Salt Bae Archives - Kampuchea Thmey Daily

Salt Bae មានប្រវត្តិបែបណា មុនក្លាយជាស្ដេចរោយអំបិលលើសាច់អាំងខ្ចប់សន្លឹកមាស

សាង ស្រីល័ក្ខ — Mon, 26 Dec 2022 01:00:00 +0000

អ្នកចូលចិត្តសាច់អាំងនិងនិយមលេងអ៉ិនធើណេត ប្រាកដជាស្គាល់ Salt Bae ច្បាស់ដោយសារហាងសាច់អាំងរោយអំបិលដ៏ល្បីល្បាញរបស់លោក ដែលមានទីតាំងនៅទីក្រុង ញូយក, ឌូបៃ, អ៊ីស្តង់ប៊ុល និងទីតាំងផ្សេងទៀត នៅជុំវិញពិភពលោក។

ស្ដេចរោយអំបិលរូបនេះមានឈ្មោះពិតថា Nusret Gökç បានក្លាយជាតារាអ៊ីនធឺណិតដែលមានគេទទួលស្គាល់ ហើយមនុស្សជុំវិញពិភពលោកបានសម្រុកចូលភោជនីយដ្ឋានរបស់លោក ដោយសារតែស្នាដៃអំបិលលើអាហារដ៏ចំណាន។ Salt Bae បានបម្រើអាហារដល់តារាល្បីៗដូចជា Leonardo Di Caprio, DJ Khalid និង David Bechkam និងអ្នកនយោបាយមកពីជុំវិញពិភពលោក ឲ្យបានស្គាល់ពីស្នាដៃអាំងសាច់រោយអំបិល។ ដូច្នេះវាមិនមែនជារឿងចម្លែកទេ ដែល Nusret មានទ្រព្យសម្បត្តិច្រើន និងទទួលបានការចាប់អារម្មណ៍ពីភាពជោគជ័យទាំងអស់របស់លោក នៅក្នុងជាជីពជាចុងភៅមួយរូប។

លោកកើតនៅថ្ងៃទី ៩ ខែសីហា ឆ្នាំ ១៩៨៣ ក្នុងគ្រួសារជនជាតិ Kurdish ដ៏ក្រីក្របំផុត នៃក្រុង Erzurum ប្រទេសតួកគី ឪពុករបស់គាត់គឺ Faik ដែលជាកម្មករអណ្តូងរ៉ែ ហើយម្តាយ Fatima គឺជាមេផ្ទះ។ គាត់មានបងប្អូន ៣ នាក់គឺ Erman Ugur និង Ozgur។ លោកបានឈប់រៀននៅអាយុ ១១ ឆ្នាំ ហើយក្លាយជាកូនជាងកាត់សាច់ ដើម្បីជួយទ្រទ្រង់ផ្នែកហិរញ្ញវត្ថុរបស់គ្រួសារ។ ពេលនោះហើយ គឺជាអំឡុងពេលដែលលោកត្រូវបានបំផុសគំនិត ឲ្យក្លាយជាចុងភៅ។ នៅក្នុងឆ្នាំ ២០០៩ Gokce បានផ្លាស់ទៅ Buenos Aires ជាកន្លែងដែលលោកធ្វើការនៅភោជនីយដ្ឋានមួយ ហើយបានស្វែងយល់បន្ថែមអំពីឧស្សាហកម្មសាច់។ បន្ទាប់មកនៅឆ្នាំ ២០១០ នៅអាយុ ២៧ ឆ្នាំ លោកបានបើកហាងសាច់អាំង Nusr-Et ដំបូង នៅក្នុងសង្កាត់មួយ នៃទីក្រុងអ៊ីស្តង់ប៊ុល។

មិនយូរប៉ុន្មាន ពាណិជ្ជករទួកគីម្នាក់ បានញ៉ាំអាហារនៅភោជនីយដ្ឋានរបស់លោក ហើយមានការចាប់អារម្មណ៍យ៉ាងខ្លាំង និងបានបណ្ដាក់ទុន បើកទីតាំងបន្ថែមទៀតជាមួយលោក។ ក្នុងឆ្នាំ ២០១៧ កេរ្តិ៍ឈ្មោះរបស់ Salt Bae បានកើនឡើង បន្ទាប់ពីវីដេអូរបស់លោក កំពុងរៀបចំអាហារត្រូវបានបង្ហោះនៅលើ Instagram និង Twitter នៅក្នុងភោជនីយដ្ឋានផ្ទាល់របស់លោក។

អាកប្បកិរិយាប្រកបដោយទំនុកចិត្ត និងវិធីដែលលោកប្រោះអំបិលលើអាហារ បានធ្វើឲ្យវីដេអូនេះរីករាលដាលពេញបណ្ដាញសង្គមត្រឹមមួយពព្រិចភ្នែក ហើយឈ្មោះ Salt Bae ត្រូវបានគេដាក់រហស្សនាមនិងស្គាល់យ៉ាងច្បាស់ ដោយសារភាពល្បីល្បាញតាមអ៊ីនធឺណិត និងទីតាំងដែលលោកបានបើក កាន់តែច្រើននៅជុំវិញពិភពលោក។ គិតត្រឹមឆ្នាំ ២០២២ ទ្រព្យសម្បត្តិសុទ្ធរបស់បុរសវ័យ ៣៩ ឆ្នាំនេះ ត្រូវបានគេប៉ាន់ប្រមាណសរុបគឺ ៤២.៥ លានដុល្លារអាមេរិកឯណោះ។ គាត់មានរថយន្តប្រណិតៗជាច្រើនដូចជាLamborghini Huracan Performante, Lamborghini Aventador SV, Bentley Continental GT, Mercedes- AMG G63, Lamborghini Urus, និង Rolls Royce Cullinan និងថែមទាំងមានផ្ទះប្រណិតធំៗជាច្រើនផងដែរ។

ទោះយ៉ាងណា ត្បិតថា Salt Bae ទទួលបានកេរ្តិ៍ឈ្មោះល្បីល្បាញក៏ពិតមែន តែស្ដេចរោយអំបិលរូបនេះកំពុងត្រូវបាន FIFA ស៊ើបអង្កេតជាបន្ទាន់ បន្ទាប់ពីរូបលោកបានបំពានច្បាប់ FIFA ដោយចូលទៅខាងក្នុងតារាងបាល់ទាត់ដើម្បីអបអរជាមួយខ្សែប្រយុទ្ធអាហ្សង់ទីន Lionel Messi នៅវគ្គផ្តាច់ព្រ័ត្រ World Cup 2022៕

ប្រែសម្រួល៖ សាង ស្រីល័ក្ខ

ចុចអាន៖FIFA បើកការស៊ើបអង្កេត ក្រោយស្ដេចរោយអំបិល Salt Bae បំពានច្បាប់ចូល ទីលានប្រកួត World Cup

ចុចអាន៖អាវផាយដែល Messi ពាក់លើកពាន World Cup ថ្ងៃមុន ជារង្វាន់ពីឥស្សរជនជាន់ខ្ពស់មួយរូប

The post Salt Bae មានប្រវត្តិបែបណា មុនក្លាយជាស្ដេចរោយអំបិលលើសាច់អាំងខ្ចប់សន្លឹកមាស appeared first on Kampuchea Thmey Daily.

FIFA បើកការស៊ើបអង្កេត ក្រោយស្ដេចរោយអំបិល Salt Bae បំពានច្បាប់ចូល ទីលានប្រកួត World Cup

សាង ស្រីល័ក្ខ — Sun, 25 Dec 2022 09:07:10 +0000

FIFA បានចាប់ផ្ដើមស៊ើបអង្កេតទ្រង់ទ្រាយធំ ក្រោយរូបភាពនិងវីដេអូរបស់មេចុងភៅទួរគីដ៏ល្បី Salt Bae បានបំពានច្បាប់ចូលទៅទីលានប្រកួត World Cup នៅវគ្គផ្តាច់ព្រ័ត្រដើម្បីអបអរជាមួយកីឡាករអាហ្សង់ទីន។

លោក Nusret Gokce ដែលជាម្ចាស់ភោជនីយដ្ឋានច្រើនកន្លែងលើពិភពលោក និងត្រូវបានគេស្គាល់ថាជា Salt Bae ស្ដេចរោយអំបិលលើសាច់គោអាំងខ្ចប់សន្លឹកមាស បានបង្ហោះវីដេអូ និងរូបថតនៅលើទំព័រ Instagram របស់គាត់ ជាមួយនឹងកីឡាករអាហ្សង់ទីន បន្ទាប់ពីពួកគេយកឈ្នះបារាំងក្នុងវគ្គផ្ដាច់ព្រ័ត្រ ខណៈមេចុងភៅរូបនេះក៏បានថតរូបកាន់ពានរង្វាន់ World Cup ផងដែរ។

ជាងនេះទៅទៀត វីដេអូដែលចែកចាយនៅលើប្រព័ន្ធផ្សព្វផ្សាយសង្គម ក៏បានបង្ហាញពី Salt Bae ចាប់ដៃរបស់ខ្សែប្រយុទ្ធ Lionel Messi ដើម្បីទាក់ទាញចំណាប់អារម្មណ៍ពីប្រធានក្រុមអាហ្សង់ទីន។

បើយោងតាមគេហទំព័ររបស់ FIFA បានបញ្ជាក់ថា ពានរង្វាន់អាចត្រូវបានប៉ះដោយថ្នាក់ដឹកនាំប្រទេស នៃក្រុមជម្រើសជាតិដែលឈ្នះពាន រួមទាំងអតីតអ្នកឈ្នះ និងប្រមុខរដ្ឋប៉ុណ្ណោះ។

ទោះយ៉ាងណា ស្ថាប័នគ្រប់គ្រងបាល់ទាត់ពិភពលោកបាននិយាយនៅក្នុងសេចក្តីថ្លែងការណ៍មួយថា “បន្ទាប់ពីការពិនិត្យឡើងវិញ FIFA បាននិងកំពុងបង្កើតពីរបៀបដែលបុគ្គលនេះ ទទួលបានសិទ្ធិចូលទីលានប្រកួតមិនសមរម្យ បន្ទាប់ពីពិធីបិទនៅកីឡដ្ឋាន Lusail កាលថ្ងៃទី ១៨ ខែធ្នូ វិធានការផ្ទៃក្នុងសមស្របនឹងត្រូវធ្វើឡើងភ្លាមៗ”៕

ប្រែសម្រួល៖ សាង ស្រីល័ក្ខ

ប្រភព៖CNN

ចុចអាន៖អាវផាយដែល Messi ពាក់លើកពាន World Cup ថ្ងៃមុន ជារង្វាន់ពីឥស្សរជនជាន់ខ្ពស់មួយរូប
ចុចអាន៖តើ Antonela Roccuzzo ភរិយារបស់កីឡាករបាល់ទាត់ Messi ជានរណា?

The post FIFA បើកការស៊ើបអង្កេត ក្រោយស្ដេចរោយអំបិល Salt Bae បំពានច្បាប់ចូល ទីលានប្រកួត World Cup appeared first on Kampuchea Thmey Daily.

រិះគន់ផ្អើលវៀតណាម! មន្ត្រីបក្សកុម្មុយនិស្ត ចូលហាង Salt Bae (មានវីដេអូ)

Sok Sovann — Sun, 07 Nov 2021 07:30:00 +0000

វីដេអូមួយ ដែលបង្ហាញពីមន្ត្រីបក្សកុម្មុយនិស្តម្នាក់ កំពុងញ៉ាំសាច់អាំងស្រោបមាស ដែលបញ្ចុកដោយមេចុងភៅល្បីឈ្មោះ Salt Bae ក្នុងភោជនីយដ្ឋានទីក្រុង ឡុងដ៍ បានទទួលរងការរិះគន់យ៉ាងចាស់ដៃ នៅក្នុងប្រទេសវៀតណាម។

វីដេអូរបស់លោក To Lam រដ្ឋមន្ត្រីក្រសួងសន្តិសុខសាធារណៈវៀតណាម ដែលហាក់ដូចជាពេញចិត្តនឹងសាច់អាំងតម្លៃជិត ២ពាន់ដុល្លារនៅភោជនីយដ្ឋាន Nusr-Et Steakhouse ក្នុងសង្កត់ Knightsbridge នៃទីក្រុងឡុងដ៍ បានលេចឡើងនៅលើប្រព័ន្ធផ្សព្វផ្សាយសង្គមកាលពីយប់ថ្ងៃសុក្រទី ៥ ខែវិច្ឆិកា។

ចាប់តាំងពីបើកដំណើរការមក ភោជនីយដ្ឋានដែលដាក់ឈ្មោះតាមមេចុងភៅជនជាតិតួកគី Nusret Gokce ឬត្រូវបានគេស្គាល់ថា Salt Bae បានទទួលការចាប់អារម្មណ៍យ៉ាងខ្លាំង ជាពិសេសពីសំណាក់តារាល្បីៗរួមមាន Beckhams, Leonardo DiCaprio និង Wayne Rooney ជាដើម។

នៅក្នុងវីដេអូនោះ មេចុងភៅជនជាតិតួកគី បានកាត់សាច់អាំងឲ្យលោក Lam ដោយរោយអំបិល រួចយកកាំបិតចាក់សាច់ យកទៅបញ្ចុកមន្ត្រីវៀតណាមរូបនេះ។

វីដេអូនេះក៏បង្ហាញពីអ្នកនាំពាក្យក្រសួងវៀតណាម លោក To An Xo អង្គុយក្បែរលោក Lam ផងដែរ។

វីដេអូនេះត្រូវបានបង្ហោះនៅលើទំព័រ Tiktok របស់ភោជនីយដ្ឋាន ហើយបានលុបចោលភ្លាមៗកាលពីម្សិលមិញ ប៉ុន្តែបានបង្កភាពល្បីល្បាញរួចទៅហើយនៅវៀតណាម ដែលជាប្រទេស ប្រជាជនរកចំណូលជាមធ្យមបានត្រឹមតែ ១៥០ដុល្លារប៉ុណ្ណោះ ក្នុងមួយខែ។

អ្នកប្រើប្រព័ន្ធផ្សព្វផ្សាយសង្គម បានថ្កោលទោសលោក Lam ចំពោះការទទួលទានអាហារដ៏ខ្ជះខ្ជាយបែបនេះ។

អ្នកលេងបណ្តាញសង្គមឈ្មោះ Dang Hoang Luong បានសរសេរថា “មនុស្សរាប់លាននាក់កំពុងរងគ្រោះដោយសារ កូវីដ។ គ្មានវាចានឹងថ្លែង”។

ចំណែក Nguyen Huu Truong បាននិយាយថា “តើគាត់បានលុយពីណា? ប្រាក់ខែប្រចាំឆ្នាំរបស់គាត់មិនអាចទិញអាហារនោះបានទេ!”។ រីឯ Bui Mang Tung សរសេរថា “លុយពន្ធរបស់ខ្ញុំ ត្រូវបានគេយកទៅប្រើសម្រាប់របស់ប្រណីតៗហើយ”៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ចង់ស្គាល់ភោជនីយដ្ឋានរបស់Salt Bae បុរសម្នាក់ស្លុតចិត្ត ពេលគិតលុយ

The post រិះគន់ផ្អើលវៀតណាម! មន្ត្រីបក្សកុម្មុយនិស្ត ចូលហាង Salt Bae (មានវីដេអូ) appeared first on Kampuchea Thmey Daily.

ចង់ស្គាល់ភោជនីយដ្ឋានរបស់Salt Bae បុរសម្នាក់ស្លុតចិត្ត ពេលគិតលុយ

Sok Sovann — Thu, 30 Sep 2021 06:59:43 +0000

វិក្កយបត្ររបស់អតិថិជនពីហាងសាច់អាំង Nusr-Et កំពុងបង្កភាពភ្ញាក់ផ្អើលពាសពេញបណ្តាញសង្គម បន្ទាប់ពីបង្ហាញតម្លៃសរុប ១,៨១២.៤០ ផោន (២,៤៣៨ ដុល្លារអាមេរិក) ដោយសាច់អាំងតែមួយចានមានតម្លៃរហូតដល់ទៅ ៨៤៧ ដុល្លារហើយភេសជ្ជៈគោជល់ ៤ កំប៉ុងមានតម្លៃ ៦០ដុល្លារ។

វិក័យបត្រពីភោជនីយដ្ឋានទើបបើកថ្មីរបស់ Salt Bae នៅសង្កាត់ Knightsbridge ក្នុងទីក្រុងឡុងដ៍ ក៏បង្ហាញផងដែរថា តុរបស់អតិថិជនមានគ្នា ៨ នាក់ មានគិតថ្លៃសេវាកម្មជាទឹកប្រាក់ ៣១៧ ដុល្លារបន្ថែមលើការចំណាយរបស់ពួកគេ។

ចំពោះថ្លៃចំណាយផ្សេងទៀតមានដូចជា អតិថិជនបានចំណាយប្រាក់ ១២ដុល្លារសម្រាប់កូឡាកូឡាមួយកែវ, ពោត៤ផ្លែ១៦ដុល្លារ និងសាច់ចៀមមួយចាន ២៦៨ដុល្លារ។

អ្នកលេងបណ្តាញ Twitter បានទទួលស្គាល់ថា តម្លៃនៅលើវិក្កយបត្រនេះ បានធ្វើឲ្យពួកគេខកចិត្តមិនចង់ទៅភោជនីយដ្ឋាននេះទេ ថ្វីបើវាជាភោជនីយដ្ឋានរបស់ចុងភៅល្បីឈ្មោះ Nusret Gokce ឬគេស្គាល់ថា Salt Bae ហើយពួកគេរង់ចាំការបើកសម្ពោធតាំងពីឆ្នាំ ២០១៧មកក៏ដោយ។

អ្នកប្រើប្រាស់បណ្តាញសង្គម Twitter ឈ្មោះ Jamil Amin បានចែករំលែករូបភាពនៃវិក្កយបត្រជាមួយ Caption ថា “៤៤ផោនអង់គ្លេសសម្រាប់ភេសជ្ជៈគោជល់៤កំប៉ុង គួរឲ្យអស់សំណើចណាស់”។

ចាប់តាំងពីពេលនោះមក ការបង្ហោះនេះទទួលបានការចុច Like ជិត ១០,០០០ដង ដោយមានមនុស្សជាច្រើនបានសារភាពថា ពួកគេពិតជាភ្ញាក់ផ្អើលចំពោះតម្លៃដ៏ខ្ពស់ នៅលើបញ្ជីមុខម្ហូប។

មេចុងភៅជនជាតិទួរគីឈ្មោះ Nusret មានអ្នក Follow ជាង ៣៨ លាននាក់នៅលើ Instagram ចាប់តាំងពីគាត់បានបង្កភាពល្បីល្បាញលើបណ្តាញសង្គមក្នុងឆ្នាំ ២០១៧ ដោយសារវិធីធ្វើសាច់របស់គាត់។

បុរសវ័យ ៣៨ ឆ្នាំដែលត្រូវអ្នកគាំទ្រដាក់ឈ្មោះហៅក្រៅថា Salt Bae រូបនេះ បច្ចុប្បន្នមានភោជនីយដ្ឋានចំនួន ១៧ នៅក្នុងសង្វាក់ដ៏ជោគជ័យរបស់គាត់ ហើយបានទាក់ទាញតារាល្បីៗជាច្រើនដូចជា DJ Khaled, Leonardo DiCaprio និង David Beckham ជាដើម៕