើឲ្យ​​​​អ្នកទស្សនាម៉ូដខកចិត្តឡើយ។ រាល់ពេលដែលនាងបង្ហាញខ្លួននៅលើកម្រាលព្រំក្រហមនៃព្រឹត្តិការណ៍នេះ តារាចម្រៀងតែងតែទទួលបានការកោតសរសើរថា ក្លាហាន ហ៊ានបំបែកឧបសគ្គទាំងអស់ និងកំណត់ឡើងវិញនូវភាពច្នៃប្រឌិតជារបស់ខ្លួន ដែលមិនចម្លងគេ។

ជាក់ស្ដែង សូ​ម្បីតែលោក A$AP Rocky ក៏ជាតារារ៉េបពូកែច្នៃប្រឌិតដ៏ពិសេសនៅក្នុងឧស្សាហកម្មម៉ូដបុរសផងដែរ។ ជាមួយនឹងស្ទីលផ្ទាល់ខ្លួនដ៏ពិសេស លាយឡំជាមួយម៉ូដបែបសម័យ និងសម្លៀកបំពាក់តាមដងផ្លូវបូកបញ្ចូលគ្នា តារា​រ៉េប​ដ៏ប៉ិន​ប្រសប់ម្នាក់នេះ តែងតែនាំយកនូវសម្លៀកបំពាក់ដែលគួរឲ្យចាប់អារម្មណ៍ មិនខ្លាចក្នុងការពិសោធន៍ជាមួយនិន្នាការថ្មីៗឡើយ។

សរុបមក ទាំង​នាង​ Rihanna និង លោក​​ A$AP Rocky មិន​ត្រឹម​តែ​ជា​បុគ្គល​លេចធ្លោ​ក្នុង​វិស័យ​របស់​ពួកគេ​ប៉ុណ្ណោះ​ទេ ប៉ុន្តែ​ក៏​ជា​គូស្នេហ៍​ដែល​មាន​ឥទ្ធិពល​ខ្លាំង​លើ​យុវវ័យ និង​សហគមន៍​អ្នកគាំទ្រ។ ការរួមបញ្ចូលគ្នារវាងតារាចម្រៀងដ៏ល្បី និងតារាចម្រៀងរ៉េបដ៏ពិសេសម្នាក់នេះ តែងតែបង្កើតភាពប្លែកពីគេ ដែលធ្វើឲ្យទស្សនិកជនជញ្ចក់មាត់កោតសរសើរមិនដាច់ឡើយ។

យ៉ាងណា ការបង្ហាញខ្លួនរបស់ Rihanna និង A$AP Rocky ក្នុងកម្មវិធី Met Gala ឆ្នាំ២០២៥ មិនមែនគ្រាន់តែជាសំលៀកបំពាក់ដ៏ស្រស់ស្អាតប៉ុណ្ណោះទេ។ វាក៏ជាការបង្ហាញពីទំនាក់ទំនងផ្ទាល់ខ្លួន ការរួមបញ្ចូលគ្នានៃតន្ត្រី និងម៉ូដ ហើយលើសពីនេះទៀត និមិត្តសញ្ញានៃភាពជឿជាក់ ភាពពិសេស និងមិនខ្លាចក្នុងការបំបែកដែនកំណត់ទាំងអស់នៃម៉ូដក្នុងសម័យ

ជាមួយនឹងប្រវត្តិដ៏រុងរឿងលើកម្រាលព្រំក្រហម និងការទាក់ទាញដែលមិនអាចប្រកែកបានគូស្នេហ៍តារាចម្រៀងនិងរ៉េបបានក្លាយជាចំណុចកណ្តាលនៃការចាប់អារម្មណ៍នៅ Met Gala 2025។ ការរចនាម៉ូដរបស់ពួកគេ មិនត្រឹមតែត្រូវបានទន្ទឹងរង់ចាំដោយក្រុមអ្នកលស្រលាញ់វិស័យអ្នកដើរតាមម៉ូដប៉ុណ្ណោះទេ ប៉ុន្តែវាក៏ជាព្រឹត្តិការណ៍ដែលពិភពលោកទាំងមូលទន្ទឹងរង់ចាំផងដែរ ដោយរង់ចាំការសម្តែងដ៏ប្រណីត និងគួរឲ្យភ្ញាក់ផ្អើលពីគូស្វាមីភរិយា៕

ខាងក្រោមនេះ គឺជាឈុតត្រួសៗដែល Rihanna និង A$AP Rocky ធ្លាប់បានបង្ហាញនៅក្នុងកម្មវិធី Met Gala ៖

អត្ថបទ៖ សាង ស្រីល័ក្ខ

ចុចអាន៖ការប្រគំតន្ត្រី Lady Gaga​ នៅប្រេស៊ីល​ ទាក់ទាញអ្នកគាំទ្រ ២.១ លាននាក់ លើសតារាចម្រៀងល្បីៗផ្សេងទៀត

The post Rihanna និងតារារ៉ុក A$AP ក្លាយជាគូស្នេហ៍លេចធ្លោជាងគេ ក្នុងកម្មវិធី Met Gala 2025 appeared first on Kampuchea Thmey Daily.

នាងបានចេញអាល់ប៊ុមចំនួន៨ បានដាក់បទចម្រៀងចំនួន១៤នៅលើតារាង Billboard Hot ១០០ លក់បាន ៦០ លានកំណត់ត្រា និងលក់បានប្រហែល ២១៥លានបទឌីជីថលក្នុងអាជីពរបស់នាង។ ទោះបីជា តារា​ចម្រៀងវ័យ៣៧ឆ្នាំបានផ្អាកអាជីពតន្ត្រីចាប់តាំងពី Anti អាល់ប៊ុមស្ទូឌីយោចុងក្រោយដែលបានថតនៅឆ្នាំ ២០១៦ នាងបានចេញបទចម្រៀង «Lift Me Up» ដែលជាផ្នែកមួយនៃបទភ្លេងនៃខ្សែភាពយន្ត «Black Panther: Wakanda Forever» ។

គិតត្រឹមខែមេសា ឆ្នាំ ២០២៤ នាងត្រូវបានគេរាយការណ៍ថា កំពុងធ្វើការលើអាល់ប៊ុមទី៩ និងគ្រោងដំណើរទេសចរណ៍ពិភពលោកសម្រាប់ឆ្នាំ ២០២៥នេះតែម្ដង។ លើសពីតន្ត្រី នាងក៏បានប្រឡូកក្នុងវិស័យភាពយន្ត បើទោះជាមិនជោគជ័យដូចចម្រៀងក្ដី ប៉ុន្តែ Rihanna បានបង្ហាញវត្តមានក្នុងរឿងដូចជា៖ «Battleship», Bring it On: All or Nothing” និង “Ocean’s Eight» ។

ក្រៅ​ពីអាជីព​តន្ត្រីនិងភាពយន្ត Rihanna ក៏មានក្រុមហ៊ុនមួយចំនួនក្នុងដៃនោះគឺ Robyn Rihanna Fenty ដែលជាឈ្មោះពេញរបស់នាង បានបើកដំណើរការក្រុមហ៊ុនគ្រឿងសំអាង Fenty Beauty ។ ក្រុមហ៊ុននេះគឺជាក្រុមហ៊ុនបណ្តាក់ទុនរួមគ្នា ៥០/៥០ រវាងតារាចម្រៀង និងក្រុមហ៊ុនបារាំង LVMH ។

ម្ចាស់បទ «Umbrella» ក៏មានភាគហ៊ុន ៣០% នៃយីហោខោអាវទ្រនាប់ Savage x Fenty ដែលនឹងមានតម្លៃ ៣ ពាន់លានដុល្លារ។ នាងក៏បានចាប់ដៃគូជាមួយម៉ាកសម្លៀកបំពាក់កីឡា Puma ដើម្បីបង្កើតខ្សែស្បែកជើងមួយដែលមានឈ្មោះថា Fenty x Puma ។ នាងក៏ជាដៃគូនៅក្នុងសេវាកម្មស្ទ្រីមតន្ត្រី Tidal ដែលដៃគូសំខាន់គឺតន្ត្រីករ Jay-Z ។ សមាគមដ៏គួរឲ្យកត់សម្គាល់ផ្សេងទៀតរបស់ Rihanna បាននៅជាមួយម៉ាកស្បែកជើងប្រណីត Manolo Blahnik និងជាឯកអគ្គរដ្ឋទូតសម្រាប់ Dior ។

ដោយឡែកគិតត្រឹមខែកុម្ភៈ ឆ្នាំ ២០២៥ ទ្រព្យសម្បត្តិសុទ្ធរបស់តារាស្រីរទេសរូបនេះ មានចំនួន ១.៤ ពាន់លានដុល្លារ ដែលជំរុញដោយជោគជ័យដ៏ធំសម្បើមនៃម៉ាកគ្រឿងសំអាងរបស់នាង Fenty Beauty ។ លើសពីនេះ ទ្រព្យសម្បត្តិរបស់នាងត្រូវបានជំរុញដោយការបណ្តាក់ទុនអាជីវកម្ម និងការសហការគ្នាជាច្រើន រួមទាំងយីហោខោអាវទ្រនាប់ Savage x Fenty ក៏ដូចជាភាពជាដៃគូជាមួយ Tidal និង Fenty x Puma ផងដែរ៕

អត្ថបទ៖ សាង ស្រីល័ក្ខ

ចុចអាន៖អតីតជំទាវទីមួយកូរ៉េ មិនបានរារាំង BLACKPINK សម្តែងជាមួយ Lady Gaga ដូចការចោទឡើយ

The post ទំហំទឹកប្រាក់ពីជំនួញនិងអាជីពសិល្បៈ ដែល Rihanna ទទួលបានក្នុងឆ្នាំ ២០២៥ appeared first on Kampuchea Thmey Daily.

មិនត្រឹមប៉ុណ្ណឹងទេ តារា​ចម្រៀង​ស្រី​​មាន​សម្លៀក​បំពាក់​ដ៏​ធំ​សម្បើម​ជាមួយ​នឹង​សម្លៀក​បំពាក់​របស់​នាង​ មិន​ត្រឹម​តែ​ស្រស់​ស្អាត​ប៉ុណ្ណោះ​ទេ ថែម​ទាំង​បង្ហាញ​ពី​បុគ្គលិក​លក្ខណៈ​ដ៏​រឹង​មាំ និង​ស្មារតី​ត្រួស​ត្រាយទៅមុខឥតឈប់ឈរ។ ដូច្នេះហើយ របស់របរដែល Rihanna ស្លៀក ច្រើនតែក្លាយជានិន្នាការយ៉ាងឆាប់រហ័សលើបណ្ដាញអ៉ិនធើណេត។

នៅក្នុងបទសម្ភាសន៍ TikTok ជាមួយ @mysteryfashionist តារាស្រីវ័យ៣៦ឆ្នាំរូបនេះបាននិយាយថា ប្រសិនបើនាងត្រូវលក់កាបូបទាំងអស់ នាងនឹងទិញតែកាបូប Louis Vuitton Speedy ប៉ុណ្ណោះ។​ យ៉ាងណាក៏បញ្ចាក់របស់នាងបានបង្កើតឲ្យមានការភ្ញាក់ផ្អើលយ៉ាងខ្លាំងពីសំណាក់អ្នកគាំទ្រទូទាំងពិភពលោក។

Speedy ត្រូវបានណែនាំជាលើកដំបូងនៅក្នុងទសវត្សរ៍ឆ្នាំ ១៩៣០ ដែលត្រូវបានបំផុសគំនិតដោយខ្សែកាបូប Keepall របស់ Louis Vuitton ។ ដំបូងឡើយ វាបានរចនាឡើងជាកាបូបធ្វើដំណើរតូចមួយសម្រាប់អ្នកដែលត្រូវការកាបូបដែលងាយស្រួល ប៉ុន្តែប្រណិតសម្រាប់ការធ្វើដំណើររយៈពេលខ្លី។

Speedy ក៏ឆ្លុះបញ្ចាំងពីស្មារតីទំនើប និងស្វាហាប់នៃកាបូប ស្របតាមរបៀបរស់នៅថ្មីរបស់ស្ត្រីក្នុងទសវត្សរ៍ឆ្នាំ ១៩៣០ កំណែដើមត្រូវបានផលិតចេញពី Monogram Canvas ដែលជាក្រណាត់ធន់នឹងទឹក ប្រើប្រាស់បានយូរ និងទម្ងន់ស្រាល។ ព័ត៌មានលម្អិតដូចជាដៃអាវស្បែកគោធម្មជាតិ (Vachetta) និងខ្សែរ៉ូតពិសេសបន្ថែមទៅលើរូបរាងដ៏ប្រណិត។

នៅឆ្នាំ ១៩៦០ ខ្សែកាបូប Speedy ពិតជាល្បីល្បាញដោយសារតារាសម្តែង Audrey Hepburn ។ នាងបានសុំឲ្យក្រុមហ៊ុន LV បង្កើតកាបូប Speedy ដែលមានទំហំតូចជាងសម្រាប់ការប្រើប្រាស់ប្រចាំថ្ងៃ។ ឆ្លើយតបទៅនឹងសំណើរបស់ Hepburn ក្រុមហ៊ុន LV បានបើកដំណើរការម៉ូដែល Speedy 25 ហើយកាបូបនេះបានក្លាយជាម៉ូដទាន់សម័យយ៉ាងឆាប់រហ័ស ដែលភ្ជាប់ជាមួយនឹងរចនាប័ទ្មបុរាណដ៏ឆើតឆាយរបស់តារាស្រី។

មិនត្រឹមប៉ុណ្ណឹងទេ ម៉ាកនេះបន្តណែនាំការបោះពុម្ពថ្មី ចាប់ពីការរចនាបុរាណរហូតដល់ការសហការបោះពុម្ពមានកំណត់ជាមួយសិល្បករល្បីៗ។ ថ្មីៗនេះ ក្រុមហ៊ុន Louis Vuitton បានដាក់លក់ “Millionaire Speedy” ដែលមានតម្លៃ១លានដុល្លារ ដែលបញ្ជាក់ពីភាពទាក់ទាញមិនចេះចប់នៃកាបូបនេះ៕

អត្ថបទ៖ សាង ស្រីល័ក្ខ

ចុចអាន៖​អ្នក​គាំទ្រ​ខក​ចិត្តដែល «Squid Game 2» មិនទទួល​ពាន Golden Globe  នៅអាមេរិក ដូចការគ្រោងទុក

The post ក្នុងចំណោមកាបូបប្រេនទាំងអស់ Rihanna ថាស៊ូស្លាប់ រើសយកតែយីហោមួយគត់ appeared first on Kampuchea Thmey Daily.

នៅរាត្រីថ្ងៃណាត់ជួប តារាចម្រៀងវ័យ ៣៦ ឆ្នាំរូបនេះ បានជ្រើសរើសរ៉ូបពណ៌ខ្លី MM6 Maison Margiela ហើយបញ្ចូលវាជាមួយនឹងស្រោមបាហែកពណ៌ត្នោតមួយគូពីម៉ាក Balenciaga ជាមួយនឹងតម្លៃលក់រាយរហូតដល់ ១,៤៩០ដុល្លារ។ មនុស្ស​ជា​ច្រើន​មាន​ការ​ភ្ញាក់​ផ្អើល ​នៅ​ពេល​ដែលស្រោមបាមួយគូនេះមានតម្លៃថ្លៃខ្លាំង សឹងតែស្មើនឹងសំលៀកដែលមានយីហោប្រេនៗ។

ទោះជាយ៉ាងណា ប្រេន Balenciaga គឺជាម៉ាកយីហោមួយក្នុងចំណោមម៉ាកដែលបន្សល់ទុកនូវចំណាប់អារម្មណ៍យ៉ាងជ្រាលជ្រៅនៅក្នុងដួងចិត្តរបស់អ្នកស្រលាញ់វិស័យហ្វេសិន ជាមួយនឹងទំនិញមួយនៃប្រភេទដែលត្រូវបានផ្សព្វផ្សាយក្នុងតម្លៃខ្ពស់ ។

មិនត្រឹមប៉ុណ្ណឹងទេ​ យីហោនេះបានដាក់លក់កាបូប Monday Shopper ក្នុងឆ្នាំ ២០២២ ជាមួយនឹងការរចនាដូចជាកាបូបនីឡុងពណ៌ខៀវ និងស ងាយស្រួលប្រើ ជាមួយនឹងឈ្មោះម៉ាកដែលបានបោះពុម្ពលើផ្ទៃកាបូបដែលមានតម្លៃ ១,២១៨ដុល្លារ។

កាបូបទី២ របស់ Balenciaga ដែលធ្វើឲ្យអ្នកប្រើប្រាស់រំភើប ត្រូវបានរចនាឡើងដូចជាកញ្ចប់អាហារសម្រន់ ដែលយកគំរូតាមគំរូដើម ដែលចេញលក់ក្នុងឆ្នាំ ២០២៣ក្នុងតម្លៃ១,៨០០ ដុល្លារ។។ គេដឹងថា ដើម្បីអាចប្រើរូបភាពនេះ Balenciaga តម្រូវឲ្យមានការអនុញ្ញាតពីម៉ាកអាហារសម្រន់ Lay’s។

ធាតុមួយទៀតដែលបង្កើតភាពចម្រូងចម្រាសជាសកលសម្រាប់ Balenciaga ដែលម៉ាកយីហោបានណែនាំនៅក្នុងកម្មវិធី Fall-Winter 2024 គឺជាខ្សែដៃមួយដែលមានឈ្មោះថា Gaffer Bangle ដែលមានតម្លៃ ៣,០០០ ដុល្លារ។

កាបូបដែលធ្វើឲ្យឈ្មោះរបស់ Balenciaga គួរឲ្យចាប់អារម្មណ៍ គឺជាកាបូបដែលមានខ្សែពណ៌ខ្មៅ ដែលមានរាងស្រដៀងនឹងថង់សំរាម។ ការរចនានេះត្រូវបានដាក់ឲ្យដំណើរការនៅឆ្នាំ ២០២២ ហើយផលិតផលនេះត្រូវបានគេចំអកថាជា ថង់សំរាមថ្លៃបំផុតនៅលើពិភពលោក ដែលមានតម្លៃ ១,៧៩០ ដុល្លារ។ ផលិតផល​ផលិត​ពី​ស្បែក​កំភួន​ជើង​មាន ៤ ពណ៌ ខៀវ ស ខ្មៅ លឿង៕

អត្ថបទ៖ សាង​​ ស្រីល័ក្ខ

ចុចអាន៖តារាសម្ដែងសាច់ចាំ Tom Cruise ទទួលពានរង្វាន់កិត្តិយស ពីកងទ័ពជើងទឹកអាមេរិក

The post ស្រោមបារហែករបស់ Rihanna លក់បានជាងមួយពាន់ដុល្លារ appeared first on Kampuchea Thmey Daily.

ការចែករំលែករបស់ Rihanna បានធ្វើឲ្យពិភពអនឡាញមានការរំភើបចិត្តជាខ្លាំងដោយគិតថា នេះអាចជាសញ្ញាពីតារាចម្រៀងស្រីអំពីការសហការជាមួយ Billie Eilish លើផលិតផលតន្ត្រីត្រឡប់មកវិញ។

ប៉ុន្មានឆ្នាំមកនេះ Billie Eilish គឺជាអ្នកចម្រៀង/អ្នកនិពន្ធបទចម្រៀងដែលទទួលបានជោគជ័យយ៉ាងខ្លាំងនៅក្នុងទីផ្សារតន្ត្រីពិភពលោក។ ទោះបីជានៅក្មេងក៏ដោយ Billie បានឈ្នះពានរង្វាន់តន្ត្រីដ៏មានកិត្យានុភាពជាច្រើនរួមទាំងពានរង្វាន់ GRAMMY ចំនួន៧ ហើយបានក្លាយជាតារាចម្រៀងស្រីតែមួយគត់ដែលកើតក្នុងសតវត្សទី២១ ដែលបានឈ្នះពានរង្វាន់ Oscar ពីរដង (២០២២ ដល់ ២០២៤ ។

មិនត្រឹមប៉ុណ្ណឹងទេ Billie គឺជាសិល្បករប៉ុបដែលទទួលបានជោគជ័យបំផុតក្នុងជំនាន់របស់នាង។ ដូច្នេះការដែល Rihanna ចង់បង្កើតតន្ត្រីជាមួយនឹងទេពកោសល្យវ័យក្មេងរូបនេះ គឺមិនពិបាកពេកក្នុងការយល់ ហើយត្រូវបានទស្សនិកជនគាំទ្រនិងសាទរដល់អ្នកទាំងពីរឲ្យសហការគ្នាឆាប់ៗ។

យ៉ាងណា ការចែករំលែកនេះបានរីករាលដាលយ៉ាងលឿនដល់ Billie ។ នៅលើគណនី Instagram ផ្ទាល់ខ្លួនរបស់គាត់ ម្ចាស់បទចម្រៀង Bad guy បានចែករំលែកបទសម្ភាសន៍របស់ Rihanna ចាស់។ គួរឲ្យកត់សម្គាល់ Billie ក៏បានភ្ជាប់នូវ Status ផងដែរថា នាងសឹងមិនជឿថានេះជាការពិតទេ។

ទង្វើ​នេះ​បង្ហាញ​ថា​តារា​ចម្រៀង​ស្រី​មិន​អាច​ជឿ​ថា ​នាង​ជា​ឈ្មោះ​ដែល​ទាក់​ភ្នែក​ Rihanna ឡើយ។ ទំនាក់ទំនងដោយប្រយោលរបស់អ្នកទាំងពីរបានធ្វើឲ្យអ្នកគាំទ្ររំពឹងថា នឹងមានផលិតផលសហការគ្នារវាង Rihanna និង Billie Eilish នាពេលខាងមុខនេះ។

ចាប់តាំងពីអាល់ប៊ុម Anti hit shelves ក្នុងឆ្នាំ ២០១៦ Rihanna បានបាត់ខ្លួនពីទីផ្សារតន្ត្រី បើទោះបីជានាងទទួលបានជោគជ័យយ៉ាងខ្លាំងនៅក្នុងវិស័យនេះក៏ដោយ។ Rihanna បានបង្កើតម៉ាកគ្រឿងសំអាងផ្ទាល់ខ្លួនរបស់នាង ហើយផ្តោតលើថាមពលស្ទើរតែទាំងអស់របស់នាងលើការអភិវឌ្ឍន៍។ យីហោសម្រស់របស់ Rihanna មានភាពល្បីល្បាញដូចអាជីពចម្រៀងរបស់នាង ដែលនាំមកនូវប្រាក់ចំណេញយ៉ាងច្រើន៕

អត្ថបទ៖ សាង  ស្រីល័ក្ខ

ចុចអាន៖រូបភាពដ៏រំជួលចិត្តដែល Celine មានជំងឺប្រចាំកាយតែសុខចិត្តមកគាំទ្រ Adele ដល់ឆាក

The post ហ្វេនរំភើបចិត្តខ្លាំង ក្រោយលេចឮថា Rihanna និង Billie គ្រោងសហការលើបទចម្រៀងថ្មី appeared first on Kampuchea Thmey Daily.

កាលពីថ្ងៃទី ០៧ ខែតុលា ទស្សនាវដ្តី Forbes បានរាយការណ៍ថាតារាប៉ុបវ័យ ៣៤ឆ្នាំរូបនេះ បានវ៉ាដាច់អតីតម្ចាស់កម្មសិទ្ធគឺ Rihanna ដែលមានទ្រព្យសម្បត្តិសុទ្ធ ១.៤ ពាន់លានដុល្លារ។ បច្ចុប្បន្ន Taylor Swift ស្ថិត​នៅ​លំដាប់​ទី​ពីរ​បន្ទាប់​ពី​តារា​រ៉េប Jay-Z ដែល​មាន​ទ្រព្យ​សម្បត្តិ​ប៉ាន់ស្មាន​ចំនួន ២.៥ ពាន់​លាន​ដុល្លារ​ក្នុង​ចំណាត់​ថ្នាក់​តន្ត្រីករ​មាន​បំផុត​របស់​ពិភពលោក។

ដូចដែលបានរាយការណ៍ដោយ Billboard បញ្ចាក់ថា Swift ជាប់ចំណាត់ថ្នាក់លេខ ២ ១១៧ ក្នុងបញ្ជីមហាសេដ្ឋីពិភពលោករបស់ Forbes ខណៈដែល Rihanna ជាប់ចំណាត់ថ្នាក់លេខ ២ ៣៣៦ ។ ប្រាក់ចំណូលរបស់នាងភាគច្រើនបានមកពីកម្រៃតន្ត្រី និងចំណូលពីការប្រគំតន្ត្រីរបស់នាងផ្ទាល់តែម្ដង។ ផ្ទុយទៅវិញ Rihanna បានប្រមូលទ្រព្យសម្បត្តិរបស់នាងជាចម្បង តាមរយៈការបណ្តាក់ទុននៅក្នុងឧស្សាហកម្មសម្រស់ និងម៉ូដ រួមទាំង Fenty Beauty និង Savage x Fenty ។

ទន្ទឹមនោះទៀតដែរ ការឡើងឋានៈជាមហាសេដ្ឋីរបស់ Taylor Swift បានចាប់ផ្តើមនៅក្នុងខែតុលា ឆ្នាំ ២០២៣ ជាមួយនឹងទ្រព្យសម្បត្តិដំបូងចំនួន ១.១ពាន់លានដុល្លារ ដែលត្រូវបានជំរុញយ៉ាងខ្លាំងដោយ The Eras Tour និងកាតាឡុកតន្ត្រីដ៏ទូលំទូលាយរបស់នាង។

ទ្រព្យសម្បត្តិរបស់នាងរួមមានប្រហែល ៦០០លានដុល្លារពីតន្ត្រី និងការប្រគំតន្ត្រី ៦០០ លានដុល្លារផ្សេងទៀតពីគំនិតផ្តួចផ្តើមរបស់នាងក្នុងការថតឡើងវិញនូវអាល់ប៊ុមមុនៗដែលមានចំណងជើងថា Taylor’s Version (២០២១) និង ១២៥ លានដុល្លារពីការវិនិយោគអចលនទ្រព្យរបស់នាង។

តាមពីក្រោយ Taylor Swift ក្នុងចំណាត់ថ្នាក់ហិរញ្ញវត្ថុរបស់តារាចំរៀងស្រីគឺ Madonna ដែលមានទឹកប្រាក់ ៨៥០ លានដុល្លារ Beyoncé ៧៦០ លានដុល្លារ Celine Dion មាន ៥៥០ លានដុល្លារ Barbra Streisand មាន ៤៦០លានដុល្លារ និង Dolly Parton មាន ៤៥០ លានដុល្លារ។

Taylor Swift អាយុ ៣៤ ឆ្នាំទទួលបានភាពល្បីល្បាញជាលើកដំបូងក្នុងឆ្នាំ ២០០៦ ជាមួយនឹងអាល់ប៊ុមតន្ត្រីប្រទេសរបស់នាង ហើយចាប់តាំងពីពេលនោះមកបានចេញអាល់ប៊ុមសរុបចំនួន ១១ ។ ពេញមួយអាជីពរបស់នាង នាងបានឈ្នះពានរង្វាន់ Grammy ចំនួន ១៤ ពានរង្វាន់ Billboard Music Awards ចំនួន ២៩ និង MTV VMA ចំនួន 30 ។ នៅឆ្នាំ ២០២៣ នាងត្រូវបានគេដាក់ឈ្មោះថា បុគ្គលប្រចាំឆ្នាំ ដោយទស្សនាវដ្តី Time ។

ដោយឡែក សម្រាប់ Rihanna វ័យ ៣៦ ឆ្នាំ ជាតារាចម្រៀង និងជាសហគ្រិនជនជាតិ Barbadian ទទួលបានពានរង្វាន់ Grammy ចំនួន ៩ ដង ពានរង្វាន់ American Music Awards ចំនួន ១៣ និងពានរង្វាន់ Billboard Music Awards ចំនួន ១២ ក្នុងអាជីពរបស់នាង បន្ថែមពីលើការកាន់កាប់កំណត់ត្រាពិភពលោក Guinness ចំនួនប្រាំមួយ។ ក្នុង​ចំណោម​បទ​ចម្រៀង​ល្បី​ៗ​របស់​នាង​មាន​បទ “Umbrella” “Diamonds” និង “Only Girl”។​ នៅខែកក្កដា ឆ្នាំ ២០២២ ទស្សនាវដ្ដី Forbes បានទទួលស្គាល់ Rihanna ជាមហាសេដ្ឋីស្រីដែលបង្កើតដោយខ្លួនឯងក្មេងជាងគេនៅសហរដ្ឋអាមេរិក៕

អត្ថបទ៖ សាង ស្រីល័ក្ខ

ចុចអាន៖ប្រហែសតែបន្តិច Kylie Jenner ជំនួសតំណែង Lisa -Jennie ធ្លាប់ជាបុគ្គលមានឥទ្ធិពលនៅ Paris Fashion Week

The post Taylor Swift វ៉ាដាច់ Rihanna ជាតន្ត្រីករស្រីដែលមានជាងគេលើលោក appeared first on Kampuchea Thmey Daily.

របាយការណ៍ដដែលបានគូសបញ្ចាក់ទៀតថា Rihanna រួមជាមួយនឹងដៃគូររ៉េបអាមេរិក A$AP Rocky បានមកដល់ទីក្រុង Jamnagar ប្រទេសឥណ្ឌាកាលពីថ្ងៃសុក្រ ក៏ជាថ្ងៃដែលចាប់ផ្តើមពិធីបុណ្យដ៏ប្រណិតរយៈពេលបីថ្ងៃសម្រាប់កូនពៅរបស់ Ambani Anant និងគូដណ្តឹង Radhika Merchant ។

លើសពីនេះទៀតដែរ បណ្តាញផ្សព្វផ្សាយ India Today បានកត់សម្គាល់ថា Rihanna បានប្រគំជាមួយបទល្បីៗដូចជា “Diamonds” “We Found Love” និង “All of the Lights” ក្នុងចំណោមបញ្ជីរាយការរបស់នាងសម្រាប់ពេលល្ងាច។​​ ព្រឹត្តិការណ៍នេះក៏មានការសម្តែងដោយជនជាតិអាមេរិក David Blaine និងសិល្បករឥណ្ឌា Diljit Dosanjh ។

ទោះយ៉ាងណាក៏ដោយ ការប្រារព្ធពិធីមុនអាពាហ៍ពិពាហ៍របស់ Ambani និង Merchant បានទាក់ទាញការចាប់អារម្មណ៍ចំពោះបញ្ជីភ្ញៀវកិត្តិយសរបស់ពួកគេ ដែលរួមមានអ្នកដឹកនាំបច្ចេកវិទ្យាអន្តរជាតិ តារាបូលីវូដ តារាតន្ត្រីពិភពលោក និងអ្នកនយោបាយដ៏គួរឱ្យកត់សម្គាល់ចាប់តាំងពីដើមសប្តាហ៍។

សារព័តមាន AFP បានរាយការណ៍ពីការចូលរួមរបស់ Meta’s Mark Zuckerberg និង Ivanka Trump ដែលជាកូនស្រីច្បងរបស់អតីតប្រធានាធិបតីសហរដ្ឋអាមេរិក ដែលបានមកដល់ប្រទេសឥណ្ឌាកាលពីថ្ងៃសុក្រសម្រាប់ពិធីបុណ្យនេះ។​អ្នកអញ្ជើញផ្សេងទៀតរួមមានស្ថាបនិកក្រុមហ៊ុន Microsoft លោក Bill Gates និងប្រធានក្រុមហ៊ុន Disney លោក Bob Iger

កាសែត Economic Times បានរាយការណ៍ថាមេចុងភៅចំនួន ២១ នាក់មកពីសណ្ឋាគារ Jardin របស់ទីក្រុង Indore នៃប្រទេសឥណ្ឌាត្រូវបានហោះហើរទៅកាន់ទីក្រុង Jamnagar ដើម្បីរៀបចំដំណើរនៃអាហារចំនួន ២,៥០០ មុខ ដែលមានមុខម្ហូបជាច្រើនប្រភេទរួមមាន ថៃ ជប៉ុន ម៉ិកស៊ិក ប៉ាស៊ី និងប៉ានអាស៊ី សម្រាប់អ្នកចូលរួមក្នុងព្រឹត្តិការណ៍នេះ។​ គ្រួសារ Ambani ក៏បានរៀបចំពិធីជប់លៀងសម្រាប់អ្នកភូមិជាង ៥១,០០០នាក់នៅឯអាជីវកម្មគ្រួសាររបស់ពួកគេ Reliance Township ៕

អត្ថបទ៖ សាង ស្រីល័ក្ខ

ចុចអាន៖ពិធីជប់លៀង មុនមង្គលការកូនប្រុសពៅមហាសេដ្ឋី ឥណ្ឌា ភ្ញៀវចូលរួមសុទ្ធតែបុគ្គលល្បីលើលោក

The post មហាសេដ្ឋីឥណ្ឌា ចាយប្រាក់ ៦.៣ លានដុល្លារ​ ជួល Rihanna សម្តែងក្នុងពិធីជប់លៀងកូនប្រុសពៅ appeared first on Kampuchea Thmey Daily.

តាមរយៈគណនី IG ផ្ទាល់ខ្លួន នាថ្ងៃ២៩ ខែមករា ឆ្នាំ២០២៤ សមាជិកក្រុម BLACKPINK រូបនេះ បាន​បង្ហោះនូវរូបភាពជាច្រើន ក្រោយសម្តែងក្នុងកម្មវិធីសប្បុរសធម៌មួយនៅ កីឡដ្ឋាន Accor Arena ក្នុងការប្រគំតន្រ្តី Gala des pieces jaunes កាលពីថ្ងៃទី ២៦ ខែមករា ឆ្នាំ ២០២៤ (ម៉ោងក្នុងស្រុក) ប្រទេសបារាំង​។ មួយក្នុងចំណោមនោះគឺជារូបភាពរវាង Lisa និង​ Rihanna ថតកៀកគ្នាយ៉ាងស្និតស្នាលបំផុត។

យ៉ាងណាក៏ដោយ​ រូបភាពឈរញញឹមកៀកគ្នារបស់ Lisa និង​ Rihanna បានធ្វើឲ្យបណ្ដាញសង្គមអ៉ិនធើណេតកក្រើកសារជាថ្មីម្ដងទៀត តាមរយៈការបញ្ចេញមតិរបស់អ្នកគាំទ្រទូទាំងពិភពលោក។ ស្របពេលដែលមហាជនជាច្រើនបានដឹងហើយថា កន្លង​មក​តារា​ស្រី​អាមេរិក​ Rihanna ក៏​បាន​ចូល​រួម​ការ​សម្ដែង​បទ​ចម្រៀង LALISA និង Money របស់ Lisa ផង​ដែរ។

លើសពីនេះទៀតដែរ ផ្អែកតាមតាម​របាយការណ៍​បញ្ជាក់​ថា​ នេះប្រហែលជាមិនមែនជាលើកទីមួយទេដែលអ្នកទាំងពីរបានជួបគ្នាឡើយ។ ដោយសារតែនៅក្នុងខែធ្នូ ឆ្នាំ ២០២៣ Lisa ក៏បានធ្វើដំណើរទៅចូលរួមកម្មវិធីខួបកំណើតរបស់តារាចម្រៀងរ៉េប និងផលិតករដ៏ល្បីល្បាញ Jay-Z ​ ដែលជាពិធីជប់លៀងចូលរួមដោយ Rihanna។

បន្ថែមពីនេះទៀត ការប្រគុំតន្ត្រី Gala Des Pièces Jaunes 2024 ដែលប្រារព្ធឡើងនៅ Accor Arena ទីក្រុងប៉ារីស ប្រទេសបារាំង នាថ្ងៃទី២៧ ខែមករា ឆ្នាំ ២០២៤ ក៏មានវត្តមានសិល្បករជាច្រើនបានចូលរួមក្នុងព្រឹត្តិការណ៍នេះ ដូចជា Rihanna, Marou Five, Farre. Bill Williams, J. Balvin, Stray Kids និងតារាប្រុសស្រីល្បីៗច្រើនទៀត៕

អត្ថបទ៖ សាង ស្រីល័ក្ខ

ចុចអាន៖អ្នកគាំទ្រ​ចិន ចាប់ផ្ដើមចូលចិត្ត Lisa​ វិញ​ ក្រោយ​ទស្សនា​ការ​សម្ដែង​ទោល​ដំបូងនៅបារាំង

The post Lisa បង្ហោះរូបថតជាមួយ Rihanna ជាលើកដំបូង appeared first on Kampuchea Thmey Daily.