ទីភ្នាក់ងារនេះបាននិយាយថា «ដើម្បីប្រឆាំងនឹងឧក្រិដ្ឋកម្ម ដូចជាការបង្កាច់បង្ខូចព្យាបាទ ការផ្សព្វផ្សាយព័ត៌មានមិនពិត និងការបរិហារកេរ្តិ៍ដែលធ្វើឡើងនៅ Seo Ye Ji ពួកយើងបានប្រមូលផ្តុំក្រុមផ្លូវច្បាប់ដែលយកចិត្តទុកដាក់។ នៅក្នុងខែមករា ពួកយើងបានដាក់ពាក្យបណ្ដឹងដំបូងទៅកាន់ស្ថានីយ៍ប៉ូលិស Gangnam»។

មិនតែប៉ុណ្ណោះ កាលពីថ្មីៗនេះដែរ អតីតបុគ្គលិកដែលផ្សព្វផ្សាយព័ត៌មានមិនពិតអំពី Seo Ye Ji ត្រូវបានចោទប្រកាន់ពីបទបរិហារកេរ្តិ៍ ហើយបញ្ជូនទៅអយ្យការ។ បុគ្គល​ដែល​ត្រូវ​បាន​កំណត់​អត្តសញ្ញាណ​មួយ​ចំនួន​ ក៏​នឹង​ត្រូវ​បញ្ជូន​ទៅ​ព្រះរាជអាជ្ញា​ក្នុង​ពេល​ឆាប់ៗ​នេះ​ដែរ។

ភ្នាក់ងារដដែលក៏បានសង្កត់ធ្ងន់បន្ថែមទៀត អំពីជំហររឹងមាំរបស់ពួកគេដោយធ្វើការប្រឆាំងនឹងការបរិហារកេរ្តិ៍តាមអ៊ីនធឺណិតនិងឆ្លើយតបថា ពួកគេនឹងតាមដានរាល់ជនជាប់ចោទទាំងអស់ ដើម្បីធានាថា អ្នកទាំងនោះប្រឈមមុខនឹងផលវិបាកផ្លូវច្បាប់។ តាមរយៈការត្រួតពិនិត្យជាបន្ត ពួកគេនឹងចាត់វិធានការផ្លូវច្បាប់យ៉ាងរឹងមាំប្រឆាំងនឹងរាល់សកម្មភាពឧក្រិដ្ឋកម្មតាមអ៊ីនធឺណិត។ ទោះស្ថិតក្នុងកាលៈទេសៈណាក៏ដោយ ក្រុមហ៊ុននឹងផ្តល់ការបន្ធូរបន្ថយ ឬឈានដល់ការដោះស្រាយ ព្រោះអាទិភាពរបស់ក្រុមហ៊ុន គឺការពារសិទ្ធិសិល្បកររបស់ដែលស្ថិតក្រោមទ្រនំ។

ចំណាត់​ការ​ផ្លូវ​ច្បាប់​នេះ ​ធ្វើ​ឡើង​បន្ទាប់​ពី​មាន​ការ​ជាប់​ពាក់ព័ន្ធ​របស់តារាស្រីវ័យ៣៧ឆ្នាំ ក្នុង​ពាក្យ​ចចាម​អារ៉ាម​ដែល​បង្ហាញ​ពី​ទំនាក់ទំនង​ស្នេហា​ជាមួយ​តារា​សម្ដែង Kim Soo Hyun និង​បង​ប្រុស​របស់​គាត់។ ភាពចម្រូងចម្រាសបានចាប់ផ្តើម នៅពេលដែលអ្នកលេងអ៊ីនធឺណិតម្នាក់បានបញ្ចេញមតិ លើការបង្ហោះរបស់អ្នកគាំទ្រ Naver កាលពីថ្ងៃទី ១៣ ខែមីនា ដោយសួរថា តើអ្នក (Seo Ye Ji) លួចលាក់ស្នេហាជាមួយ Kim Soo Hyun មែនអត់ ក្នុងពេលដែលគាត់កំពុងមានទំនាក់ទំនងជាមួយអ្នកផ្សេង! សូមកុំធ្វើអ្នកគាំទ្រខកចិត្តឲ្យសោះ។

យ៉ាងណាមិញ តារាសម្ដែងស្រី Seo Ye Ji បានឆ្លើយតបទៅវិញដោយមិនសំចៃមាត់ថា «ក្នុងនាមខ្ញុំជាមនុស្ស ខ្ញុំមានអារម្មណ៍ធុញថប់ ហត់នឿយ ថប់ដង្ហើម និងឈឺចាប់យ៉ាងខ្លាំង។ ដំបូងឡើយ ខ្ញុំបានឆ្លើយតបចំពោះមតិនេះ ប៉ុន្តែក្រោយមកបានលុបវាចោល។ ខ្ញុំសង្ឃឹមយ៉ាងមុតមាំថា រឿងនេះនឹងបញ្ឈប់! ខ្ញុំមិនមានទំនាក់ទំនងជាមួយគាត់ (Kim Soo Hyun) ឬបងប្រុសរបស់គាត់ (Lee Ro Bae) ទេ។ ខ្ញុំ​មិន​ដឹង​ថា ​ហេតុ​អ្វី​បាន​ជា​ខ្ញុំ​ត្រូវ​បញ្ជាក់​រឿង​នេះ​ទេ ប៉ុន្តែ​ថ្ងៃ​នេះ ខ្ញុំ​មាន​អារម្មណ៍​តានតឹង​មិន​គួរ​ឲ្យ​ជឿ»៕

អត្ថបទ៖ សាង ស្រីល័ក្ខ

ចុចអាន៖រឿង​រ៉ាវ​​ឈុតថត​ស៊ិច​​របស់​អតីតតារាស្រ្តីកូរ៉េ «Sulli» ​កំពុង​តវ៉ា​ដោយ​បងប្រុស​នាង​​

The post ភ្នាក់ងារ Seo Ye Ji ប្រកាសដាច់អហង្ការ ដាក់ពាក្យបណ្ដឹងព្រហ្មទណ្ឌ ប្រឆាំងបុគ្គលផ្សាយព័ត៌មានមិនពិត appeared first on Kampuchea Thmey Daily.

បុគ្គលដែលអះអាងថា ជាអតីតបុគ្គលិក Gold Medalist មានឈ្មោះថា A ពីមុនបានសរសេរនៅក្នុងផ្នែក comment នៃវីដេអូ YouTube ថា «កាលពីបួនឆ្នាំមុន ខ្ញុំបានធ្វើការនៅ Gold Medalist ប៉ុន្តែត្រូវបានបណ្តេញចេញ បន្ទាប់ពីបែកធ្លាយព័ត៌មានសំខាន់ៗអំពី Seo Ye Ji ទៅកាន់ប្រព័ន្ធផ្សព្វផ្សាយចំនួនពីរ ប៉ុន្តែអ្នកយកព័ត៌មានមិនបានផ្សព្វផ្សាយព័ត៌មាននោះទេ ដោយសារតែ Lee Sa Rang ជាបងប្អូនជីដូនមួយរបស់ Kim Soo-hyun និងជាស្ថាបនិកបានបញ្ជាពួកគេមិនឲ្យធ្វើ ដោយខ្លាចថាវានឹងធ្វើឲ្យខូចកេរ្តិ៍ឈ្មោះរបស់ក្រុមហ៊ុន»។

A ក៏បានបញ្ជាក់ដែរថា Kim Soo-hyun និងបងប្អូនជីដូនមួយរបស់គាត់ Lee Sa-rang បានជាប់ពាក់ព័ន្ធក្នុងបញ្ហាជាច្រើន ប៉ុន្តែ Seo Ye-ji ត្រូវបានប្រើប្រាស់ជាខែល នៃការចោទប្រកាន់អវិជ្ជមានមួយចំនួនប្រឆាំងនឹងនាង។

មិនតែប៉ុណ្ណោះ Gold Medalist ថែមទាំងបានជួលមនុស្សឲ្យនិយាយកុហក ផ្សាយការអះអាងមិនពិត និងចោទប្រកាន់ Seo Ye Ji ថា នាងជាតារាមានចរិតមិនល្អ ឈ្លើយចំពោះបុគ្គលិក និងឲ្យពួកគេបង្កើតរឿងមិនពិតថា នាងបានប្រព្រឹត្តអំពើហឹង្សានៅសាលា ហើយ Lee Sa Rang បានបញ្ជាឲ្យអ្នកកាសែតផ្សព្វផ្សាយការភូតកុហកទាំងនោះចេញទៅ។

A ថែមទាំងអះអាងទៀតថា Seo Ye Ji បានចុះកុងត្រាជាមួយ Gold Medalist ​ម្តងទៀត ដោយសារតែនាងជឿជាក់លើ Kim Soo Hyun ប៉ុន្តែចុងក្រោយ នាងត្រូវបានគេកេងប្រវ័ញ្ច ខណៈដែលភ្នាក់ងារទទួលបានប្រាក់ចំណេញ។ អតីតបុគ្គលិករូបនេះក៏បានលើកឡើងពី Kim Sae Ron ដោយបញ្ជាក់ថា នាងដឹងពីការពិតសំខាន់ៗ ដូច្នេះគេចង់ផ្ញើសារនេះទៅកាន់ឪពុកម្តាយរបស់នាង ប្រសិនបើគ្រួសាររកឃើញសៀវភៅកំណត់ហេតុពណ៌ផ្កាឈូករបស់ Kim Sae Ron នោះនឹងរកឃើញការពិតបន្ថែមទៀត​ អំពីអ្វីដែលបានកើតឡើងរវាងនាង និង Kim Soo Hyun។ ឪពុក​ម្តាយ​របស់​នាង​មិន​បាច់​ព្រួយ​បារម្ភ​ទេ Gold Medalist ​នឹង​លាត​ត្រដាង​ខ្លួន​ដោយ​មិន​ដឹង​ខ្លួន​ឡើយ។

ការ​អត្ថាធិប្បាយ​នេះ​ត្រូវ​បាន​សរសេរ​នៅ​មុន​ពេល Kim Sae Ron ទទួល​មរណភាព។ យោងទៅតាមគ្រួសាររ នាងបានរក្សាទុកកូនសៀវភៅជាប្រចាំ ហើយគម្របរបស់វាពិតជាពណ៌ផ្កាឈូក ស្របតាមការអះអាងរបស់ Aពិតប្រាកដមែន។

សូមជម្រាបជូនថា Seo Ye Ji បានចុះកិច្ចសន្យាផ្តាច់មុខជាមួយ Gold Medalist ​ក្នុងឆ្នាំ ២០១៩ ប៉ុន្តែបានប្រឈមមុខនឹងការរិះគន់យ៉ាងខ្លាំងបន្ទាប់ពី Kim Jung Hyun មានភាពចម្រូងចម្រាស។ នាងបានចាកចេញពីក្រុមហ៊ុននៅខែវិច្ឆិកា ឆ្នាំ ២០២៣ ហើយឥឡូវនេះស្ថិតនៅក្រោមភ្នាក់ងារសិល្បករ Sublime ។

ជាមួយនឹងពាក្យចចាមអារ៉ាម ដែលភ្ជាប់នាង ទៅនឹងទំនាក់ទំនងដែលត្រូវបានចោទប្រកាន់របស់ Kim Soo Hyun និង Kim Sae Ron នោះ Seo Ye Ji បានលើកឡើងដោយផ្ទាល់នូវការរំពឹងទុកនេះ។ កាល​ពី​ថ្ងៃ​ទី ១៣ ខែ​មីនា នាង​បាន​សរសេរ​នៅ​លើ fancafe របស់​នាង​ថា «ខ្ញុំ​មិន​មាន​ទំនាក់​ទំនង​ជាមួយ Kim Soo Hyun ឬ​បង​ប្អូន​ជីដូន​មួយ​របស់​គាត់ Lee Sa Rang ទេ៕

អត្ថបទ៖ សាង ស្រីល័ក្ខ

ចុចអាន៖១២ឆ្នាំមុន តួឯកស្រីរឿង «សង្សារខ្ញុំជាមនុស្សភពផ្កាយ» ឈប់និយាយរក Kim Soo Hyun ព្រោះជម្លោះ

The post អតីតបុគ្គលិកថា Seo Ye Ji ជាជនរងគ្រោះដែលប្រើជាខែល ហើយ Kim Sae Ron ក៏ដឹងរឿងរសើបនោះដែរ appeared first on Kampuchea Thmey Daily.