Lewandowski បានលេងនៅ Barcelona ៤ រដូវកាលហើយ ពោលតាំងពីរដូវកាល ២០២២-២០២៣ មក បន្ទាប់ពីចាកចេញពី Bayern Munich។ កីឡាករនឹងអស់សុពលភាពកិច្ចសន្យាជាមួយក្រុមអ្នកមានបុណ្យនៅខែ មិថុនា ឆ្នាំ ២០២៦ ប៉ុន្តែយោងតាមសារព័ត៌មាន BBC Sport បានឱ្យដឹង ថា អតីតខ្សែប្រយុទ្ធ Bayern Munich នឹងមិនបន្តកិច្ចសន្យាថ្មីឡើយ ដោយសម្រេចចិត្តចាកចេញនៅចុងបញ្ចប់រដូវកាលនេះ។

បច្ចុប្បន្ន Lewandowski កំពុងត្រូវបានគេចាត់ទុក ជាវីបុរសមួយរូបរបស់ក្លិប ដោយសាររូបគេជាកីឡាករមានឆន្ទៈខ្ពស់មួយរូប ដែលបានមកជួយ Barcelona អំឡុងពេលស្ថិតក្នុងគ្រាដ៏លំបាក។ ក្នុងការលេងនៅ Barcelona ៤ ឆ្នាំមកនេះ ខ្សែប្រយុទ្ធសញ្ជាតិ ប៉ូឡូញ រកបាន ១១៨ គ្រាប់ ពីការលេង ១៨៨ ប្រកួត។ ជាមួយគ្នានេះ កីឡាករបានឈ្នះពាន La Liga ២ លើក, Copa del Rey ១ លើក និង Spanish Super Cup ៣ លើក។

ក្រោយមានព័ត៌មានច្បាស់ការ អំពីការចាកចេញរបស់ Lewandowski ក្លិប Barcelona ក៏បានត្រៀមផែនការរួចរាល់ផងដែរ ដោយបានកំណត់មុខសញ្ញាលើខ្សែប្រយុទ្ធក្រុម Atletico Madrid កីឡាករ Julian Alvarez ជាគោលដៅផ្ទេរធំបំផុតរបស់ពួកគេ។​ ទោះបីជាយ៉ាងណា នៅក្នុងខណៈពេលនេះ Barcelona កំពុងជួបបញ្ហាធំមួយ គឺរឿងតម្លៃ ដោយសារ At Madrid ដាក់តម្លៃខ្ពស់ខ្លាំង រហូតដល់ទៅ ១៤០.៩១ លានដុល្លារអាមេរិកឯណោះ៕

ប្រែសម្រួល៖ សេម កុសល
ប្រភព៖ GOAL

The post Barcelona ចុចឈ្មោះខ្សែប្រយុទ្ធម្នាក់ជាគោលដៅធំ ក្រោយ Lewandowski សម្រេចចិត្តចាកចេញ appeared first on Kampuchea Thmey Daily.

កីឡាករ Cristiano Ronaldo រកបានគ្រាប់បាល់នៅក្លិបសរុបចំនួន ៨១៧ គ្រាប់ ក្នុងនោះ ១៤៥ គ្រាប់នៅ Manchester United, ៤៥០ គ្រាប់នៅ Real Madrid, ១០១ គ្រាប់នៅ Juventus និង ១២១ គ្រាប់នៅ Al-Nassr។

ខ្សែប្រយុទ្ធ Robert Lewandowski របស់ក្រុម Barcelona ឈរនៅលំដាប់លេខ ២ រកបាន ៥៦២ គ្រាប់នៅក្លិបអាជីព ក្នុងនោះរកបាន ១០៣ គ្រាប់នៅ Borrusia Dortmund, ៣៤៤ គ្រាប់នៅ Bayern Munich និង ១១៥ គ្រាប់នៅ Barcelona។

Neymar Jr. ខ្សែប្រយុទ្ធរបស់ Santos ឈរនៅលំដាប់លេខ ៣ ដោយរកបានគ្រាប់បាល់នៅក្លិបសរុបចំនួន ៣២៧ គ្រាប់ ក្នុងនោះ ១០៥ គ្រាប់នៅ Barcelona, ១០១ គ្រាប់នៅ Paris Saint-Germain និង ១២១ គ្រាប់នៅ Santos។

គួរបញ្ជាក់ ថា ក្រៅពីកីឡាករទាំង ៣ ខាងលើ គឺពុំទាន់មានកីឡាករណាផ្សេងក្នុងសតវត្សទី ២១ ដែលអាចរកបានគ្រាប់បាល់ច្រើនជាង ១០០ គ្រាប់ ឱ្យច្រើនជាង ៣ ក្លិបដូចនេះនោះទេ៕

ប្រែសម្រួល៖ សេម កុសល
ប្រភព៖ Sportkeeda

The post Neymar, Ronaldo និង Lewandowski ជាកីឡាករ ៣ នាក់​គត់​ស៊ុត​បាន​ជាង​ ១០០​ គ្រាប់ឱ្យក្លិប​មួយ​ៗ ៣ ផ្សេងគ្នា appeared first on Kampuchea Thmey Daily.

ខ្សែប្រយុទ្ធកណ្តាល Robert Lewandowski បច្ចុប្បន្នមានវ័យកាន់តែជ្រែខ្លាំងហើយ ខណៈកិច្ចសន្យារបស់គាត់ក៏កាន់តែជិតផុតកំណត់ដែរ ដោយមានសុភាពត្រឹមចុងបញ្ចប់រដូវកាល ២០២៥-២០២៦ ។ ចំណុចនេះបានធ្វើឱ្យ Barcelona កំពុងស្វះស្វែងយ៉ាងខ្លាំង ដើម្បីស្វែងរកអ្នកមកជំនួស ហើយឥឡូវនេះ ពួកគេមានសម្លឹងឃើញបេក្ខភាពដ៏សក្តិសមចំនួន ២ នាក់។

យោងតាមការចុះផ្សាយដោយ ESPN បានឱ្យដឹង ថា ក្លិបអ្នកមានបុណ្យ FC Barcelona បានសម្លឹងឃើញខ្សែប្រយុទ្ធរបស់ Juventus កីឡាករ Dusan Vlahovic និងខ្សែប្រយុទ្ធរបស់ Atletico Madrid កីឡាករ Julian Alvarez ជាជម្រើសដ៏សក្តិសម ដើម្បីជំនួស Robert Lewandowski។

គួរឱ្យដឹង ថា Dusan Vlahovic នឹងផុតកិច្ចសន្យាជាមួយ Juventus នៅចុងបញ្ចប់រដូវកាលនេះហើយ។ ដូច្នេះនៅរដូវក្តៅខាងមុខ ខ្សែប្រយុទ្ធសញ្ជាតិ ស៊ែប៊ី វ័យ ២៦ ឆ្នាំនឹងក្លាយជាកីឡាករផ្ទេរគ្មានតម្លៃខ្លួន។ ដោយឡែក Alvarez វិញ អាចនឹងក្លាយជាឧបសគ្គបន្តិចសម្រាប់ក្រុមអ្នកមានបុណ្យ ដោយសាររូបគេនៅសល់កិច្ចសន្យាជាមួយ At Madrid ដល់ខែ មិថុនា ឆ្នាំ ២០៣០ ឯណោះ ហើយតម្លៃខ្លួននៅលើទីផ្សារវិញ ក៏ថ្លៃផងដែរ រហូតដល់ទៅ ១២០ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ ESPN

The post Barcelona សម្លឹងឃើញជម្រើសខ្សែប្រយុទ្ធឆ្នើម ២ រូប អាច​ជំនួស Lewandowski appeared first on Kampuchea Thmey Daily.

កាលពីយប់មិញ ថ្ងៃ អាទិត្យ ទី ០៥ ខែ កក្កដា ឆ្នាំ ២០២៥ ក្រុមអ្នកមានបុណ្យ FC Barcelona បានរងបរាជ័យយ៉ាងចាស់ដៃ ក្នុងការប្រកួតសប្តាហ៍ទី ៨ នៃក្របខណ្ឌ La Liga ក្រោមថ្វីជើងក្រុម Sevilla ក្នុងលទ្ធផល ៤ ទល់នឹង ១។

គ្រាប់បាល់ ៤ គ្រាប់របស់ Sevilla គឺរកបានដោយកីឡាករ Alexis Sanchez នៅនាទីទី ១៣, កីឡាករ Isaac Romero នៅនាទីទី ៣៧, កីឡាករ Jose Angel Carmona នៅនាទីទី ៩០ និងចុងក្រោយរកបានដោយកីឡាករ Akor Adams នៅនាទីទី ៩០+៦។ ចំណែក ១ គ្រាប់របស់ក្រុមភ្ញៀវ Barcelona វិញ គឺរកបានដោយកីឡាករ Marcus Rashford នៅនាទីទី ៤០+៥។

ក្រោយការបរាជ័យនេះ Lewandowski បានក្លាយជាផ្ទាំងស៊ីបធំបំផុត ដែលត្រូវបានអ្នកគាំទ្រលើកមកជជែកច្រើនជាងគេនៅលើបណ្តាញសង្គម។ ស្ថិតិរបស់ខ្សែប្រយុទ្ធវ័យ ៣៧ ឆ្នាំរូបនេះ ហាក់មិនល្អទាល់តែសោះ នាប៉ុន្មានប្រកួតចុងក្រោយ ខណៈការប្រកួតយប់មិញ រូបគេបានខកខានការស៊ុតប៉េណាល់ទី ១ លើក រកគ្រាប់បាល់ ក៏ដូចជាគ្រាប់ assist មិនបានសូម្បីមួយគ្រាប់ ស៊ុតចំគោលដៅ ០ លើក និងខកខានការស៊ុតបញ្ចូលទីឱកាសធំមួយលើក។

ពាក់ព័ន្ធនឹងចំណុចនេះ អ្នកគាំទ្របាននាំគ្នាបញ្ចេញមតិនៅលើបណ្តាញសង្គម X ដូចខាងក្រោម៖

អ្នកគាំទ្រម្នាក់បានបញ្ចេញមតិ ថា៖ «Lewa មិនគួរឱ្យពួកយើងបន្តទៀតទេ។ ខ្ញុំពិតជាមិនខ្វល់ទេ។ ដូចគ្នាជាមួយ Olmo ផងដែរ នៅទីផ្សារដោះដូរកីឡាករខែ មករា ពួកយើងត្រូវតែបញ្ចេញកីឡាករទាំងនោះចេញ។ Arajou Olmo Lewa លោក Flick»។

អ្នកគាំទ្រម្នាក់ទៀត បានបញ្ចេញមតិ ថា៖ «Lewa ខកខានឱកាសគ្រាប់យ៉ាង»។ ចំណែកអ្នកគាំទ្រម្នាក់ទៀតបានសរសេរ ថា៖ «Sevilla មិនបានឈ្នះក្នុងដីគ្រប់រដូវកាល រហូតទាល់តែខ្ញុំភ្នាល់លើ Barca ដើម្បីឈ្នះនៅទីនេះ…។ Lewa មិនបានពាក់កណ្តាលកីឡាករ Aguero ធ្លាប់ធ្វើនៅទីនេះផង»៕

ប្រែសម្រួល៖ សេម កុសល
ប្រភព៖ Sportskeeda

The post អ្នកគាំទ្រ Barcelona ទទូចឱ្យតារាឆ្នើមម្នាក់ចាកចេញពីក្លិប ក្រោយចាញ់ Sevilla យប់មិញ appeared first on Kampuchea Thmey Daily.

ខ្សែប្រយុទ្ធស្លាបសញ្ជាតិ អេស្ប៉ាញ វ័យ ១៨ ឆ្នាំ កំពុងដើរតួនាទីជាកីឡាករដ៏សំខាន់របស់ Barcelona ជាមួយដៃគូប្រយុទ្ធខាងលើរួមមាន Robert Lewandowski និង Raphinha ជាដើម។ ជាមួយគ្នានេះ តាមរយៈទេពកោសល្យ និងសមត្ថភាពដ៏ពិសេសរបស់គេ គឺបានធ្វើឱ្យអ្នកគាំទ្រលើពិភពលោក តែងតែយករូបគេទៅប្រៀបធៀបជាមួយកីឡាករឆ្នើមៗជាច្រើន ដូចជា Neymar, Lionel Messi និង Cristiano Ronaldo។

Lewandowski ដែលជាមិត្តរួមក្រុមរបស់ Yamal ក៏បានមើលឃើញអំពីសមត្ថភាពដ៏កម្ររបស់រូបគេបែបនេះដែរ ដោយលោកចាត់ទុកខ្សែប្រយុទ្ធអេស្ប៉ាញ រូបនេះជាកីឡាករកម្រដូច Messi និង Ronaldo ហើយរយៈពេល ១០ ឆ្នាំ ទើបកើតម្តង។ ដកស្រង់ពាក្យសម្តីដើមចេញពីអ្នកកាសែត អ៉ីតាលី លោក Fabrizio Romano ខ្សែប្រយុទ្ធសញ្ជាតិ ប៉ូឡូញ វ័យ ៣៦ ឆ្នាំនិយាយថា៖ «Lamine Yamal គឺជាកីឡាករកម្រម្នាក់ ដូច Messi និង Ronaldo ផងដែរ។ កីឡាករដូចគាត់បែបនេះ អ្នកនឹងបានឃើញក្នុងរយៈពេល ១០ ឆ្នាំម្តងប៉ុណ្ណោះ»។

គួរឱ្យដឹងថា Lamine Yamal បច្ចុប្បន្នមានវ័យទើប ១៨ ឆ្នាំប៉ុណ្ណោះ ប៉ុន្តែរូបគេបានក្លាយជាកីឡាករម្នាក់ ដែលតែងតែធ្វើឱ្យក្រុមគូប្រជែងពិបាក​ទប់​ទល់។ កាលពីរដូវកាលមុន ២០២៤-២០២៥ រូបគេបង្ហាញខ្លួនជាមួយ Barcelona សរុបចំនួន ៥៥ ប្រកួត ក្នុងនោះរកបាន ១៨ គ្រាប់ និង ២៥ បញ្ជូន (assist)៕

អត្ថបទ៖ សេម កុសល
ប្រភព៖ Fabrizio Romano

The post Lewandowski ចាត់ទុក Yamal ជាកីឡាករកម្រដូច Messi & CR7 ដោយ​១០ឆ្នាំទើបកើតម្តង appeared first on Kampuchea Thmey Daily.

យោងតាមការចុះផ្សាយដោយសារព័ត៌មាន ESPN បានឱ្យដឹងថា ខ្សែប្រយុទ្ធសញ្ជាតិ ប៉ូឡូញ កំពុងស្ថិតក្នុងការសង្ស័យ សម្រាប់ការប្រកួតវគ្គផ្តាច់ព្រ័ត្រពាន Copa del Rey ទល់នឹង Real Madrid នៅចុងសប្តាហ៍នេះ បន្ទាប់ពីគាត់ត្រូវបានក្លិប​​បញ្ជាក់​ពី​របួសសាច់ដុំភ្លៅខាងឆ្វេង។

Lewandowski បានរងរបួសនេះ នៅក្នុងការប្រកួតក្របខណ្ឌ La Liga កាលពីថ្ងៃ សៅរិ៍ ទី ១៩ ខែ​មេសា​ កន្លងទៅ ដែល Barcelona បានយកឈ្នះលើ Celta Vigo ក្នុង​លទ្ធផល ៤-៣ ហើយគាត់ត្រូវបានផ្លាស់ប្តូរចេញ​នៅនាទីទី ៧៨។

យ៉ាងណា ជុំវិញស្ថានភាពរបួសនេះ Lewandowski ត្រូវបានគេសង្ស័យថា មិនត្រឹមតែនឹងអវត្តមានការប្រកួតវគ្គផ្តាច់ព្រ័ត្រ Copa del Rey ចុងសប្តាហ៍នេះប៉ុណ្ណោះទេ សូម្បីការប្រកួតវគ្គពាក់កណ្តាលផ្តាច់ព្រ័ត្រពាន Champions League ទល់នឹង Inter Milan ទាំង ២ ជើងក៏គាត់ទំនងអវត្តមានផងដែរ៕

ប្រែសម្រួល៖ សេម កុសល
ប្រភព៖ ESPN

The post វគ្គ​ផ្តាច់ព្រ័ត្រ Copa del Rey ចុងសប្តាហ៍នេះ Barcelona ទំនងអវត្តមានខ្សែប្រយុទ្ធសំខាន់ម្នាក់ appeared first on Kampuchea Thmey Daily.