Rodrygo ត្រូវបានក្លិប Real Madrid ចុះកិច្ចសន្យាយកបានពី Santos នៅឆ្នាំ ២០១៩ ក្នុងតម្លៃ ៥១ លានដុល្លារអាមេរិក។ អំឡុងពេលស្ថិតក្រោមការដឹកនាំរបស់លោក Zinedine Zidane និងលោក Carlo Ancelotti ខ្សែប្រយុទ្ធសញ្ជាតិ ប្រេស៊ីល រូបនេះ បានក្លាយជាកីឡាករដ៏សំខាន់ និងបង្ហាញខ្លួនស្ទើរគ្រប់ការប្រកួត ប៉ុន្តែចាប់ពីលោក Xabi Alonso ចូលដឹកនាំនៅរដូវកាល ២០២៥-២០២៦ នេះ Rodrygo មិនសូវបានបង្ហាញខ្លួនជាប់លាប់នោះទេ។

កន្លងមក Arsenal, Chelsea និង Liverpool ត្រូវបានគេអះអាងថា មានបំណងចង់បាន Rodrygo។ ប៉ុន្តែ Liverpool ពេលនោះចាប់អារម្មណ៍លើ Florian Wirtz ជាង ហើយចុងក្រោយពួកគេ បានទិញយកខ្សែប្រយុទ្ធសញ្ជាតិ អាល្លឺម៉ង់ វ័យ ក្នុងតម្លៃ ១៥២.៦៨ លានដុល្លារអាមេរិក។

ងាកមកកាន់ Real Madrid វិញ ក៏ធ្លាប់ចង់ទិញ Wirtz ដែរ ប៉ុន្តែពួកគេមិនហ៊ានចាយលុយក្នុងតម្លៃខ្ពស់តាមដែល Bayer Leverkusen ត្រូវការ។ បច្ចុប្បន្ន ខណៈពេល Wirtz កំពុងប្រឈមភាពលំបាកសម្រាប់ការសម្របខ្លួននៅ Premier League ស្រាប់តែក្លិប Real Madrid មានបំណងចង់ដាក់ Rodrygo ជាលក្ខខណ្ឌដើម្បីប្តូរយក Wirtz មកវិញ។

របាយការណ៍បាននិយាយថា Xabi Alonso គឺពេញចិត្តខ្លាំង ប្រសិនបើបាន Wirtz មកចូលរួមជាមួយក្រុម។ ទោះបីយ៉ាងណា ការផ្លាស់ប្តូរនេះ នឹងក្លាយជារឿងលំបាក ព្រោះ Liverpool ឥឡូវនេះ មិនមានបំណងចង់បញ្ចេញខ្សែប្រយុទ្ធសញ្ជាតិ អាល្លឺម៉ង់ វ័យ ២២ ឆ្នាំ នៅពេលឆាប់ៗនេះនោះទេ៕

ប្រែសម្រួល៖ សេម កុសល
ប្រភព៖ Sportbible

The post លោក Xabi Alonso ពិចារណាដាក់ខ្សែប្រយុទ្ធខ្លួនម្នាក់ ប្តូរយក Wirtz ពី Liverpool មកវិញ appeared first on Kampuchea Thmey Daily.

យោងតាមការចុះផ្សាយរបស់សារព័ត៌មាន Fichajes បានឱ្យដឹងថា ក្លិប Man City បានត្រៀមរួចរាល់ ក្នុងការផ្តល់ជូនសំណើទឹកប្រាក់ ១១៧ លានដុល្លារអាមេរិកទៅ Real Madrid ដើម្បីចរចាយក Rodrygo នៅរដូវក្តៅនេះ។

អនាគតរបស់ខ្សែប្រយុទ្ធស្លាបសញ្ជាតិ ប្រេស៊ីល វ័យ ២៤ ឆ្នាំរូបនេះ ត្រូវបានគេដឹងថា ទំនងជាមិនអាចបន្តនៅ Real Madrid បានយូរអង្វែងទៀតនោះទេ បន្ទាប់ពីរូបគេមិនត្រូវបានគ្រូបង្វឹកថ្មីលោក Xabo Alonso រាប់ចូលទៅក្នុងផែនការរបស់លោក។

ថ្មីៗនេះមានរបាយការណ៍បន្ថែមថា ក្លិបអធិរាជស Real Madrid ក៏កំពុងពិចារណាចង់លក់ Rodrygo ចេញដែរ ប្រសិនបើមានសំណើសមស្របណាមួយពីក្លិបផ្សេងៗ។ យ៉ាងណា នាពេលកន្លងមក ក៏មានក្លិបជាច្រើនចាប់អារម្មណ៍លើខ្សែប្រយុទ្ធ ប្រេស៊ីល រូបនេះដែរ ដោយក្រៅតែអំពី Man City ក្នុងនោះមាន Arsenal និង Liverpool ជាដើម។

គួរបញ្ជាក់ថា Rodrygo គឺនៅសល់កិច្ចសន្យាជាមួយ Real Madrid រយៈពេល ៣ ឆ្នាំទៀត ពោលគឺដល់ខែ មិថុនា ឆ្នាំ ២០២៨៕

ប្រែសម្រួល៖ សេម កុសល
ប្រភព៖ Sportskeeda

The post ក្លិបយក្ស អង់គ្លេស មួយត្រៀមបោះសំណើ ១១៧ លានដុល្លារចរចាយក Rodrygo ពី Real Madrid appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា ការចាប់អារម្មណ៍ចង់បានរបស់ Man City ទៅលើ Rodrygo នេះ គឺជាការស្នើសុំរបស់អ្នកចាត់ការលោក Pep Guardiola។

ប្រភពដដែលបានបន្ថែមទៀតថា Real Madrid នឹងបិទផ្លូវឱ្យខ្សែប្រយុទ្ធសញ្ជតិ ប្រេស៊ីល វ័យ ២៥ ឆ្នាំចាកចេញនោះទេ ប៉ុន្តែពួកគេប្រាប់ទៅភាគក្លិប Man City ថា ពួកគេត្រូវការលុយចំនួន ១១៦ លានដុល្លារអាមេរិកពីការផ្ទេរនេះ។

គួរឱ្យដឹងថា Rodrygo គឺជាខ្សែប្រយុទ្ធដ៏មានទេពកោសល្យម្នាក់ ប៉ុន្តែជាង ១ រដូវកាលចុងក្រោយនេះ រូបគេហាក់ពុំសូវមាននាទីលេងច្រើនឡើយ បន្ទាប់ពី Kylian Mbappe មកដល់ ហើយនៅរដូវកាលថ្មីនេះទៀតសោត មានព័ត៌មានលេចឮថា គ្រូបង្វឹកលោក Xabi Alonso ក៏គ្រោងនឹងមិនប្រើរូបគេផងដែរ៕

ប្រែសម្រួល៖ សេម កុសល
ប្រភព៖ Fabrizio Romano

The post លោក Pep ទទូចឱ្យ Man City ចុះកុងត្រាយកខ្សែប្រយុទ្ធតម្លៃ ១០០ លានម្នាក់ពី Real Madrid appeared first on Kampuchea Thmey Daily.

កាលពីពេលថ្មីៗនេះ មានសេចក្តីរាយការណ៍នៅបរទេសជាច្រើនបានចុះផ្សាយថា Real Madrid បានសម្រេចចិត្តរួចរាល់នឹងលក់​កីឡាករ Rodrygo ចេញនៅរដូវក្តៅនេះ ប្រសិនបើមានការផ្តល់ជូននូវសំណើសមស្របណាមួយពីក្លិបដទៃ។

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano ថា បច្ចុប្បន្នមានក្លិបចំនួន ៣ រួមមាន Manchester City, Arsenal និង Paris Saint-Germain បានទាក់ទងទៅភ្នាក់ងាររបស់ Rodrygo រួចរាល់ ដើម្បីចរចាអំពីការផ្ទេរខ្សែប្រយុទ្ធវ័យ ២៤ ឆ្នាំរូបនេះ។

គួរបញ្ជាក់ថា Rodrygo គឺនៅសល់កិច្ចសន្យាជាមួយ Real Madrid រយៈពេល ៣ ឆ្នាំទៀត ពោលគឺដល់ខែ មិថុនា ឆ្នាំ ២០២៨ ខណៈបច្ចុប្បន្នរូបគេមានតម្លៃខ្លួននៅលើទីផ្សារចំនួន ១០៥.៩៥ លានដុល្លារអាមេរិក៕

ប្រែសម្រួល៖ កុសល
ប្រភព៖ Fabrizio Romano

The post ក្លិបកម្រិត​ UCL ៣ កំពុងប្រជែងគ្នាចង់បាន Rodrygo នៅរដូវក្តៅនេះ appeared first on Kampuchea Thmey Daily.

ក្នុងរដូវកាល ២០២៤-២០២៥ នេះ Rodrygo នៅតែជាកីឡាករក្នុងជម្រើសដំបូងរបស់អ្នកចាត់ការលោក Carlo Ancelotti ប៉ុន្តែរូបគេហាក់ពុំសូវលេចធ្លោរខ្លាំងដូចរដូវកាលមុនៗនោះទេ បន្ទាប់ពីខ្សែប្រយុទ្ធសញ្ជាតិ បារាំង Kylian Mbappe មកដល់។

យោងតាមការចុះផ្សាយដោយសារព័ត៌មាន El Chiringuito ដែលដកស្រង់បន្តចេញពីអ្នកកាសែត អ៉ីតាលី លោក Fabrizio Romano បានឱ្យដឹងថា Real Madrid បានត្រៀមរួចរាល់ហើយ ដើម្បីដាក់លក់ Rodrygo នៅទីផ្សារដោះដូរកីឡាកររដូវក្តៅនេះ ប្រសិនបើមានក្លិបណាមួយហ៊ានផ្តល់សំណើសមស្របសម្រាប់ខ្សែប្រយុទ្ធសញ្ជាតិ ប្រេស៊ីល វ័យ ២៤ ឆ្នាំរូបនេះ។

សូមបញ្ជាក់ថា Rodrygo គឺនៅសល់កិច្ចសន្យារយៈពេល ៣ ឆ្នាំទៀត ជាមួយក្រុមអធិរាជស ពោលគឺដល់ខែ មិថុនា ឆ្នាំ ២០២៨៕

ប្រែសម្រួល៖ សេម កុសល
ប្រភព៖ Fabrizio Romano

The post Real Madrid សម្រេចចិត្តដាក់លក់ខ្សែប្រយុទ្ធឆ្នើមម្នាក់នៅរដូវក្តៅនេះ appeared first on Kampuchea Thmey Daily.