វេទិកានេះត្រូវបានរៀបចំឡើង ខណៈពេលដែលសហគ្រាសនានានៅកម្ពុជាកំពុងតែចាប់យកបរិវត្តកម្មឌីជីថល និងកំពុងស្វែងរកមធ្យោបាយនានាក្នុងការប្រើប្រាស់បច្ចេកវិទ្យាជំនាន់ថ្មីដើម្បីបង្កើនសមត្ថភាពក្នុងការប្រកួតប្រជែងរបស់ខ្លួន និងជំរុញការរីកលូតលាស់របស់ក្រុមហ៊ុនប្រកបដោយចីរភាព។

ព្រឹត្តិការណ៍នេះត្រូវបានប្រារព្ធឡើងនៅសណ្ឋាគារ Shangri-La ភ្នំពេញ ដោយមានការចូលរួមពីតំណាងក្រុមហ៊ុននានាមកពីវិស័យសំខាន់ៗ រួមមាន សេវាកម្មហិរញ្ញវត្ថុ កម្មន្តសាល  ភស្តុភារកម្ម វិស័យអប់រំ និងការលក់រាយ ដែលនេះបានឆ្លុះបញ្ចាំងឲ្យឃើញពីកំណើននៃតម្រូវការសម្រាប់ការធ្វើបរិវត្តកម្មឌីជីថលនៅកម្ពុជា។

វេទិកានេះត្រូវបានរៀបចំឡើងក្រោមកិច្ចសហការជាមួយដៃគូបច្ចេកវិទ្យាអន្តរជាតិជំនាញរបស់ Smart រួមមានក្រុមហ៊ុន Huawei, China Telecom, AIonOS, Radware និងមានការគាំទ្រថ្នាក់តំបន់ពីក្រុមហ៊ុន Axiata Cyber Fusion Center ដើម្បីនាំយកអ្នកជំនាញពីបណ្ដាប្រទេសនានាមកកាន់ប្រទេសកម្ពុជា។ សហគ្រាសក្នុងស្រុកទទួលបាននូវការចែករំលែកល្អៗពីជុំវិញពិភពលោក ស្ដីអំពីវិធីសាស្ត្រក្នុងការដាក់ប្រើប្រាស់នូវបច្ចេកវិទ្យាថ្មីៗ និងបានស្វែងយល់ពីដំណោះស្រាយដែលអាចពង្រីកវិសាលភាពអាជីវកម្មបាន។

លោក Ritesh Kumar Singh នាយកប្រតិបត្តិក្រុមហ៊ុន Smart Axiata បានលើកឡើងថា វេទិកានេះផ្តោតសំខាន់លើការប្រើប្រាស់ច្ចេកវិទ្យាថ្មីៗ ដើម្បីបង្កើតជាលទ្ធផលជាក់ស្ដែងដល់អាជីវកម្ម។ «សព្វថ្ងៃនេះ សហគ្រាសកំពុងផ្ដោតលើមធ្យោបាយក្នុងការជំរុញការលូតលាស់ បង្កើនប្រសិទ្ធភាព និងរក្សាភាពធន់ ខណៈដែលពិភពលោកកំពុងតែវិវត្តទៅកាន់សេដ្ឋកិច្ចឌីជីថល​។ បច្ចេកវិទ្យាដូចជា 5G និង AI បានក្លាយជាភ្នាក់ងារមិនអាចខ្វះបានដើម្បីលើកកម្ពស់សមិទ្ធផលនៃអាជីវកម្ម។»  

លោកបានបន្តថា «ការរួមផ្សំនៃបច្ចេកវិទ្យាដូចជា 5G និង AI មបានបង្កើតនូវឱកាសអាជីវកម្មថ្មីៗ ដែលអនុញ្ញាតឱ្យក្រុមហ៊ុនចាប់យកនូវនវានុវត្តន៍បានកាន់តែលឿន ចូលទៅកាន់ទីផ្សារកាន់តែរហ័ស និងឆ្លើយតបទៅនឹងតម្រូវការរបស់អតិថិជនបានទាន់ពេលវេលា ។ វេទិកានេះ មិនមែនជាការចែករំលែកទ្រឹស្ដីឡើយ។ យើងផ្ដោតលើការបង្ហាញផ្ទាល់អំពីសក្ដានុពលនៃបច្ចេកវិទ្យាក្នុងការបង្កើតប្រភពចំណូលថ្មីៗ បង្កើនប្រសិទ្ធភាពប្រតិបត្តិការ និងផ្តល់នូវបទពិសោធន៍កាន់តែល្អប្រសើរជូនដល់អតិថិជន»។

វេទិកានេះ បានលើកជាឧទាហរណ៍នៃការប្រើប្រាស់បច្ចេកវិទ្យាក្នុងបណ្ដាវិស័យនានា​ ដែលរួមមាន៖

• ការបង្កើនប្រសិទ្ធភាពក្នុងការណែនាំអតិថិជនថ្មី (Customer onboarding) និងការរក្សាទំនាក់ទំនងជាមួយអតិថិជនតាមរយៈបច្ចេកវិទ្យា AI
• បង្កើនប្រសិទ្ធភាពប្រតិបត្តិការ ដោយរួមបញ្ចូល 5G ចូលទៅក្នុងហេដ្ឋារចនាសម្ព័ន្ធនៃវិស័យនានា ដូចជាវិស័យកម្មន្តសាល និងភស្តុភារកម្ម
• ពង្រឹងភាពធន់ តាមរយៈដំណោះស្រាយសន្តិសុខសាយប័រ ដើម្បីរក្សាសុវត្ថិភាពនៃទិន្នន័យ និងរក្សាភាពធន់នៃប្រតិបត្តិការអាជីវកម្ម

ក្នុងចំណោមដំណោះស្រាយដែលបានដាក់បង្ហាញនៅក្នុងព្រឹត្តិការណ៍នេះ បច្ចេកវិទ្យាវិភាគវីដេអូ ដែលមានបំពាក់នូវបច្ចេកវិទ្យា AI បានបង្ហាញពីដំណោះស្រាយមួយដែលសហគ្រាស អាចបំប្លែងទិន្នន័យវីដេអូពីកាមេរ៉ាសុវត្ថិភាព ទៅជាព័ត៌មានដ៏មានតម្លៃ។ កាមេរ៉ាដែលបំពាក់ដោយបច្ចេកវិទ្យា AI អាចតាមដានចំនួនអតិថិជនដែលដើរចូលក្នុងហាង វិភាគអាកប្បកិរិយារបស់អតិថិជននៅក្នុងហាង និងពិនិត្យមើលប្រវែងជួររង់ចាំ ដែលអនុញ្ញាតឱ្យសហគ្រាសពង្រឹងប្រតិបត្តិការ បង្កើនប្រសិទ្ធភាពសេវាកម្ម និងផ្តល់នូវបទពិសោធន៍អតិថិជនកាន់តែរលូន។  

តាមរយៈការរៀបចំវេទិកានេះ ក្រុមហ៊ុន Smart បានពង្រឹងជំហររបស់ខ្លួនជាដៃគូយុទ្ធសាស្ត្រសម្រាប់បណ្តាសហគ្រាសនានា ដោយគាំទ្រដល់ការចាប់យកនូវបច្ចេកវិទ្យាថ្មីៗដើម្បីពង្រីកការលូតលាស់ និងទាញយកលទ្ធផលពិតប្រាកដពីបច្ចេកវិទ្យាទាំងនោះ។

ក្រុមហ៊ុន Smart នៅតែបន្តប្តេជ្ញាលើកកម្ពស់សេដ្ឋកិច្ចឌីជីថលរបស់កម្ពុជា ដោយដើរតួជាភ្នាក់ងារឯកទេស ដែលជួយឱ្យសហគ្រាសនានាអាចចាប់យកបច្ចេកវិទ្យាសម្រាប់ពេលអនាគត ពង្រឹងសមត្ថភាពប្រកួតប្រជែង និងរួមចំណែកក្នុងការកសាងប្រព័ន្ធអេកូឡូស៊ីឌីជីថលដែលមានភាពធន់ និងបរិយាបន្នកាន់តែប្រសើរឡើង។

អំពី Smart
ក្រុមហ៊ុន Smart Axiata ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Axiata Group Berhad (ប្រទេសម៉ាឡេស៊ី) ផ្តល់ជូននូវសេវាទំនាក់ទំនង 5G និងដំណោះស្រាយបច្ចេកវិទ្យាព័ត៌មាន និងសារគមនាគមន៍ (ICT) ចម្រុះនៅទូទាំងប្រទេសកម្ពុជា ដោយបម្រើអតិថិជនជិត ៨ លាននាក់។ ក្នុងនាមជាម៉ាកយីហោបច្ចេកវិទ្យាទូរសព្ទ និងឌីជីថលដ៏ទូលំទូលាយ ក្រុមហ៊ុន Smart កំពុងផ្លាស់ប្តូរទិដ្ឋភាពឌីជីថលរបស់កម្ពុជា តាមរយៈការជួយបង្កើនផលិតភាព ការលើកកម្ពស់របៀបរស់នៅបែបឌីជីថល និងការគាំទ្រកំណើនសេដ្ឋកិច្ចប្រកបដោយបរិយាបន្ន ដោយបានបញ្ជៀបចីរភាពទៅក្នុងការអនុវត្តការងារ តាមរយៈការពង្រីកបណ្តាញប្រកបដោយការទទួលខុសត្រូវ បរិយាបន្នឌីជីថល និងនវានុវត្តន៍។     

ក្រោមការគាំទ្រពីក្រុមហ៊ុន Axiata Group Berhad ដែលជាក្រុមហ៊ុនទូរគមនាគមន៍ឈានមុខគេមួយនៅអាស៊ីអាគ្នេយ៍ ក្រុមហ៊ុន Smart គឺជាសហគ្រាសម៉ាឡេស៊ីដ៏សំខាន់មួយដែលទទួលបានវិនិយោគទន់មួយភាគធំពី មូលនិធិទ្រព្យសម្បត្តិអធិបតេយ្យភាពរបស់រដ្ឋាភិបាលម៉ាឡេស៊ី។ ការជ្រោមជ្រែងនេះ ជួយជម្រុញឲ្យក្រុមហ៊ុន Smart ប្រកាន់ខ្ជាប់នូវស្តង់ដារពិភពលោក អភិបាលកិច្ចល្អ និងការរីកចម្រើនប្រកបដោយការទទួលខុសត្រូវ ដែលរួមចំណែកយ៉ាងសំខាន់ដល់ការអភិវឌ្ឍសេដ្ឋកិច្ច សង្គម និងឌីជីថលរបស់កម្ពុជា៕

The post Smart រៀបចំវេទិកាថ្នាក់ដឹកនាំក្រុមហ៊ុនធំៗនៅកម្ពុជា ដើម្បីលើកកម្ពស់បរិវត្តកម្មសហគ្រាសតាមរយៈបច្ចេកវិទ្យា 5G, AI និងសន្តិសុខសាយប័រ appeared first on Kampuchea Thmey Daily.

ការពង្រីកនេះបង្ហាញពីសមិទ្ធផល និងការប្តេជ្ញាបន្តរបស់ក្រុមហ៊ុន Smart ក្នុងការផ្តល់សេវា និងការតភ្ជាប់ឌីជីថលសម្រាប់អតិថិជនដែលជាបុគ្គល គ្រួសារ និងអាជីវកម្មគ្រប់ធន់ ដែលនេះជាកិច្ចបន្តពីសមិទ្ធផលឆ្នាំចាស់ដែលក្រុមហ៊ុនបានធ្វើការដំឡើងស្ថានីយជាង ៥០០ ស្ថានីយក្នុងឆ្នាំ ២០២៥។

គិតត្រឹមថ្ងៃទី ២៧ ខែមករា ឆ្នាំ២០២៦ នេះ​ ក្រុមហ៊ុន Smart បានដំឡើងស្ថានីយ 5G សរុបចំនួនជាង ៦០០ ស្ថានីយនៅទូទាំងប្រទេស ដោយបាន​គ្របដណ្ដប់យ៉ាងទូលំទូលាយនៅក្នុងតំបន់សេដ្ឋកិច្ច ទីប្រជុំជន និងតំបន់ទេសចរណ៍សំខាន់ៗ។ ទីតាំងសំខាន់ទាំង ៥ ដែលមានចំនួនស្ថានីយច្រើនជាងគេ រួមមាន៖

• រាជធានីភ្នំពេញ​៖ ជាង  ៤០០ ស្ថានីយ
• ខេត្តកណ្ដាល៖ ជិត ៥០​ ស្ថានីយ
• ខេត្តព្រះសីហនុ៖ ជាង ៤០ ស្ថានីយ
• ខេត្តសៀមរាប៖ ជិត ៤០ ស្ថានីយ
• ខេត្តបាត់ដំបង៖ ប្រមាណ ៣០ ស្ថានីយ

ផ្អែកលើសន្ទុះដ៏រហ័សនាដំណាក់កាលដំបូងនេះ ក្រុមហ៊ុន Smart មានគម្រោងនឹងពង្រីកវិសាលភាពគ្របដណ្តប់បណ្តាញសេវា 5G ទៅកាន់គ្រប់រាជធានី-ខេត្តទាំង ២៥ នៅត្រឹមដំណាច់ឆ្នាំ ២០២៦ នេះ ដែលនេះជាការបញ្ជាក់ជាថ្មីនូវការប្តេជ្ញាចិត្តរយៈពេលវែង ក្នុងការផ្តល់នូវការតភ្ជាប់បណ្តាញប្រកបដោយបរិយាបន្ន និងការរីកចម្រើនឌីជីថលប្រកបដោយចីរភាព។

លោក Ritesh Kumar Singhនាយកប្រតិបត្តិនៃក្រុមហ៊ុន Smart Axiata បានមានប្រសាសន៍ថា៖ «5G គឺជាអ៊ីនធឺណិតជំនាន់ថ្មីសម្រាប់ប្រជាជនកម្ពុជាគ្រប់រូប ហើយយើងកំពុងខិតខំប្រឹងប្រែងយ៉ាងខ្លាំង ដើម្បីនាំយកបច្ចេកវិទ្យានេះទៅកាន់ប្រជាជនឱ្យបានច្រើនបំផុតតាមដែលអាចធ្វើទៅបាន។» លោកបានបន្តទៀតថា៖ «តួនាទីរបស់យើងគឺការពង្រីកវិសាលភាព 5G ឱ្យបានរហ័ស និងប្រកបដោយការទទួលខុសត្រូវ ដើម្បីឱ្យប្រជាជនគ្រប់រូប ទាំងគ្រួសារ និងអាជីវកម្មនានា អាចទាញយកផលប្រយោជន៍ពីការតភ្ជាប់បណ្តាញ 5G ដោយមានទំនុកចិត្ត និងមានប្រសិទ្ធភាពខ្ពស់ ដែលជាផ្នែកមួយសម្រាប់អភិវឌ្ឍសេវាកម្មឌីជីថលថ្មីៗ នវានុវត្តន៍ និងការរីកលូតលាស់នៃអាជីវកម្មនៅទូទាំងប្រទេស។»

បច្ចេកវិទ្យា​ 5G ដែលត្រូវបានបង្កើតឡើងផ្អែកលើបទពិសោធន៍ជាក់ស្តែងរបស់អ្នកប្រើប្រាស់

បណ្តាញ 5G របស់ក្រុមហ៊ុន Smart ផ្ដល់ជូននូវល្បឿនប្រមាណជា 100 ដល់ 200 Mbps ដែលផ្ដល់នូវបទពិសោធន៍ការទស្សនាវីដេអូកាន់តែរលូន ការទាញយកទិន្នន័យកាន់តែរហ័ស ការប្រើប្រាស់កម្មវិធីលើក្លោដ (cloud)  ប្រកបដោយភាពរស់រវើក និងផ្ដល់នូវបទពិសោធន៍ឌីជីថលកាន់តែអស្ចារ្យ។

ចំនួនអ្នកប្រើប្រាស់បានហក់ឡើងយ៉ាងលឿន ដោយមានអតិថិជនមធ្យមជាង ៧៥០ ០០០នាក់ បានភ្ជាប់ប្រើប្រាស់បណ្តាញ 5G របស់ Smart ជារៀងរាល់ថ្ងៃ ដែលនេះឆ្លុះបញ្ចាំងឱ្យឃើញពីតម្រូវការ និងការប្តូរមកប្រើបច្ចេកវិទ្យាថ្មីយ៉ាងរលូនពីសេវា 4G។

លើសពីសមត្ថភាពបច្ចេកទេស ការពង្រីកវិសាលភាព 5G របស់ Smart គឺផ្ដោតសំខាន់លើបទពិសោធន៍នៃការតភ្ជាប់របស់អ្នកប្រើប្រាស់ មិនថានៅផ្ទះ ពេលធ្វើដំណើរ ឬនៅកន្លែងធ្វើការឡើយ។ 5G ផ្ដល់នូវរសនិយមឌីជីថលកាន់តែសម្បូរបែប និងចូលរួមជំរុញកំណើនសេដ្ឋកិច្ច ខណៈដែលការរស់នៅប្រចាំថ្ងៃកាន់តែទាមទារនូវបណ្តាញតភ្ជាប់ដ៏រឹងមាំ និងមានសមត្ថភាពបញ្ជូនទិន្នន័យខ្ពស់ជាងមុន។ បន្ថែមលើសេវាទូរសព្ទចល័ត អតិថិជន Smart ក៏អាចទទួលបានបទពិសោធន៍ 5G នៅតាមផ្ទះផងដែរ តាមរយៈការសាកល្បងប្រើប្រាស់សេវា Smart@Home។ នេះគឺជាការនាំយកការតភ្ជាប់បណ្តាញជំនាន់ក្រោយដោយផ្ទាល់ទៅកាន់គេហដ្ឋាន ជាមួយនឹងការដំឡើងយ៉ាងងាយស្រួលបំផុតតាមរយៈ Router 5G Wi-Fi 6 នៅតាមតំបន់ដែលមានសេវា 5G គ្របដណ្តប់។

សម្រាប់ព័ត៌មានបន្ថែមអំពីការសាកល្បងប្រើប្រាស់សេវា Smart@Home 5G សូមចូលទៅកាន់៖​ https://www.smart.com.kh/5g-experience ឬចូលមើលព័ត៌មានលម្អិតតាមរយៈកម្មវិធី SmartNas តាមរយៈ៖ https://smartnas.go.link/smartathome/ordering

ដើម្បីពិនិត្យមើលតំបន់ដែលមានសេវា 5G គ្របដណ្តប់ចុងក្រោយបំផុត អតិថិជនអាចឆែកមើលដោយផ្ទាល់តាមរយៈ កម្មវិធី SmartNas៖ https://smartnas.go.link/5g/map-coverage

The post ក្រុមហ៊ុន Smart ពង្រីកសេវា 5G យ៉ាងរហ័សទូទាំងប្រទេស ដោយដំឡើងស្ថានីយបានជាង ៦០០នៅតាមបណ្តាខេត្ត-រាជធានី ចំនួន ២១ ក្នុងរយៈពេលត្រឹមមួយខែដំបូង appeared first on Kampuchea Thmey Daily.

ភ្នំពេញ៖ នាថ្ងៃទី 01 ខែមករា ឆ្នាំ២០២៦ ​ក្រោមកិច្ចសហប្រតិបត្តិការយ៉ាងជិតស្និទជាមួយនឹងក្រសួងប្រៃសណីយ៍ និងទូរគមនាគមន៍ ក្រុមហ៊ុន Smart Axiata បានសម្រេចនូវសមិទ្ធផលដ៏សំខាន់មួយក្នុងដំណើរឌីជីថលរបស់កម្ពុជា តាមរយៈការដាក់ឱ្យប្រើប្រាស់ជាផ្លូវការនូវសេវាទូរសព្ទចល័តជំនាន់ទី5ឬ 5G។ ការដាក់ឱ្យដំណើរការនេះ បង្ហាញពីការត្រៀមខ្លួនរួចជាស្រេចរបស់កម្ពុជា សម្រាប់ប្រព័ន្ធភ្ជាប់ទំនាក់ទំនងជំនាន់ថ្មី និងជាការបង្កើតនូវឱកាសថ្មី និងពង្រឹងវឌ្ឍនភាព សម្រាប់អ្នកប្រើប្រាស់ជាលក្ខណៈ បុគ្គល គ្រួសារ និងអាជីវកម្មនៅកម្ពុជា។

សេវា 5G មិនត្រឹមតែជាបច្ចេកវិទ្យាថ្មីប៉ុណ្ណោះទេ ប៉ុន្តែជាបច្ចេកវិទ្យាដែលនាំមកនូវលទ្ធភាពថ្មីៗសម្រាប់ការតភ្ជាប់ ទំនាក់ទំនង ការសិក្សា ការងារ និងការរីកចម្រើនជាច្រើន។ សេវា 5G អាចជួយពង្រឹងសហគមន៍ និងគាំទ្រដល់អនាគតដ៏រឹងមាំប្រកបដោយបរិយាបន្ន និងការអភិវឌ្ឍឌីជីថលសម្រាប់កម្ពុជា។

នៅដំណាក់កាលដំបូង ក្រុមហ៊ុន Smart បានដាក់ឱ្យប្រើប្រាស់សេវា 5G នៅក្នុងបណ្តារាជធានីខេត្តសំខាន់ៗ រួមមាន៖ រាជធានីភ្នំពេញ និងខេត្តកណ្តាល តាមរយៈការដំឡើងអង់តែនសេវានៅ 283 ទីតាំងតំបូង និងមានការដំឡើងបន្តនៅតាមបណ្តាខេត្តសំខាន់ៗជាបន្តបន្ទាប់។ ចំនួននេះគ្រាន់តែជាការចាប់ផ្តើមនៃផែនការពង្រីកបណ្តាញសេវា 5G ប្រចាំឆ្នាំរបស់ក្រុមហ៊ុនប៉ុណ្ណោះ។

អតិថិជនអាចពិនិត្យមើលតំបន់គ្របដណ្តប់បណ្តាញ 5G បានយ៉ាងងាយស្រួល តាមរយៈមុខងារ នៅក្នុងកម្មវិធី SmartNas តាមតំណនេះhttps://smartnas.go.link/home។ កម្មវិធី SmartNas ក៏អនុញ្ញាតឲ្យអតិថិជនពិនិត្យមើលពី ប្រភេទទូរសព្ទ ឬឧបករណ៍ ស៊ីមកាត ដែលអាចប្រើប្រាស់ប្រព័ន្ធ​5Gបាន ដើម្បីធានាបាននូវបទពិសោធន៍ប្រើប្រាស់បណ្តាញ 5G របស់ក្រុមហ៊ុនស្មាតមានភាពរលូន និងមានប្រសិទ្ធភាព។

សម្រាប់ឡូហ្គូ 5G របស់ក្រុមហ៊ុនស្មាត ត្រូវបានរចនាឡើងដោយមានបង្កប់នូវនិមិត្តសញ្ញា “អនន្ត” ដែលតំណាងឱ្យលទ្ធភាពឥតដែនកំណត់ និងវឌ្ឍនភាពឥតឈប់ឈរ។ ដែលនេះឆ្លុះបញ្ចាំងពីសក្ដានុពលជាច្រើនដែលសេវា5G នាំមកជូន មិនត្រឹមតែធ្វើឱ្យការតភ្ជាប់កាន់តែប្រសើរប៉ុណ្ណោះទេ ប៉ុន្តែសេវានេះ នឹងក្លាយជាហេដ្ឋារចនាសម្ព័ន្ធឌីជីថលសម្រាប់អនាគតឌីជីថលនវានុវត្តន៍ និងកាលានុវត្តភាពថ្មីៗក្នុងជីវភាពរស់នៅប្រចាំថ្ងៃរបស់ប្រជាជនកម្ពុជាគ្រប់រូប។

សេវា 5G រចនាឡើងសម្រាប់បុគ្គល គ្រួសារ និងអាជីវកម្ម

ការដាក់ឱ្យដំណើរការសេវា 5G របស់ Smart ត្រូវបានបង្កើតឡើងដោយយកអតិថិជនជាគោល និងផ្តោតលើអ្វីដែលសំខាន់បំផុតសម្រាប់ប្រជាជនកម្ពុជា មិនមែនផ្តោតតែលើល្បឿនអ៊ីនធឺណិតតែមួយមុខនោះទេ។

សម្រាប់បុគ្គល និងក្រុមគ្រួសារ សេវា 5G ជួយឱ្យការហៅទូរសព្ទ និងការទស្សនាវីដេអូកាន់តែរលូន ការទាញយកទិន្នន័យកាន់តែលឿន និងការតភ្ជាប់មានស្ថេរភាពខ្ពស់សម្រាប់ការសិក្សាតាមអនឡាញ ការធ្វើការងារពីចម្ងាយ ការលេងហ្គេម និងការកម្សាន្តឌីជីថលផ្សេងៗ ដែលជួយគាំទ្រដល់ជីវិតរស់នៅប្រចាំថ្ងៃឱ្យកាន់តែងាយស្រួល និងប្រកបដោយទំនុកចិត្ត។

សេវា 5G ក៏បើកឱកាសថ្មីៗសម្រាប់ម្ចាស់អាជីវកម្ម និងសហគ្រិនផងដែរ។ ចាប់ពីសហគ្រាសធុនមីក្រូ តូច និងមធ្យម (MSMEs) រហូតដល់អ្នកបង្កើតមាតិកា អ្នកធ្វើការងារឯករាជ្យ (Freelancers) និងធុរកិច្ចថ្មី (Startup) ការតភ្ជាប់ដែលលឿន និងមានប្រសិទ្ធភាព នឹងជួយឱ្យអាជីវកម្មដំណើរការកាន់តែប្រសើរឡើង ពង្រីកទីផ្សារ និងពង្រឹងសមត្ថភាពក្នុងការប្រកួតប្រជែងរបស់កម្ពុជាក្នុងសេដ្ឋកិច្ចឌីជីថល។

រីករាយជាមួយការផ្ដល់ជូនដាតា 50% បន្ថែមលើបទពិសោធន៍ 5G

អតិថិជន Smart ដែលមានទូរសព្ទ ឬឧបករណ៍ដែលមានមុខងារគាំទ្របច្ចេកវិទ្យាសេវា 5G និងកំពុងប្រើប្រាស់គម្រោងផ្សេងៗរបស់ Smart អាចរីករាយជាមួយអត្ថប្រយោជន៍នៃសេវា 5G នៅក្នុងតំបន់គ្របដណ្តប់ ដោយមិនចាំបាច់ប្តូរស៊ីមកាតថ្មីឡើយ។ចាប់ពីថ្ងៃទី ០1 ខែមករា ដល់ថ្ងៃទី 31 ខែមីនា 2026 រាល់ការភ្ជាប់ ឬបន្តគម្រោងដែលបានកំណត់ អតិថិជននឹងទទួលបានទិន្នន័យបន្ថែម 50% ភ្លាមៗ សម្រាប់ប្រើប្រាស់លើប្រព័ន្ធសេវា 5G។ ការថែមជូននេះ មានសុពលភាពសម្រាប់ប្រើប្រាស់លើប្រព័ន្ធសេវា 5G តែប៉ុណ្ណោះ ដើម្បីឱ្យអតិថិជនអាចទទួលបានបទពិសោធន៍អ៊ីនធឺណិតជំនាន់ថ្មីយ៉ាងពេញលេញ។

ជាមួយការថែមជូននេះ អតិថិជនអាចសាកល្បងបទពិសោធន៍ថ្មីនៃប្រព័ន្ធសេវា 5G ចាប់ពីការកម្សាន្ត និងការលេងហ្គេម រហូតដល់ការងារ ការសិក្សា ហើយអាចស្វែងយល់ពីភាពខុសប្លែក បើធៀបនឹងបច្ចេកវិទ្យាជំនាន់មុន។ សម្រាប់ព័ត៌មានបន្ថែម សូមមើលលក្ខខណ្ឌនិងការអនុវត្ត 5G នៅលើគេហទំព័ររបស់ Smartតាមតំណភ្ជាប់ៈ https://www.smart.com.kh/km/smart-5G។

លក្ខខណ្ឌសម្រាប់អតិថិជន៖

• ឧបករណ៍ដែលគាំទ្រ 5G

• ស្ថិតនៅក្នុងតំបន់គ្របដណ្តប់សេវា 5G របស់ Smart

លោក Ritesh Kumar Singh នាយកប្រតិបត្តិនៃក្រុមហ៊ុន Smart Axiata បានមានប្រសាសន៍ថា៖
«សេវា 5G គឺជាជំហានដ៏សំខាន់សម្រាប់ការត្រៀមខ្លួនរបស់កម្ពុជាទៅរកសេដ្ឋកិច្ចឌីជីថលនាពេលអនាគត។ សេវា​ 5G​ មិនត្រឹមតែបង្កើនល្បឿននៃការតភ្ជាប់នោះទេ ប៉ុន្តែយើងសង្ឈឹមថាបច្ចេកវិទ្យានេះ នឹងជួយធ្វើឱ្យប្រជាជនគ្រប់រូបអាចប្រើប្រាស់ និងទទួលបានអត្ថប្រយោជន៍យ៉ាងពិតប្រាកដ មិនថាសម្រាប់ការបង្កើតថ្មី ការគាំទ្រអាជីវកម្ម ឬការលើកកម្ពស់រសនិយមបែបឌីជីថលប្រចាំថ្ងៃនោះឡើយ។ ការដាក់ឱ្យដំណើរការនេះ នឹងធ្វើឡើងតាមដំណាក់កាល និងប្រកបដោយទំនួលខុសត្រូវ ដើម្បីផ្តល់ការតភ្ជាប់ដែលអាចទុកចិត្តបានសម្រាប់អតិថិជនលក្ខណៈបុគ្គល គ្រួសារ និងអាជីវកម្ម »។

សេវា5G ដែលមានអត្ថប្រយោជន៍លើសពីសេវាទូរសព្ទចល័ត

ក្រៅពីការប្រើប្រាស់ផ្ទាល់ខ្លួន បច្ចេកវិទ្យាសេវា 5G ក៏បើកឱកាសថ្មីៗសម្រាប់អាជីវកម្ម និងវិស័យឧស្សាហកម្មនានាផងដែរ។ ជាមួយនឹងល្បឿនលឿន និងការបញ្ជូនទិន្នន័យដោយរលូន អាជីវកម្មអាចអនុវត្តបច្ចេកវិទ្យាទំនើបៗ ដូចជា ការវិភាគទិន្នន័យភ្លាមៗ ប្រព័ន្ធស្វ័យប្រវត្តិកម្ម និងការបំពេញការងារពីចម្ងាយបានយ៉ាងរលូន។

រោងចក្រ និងវិស័យផលិតកម្ម អាចប្រើប្រាស់ប្រព័ន្ធ IoT ដើម្បីតាមដាន និងបង្កើនប្រសិទ្ធភាពការងារ ខណៈដែលវិស័យដឹកជញ្ជូន អាចគ្រប់គ្រងការចែកចាយ និងខ្សែសង្វាក់ផ្គត់ផ្គង់បានយ៉ាងមានប្រសិទ្ធភាពតាមរយៈប្រព័ន្ធតាមដានភ្លាមៗ ដែលនេះនឹងជួួយលើកកម្ពស់ផលិតភាព និងភាពទុកចិត្តបានទូលំទូលាយនៅគ្រប់វិស័យ ដែលគាំទ្រដល់សេដ្ឋកិច្ចកម្ពុជា។ 

តាមរយៈការដាក់ឱ្យប្រើប្រាស់សេវា 5G ក្រុមហ៊ុន Smart Axiata បន្តបង្ហាញជំហរជាដៃគូយុទ្ធសាស្ត្រដ៏សំខាន់ក្នុងដំណើរវិវត្តន៍ឌីជីថលរបស់កម្ពុជា ដោយសហការយ៉ាងជិតស្និទ្ធជាមួយភាគីពាក់ព័ន្ធ និងសហគមន៍ ដើម្បីធានាថាសេវា5G ត្រូវបានអនុវត្តប្រកបដោយបរិយាបន្ន តម្លាភាព និងចក្ខុវិស័យវែងឆ្ងាយ សម្រាប់ការលើកកម្ពស់ជីវភាពរស់នៅ និងអត្ថប្រយោជន៍យូរអង្វែងដល់ប្រជាជនកម្ពុជា។

អំពី Smart 

ក្រុមហ៊ុន Smart Axiata ផ្តល់ជូនការតភ្ជាប់សេវាទូរគមនាគមន៍ 5G និងដំណោះស្រាយ ITC នៅក្នុងប្រទេសកម្ពុជា ទៅកាន់អតិថិជនជាង 8 លាននាក់។ តាមរយៈការផ្លាស់ប្តូរទៅជាម៉ាកយីហោ បច្ចេកវិទ្យាទូរសព្ទចល័ត និងឌីជីថលដ៏ទូលំទូលាយក្រុមហ៊ុនកំពុងផ្លាស់ប្ដូរទិដ្ឋភាពឌីជីថលរបស់ ប្រទេសទាំងនៅលើការកម្សាន្ត របៀបរស់នៅ និងផលិតភាព តាមរយៈការផ្តល់ជូននូវនវានុវត្តន៍ជាច្រើន។ 

ក្នុងនាមជាក្រុមហ៊ុនបុត្រសម្ព័ន្ធរបស់ Axiata Group Berhad ដែលជាក្រុមហ៊ុនភ្ជាប់ទំនាក់ទំនងឈានមុខ គេមួយនៅអាស៊ីអាគ្នេយ៍ ក្រុមហ៊ុនSmart គឺជាសហគ្រាសម៉ាឡេស៊ីដ៏សំខាន់មួយផ្នែកដែលទទួលបាន វិនិយោគទន់មួយភាគធំពី មូលនិធិទ្រព្យសម្បត្តិអធិបតេយ្យភាពរបស់រដ្ឋាភិបាលម៉ាឡេស៊ី ដែលនេះធ្វើឱ្យ Smart ទទួលបានអត្ថប្រយោជន៍ពីអ្នកជំនាញក្នុងតំបន់ និងស្តង់ដារពិភពលោក។ បង្អែកដ៏រឹងមាំនេះ បញ្ជាក់ពីជំហរដ៏រឹងមាំរបស់ Smart ក្នុងការផ្តល់សេវាស្តង់ដារពិភពលោក ដោយរួមចំណែកជ្រោមជ្រែងនូវបរិយាប័ន្នឌីជីថល និងការលើកកម្ពស់សេដ្ឋកិច្ចនៅកម្ពុជា។ 

The post Smart Axiata ដាក់ឱ្យប្រើប្រាស់សេវា 5G ដើម្បីលើកកម្ពស់ការអភិវឌ្ឍសេដ្ឋកិច្ចឌីជីថលកម្ពុជា appeared first on Kampuchea Thmey Daily.

កម្មវិធីនេះនឹងប្រព្រឹត្តិឡើងចាប់ពីល្ងាចថ្ងៃទី 24 ខែតុលា រហូតដល់ ថ្ងៃទី 25 ខែតុលា 2025 នៅ សាល បុរី កោះពេជ្រ (Koh Pich City Hall)។​ សាធារណជនអាចចូលរួមក្នុងកម្មវិធីនេះដោយសេរី មិនថាគ្រួសារ សិស្ស និស្សិត សិល្បករ ឬអ្នកស្រឡាញ់ការរស់នៅ​បែបបៃតងឡើយ។ ​ការអបអរសមិទ្ធផលចីរភាពនេះ  ជាការបង្ហាញឱ្យ ឃើញថា ចីរភាពក៏អាចជាសកម្មភាពដែលរាល់គ្នាអាចសិក្សាស្វែងយល់ បំផុសគំនិត និង​ចូល​រួម​ចំណែក​ផង​ដែរ។ ពិព័រណ៍នេះពោរពេញទៅដោយសកម្មភាពកម្សាន្តសប្បាយជាច្រើន តាំង​ពី​ការ​ដាក់​តាំង​ផលិតផល​​បៃតង កិច្ចពិភាក្សា និងហត្ថកម្មបែបច្នៃប្រឌិត ព្រមទាំងការដើរបង្ហាញម៉ូដ ដែល​មាន​ការ​រចនា​បែប​ចីរភាពផងដែរ។

អ្នកទស្សនានឹងអាចស្វែងយល់បន្ថែមអំពីផលិតផល និងអាជីវកម្មដែលយកចិត្តទុកដាក់លើបរិស្ថាន និង​សហគមន៍ តាម​រយៈ​ការ​ដាក់​​តាំង​​ផលិតផលពីសំណាក់សហគ្រិនក្នុងស្រុកជាច្រើន រួម​មាន​ផលិតផល​ធ្វើ​ដោយ​ដៃ សំលៀកបំពាក់កែច្នៃឡើងវិញ ផលិតផល​បៃតង និងស្នាដៃប្រកបដោយចីរភាពផ្សេងៗទៀត។ នេះ​ក៏​ជាឱកាសដ៏ល្អដើម្បីជួបសំណេះសំណាល និងគាំទ្រអាជីវកម្មក្នុងស្រុក ​ដែល​កំពុង​ផ្ដល់​ផល​វិជ្ជមាន​ដល់​បរិស្ថាន និងសង្គ​មជាតិ។

ជាផ្នែកមួយយ៉ាងសំខាន់ក្នុងពិព័រណ៍នេះ ក្រុមហ៊ុន Smart បាន​ចេញ​ផ្សាយ​នូវ​របាយការណ៍​ចីរភាព​ប្រចាំ​ឆ្នាំ​លើក​ទី​10 ក្រោម​ប្រធានបទ “បង្កើតសមិទ្ធផលដើម្បីចីរភាព”។ ចាប់តាំងពីឆ្នាំ 2014 មក ក្រុមហ៊ុន Smart តែង​តែ ចេញ​ផ្សាយ​នូវ​របាយការណ៍​ចីរភាព ដោយ​បង្ហាញ​ពី​ភាព​រីក​ចម្រើន​ក្នុង​ការ​ភ្ជាប់​គម្លាត​បច្ចេកវិទ្យា​ឌីជីថល ការលើកកម្ពស់សហគមន៍ និង​ការ​ឆ្លើយតប​ទៅ​នឹង​បម្រែបម្រួល​អាកាសធាតុ ដោយ​ផ្តោត​លើ​តម្លា​ភាព និងភាពទទួលខុសត្រូវជាសាធារណៈ។

លោក Ritesh Kumar Singh អគ្គនាយកក្រុមហ៊ុន Smart Axiata បានមានប្រសាសន៍ថា៖ «តាម​រយៈ​កម្មវិធី​នេះ យើង​សូម​អញ្ជើញ​អ្នក​ទាំង​អស់គ្នា ឱ្យចូលរួមអបអរសាទរចីរភាពនៅប្រទេសកម្ពុជា ក្នុង​ឱកាស​ពិធី​សម្ពោធ​របាយការណ៍ចីរភាពរបស់យើង និង​យក​ចីរភាព​មកអនុវត្តក្នុងជីវិតប្រចាំថ្ងៃផងដែរ។ យើង​ចង់​ឃើញ​ប្រជាជន​កម្ពុជាប្រកាន់ភ្ជាប់នូវទម្លាប់បៃតង ដើម្បី​អនាគត​របស់​ភព​ផែនដី​យើង។»

​កម្មវិធីសំខាន់មួយទៀតនោះគឺការដើរបង្ហាញម៉ូដនិងច្នៃសំលៀកបំពាក់តាមបែបចីរភាព រៀបចំដោយ ReMade in Cambodia និងក្រុម​សិល្បករ​ក្នុងស្រុក វ័យក្មេង ចំនួន 21 រូប ដែល​នឹង​ប្រព្រឹត្ត​ទៅ​នៅ​ល្ងាច​ថ្ងៃសៅរ៍ ទី25 ខែតុលា។ ការបង្ហាញម៉ូដនេះ នឹង​បង្ហាញ​សម្លៀក​បំពាក់​ដែល​បង្កើត​ឡើងវិញ​ពីសម្ភារៈ ឬ​ក្រណាត់​ចាស់ៗ ដើម្បីផ្លាស់ប្តូរទៅជារចនាបថថ្មីៗ។ អ្នកចូលរួម​នឹង​បាន​ឃើញ​នូវ​សម្លៀក​បំពាក់​ទាន់​សម័យ ការបង្ហាញពីទេពកោសល្យដ៏ប៉ិនប្រសប់របស់សិល្បៈករក្នុងស្រុក និងការសម្តែងដ៏ពិសេស ដែល​លាយ​បញ្ចូល​ភាព​ច្នៃប្រឌិត ជាមួយនឹងគុណតម្លៃយ៉ាងវិសេស។

កញ្ញា Alyssa Kardos Loera នាយកប្រតិបត្តិរបស់​ ReMade in Cambodia បានលើកឡើងថា «ពិព័រណ៍សិល្បៈភពផែនដីនេះ ជាឱកាស​ដ៏​ល្អ​ដើម្បី​ឱ្យយុវជន និងសាធារណជនបានចូលរួមសកម្មភាពកម្សាន្តសប្បាយ ដើម្បីស្វែងយល់​អំពី​ចីរភាពតាមរយៈសិល្បៈ ពីការទទួលយកកូនឈើ រហូតដល់ការនាំពួកគាត់ឱ្យបានស្គាល់អង្គភាពដែលធ្វើការលើប្រធានបទនេះ។ ហើយតាមរយៈកិច្ចសហការជាមួយក្រុមហ៊ុន Smart កម្មវិធីបង្ហាញម៉ូដដែលផ្ដោតលើការលើកកម្ពស់សិល្បករក្នុងស្រុក និងបង្កើនការយល់ដឹងអំពីកាកសំណល់មួយនេះ បានក្លាយជាពិព័រណ៍យ៉ាងស្រស់បំព្រង ដែលបង្ហាញថាចីរភាព​ មិនត្រឹមតែមានសារៈសំខាន់ជាចាំបាច់ប៉ុណ្ណោះទេ ប៉ុន្តែក៏អាចបង្ហាញអំពីអត្តសញ្ញាណដ៏គួរឱ្យស្ងើចសរសើររបស់ខ្មែរផងដែរ»។

ដូច្នេះ កុំភ្លេចនាំគ្រួសារ និងមិត្តភ័ក្ដិមកចូលរួមក្នុងកម្មវិធីរយៈពេល 1.5 ថ្ងៃនេះ ដោយ​រីករាយ​ជាមួយ​នឹង​សិល្បៈ តន្ត្រី ការ​បង្ហាញ​ម៉ូដ​ និងការបំផុសគំនិតថ្មីៗដើម្បីចីរភាព។

ព័ត៌មានកម្មវិធី៖

• កាលបរិច្ឆេទ៖ 24 – 25 ខែតុលា 2025
• ទីតាំង៖ សាលបុរីកោះពេជ្រ (Koh Pich City Hall) ទីក្រុងភ្នំពេញ។
• ចូលរួមដោយឥតគិតថ្លៃ សម្រាប់សកម្មភាពពេលព្រឹក និងពេលល្ងាច
• ចូលរួមក្នុងការបង្ហាញម៉ូដនាល្ងាចថ្ងៃទី​ 25 តុលា និងចុះឈ្មោះ ដើម្បីទទួលបានសំបុត្រដោយឥតគិតថ្លៃ។ ចុះឈ្មោះយកសំបុត្រឥឡូវនេះ៖ https://bookme.plus/t/events/earth-arts-festival

សម្រាប់ព័ត៌មានបន្ថែម សូមតាមដាន Smart Axiata និង ReMade in Cambodia លើបណ្តាញសង្គម។

The post ចូលរួមដោយសេរី៖ ក្រុមហ៊ុន Smart Axiata អបអរសមិទ្ធផលចីរភាពជាង 10 ឆ្នាំ ក្នុង​ ពិព័រណ៍សិល្បៈភពផែនដី ជាមួយ ReMade appeared first on Kampuchea Thmey Daily.

ជាមួយបទពិសោធន៍ជិត 30​ ឆ្នាំ ជាថ្នាក់ដឹកនាំក្នុងវិស័យទូរគមនាគមន៍នៅអាស៊ី កន្លងមកលោក Ritesh មានបទពិសោធន៍បម្រើការងារនៅក្រុមហ៊ុននានាដូចជាក្រុមហ៊ុន VEON (ប្រទេសបង់ក្លាដេស) Bharti Airt (ប្រទេសឥណ្ឌា) Telenor (អាស៊ី និងឥណ្ឌា) និងថ្មីៗនេះជានាយកផ្នែកពាណិជ្ជកម្មនៃក្រុមហ៊ុន Indosat Ooredoo Hutchison (ប្រទេសឥណ្ឌូនេស៊ី)។​ លោក Ritesh​ ជាអ្នកដឹកនាំដែលប្រកបដោយបទពិសោធន៍ក្នុងការពង្រីកវិសាលភាពនៃនវានុវត្តន៍ថ្មី ពង្រីកឱកាស និងកសាងនូវប្រព័ន្ធអេកូឡូស៊ីដែលយកចិត្តទុកដាក់លើអតិថិជននៅតាមបណ្តាទីផ្សារដែលមានសក្តានុពលក្នុងតំបន់។

ការអភិវឌ្ឍប​ន្ថែមពីលើសមិទ្ធផលដ៏រឹងមាំដែលបានកសាងឡើងកន្លងមក
លោក Ritesh នឹងកាន់តំណែងបន្តពីលោក Ziad Shatara ដែលជានាយកប្រតិបត្តិរបស់ក្រុមហ៊ុន Smart តាំងពីខែមករាឆ្នាំ 2023 មក។ លោក Ziad បានបន្សល់ទុកនូវសមិទ្ធផលនានា រួមមានភាពជោគជ័យក្នុងទីផ្សារ ភាពជាអ្នកដឹកនាំដែលនាំមកនូវនវានុវត្តន៍ និងជួយឱ្យក្រុមហ៊ុន Smart ដើរតួយ៉ាងសំខាន់ក្នុងសង្គមឌីជីថលកម្ពុជា។ បច្ចុប្បន្ននេះ លោក​ Ziad ត្រូវបានតែងតាំងជានាយកប្រតិបត្តិ (CEO) នៅក្នុងសម្ព័ន្ធក្រុមហ៊ុន​ Axiata Group ដដែល គឺក្រុមហ៊ុន Robi Axiata ក្នុងប្រទេសបង់ក្លាដេស។

លោក Ritesh បានមានប្រសាសន៍ថា៖ “ភាពជាអ្នកដឹកនាំរបស់លោក Ziad បានបង្កើតជាមូលដ្ឋានគ្រឹះយ៉ាងរឹងមាំសម្រាប់ក្រុមហ៊ុន Smart នៅក្នុងទីផ្សារកម្ពុជា និងបានបង្ហាញពីតួនាទីយ៉ាងសំខាន់របស់ក្រុមហ៊ុន​ក្នុងតួនាទីជាដៃគូដែលមានទំនុកចិត្តក្នុងផ្នែកទូរគមនាគមន៍ និងដំណោះស្រាយ ICT សម្រាប់ដំណើរឌីជីថលរបស់កម្ពុជា។​​​ ខ្ញុំបាទពិតជាមានភាពសោមនស្សក្នុងការបន្តចក្ខុវិស័យនេះ និងខិតខំប្រឹងប្រែងដើម្បីបន្តដឹកនាំក្រុមហ៊ុន Smart ទៅកាន់ដំណាក់កាលបន្ទាប់នៃនវានុវត្តន៍ និងសមិទ្ធផលថ្មី។”

ចក្ខុវិស័យដែលស្របទៅនឹងអាទិភាពឌីជីថលរបស់ប្រទេសកម្ពុជា
ខណៈដែលបរិវត្តកម្មឌីជីថលកាន់តែដើរតួយ៉ាងសំខាន់សម្រាប់សេដ្ឋកិច្ចរបស់ប្រទេសកម្ពុជា ក្រុមហ៊ុន Smart ក្រោមការដឹកនាំរបស់លោក Ritesh នឹងដើរស្របទៅនឹងចក្ខុវិស័យរបស់រាជរដ្ឋាភិបាលកម្ពុជា ក្នុងការកសាងនូវសង្គមឌីជីថលទំនើប ដែលប្រកបដោយបរិយាប័ន្ន និងសុវត្ថិភាព។ យុទ្ធសាស្ត្រជាអាទិភាពរបស់លោក រួមមាន៖

• ពង្រីកវិសាលភាពនៃការតភ្ជាប់ និងអក្ខរកម្មឌីជីថល៖
  ពង្រឹងបន្ថែមឲ្យកាន់តែប្រសើរឡើងនូវសេវាអុីនធឺណិតនៅទូទាំងប្រទេស ពង្រីកវិសាលភាពខ្សែកាបអុបទិក និងត្រៀមខ្លួមសម្រាប់ចាប់យកនូវបច្ចេកវិទ្យាជំនាន់ថ្មី ព្រមទាំងយកចិត្តទុកដាក់លើអក្ខរកម្មឌីជីថល ដើម្បីគាំទ្រពលរដ្ឋកម្ពុជានូវជំនាញមូលដ្ឋានសម្រាប់ពេលអនាគត។
• លើកកម្ពស់គុណភាពសេវាកម្មឌីជីថល និងបទពិសោធន៍អតិថិជន
  ផ្ដល់នូវវេទិកាទំនើប និងដំណោះស្រាយ ICT ដ៏ច្នៃប្រឌិត ដើម្បីជ្រោមជ្រែងដល់ការអភិវឌ្ឍរបស់ពលរដ្ឋ ធុរកិច្ច និងរាជរដ្ឋាភិបាល ឲ្យស្របទៅតាមគោលនយោបាយសេដ្ឋកិច្ច និង សង្គមឌីជីថលកម្ពុជា 2022-2035 ដោយយកចិត្តទុកដាក់លើបទពិសោធន៍របស់អតិថិជន តាមរយៈវេទិកាឌីជីថល​កាន់តែសម្បូរបែប​ និងសេវាកម្មដែលផ្ដល់នូវគុណតម្លៃ និងសមស្របទៅតាមតម្រូវការរបស់អតិថិជន។
• ការវិនិយោគលើបណ្តាញហេដ្ឋារចនាសម្ព័ន្ធប្រកបដោយចីរភាព
  បន្តអភិវឌ្ឍន៍បណ្ដាញសេវាដែលមានភាពធន់ និងប្រសិទ្ធភាពនៃការប្រើប្រាស់ថាមពល ដើម្បីភាពរីកចម្រើនក្នុងរយៈពេលវែង និងគាំទ្រការប្តេជ្ញារបស់កម្ពុជាក្នុងការកាត់បន្ថយបម្រែបម្រួលអាកាសធាតុ។
• ជំរុញនវានុវត្តន៍ និងភាពជាដៃគូ
  សហការជាមួយរាជរដ្ឋាភិបាល ធុរកិច្ចថ្មី បណ្ឌិត្យសភា និងសហគ្រាស​ ឧស្សាហកម្ម ដើម្បីលើកកម្ពស់សហគ្រិនភាព បរិយាប័ន្នឌីជីថល និងបង្កើតឱកាសថ្មីៗលើផ្នែកសេដ្ឋកិច្ច និងសង្គមកិច្ច។
• ជ្រោមជ្រែងគោលនយោបាយសេដ្ឋកិច្ច និងសង្គមឌីជីថល 2021-2035
  កំណត់តួនាទីរបស់ក្រុមហ៊ុន Smart Axiata ជាដៃគូដែលប្រកបដោយទំនុកចិត្ត ក្នុងការពង្រឹងភាពប្រកួតប្រជែងរបស់កម្ពុជា និងភាពធន់នៃប្រព័ន្ធឌីជីថលនៅក្នុងសេដ្ឋកិច្ចអាស៊ាន។

លោក Ritesh Kumar Singh  បានមានប្រសាសន៍បន្ថែមថា “Smart Axiata មិនមែនត្រឹមតែជាប្រតិបត្តិករទូរគមនាគមន៍ប៉ុណ្ណោះទេ ពួកយើងជាដៃគូសម្រាប់ចូលរួមក្នុងដំណើរការនៃការអភិវឌ្ឍ និងស្ថាបនាប្រទេសកម្ពុជា។ យើងប្តេជ្ញាបង្កើតនូវសមិទ្ធផលពិតប្រាកដ តាមរយៈការពង្រីកនវានុវត្តន៍ និងការអប់រំឌីជីថល ការវិនិយោគលើហេដ្ឋារចនាសម្ព័ន្ធប្រកបដោយចីរភាព និងការផ្តល់នូវឱកាសបន្ថែមទៀតដល់យុវជននិងសហគ្រិន។ ដោយមានការចូលរួមយ៉ាងសកម្មពីក្រុមការងារ ដៃគូ និងសហគមន៍ របស់យើង ខ្ញុំជឿជាក់ថា Smart នឹងបន្តបង្កើតសមិទ្ធផលយូរអង្វែងសម្រាប់ប្រជាពលរដ្ឋ និងសេដ្ឋកិច្ចរបស់កម្ពុជា”។

ទំនុកចិត្តសម្រាប់ពេលអនាគត
ការតែងតាំងលោក Ritesh ជានាយកប្រតិបត្តិសម្រាប់ក្រុមហ៊ុន Smart បញ្ជាក់ពីទំនុកចិត្តរបស់ក្រុមហ៊ុនក្នុងការបន្តរក្សាសន្ទុះនៃវិស័យឌីជីថលដែលកំពុងរីកចម្រើនយ៉ាងឆាប់រហ័សនៅក្នុងប្រទេសកម្ពុជា។ ជាមួយការគាំទ្ររបស់សម្ព័ន្ធក្រុមហ៊ុន Axiata Group Berhad ដែលជាក្រុមហ៊ុនភ្ជាប់ទំនាក់ទំនងឈានមុខគេមួយនៅអាស៊ីអាគ្នេយ៍ ដែលមានទីស្នាក់ការកណ្ដាលក្នុងប្រទេសម៉ាឡេស៊ី  ក្រុមហ៊ុន Smart នឹងបន្តរួមបញ្ចូលគ្នារវាងស្តង់ដារអន្តរជាតិ ជាមួយនឹងធនធានមនុស្សរបស់កម្ពុជា និងនវានុវត្តន៍ក្នុងស្រុក ដើម្បីផ្តល់នូវសេវាកម្មដែលប្រកបដោយទំនុកចិត្តសម្រាប់អតិថិជនជាង 8 លាននាក់នៅទូទាំងប្រទេស។

អំពី​ Smart 
 ក្រុមហ៊ុន Smart Axiata ផ្តល់ជូននូវសេវាកម្មទូរគមនាគមន៍ និងដំណោះស្រាយ ITC នៅក្នុងប្រទេសកម្ពុជា ទៅកាន់អតិថិជនជាង ៨ លាននាក់។ តាមរយៈការផ្លាស់ប្តូរទៅជាម៉ាកយីហោបច្ចេកវិទ្យាទូរសព្ទចល័ត និងឌីជីថលដ៏ទូលំទូលាយ ក្រុមហ៊ុនកំពុងផ្លាស់ប្ដូរទិដ្ឋភាពឌីជីថលរបស់ប្រទេស ទាំងនៅលើការកម្សាន្ត របៀបរស់នៅ និងផលិតភាព តាមរយៈការផ្តល់ជូននូវនវានុវត្តន៍ជាច្រើន។ 
 
ក្នុងនាមជាក្រុមហ៊ុនបុត្រសម្ព័ន្ធរបស់ Axiata Group Berhad ដែលជាក្រុមហ៊ុនភ្ជាប់ទំនាក់ទំនងឈានមុខគេមួយនៅអាស៊ីអាគ្នេយ៍ ក្រុមហ៊ុន Smart គឺជាសហគ្រាសម៉ាឡេស៊ីដ៏សំខាន់មួយផ្នែកដែលទទួលបានវិនិយោគទន់មួយភាគធំពី មូលនិធិទ្រព្យសម្បត្តិអធិបតេយ្យភាពរបស់រដ្ឋាភិបាលម៉ាឡេស៊ី ដែលនេះធ្វើឱ្យ Smart ទទួលបានអត្ថប្រយោជន៍ពីអ្នកជំនាញក្នុងតំបន់ និងស្តង់ដារពិភពលោក។ បង្អែកដ៏រឹងមាំនេះបញ្ជាក់ពីជំហរដ៏រឹងមាំរបស់ Smart ក្នុងការផ្តល់សេវាស្តង់ដារពិភពលោក ដោយរួមចំណែកជ្រោមជ្រែងនូវបរិយាប័ន្នឌីជីថល និងការលើកកម្ពស់សេដ្ឋកិច្ចនៅកម្ពុជា។ 

The post ក្រុមហ៊ុន ស្មាត អាស្យាតា តែងតាំង លោក Ritesh Kumar Singh ជានាយកប្រតិ្តបត្តិ ដើម្បីបើកទំព័រថ្មីនៃការអភិវឌ្ឍឌីជីថល appeared first on Kampuchea Thmey Daily.

ពានរង្វាន់ឆ្នើមអាស៊ាននេះ ជាការស្ងើចសសើរដល់​អង្គភាពនានាដែលមានស្នាដៃលេចធ្លោ និងបានរួមចំណែកដល់ការងារសង្គម។ សម្រាប់ប្រទេសកម្ពុជា ក្រុមហ៊ុន Smart Axiata ជាអ្នកទទួលពានរង្វាន់ក្រុមហ៊ុនឯកជនឆ្នើម សម្រាប់ភាពជាអ្នកដឹកនាំក្នុងការការពារកុមារពីការរំលោភបំពានក្នុងសម័យឌីជីថល តាមរយៈគំនិតផ្តួចផ្តើមជាច្រើន។

សព្វថ្ងៃ​នេះ កុមារមានការភ្ជាប់ទំនាក់ទំនងលើប្រព័ន្ធអុីនធឺណិតកាន់តែច្រើន។ ខណៈពេលដែលអុីនធឺណិតបានក្លាយជាកន្លែងដ៏សំខាន់សម្រាប់ការសិក្សា និងការកម្សាន្ត អុីនធឺណិតក៏បានធ្វើឱ្យកុមារប្រឈមនឹងហានិភ័យផងដែរ។ របាយការណ៍ ‘ការបញ្ឈប់គ្រោះថ្នាក់ក្នុងប្រទេសកម្ពុជា’ បានប៉ាន់ស្មានថា កុមារកម្ពុជា ម្នាក់ ក្នុងចំណោម ១០ នាក់ ធ្លាប់ទទួលរងការរំលោភបំពាន និងកេងប្រវ័ញ្ចផ្លូវភេទតាមអនទ្បាញ។

ក្នុងនាមជាក្រុមហ៊ុនផ្តល់សេវាទូរគមនាគមន៍ និងជាក្រុមហ៊ុនផ្តល់ដំណោះស្រាយ ICT ក្រុមហ៊ុន Smart បាន យល់ច្បាស់អំពីទំនួលខុសត្រូវរបស់ខ្លួន និងបានស្ម័គ្រចិត្តធ្វើការយ៉ាងសកម្មដើម្បីចូលរួមការពារកុមារលើប្រព័ន្ធអ៊ីនធឺណិត។ យុទ្ធនាការណ៍ទាំងនេះ​ត្រូវបានធ្វើឡើងស្របតាមគោលការណ៍ណែនាំស្តីពីកិច្ចការពារកុមារលើប្រព័ន្ធអនឡាញសម្រាប់ក្រុមហ៊ុនបច្ចេកវិទ្យាឌីជីថលនៅកម្ពុជា ដែលបានបោះពុម្ពដោយក្រសួងប្រៃសនីយ៍និងទូរគមនាគមន៍។​ បន្ថែមពីនេះ Smart ក៏បានយកចិត្តទុកដាក់លើសុវត្ថិភាពកុមារនៅក្នុងប្រតិបត្តិការប្រចាំថ្ងៃ ដែលស្របទៅនឹងចក្ខុវិស័យរបស់ក្រុមហ៊ុន ក្នុងការក្លាយជាក្រុមហ៊ុន បច្ចេកវិទ្យាដែលគួរឱ្យទុកចិត្តបំផុតសម្រាប់អ្នកប្រើប្រាស់ និងអាជីវកម្ម នៅប្រទេសកម្ពុជាត្រឹមឆ្នាំ 2026។

កិច្ចខិតខំប្រឹងប្រែងរបស់ក្រុមហ៊ុនរួមមាន៖

• កម្មវិធីអក្ខរកម្មឌីជីថល បានផ្ដល់នូវចំណេះដឹងផ្នែកអក្ខរកម្មឌីជីថលមូលដ្ឋានទៅដល់សិស្សានុសិស្សប្រមាណជាង 6,000 នាក់ ដើម្បីប្រើប្រាស់អុីនធឺណិតឱ្យបានត្រឹមត្រូវនិងប្រកបដោយប្រសិទ្ធភាព
• វីដេអូគំនូរជីវចល ដែលផ្ដល់ចំណេះដឹងលើផ្នែកឯកជនភាពទិន្នន័យ ដានជើងឌីជីថល និងគន្លឹះសុវត្ថិភាពលើអ៊ីនធឺណិត ដែលមានការទស្សនាជាងកន្លះលានដង និងជួយបង្កើតនូវការពិភាក្សាយ៉ាងសំខាន់រវាងអាណាព្យាបាល និងកូនៗ
• មុខងាររាយការណ៍ ក្រោមកិច្ចសហការជាមួយអង្គការ APLE Cambodia ដែលអនុញ្ញាតឱ្យអ្នកប្រើប្រាស់ទាំងអស់ អាចរាយការណ៍ពីករណីសង្ស័យលើការរំលោភបំពានលើកុមារ ដែលឈានដល់ការទទួលនូវការរាយការណ៍ចំនួន 25 ករណី
• ការដាក់នូវប្រការការពារកុមារទៅក្នុងក្រមសីលធម៌បុគ្គលិក ដើម្បីពង្រឹងថា បុគ្គលិកមានការយកចិត្តទុកដាក់លើសុវត្ថិភាពរបស់កុមារក្នុងពេលប្រកបការងារ
• ការដាក់ចេញនូវខែលការពារសុវត្ថិភាពកុមារដែលរចនាឡើងដើម្បីបិទតំណដែលមានផ្ទុកមាតិកាដែលទាក់ទងនឹងការបំពានផ្លូវភេទរបស់កុមារ កុំឱ្យទៅដល់អ្នកប្រើប្រាស់ដែលងាយរងគ្រោះ ក្រោមកិច្ចសហការជាមួយអង្គការអន្តរជាតិ Internet Watch Foundation ដែលមានប្រតិបត្តិការនៅក្នុងប្រទេសចំនួន 53 ។

ក្រុមហ៊ុន Smart ក៏បានពង្រឹងក្របខ័ណ្ឌសុវត្ថិភាពឌីជីថលដ៏ទូលំទូលាយរបស់ខ្លួនជាមួយនឹងវិធានការនានារួមមាន៖

• ប្រព័ន្ធគ្រប់គ្រងសុវត្ថិភាពព័ត៌មាន (ISMS) ដែលមានវិញ្ញាបនបត្របញ្ជាក់ ISO 27001:2022

• Next-generation signaling firewalls​ (NGSF) ដើម្បីពង្រឹងសុវត្ថិភាពទិន្នន័យរបស់អតិថិជន និងសុវត្ថិភាពនៃ បណ្ដាញរបស់ក្រុមហ៊ុន

• ប្រព័ន្ធត្រួតពិនិត្យការគំរាមកំហែង 24/7

• កញ្ចប់ Cybersecurity add-on សម្រាប់អ្នកប្រើប្រាស់

លោក Ziad Shatara នាយកប្រតិបត្តិក្រុមហ៊ុន Smart Axiata មានប្រសាសន៍ថា “ពានរង្វាន់នេះគឺជាការទទួលស្គាល់ដ៏មានអត្ថន័យ លើតួនាទីដែលវិស័យឯកជនមានក្នុងការការពារកុមារតាមអុីនធឺណិត”។ លោកបានបន្តថា “យើងយល់យ៉ាងច្បាស់ថា ការការពារកុមារតាមអុីនធឺណិតមិនត្រឹមតែជាទំនួលខុសត្រូវប៉ុណ្ណោះទេ ប៉ុន្តែជាផ្នែកមួយនៃបេសកកម្មរបស់យើងក្នុងការកសាងអនាគតឌីជីថលប្រកបដោយសុវត្ថិភាព និងប្រកបដោយបរិយាប័ន្នសម្រាប់ប្រទេសកម្ពុជា។ ការទទួលស្គាល់នេះ ជំរុញយើងឱ្យបន្តធ្វើការរួមគ្នាជាមួយ​រាជ​រដ្ឋាភិបាល​កម្ពុជា សង្គមស៊ីវិល និងឪពុកម្តាយ ដើម្បីធានាថាកុមារគ្រប់រូបអាចប្រើប្រាស់ប្រព័ន្ធឌីជីថលប្រកបដោយទំនុកចិត្ត និងសុវត្ថិភាព។”

ពានរង្វាន់ឆ្នើមអាស៊ាន ស្ដីពីសុខុមាលភាព និងការអភិវឌ្ឍសង្គម (AOSWADA) ត្រូវបានបង្ហាញរៀងរាល់បីឆ្នាំម្តង ដល់រដ្ឋាភិបាល អង្គការសង្គមស៊ីវិល និងក្រុមហ៊ុនឯកជន ដែលបានរួមចំណែកយ៉ាងសកម្មចំពោះសុខុមាលភាព និងការការពារក្រុមដែលងាយរងគ្រោះ។ ការទទួលបានពានរង្វាន់ឆ្នើមរបស់ក្រុមហ៊ុន Smart Axiata បង្ហាញពីការខិតខំប្រឹងប្រឺងនានាដែលកើតមានឡើងក្នុងប្រទេសកម្ពុជា និងការឈានមុខក្នុងតំបន់លើការបង្កើតសង្គមឌីជីថលដែលមានសុវត្ថិភាព និងប្រកបដោយបរិយាប័ន្ន។

អំពី Smart
ក្រុមហ៊ុន Smart Axiata ផ្តល់ជូននូវសេវាកម្មទូរគមនាគមន៍ និងដំណោះស្រាយ ICT នៅក្នុងប្រទេសកម្ពុជា ទៅកាន់អតិថិជនជាង 8 លាននាក់។ តាមរយៈការផ្លាស់ប្តូរទៅជាម៉ាកយីហោបច្ចេកវិទ្យាទូរសព្ទចល័ត និងឌីជីថលដ៏ទូលំទូលាយ ក្រុមហ៊ុនកំពុងផ្លាស់ប្ដូរទិដ្ឋភាពឌីជីថលរបស់ប្រទេស ទាំងនៅលើការកម្សាន្ត របៀបរស់នៅ និងផលិតភាព តាមរយៈការផ្តល់ជូននូវនវានុវត្តន៍ជាច្រើន។

ក្នុងនាមជាក្រុមហ៊ុនបុត្រសម្ព័ន្ធរបស់ Axiata Group Berhad ដែលជាក្រុមទូរគមនាគមន៍ឈានមុខគេមួយនៅអាស៊ីអាគ្នេយ៍ ក្រុមហ៊ុន Smart គឺជាសហគ្រាសម៉ាឡេស៊ីដ៏សំខាន់មួយផ្នែកដែលទទួលបានវិនិយោគទន់មួយភាគធំពី មូលនិធិទ្រព្យសម្បត្តិអធិបតេយ្យភាពរបស់រដ្ឋាភិបាលម៉ាឡេស៊ី ដែលនេះធ្វើឱ្យ Smart ទទួលបានអត្ថប្រយោជន៍ពីអ្នកជំនាញក្នុងតំបន់ និងស្តង់ដារពិភពលោក។ បង្អែកដ៏រឹងមាំនេះបញ្ជាក់ពីជំហរដ៏រឹងមាំរបស់ Smart ក្នុងការផ្តល់សេវាស្តង់ដារពិភពលោក ដោយរួមចំណែកជ្រោមជ្រែងនូវបរិយាប័ន្នឌីជីថល និងការលើកកម្ពស់សេដ្ឋកិច្ចនៅកម្ពុជា។

The post ក្រុមហ៊ុន Smart Axiata ឈ្នះពានរង្វាន់អាស៊ានដ៏មានកិត្យានុភាពសម្រាប់កិច្ចការពារកុមារលើប្រព័ន្ធអុីនធឺណិត appeared first on Kampuchea Thmey Daily.

ពិធីចុះហត្ថលេខាលើអនុស្សរណៈនៃការយោគយល់គ្នានេះ ត្រូវបានប្រារព្វឡើងនៅមជ្ឈមណ្ឌលដែលទទួលស្គាល់ពីពានរង្វាន់នានារបស់ក្រុមហ៊ុន អាស្យាតា (Axiata) គឺ Axiata Cyber Fusion Center ដែលជាព្រឹត្តិការណ៍ដ៏មានសារៈសំខាន់មួយ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ ។ ឯកឧត្ដមក៏បានអញ្ជើញធ្វើទស្សនកិច្ចដោយផ្ទាល់នៅមជ្ឈមណ្ឌល Axiata Cyber Fusion Center (ACFC) ផងដែរ ដែលទស្សនកិច្ចនេះមានការដាក់បង្ហាញជូនដល់ ឯកឧត្ដម ឱ្យបានឃើញយ៉ាងច្បាស់ពីសមត្ថភាពបច្ចេកវិទ្យាថ្មីៗរបស់ក្រុមហ៊ុន Axiata លើផ្នែកសន្តិសុខសាយប័រផងដែរ។

កិច្ចសហប្រតិបត្តិការដ៏សំខាន់នេះ សបញ្ជាក់ពីការប្តេជ្ញារួមរបស់ភាគីទាំងពីរ ក្នុងការកសាងប្រព័ន្ធឌីជីថលមួយដែលមានភាពរឹងមាំ សុវត្ថិភាព និងភាពធន់ សម្រាប់ប្រទេសកម្ពុជា ក្រោមការចាត់ទុកសន្តិសុខសាយប័រគឺជា ចលករដ៏សំខាន់មួយដែលមិនអាចខ្វះបានក្នុងការសម្រេចបាននូវសង្គមឌីជីថលប្រកបដោយសក្ដានុពល។ អនុស្សរណៈនៃការយោគយល់គ្នានេះ គូសបញ្ជាក់ពីកិច្ចសហការយ៉ាងទូលំទូលាយដោយរួមមាន ៖

• ការវិភាគពីការគំរាមកំហែងសាយប័រ និងការឆ្លើយតបទៅនឹងឧប្បត្តិហេតុ (Cyber Threat Intelligence & Incident Response)៖ ការបង្កើតវេទិការួមដើម្បីផ្លាស់ប្ដូរព័ត៌មាន ស្តីពីការគំរាមកំហែងសាយប័រ និងយុទ្ធសាស្ត្រនានាដើម្បីបង្កើនប្រសិទ្ធភាពនៃការឆ្លើយតបទៅនឹងឧប្បត្តិហេតុ ព្រមទាំងសហការគ្នាដើម្បីឆ្លើយតប និងកាត់បន្ថយ​ឧប្បតិ្តហេតុឆ្លងដែន​ដែលអាចប៉ះពាល់ដល់ស្ថាប័នទាំងពីរ។
• ការកសាងមូលធនមនុស្ស ​​(Capacity Building​)៖ រួមគ្នាអភិវឌ្ឍន៍ និងអនុវត្តកម្មវិធីកសាងមូលធនមនុស្ស ដើម្បីពង្រឹងជំនាញ និងវិជ្ជាជីវៈរបស់អ្នកជំនាញផ្នែកសន្តិសុខសាយប័រទាំងនៅក្រុមហ៊ុន Axiata និងក្រសួងប្រៃសណីយ៍និងទូរគមនាគមន៍កម្ពុជា។
• ការចែករំលែកចំណេះដឹង និងកិច្ចសហប្រតិបត្តិការ៖ ការលើកស្ទួយកិច្ចសហប្រតិបត្តិការទ្វេភាគីតាមរយៈការផ្លាស់ប្តូរព័ត៌មាន ការបញ្ជូនអ្នកជំនាញដើម្បីចែករំលែកចំណេះដឹង ក៏ដូចជារៀបចំការបណ្តុះបណ្តាលរួម ​សិក្ខាសាលា ទស្សនកិច្ចសិក្សា សន្និសីទ និងវេទិកាផ្សេងៗ រួមទាំងកម្មវិធី ដែលផ្តោតលើការបណ្ដុះបណ្ដាលឯកទេស ក្រោមការបញ្ជាក់វិញ្ញាបនបត្រទទួលស្គាល់ពី Global ACE Certification​ ផងដែរ។

កិច្ចសហការនេះ នឹងទទួលការគាំទ្រពីក្រុមហ៊ុនបុត្រសម្ព័ន្ធរបស់ក្រុមហ៊ុន Axiata ដែលកំពុងមានប្រតិបត្តិការនៅកម្ពុជា គឺក្រុមហ៊ុនស្មាត​ អាស្យាតា (Smart Axiata) ដែលមានបទពិសោធន៍យ៉ាងទូលំទូលាយលើទីផ្សារកម្ពុជា និងបានបង្កើតនូវគំនិតផ្តួចផ្តើមផ្នែក ការការពារសន្តិសុខសាយប័រផងដែរ។

មជ្ឈមណ្ឌល Axiata Cyber Fusion Center (ACFC) ដែលបានបើកដំណើរការជាផ្លូវការនៅខែសីហា ឆ្នាំ 2022 នឹងដើរតួនាទីដ៏សំខាន់ក្នុងកិច្ចសហប្រតិបត្តិការនេះ តាមរយៈការប្រើប្រាស់សមត្ថភាពតាមដានហានិភ័យក្នុងពេលជាក់ស្តែង ក៏ដូចជាការទប់ស្កាត់ហានិភ័យជាមុន និងពង្រឹងសមត្ថភាពការពារដ៏រឹងមាំ ដើម្បីគាំទ្រគោលដៅរបស់ក្រសួងប្រៃសណីយ៍និងទូរគមនាគមន៍កម្ពុជាផងដែរ។

ឯកឧត្តមបណ្ឌិត ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ បានលើកឡើងថា៖
«កិច្ចសហប្រតិបត្តិការនេះ ឆ្លុះបញ្ចាំងពីផលប្រយោជន៍រួមរបស់យើងទាំងអស់គ្នា ក្នុងការស្វែងរកកាលានុវត្តភាពពីកិច្ចសហប្រតិបត្តិការដើម្បីពង្រឹងសន្តិសុខសាយប័រ និងភាពធន់នៃប្រព័ន្ធឌីជីថល។ យើងស្វាគមន៍កិច្ចសហការជាមួយក្រុមហ៊ុន Axiata នេះ ដែលជាជំហានមួយឆ្ពោះទៅរកការចែករំលែកចំណេះដឹង និងការធ្វើការរួមគ្នា ដើម្បីពង្រឹងសក្ដានុពលនៃប្រព័ន្ធឌីជីថលរបស់កម្ពុជាឲ្យកាន់តែមានភាពទូលំទូលាយ»។

លោក Vivek Sood អគ្គនាយកប្រតិបត្តិ (Group CEO) និងជានាយកគ្រប់គ្រង (Managing Di​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​rector)  របស់ Axiata ក៏បានលើកឡើងដែរថា៖
«យើងមានមោទនភាពក្នុងការសហការជាមួយក្រសួងប្រៃសណីយ៍និងទូរគមនាគមន៍ ក្នុងកិច្ចសហប្រតិបត្តិការដ៏សំខាន់មួយនេះ។ នៅក្នុងសង្គមឌីជីថលដែលកំពុងរីកចម្រើនយ៉ាងឆាប់រហ័ស សន្តិសុខសាយប័រដែល​រឹងមាំមានភាពចំាបាច់ណាស់ ហើយវាជាមូលដ្ឋានគ្រឹះមួយដ៏សំខាន់សម្រាប់ការអភិវឌ្ឍសេដ្ឋកិច្ចប្រកបដោយចីរភាព និងសុខុមាលភាពសង្គម។ អនុស្សរណៈនេះបញ្ជាក់ពីការប្តេជ្ញាចិត្តយ៉ាងជ្រាលជ្រៅរបស់យើងក្នុងការលើកកម្ពស់សង្គមឌីជីថលនៅអាស៊ី ដោយពឹងផ្អែកលើជំនាញវិជ្ជាជីវៈនិងបទពិសោធន៍ជាក់ស្ដែងរបស់ Axiata ពោលគឺតាមរយៈមជ្ឈមណ្ឌល Axiata Cyber Fusion Center»។

ឯកឧត្តម សំ សិទ្ធិសេរី អគ្គនាយកនៃអគ្គនាយកដ្ឋានបច្ចេកវិទ្យាគមនាគមន៍និងព័ត៌មាននៃក្រសួងប្រៃសណីយ៍និងទូរគមនាគមន៍ បានមានប្រសាសន៍ថា៖ «អនុស្សរណៈនៃការយោគយល់គ្នា ជាមួយ Axiata Group Berhad គឺជាចំណុចសំខាន់ថ្មីមួយ ក្នុងចំណោមកិច្ចខិតខំប្រឹងប្រែងរបស់ក្រសួងដើម្បីពង្រឹងសន្តិសុខសាយប័រនៅកម្ពុជា ដែលផ្តោតលើការអភិវឌ្ឍធនធានមនុស្សលើផ្នែកសន្ដិសុខសាយប័រ ការឆ្លើយតបនឹងការគំរាមកំហែងសាយប័រ និងភាពធន់នៃសន្តិសុខសាយប័រ តាមរយៈយន្តការនៃកិច្ចសហប្រតិបត្តិការ រវាងវិស័យរដ្ឋនិងឯកជន។»

អំពី Axiata 

Axiata គឺជាក្រុមហ៊ុនដែលឈានមុខលើផ្នែក ភ្ជាប់ទំនាក់ទំនងរួម នៅតំបន់អាស៊ីអាគ្នេយ៍ និងអាស៊ីខាងត្បូង ដែលមានយុទ្ធសាស្ត្រក្នុងការរួមបញ្ចូលប្រតិបត្តិការទូរគមនាគមន៍ឌីជីថល ជាមួយនឹងអាជីវកម្មឌីជីថល និងហេដ្ឋារចនាសម្ព័ន្ធនានា។ ជាមួយអង្គភាព​ ដែលគ្រប់គ្រងដោយទ្វេភាគី នៅប្រទេសម៉ាឡេស៊ី (CelcomDigi) និងឥណ្ឌូណេស៊ី (XLSMART), Group មានភាគហ៊ុនគ្រប់គ្រងនៅក្នុងក្រុមហ៊ុនប្រតិបត្តិករទូរសព្ទចល័ត និងជាប់ខ្សែ នៅប្រទេសស្រីលង្កា (Dialog) បង់ក្លាដែស (Robi) និងនៅកម្ពុជា (Smart)។

អាជីវកម្មឌីជីថលក្នុងតំបន់របស់ Axiata រួមមាន Boost ដែលជាក្រុមហ៊ុនបច្ចេកវិទ្យាហិរញ្ញវត្ថុ និង ADA ដែលជាក្រុមហ៊ុនវិភាគទិន្នន័យឌីជីថល និងបច្ចេកវិទ្យាបញ្ញាសិប្បនិម្មិត (AI)។ ក៏ដូចជា Link Net ជាក្រុមហ៊ុនខ្សែកាបអុបទិក ដែលមានទីតាំងនៅប្រទេសឥណ្ឌូណេស៊ី និង EDOTCO ដែលជាក្រុមហ៊ុនឯករាជ្យធំជាងគេទី៦ ដែលមានប្រតិបត្តិការនៅក្នុងប្រាំបួនប្រទេស។ ក្រុមហ៊ុនទាំងនេះ បំពេញបន្ថែមនិងពង្រឹងវិសាលភាពរបស់ Axiata ក្នុងការធានានូវការតភ្ជាប់ដែលរឹងមាំ និងការបំពាក់នូវហេដ្ឋារចនាសម្ព័ន្ធសម្បូរបែបនៅក្នុងតំបន់។

Axiata ជាអ្នកវិនិយោគរយៈពេលវែង បានជម្រុញការរីកចម្រើនក្នុងតំបន់ តាមរយៈការអនុវត្តនូវនវានុវត្តិន៍ថ្មី និងការភ្ជាប់គម្លាតឌីជីថល។​ ក្រុមហ៊ុនមានភាពសកម្មក្នុងការគាំទ្រភាពច្នៃប្រឌិតរបស់យុវជន សហគមន៍ និងយុទ្ធនាការពាក់ព័ន្ធនឹងបរិស្ថាន ដោយខិតខំសហការបំផុសភាពច្នៃប្រឌិត និងការតភ្ជាប់ក្នុងតំបន់ ដើម្បីលើកកម្ពស់អនាគតដែលមានវិសាលភាព ភាពសម្បូរបែប និងមានចីរភាពសម្រាប់ទីផ្សារទាំងមូល។ អានព័ត៌មានបន្ថែម៖ www.axiata.com

The post ក្រុមហ៊ុន​ អាស្យាតា និងរាជរដ្ឋាភិបាលនៃព្រះរាជាណាចក្រកម្ពុជា សហការធ្វើការរួមគ្នាលើផ្នែកសន្ដិសុខសាយប័រ ដើម្បីលើកកម្ពស់សង្គមឌីជីថលនាពេលអនាគត appeared first on Kampuchea Thmey Daily.

ជាផ្នែកមួយនៃការប្តេជ្ញារបស់ក្រុមហ៊ុនចំពោះ “ការលើកកម្ពស់ប្រជាជន និងសហគមន៍” ដែលជាសសរស្តម្ភចីរភាពស្នូលមួយរបស់ខ្លួន ក្រុមហ៊ុន Smart នៅតែបន្តចូលរួមយ៉ាងសកម្ម ដើម្បីផ្តល់ជំនួយជាបន្ទាន់ ចាប់តាំងពីការចាប់ផ្តើមនៃជម្លោះនេះមកម្ល៉េះ។

លោក Ziad Shatara នាយកប្រតិបត្តិក្រុមហ៊ុន Smart Axiata មានប្រសាសន៍ថា «Smart Axiata​ក្នុងនាមជាក្រុមហ៊ុនវិនិយោគម៉ាឡេស៊ីដែលបានបង្កើតឡើងយូរហើយនៅកម្ពុជា Smart Axiata តែងតែរក្សាជំហរ រួមគ្នាតែមួយជាមួយប្រជាជនកម្ពុជាក្នុងគ្រាលំបាក។ មូលនិធិនេះមិនមែនគ្រាន់តែជាការរួមចំណែកផ្នែកហិរញ្ញវត្ថុប៉ុណ្ណោះទេ វាឆ្លុះបញ្ចាំងពីភាពជឿជាក់របស់យើង ទៅលើការតាំងចិត្ត និងស្មារតីដ៏មុតមាំបស់ប្រទេសកម្ពុជា។ នេះបង្ហាញពីការប្តេជ្ញាចិត្តរបស់យើងក្នុងការជួយស្តារនូវជីវភាពរបស់ប្រជាជនខ្មែរឡើងវិញ និងផ្ដល់ក្តីសង្ឃឹមដល់បងប្អូនប្រជាជនខ្មែរទាំងឡាយដែលបានរងនូវផលប​៉ះពាល់។»

លោកបានបន្តថា៖ «យើងសូមថ្លែងអំណរគុណយ៉ាងជ្រាលជ្រៅទៅដល់អាជ្ញាធរមូលដ្ឋានសម្រាប់ការសម្របសម្រួល និងការគាំទ្រឥតស្រាកស្រាន្តក្នុងគ្រាលំបាកនេះ។ ពួកយើងក៏សូមសម្ដែងការគោរព និងចូលរួមរំលែកទុក្ខដល់ក្រុមគ្រួសារនៃប្រជាជនដែលបានបាត់បង់ជីវិតដោយសារជម្លោះនេះ។ ហើយយើងសូមគោរពចំពោះវីវភាព និងការលះបង់របស់កងកម្លាំងជួរមុខ ព្រមទាំងក្រុមគ្រួសារ ដែលបានឈរជើងយ៉ាងរឹងមាំដើម្បីការពារប្រទេសកម្ពុជា។ ក្នុងនាមជាក្រុមហ៊ុនមួយដែលតែងតែបម្រើដល់ប្រជាជនកម្ពុជា យើងមិនត្រឹមតែភ្ជាប់ទំនាក់ទំនងរបស់ពួកគាត់ប៉ុណ្ណោះទេ យើងក៏បានយកចិត្តទុកដាក់លើកិច្ចការសង្គម ដើម្បីឆ្ពោះទៅមុខរួមគ្នាជាមួយប្រទេសកម្ពុជា។»

ជំនួយមនុស្សធម៌ជាបន្តបន្ទាប់
រហូតមកទល់បច្ចុប្បន្ន ក្រុមហ៊ុន Smart Axiata បានចែកកញ្ចប់ស្បៀងចំនួនជាង 13,000 កញ្ចប់ នៅតាមបណ្ដាខេត្តដែលរងផលប៉ះពាល់ និងទៅដល់កងកម្លាំងជួរមុខ និងក្រុមគ្រួសារយោធិនផងដែរ។​ សកម្មភាពនៃការចែកជួនរួមមាន៖

• ស្បៀង 6000 កញ្ចប់ សម្រាប់ប្រជាជនភាសសឹក និងស្បៀង 2500 កញ្ចប់ សម្រាប់កងកម្លាំងយោធាជួរមុខ ព្រមទាំងក្រុមគ្រួសារយោធិន ក្នុងខេត្តព្រះវិហារ

• ស្បៀង 3000 កញ្ចប់ សម្រាប់ជនភាសសឹកក្នុងខេត្តឧត្តរមានជ័យ ហើយស្បៀងចំនួន 1,500 កញ្ចប់ទៀតកំពុងធ្វើដំណើរទៅកាន់ខេត្តឧត្ដរមានជ័យដូចគ្នា។

កញ្ចប់នីមួយៗមានស្បៀងអាហារសំខាន់ៗដើម្បីបំពេញនូវតម្រូវការអាហាររូបត្ថម្ភរបស់បងប្អូនខ្មែរក្នុងគ្រាលំបាកនេះ។ ជាការឆ្លើយតបនឹងតម្រូវការបន្ទាន់នេះ ក្រុមហ៊ុន Smart បានកៀងគរបុគ្គលិកស្ម័គ្រចិត្ត ដើម្បីទិញទំនិញ វេចខ្ចប់ និងដឹកជញ្ជូនកញ្ចប់ស្បៀងទាំងនេះទៅដល់តំបន់ដែលមានតម្រូវការបំផុត។

ភ្ជាប់ទំនាក់ទំនងជាមួយនឹង «ដាតាជាមួយអ្នក»
គិតត្រឹមថ្ងៃទី 1 ខែសីហានេះ អ្នកប្រើប្រាស់អុីនធឺណិតរបស់ ក្រុមហ៊ុន Smart ទាំងអស់ (ទាំង Prepaid និង Postpaid) នឹងទទួលបានទិន្នន័យដាតា 3,333 MB សម្រាប់ភ្ជាប់ទំនាក់ទំនងជាមួយក្រុមគ្រួសាររបស់ពួកគេ ដើម្បីតាមដានព័ត៌មានថ្មីៗ និងដើម្បីចូលរួមគ្នាកសាងប្រទេសជាតិឡើងវិញ។

កញ្ចប់ «ដាតាជាមួយអ្នក» គឺសម្រាប់អតិថិជនស្មាតទាំង 25 ខេត្តក្រុងនៃព្រះរាជាណាចក្រកម្ពុជា ដែលមានសេវាគ្របដណ្ដប់ជាមួយនឹងអង់តែនសេវាច្រើនជាង 4200 នៅទូទាំងប្រទេស។

អំពីមូលនិធិ 1,000,000 ដុល្លារ ដើម្បីគាំទ្រ និងសម្រួលបន្ទុកប្រជាជនកម្ពុជា
មូលនិធិ 1,000,000 ដុល្លារ ដើម្បីគាំទ្រ និងសម្រួលបន្ទុកប្រជាជនកម្ពុជានេះ ជាជំហានបន្ទាប់ដើម្បីបន្ថែមលើការគាំទ្របច្ចុប្បន្ន ដោយផ្តោតលើតម្រូវការបន្ទាន់ផង និងតម្រូវការរយៈពេលវែងផង។ មូនិធិនេះប្រកាន់ខ្ជាប់នូវអភិបាលកិច្ចល្អ និងតម្លាភាពជាគោល ហើយរាល់ការឧបត្ថម្ភទាំងអស់ត្រូវបានឆ្លងកាត់គណៈកម្មការបរធនបាលកិច្ច ដើម្បីធានាបាននូវប្រសិទ្ធភាពនិងតម្លាភាព។

មូលនិធិនេះ នឹងផ្ដោតលើចំណុចសំខាន់ៗដូចជា៖

• ជំនួយលើតម្រូវការបន្ទាន់ និងទីជម្រក

• ការស្តារជីវភាពរស់នៅ និងការគាំទ្រសហគ្រាស ធុនមីក្រូ តូច និងមធ្យម (MSME)

• ការតភ្ជាប់ជាមួយនឹងប្រព័ន្ធឌីជីថល និង ការអប់រំ

• សុខភាព ទាំងផ្លូវកាយនិងផ្លូវចិត្ត

សកម្មភាព ព្រមទាំងវឌ្ឍនភាពទាំងឡាយរបស់មូលនិធិនេះ នឹងត្រូវប្រកាសនៅលើវេទិកាឌីជីថលរបស់ក្រុមហ៊ុន Smart Axiata ជាភាសាខ្មែរ និងភាសាអង់គ្លេស។ មូលនិធិនេះត្រូវបានរចនាឡើង ដើម្បីឆ្លើយតបទៅនឹងតម្រូវការ រក្សាតម្លាភាព និងមានភាពបត់បែនក្នុងការផ្លាស់គោលដៅគាំទ្រ ប្រសិនបើការចំណាយជាក់ស្តែង មានចំនួនទាបជាងចំនួនដែលបានកំណត់។

ក្រុមហ៊ុន Smart Axiata នឹងបន្តធ្វើការជាមួយអាជ្ញាធរមូលដ្ឋាន អង្គការក្រៅរដ្ឋាភិបាល និងអាជ្ញាធរមូលដ្ឋានតាមសហគមន៍ ដើម្បីធានាថា ការគាំទ្រ និងការសម្រាលបន្ទុកប្រជាជនកម្ពុជានេះ ធ្វើឡើងប្រកបដោយបរិយាប័ន្ន ប្រសិទ្ធភាព និងមានអត្ថន័យពិតប្រាកដដល់ប្រជាជនដែលរងផលប៉ះពាល់។

អំពីស្មាត
ក្រុមហ៊ុន Smart Axiata ផ្តល់ជូននូវសេវាកម្មទូរគមនាគមន៍ និងដំណោះស្រាយ ICT នៅក្នុងប្រទេសកម្ពុជា ទៅកាន់អតិថិជនជាង 8 លាននាក់។ តាមរយៈការផ្លាស់ប្តូរទៅជាម៉ាកយីហោបច្ចេកវិទ្យាទូរសព្ទចល័ត និងឌីជីថលដ៏ទូលំទូលាយ ក្រុមហ៊ុនកំពុងផ្លាស់ប្ដូរទិដ្ឋភាពឌីជីថលរបស់ប្រទេស ទាំងនៅលើការកម្សាន្ត របៀបរស់នៅ និងផលិតភាព តាមរយៈការផ្តល់ជូននូវនវានុវត្តន៍ជាច្រើន។

ក្នុងនាមជាក្រុមហ៊ុនបុត្រសម្ព័ន្ធរបស់ Axiata Group Berhad ដែលជាក្រុមទូរគមនាគមន៍ឈានមុខគេមួយនៅអាស៊ីអាគ្នេយ៍ ក្រុមហ៊ុន Smart គឺជាសហគ្រាសម៉ាឡេស៊ីដ៏សំខាន់មួយផ្នែកដែលទទួលបានវិនិយោគទន់មួយភាគធំពី មូលនិធិទ្រព្យសម្បត្តិអធិបតេយ្យភាពរបស់រដ្ឋាភិបាលម៉ាឡេស៊ី ដែលនេះធ្វើឱ្យ Smart ទទួលបានអត្ថប្រយោជន៍ពីអ្នកជំនាញក្នុងតំបន់ និងស្តង់ដារពិភពលោក។ បង្អែកដ៏រឹងមាំនេះបញ្ជាក់ពីជំហរដ៏រឹងមាំរបស់ Smart ក្នុងការផ្តល់សេវាស្តង់ដារពិភពលោក ដោយរួមចំណែកជ្រោមជ្រែងនូវបរិយាប័ន្នឌីជីថល និងការលើកកម្ពស់សេដ្ឋកិច្ចនៅកម្ពុជា។

The post ក្រោមជំហរជាធ្លុងមួយជាមួយប្រជាជនកម្ពុជា ក្រុមហ៊ុន Smart Axiata បង្កើតនូវមូលនិធិ 1,000,000 ដុល្លារ ដើម្បីគាំទ្រ និងសម្រួលបន្ទុក appeared first on Kampuchea Thmey Daily.