មិនខុសគ្នាពីមហាជនអ្នកគាំទ្រនោះទេ ក្នុងនោះសូម្បីតែអ្នកសិល្ប:រួមអាជីពក៏បានបង្ហាញពីគោលបំណងចង់ឃើញតារារៀមច្បងលោក ព្រាប សុវត្ថិ ធ្វើព្រឹត្តិការណ៍នៃការប្រគុំតន្រ្តី SOLO CONCERT ផងដែរ ទោះជាយ៉ាងណាគេនៅមិនទាន់ដឹងទេថាតើតារាចម្រៀងជើងចាស់រូបនេះ អាចនឹងបំពេញតាមបំអ្នកគាំទ្រយ៉ាងណានៅឡើយទេ។

ផ្អែកតាមការស្ទង់មតិ សង្កេតឃើញមានទស្សនិកជនពិសេសមិត្តៗយុវវ័យជាច្រើន បានបង្ហាញការគាំទ្រដោយម្នាក់ៗពិតចង់ឱ្យកំពូលតារាចម្រៀងលោក ព្រាប សុវត្ថិ រៀបចំព្រឹត្តិការណ៍ដ៏អស្ចារ្យនេះផងដែរ។ ចំណែកតារាចម្រៀងរួមទ្រនំលោក ខាន់ ជេមស៌ ក៏បានបញ្ចេញមតិចង់ឱ្យរៀមច្បងរូបនេះធ្វើ SOLO CONCERT ដែរ។

លោក ខាន់ ជេមស៌ បានលើកឡើងថា ចង់ឃើញបងប្រុស (ព្រាប សុវត្ថិ )ធ្វើ SOLO CONCERT ណាស់ តើបងប្អូនគិតដូចខ្ញុំដែរទេ? បើចង់សុំ comment ម្នាក់មួយមកណា។ យ៉ាងណា មតិភាគច្រើនគឺគាំទ្រ ១០០ភាគរយជុំវិញរឿងនេះ។

គួរឱ្យដឹងដែរថា កំពូលតារាចម្រៀងងារឧកញ៉ាលោក ព្រាប សុវត្ថិ គឺបានចូលប្រឡូកនៅក្នុងវិស័យសិល្ប:ចម្រៀងយ៉ាងជោគជាំមានរយ:ពេលជិត ៣ទសវត្សរ៍ហើយ ដោយលោកបានសាងបាននូវប្រជាប្រិយភាពល្បីល្បាញ និងការគាំទ្រទូទាំងប្រទេស ខណៈមិនទាន់មានតារាចាស់ថ្មីរូបណាអាចប្រជែងតំណែងលោកបានឡើយ៕ អត្ថបទ៖ ចាន់រ៉ា

The post អ្នកគាំទ្រចង់ឃើញកំពូលតារាចម្រៀង ព្រាប សុវត្ថិ រៀបចំព្រឹត្តិការណ៍ “SOLO CONCERT” appeared first on Kampuchea Thmey Daily.

បើតាមផេកផ្លូវការរបស់ផលិតកម្ម ហង្ស មាស បញ្ជាក់ថា ព្រឹត្តការណ៍ប្រគំតន្ត្រីដែលត្រៀមរៀបចំធ្វើនៅថ្ងៃទី២៨ ខាងមុខនេះ ក្នុងបរិវេណកីឡដ្ឋានខេត្ត ទីរួមខេត្តកំពង់ចាម ដែលនឹងផ្តល់ជូននូវបទពិសោធថ្មីនៃការទស្សនាតន្ត្រីបែប Outdoor ដំបូងបង្អស់ជាមួយការបង្កើតទីកន្លែងទស្សនាតន្ត្រីខ្នាតធំ Pop-Up Arena នៅកម្ពុជា។

ដោយឡែក ចំពោះសំបុត្រទស្សនានៅពេលនេះ គឺមិនទាន់ប្រកាសដាក់លក់នៅឡើយទេ ខណៈសំបុត្រទស្សនាបែងចែកជា ៣ជម្រើសផងដែរសម្រាប់បណ្តាអ្នកគាំទ្រ តារាចម្រៀងស្រីល្បីឈ្មោះរូបនេះ។

គួរជម្រាបថា បើទោះបីជា Solo Concert របស់តារាចម្រៀងជួរមុខនេះ ធ្វើផ្ទួនៗគ្នាអំឡុងប៉ុន្មានខែនេះក៏ដោយ ប៉ុន្តែអ្នកគាំទ្ររបស់អ្នកនាង នៅតែសម្តែងក្តីរំភើប និងស្នើឱ្យបន្តដំណើរនៃព្រឹត្តិការណ៍របស់អ្នកនាង តាមបណ្តាខេត្តរបស់ខ្លួនទៀតផង៕

The post ច្បាស់ការហើយ! Solo Tour Concert លើកទី៣ ឱក សុគន្ធកញ្ញា នឹងរៀបចំធ្វើនៅខេត្តកំពង់ចាម ខែនេះ appeared first on Kampuchea Thmey Daily.

ទោះបីយ៉ាងណាតារាចម្រៀងប្រចាំផលិតកម្មសាន់ដេ កញ្ញា សុខ ពិសី មិនទាន់ប្រាប់ច្បាស់នូវគម្រោងនៃការរៀបចំធ្វើ Solo concert អាចនឹងចាប់ផ្តើមក្នុងពេលណាឬធ្វើនៅថ្ងៃណា ទីតាំងកន្លែងណាឡើយព្រោះស្ថិតក្នុងដំណាក់​កាលស្ទាប​ស្ទង់និងធ្វើតេស្ដទៅអ្នកគាំទ្ររបស់ខ្លួនជាមុនសិន។

កញ្ញា សុខ ពិសី បានលើកឡើងតាមរយ:ការស្ទង់មតិថាចង់ឲ្យ សុខ ពិសី ធ្វើ Solo concert? អរគុណមនុស្សជាទីស្រលាញ់ទាំងអស់ដែលតែង តែស្រលាញ់ សុខ ពិសី ។ មានអ្នកគាំទ្រមួយចំនួនបានលើកឡើងដូចគ្នាថា បើសិន សុខ ពិសី រៀបចំព្រឹត្តិការណ៍ប្រគុំតន្រ្តីផ្ទាល់ខ្លួន Solo concert ច្បាស់ជាកក្រើកហើយ ខណ:ខ្លះថាបើធ្វេី Solo Concert សុំ៥០បទ។

ថ្វីត្បិតមានការបង្ហើបបែបនេះ គេមិនទាន់ច្បាស់ទេថា ពិសី នឹងធ្វើតាមការស្នើរបស់អ្នកគាំទ្រនិងគោលបំណងខ្លួនឯងឬយ៉ាងណាទេ? ដោយឡែកថ្មីៗនេះគេចាប់អារម្មណ៍ឃើញថា មានតារាសិល្ប:ខ្មែរមួយចំនួនកំពុងតែងាកមកធ្វើ Solo concert ដោយក្នុងនោះមានកំពូលតារាចម្រៀង ឱក សុគន្ធកញ្ញា និងកំពូលតារាចម្រៀង ម៉េង កែវពេជ្ជតា ក៏បានបង្ហាញចេតនារៀបចំការប្រគុំតន្រ្តី Solo concert ផងដែរ។

សូមបញ្ជាក់ថាតារាចម្រៀងស្រីជូរមុខរបស់ផលិតកម្មសាន់ដេ កញ្ញា សុខ ពិសី មកដល់ពេលនេះចូលសិល្ប:យូរឆ្នាំហើយ តែនាងនៅតែទទួលបានការគាំទ្រ និងមានសន្ទុះទីផ្សារចេញច្រៀងតាមបណ្តាខេត្ត ជាបន្តបន្ទាប់ ខណ:ទស្សនិកជនពិសេសមិត្តៗយុវវ័យតែងគាំទ្រខ្លាំង ចំពោះវត្តមានកញ្ញា សុខ ពិសី ក្នុងការឡើងឆានានា៕ អត្ថបទ៖ ចាន់រ៉ា

The post សុខ ពិសី បង្ហាញតម្រុយចង់ធ្វើ solo concert បំពេញបំណងអ្នកគាំទ្រ appeared first on Kampuchea Thmey Daily.

ជាការពិត ព្រឹត្តិការណ៍ប្រគំតន្ត្រីដ៏អស្ចារ្យ Solo Concert របស់តារាចម្រៀងចាស់វស្សារូបនេះ កាលពីខែកញ្ញាកន្លងទៅ គឺទទួលបានការគាំទ្រយ៉ាងច្រើនកុះករពីមហាជន ពិសេសយុវវ័យ ខណ:ដែលសាម៉ូខ្លួន ជារឿយៗ បានបង្ហាញក្តីរំភើបទឹកភ្នែកមិនដឹងខ្លួន និងនៅតែរំភើបជាមួយព្រឹត្តិការណ៍នោះជានិច្ច។

តួយ៉ាងថ្មីៗនេះ អ្នកនាង ឱក សុគន្ធកញ្ញា ទើបតែបង្ហាញអារម្មណ៍ដិតដាមនឹងព្រឹត្តិការណ៍នោះ ទៅកាន់អ្នកគាំទ្រជាថ្មីម្តងទៀតថា “រាល់ពេលមើលម្តងៗ អារម្មណ៍នៅតែរំភើប ទឹកភ្នែកហូរដោយមិនដឹងខ្លួន” និងឆ្លៀតថ្លែងអំណរគុណចំពោះការគាំទ្រខ្លួន រួមនិងក្រុមការងារ ដែលអ្នកនាងចាត់ទុកថា ជាផ្នែកដ៏សំខាន់ញាំងឱ្យមានព្រឹត្តិការណ៍នោះឡើង។

រឿងដែលចាប់អារម្មណ៍ថែមទៀត សម្រាប់អ្នកគាំទ្ររបស់តារាចម្រៀងប្រចាំផលិតកម្មហង្សមាសរូបនេះ គឺក្រោយការប្រកាសថា “ជួបគ្នាឆាប់ៗនេះ The Q Rise Of The Queen – Aok Sokunkanha Solo Tour C oncert“ ។

ចំពោះការបង្ហើបដំណឹងនៃព្រឹត្តិការណ៍ Solo Tour Concert របស់ខ្លួននេះដែរ អ្នកនាង ឱក សុគន្ធកញ្ញា មិនទាន់បានបញ្ជាក់ពីថ្ងៃ​កំ​ណត់ ថាគ្រោងធ្វើនៅថ្ងៃណា ឬទីតាំងកន្លែងណានៅឡើយទេ ព្រោះស្ថិតក្នុងដំណាក់​កាលស្ទាប​ស្ទង់ ចិត្តអ្នកគាំទ្ររបស់ខ្លួន។

ជាការកត់សម្គាល់ ព្រឹត្តិការណ៍ប្រគំតន្ត្រី The Q – Rise of The Queen Solo Concert ឱក សុគន្ធកញ្ញា មិនត្រឹមតែទទួលបានជោគជ័យ និងការគាំទ្រភ្លូកទឹកភ្លូកដីពីសំណាក់ទស្សនិកជននោះទេ ព្រឹត្តិការណ៍ប្រគំតន្ត្រីនេះ ថែមទាំងបានបង្កើតបរិយាកាសយ៉ាងសប្បាយរីករាយកក្រើកឆាកតែម្តង៕ អត្ថបទ៖ ចាន់រ៉ា

The post ឱក សុគន្ធកញ្ញា ត្រៀមធ្វើ Solo Tour Concert បំពេញបំណងអ្នកគាំទ្រ ក្រោយជោគជ័យលើកទី១ appeared first on Kampuchea Thmey Daily.