នៅក្នុងបទសម្ភាសន៍កាលពីមុន Song Joong Ki បាននិយាយដោយស្មោះត្រង់អំពីមហិច្ឆតារបស់ខ្លួន ក្នុងការពង្រីកអាជីពរបស់គាត់នៅលើឆាកអន្តរជាតិ។ កាលណោះ តារាប្រុសរូបនេះបាននិយាយថា គាត់បានសម្តែងសម្រាប់គម្រោងនៅក្រៅប្រទេសជាច្រើន ប៉ុន្តែមិនទាន់ទទួលបានតួនាទីសមស្របណាមួយនៅឡើយទេ។ តារាសម្តែងបានចែករំលែកថា «ខ្ញុំសង្ឃឹមថាខ្ញុំអាចប្រឡងជាប់ការសម្តែងនេះ។ រហូតមកដល់ពេលនេះ ខ្ញុំនៅតែបរាជ័យ ខណៈពេលដែលទទួលស្គាល់ថាការស្វែងរកឱកាសនៅក្នុងបរិយាកាស និងឧស្សាហកម្មខុសគ្នាគឺជាបញ្ហាប្រឈមដ៏ធំមួយ ហើយជួនកាលថែមទាំងមិនមែនជាជម្រើសត្រឹមត្រូវទៀតផង»។

ព័ត៌មាននេះបានទាក់ទាញចំណាប់អារម្មណ៍យ៉ាងឆាប់រហ័សពីអ្នកលេងអ៊ីនធឺណិត ដែលនាំឲ្យមានមតិផ្ទុយគ្នាជាច្រើន។ អ្នកខ្លះអះអាងថា ការចូលទៅក្នុងទីផ្សារអន្តរជាតិមានការប្រកួតប្រជែងខ្ពស់ ជាពិសេសសម្រាប់តារាសម្តែងអាស៊ីដែលធ្វើការនៅក្នុងបរិយាកាសលោកខាងលិច។ ទោះជាយ៉ាងណាក៏ដោយ ក៏មានមតិចម្រូងចម្រាសដែលភ្ជាប់អាជីពរបស់តារាសម្តែងទៅនឹងជីវិតផ្ទាល់ខ្លួនរបស់គាត់ ដែលបង្ហាញថា រូបភាពរបស់គាត់ត្រូវបានប៉ះពាល់បន្ទាប់ពីអាពាហ៍ពិពាហ៍របស់គាត់ជាមួយ Song Hye Kyo បានបញ្ចប់។

តួឯកប្រុសរូបនេះបានបង្កើតភាពល្បីល្បាញទូទាំងអាស៊ី ដោយសាររឿងភាគ «Descendants of the Sun» ដែលគាត់បានសម្តែងជាមួយអតីតភរិយា Song hye-kyo ។ គូស្នេហ៍នេះបានរៀបការនៅឆ្នាំ ២០១៧ ក្នុងពិធីមង្គលការមួយដែលត្រូវបានប្រព័ន្ធផ្សព្វផ្សាយដាក់ឈ្មោះថា «ពិធីមង្គលការក្នុងរឿងនិទាន» ប៉ុន្តែបានប្រកាសលែងលះគ្នានៅឆ្នាំ ២០១៩ បន្ទាប់ពីរៀបការបាន២ឆ្នាំ។ នៅឆ្នាំ ២០២៣ តារាសម្តែងប្រុសបានរៀបការម្តងទៀតជាមួយតារាសម្តែងអង់គ្លេសនាង Katy Louise Saunders ហើយបច្ចុប្បន្នមានកូនពីរនាក់។

នៅលើវេទិកាអនឡាញ មនុស្សជាច្រើនជឿថា Song Joong Ki នៅតែត្រូវបានគេគោរពយ៉ាងខ្លាំងចំពោះជំនាញសម្តែងរបស់គាត់នៅក្នុងប្រទេសកូរ៉េខាងត្បូង ប៉ុន្តែរូបភាព និងរចនាប័ទ្មផ្ទាល់ខ្លួន ប្រហែលជាមិនទាន់សមនឹងលក្ខណៈវិនិច្ឆ័យជ្រើសរើសនៃទីផ្សារលោកខាងលិចនៅឡើយទេ។ ការជជែកវែកញែកទាំងនេះក៏បង្ហាញពីសម្ពាធដ៏ធំធេងដែលតារាកូរ៉េប្រឈមមុខ មិនត្រឹមតែនៅក្នុងអាជីពសិល្បៈរបស់ពួកគេប៉ុណ្ណោះទេ ប៉ុន្តែថែមទាំងនៅក្នុងជីវិតផ្ទាល់ខ្លួនរបស់ពួកគេផងដែរ។

ទោះបីជាមានមតិចម្រុះក៏ដោយ Song Joong Ki បានរក្សាអាជីពសម្តែងដែលមានស្ថេរភាពនៅក្នុងស្រុក ហើយបានបង្ហាញម្តងហើយម្តងទៀតនូវបំណងប្រាថ្នារបស់គាត់ ក្នុងការសាកល្បងនៅក្នុងឧស្សាហកម្មភាពយន្តផ្សេងៗគ្នា។ ការដណ្តើមយកទីផ្សារអន្តរជាតិត្រូវបានចាត់ទុកថាជាដំណើរដ៏វែងឆ្ងាយ និងមានការប្រកួតប្រជែង សូម្បីតែសម្រាប់តារាល្បីៗក៏ដោយ។ ដូច្នេះហើយ អាជីពអន្តរជាតិរបស់តារាសម្តែងរូបនេះ នៅតែជាសំណួរបើកចំហមួយ ខណៈពេលដែលការពិភាក្សាអំពីការអំពាវនាវរបស់គាត់នៅលើបណ្តាញសង្គមមិនបង្ហាញសញ្ញាណាមួយនៃការថយចុះនោះទេ៕

អត្ថបទ៖ សាង ស្រីល័ក្ខ

The post ប្រឡូកអាជីពសម្ដែងក្រៅប្រទេសជាយូរ Song Joong Ki នៅតែមិនអាចដណ្ដើមតំណែងតួឯក appeared first on Kampuchea Thmey Daily.

អត្ថបទនោះបានសរសេរចំណងជើងថា Song Hye Kyo ជ័យជន្នះលើ Song Joong Kiលើរឿង Dark Nuns ឈរលើកំពូល Box Office នៅថ្ងៃបើកសម្ពោធដំបូង។ ដោយ TenAsia អះអាងថាភាពយន្តរបស់ Song Hye Kyo គឺជារឿងដែលល្បីក្នុងប្រអប់ ខណៈពណ៌នាភាពយន្តរបស់ Song Joong Ki ថាជារឿងភាគ។ បានទាក់ទាញការរិះគន់ចំពោះអ្វីដែលមនុស្សជាច្រើនយល់ថាជាការកត់សម្គាល់មិនចាំបាច់ និងបង្កឲ្យមនាការមិនពេញចិត្តជាច្រើន។

អត្ថបទនេះបានចង្អុលបង្ហាញថា ‘Dark Nuns’ បានឈរនៅលើកំពូលតារាង Box Office នៅថ្ងៃបើកដំណើរការរបស់ខ្លួនជាមួយនឹងអ្នកទស្សនាជាង ១៦០,០០០ នាក់ ខណៈដែល ‘Bogotá: City of the Lost’ បានតស៊ូដោយបានកត់ត្រាចំនួនអ្នកទស្សនាសរុបជាង ៤០០,០០០នាក់ចាប់តាំងពីការចេញផ្សាយកាលពីខែមុន។

អត្ថបទដដែលថែមទាំងសរសេរទៀតថា បានចេញផ្សាយនៅថ្ងៃទី ៣១ខែធ្នូ ‘Bogotá: City of the Lost’ មានថវិកាផលិតចំនួន ១២.៥ ពាន់លានវ៉ុន (៨.៧ លានដុល្លារ) ប៉ុន្តែអាចទាក់ទាញអ្នកទស្សនាបានត្រឹមតែជាង ៤០០,០០០ នាក់ប៉ុណ្ណោះ។ ភាពយន្តនេះបានបរាជ័យក្នុងការផលិតវាចូលទៅក្នុង កំពូលទាំង ២០ នៅ Box Office ហើយបានបិទដំណើរការរបស់ខ្លួនយ៉ាងស្ងៀមស្ងាត់ នៅថ្ងៃបើកដំណើរការរបស់វា វាបានកត់ត្រាទស្សនិកជនចំនួន១០០,០០០ និង ទទួលបានចំណាត់ថ្នាក់លេខ ២ ក្នុងការកក់សំបុត្រ ផ្ទុយទៅវិញ Black Nuns បាននិងកំពុងបង្កើតនូវការភ្ញាក់ផ្អើលយ៉ាងខ្លាំង ជាពិសេសសម្រាប់ការសម្តែងដ៏គួរឲ្យកត់សម្គាល់របស់ Song Hye Kyo ក្នុងនាម Sister Unia ដែលជាតួអង្គមិនដូចអ្វីដែលបានឃើញពីមុនមក ពិភពខាងក្នុងដ៏ស្មុគ្រស្មាញ ក៏ទទួលបានការសរសើរដ៏ភ្លឺស្វាងពីអ្នកទស្សនា នៅពេលដែលថ្ងៃបុណ្យចូលឆ្នាំសកលខិតជិតមកដល់ ភ្នែកទាំងអស់កំពុងសម្លឹងមើលដូនជីខ្មៅ ខណៈដែលវាត្រូវបានគេរំពឹងថានឹងបន្ត សន្ទុះ​ដ៏​ខ្លាំង​របស់​ភាពយន្ត​នេះ​ត្រូវ​បាន​គេ​ព្យាករ​ថា​នឹង​កើន​ឡើង​ថែម​ទៀត​ក្នុង​អំឡុង​ចុង​សប្តាហ៍​នៃ​វិស្សមកាល​ខាង​មុខ។

ទោះជាយ៉ាងណា អ្នក​​លេង​អ៊ីនធឺណិត​បាន​ហៅ​រឿង​នេះ​ទៅ​ប្រៀបធៀប​រឿង​ទាំង​ពីរ​យ៉ាង​ឆាប់​រហ័ស ដោយ​លើក​ឡើង​ថាតារា​ទាំង​ពីរ​បាន​លែងលះ​គ្នាកាលពី៥ឆ្នាំមុន ពេលនេះពួកគេមានត្រឹមតែ​ទំនាក់​ទំនង​កាលពីអតីតកាល​ប៉ុណ្ណោះ។​​ កាលដែលធ្វើដូច្នោះគឺមិនសមគួរឡើយ ភាពយន្តអ្នកទាំងពីរសុទ្ធតែទទួលបានចំណាតថ្នាក់ខ្ពស់មិនខុសគ្នាទេ។

យ៉ាងណាមិញ ចំពេលមានការរិះគន់ អត្ថបទនេះត្រូវបានកែសម្រួលដើម្បីលុបឯកសារយោងទៅខ្សែភាពយន្តរបស់ Song Joong Ki ។ កំណែដែលបានធ្វើបច្ចុប្បន្នភាពផ្តោតតែលើភាពជោគជ័យនៃ ‘Dark Nuns’ និងការទទួលស្វាគមន៍ជាវិជ្ជមានដែលវាបានទទួលពីអ្នកទស្សនាវិញ៕

អត្ថបទ៖ សាង ស្រីល័ក្ខ

ចុចអាន៖ជនភៀសខ្លួនកូរ៉េខាងជើង ប្រាប់រឿងរ៉ាវពិតដូចនឹងភាពយន្ត «Crash Landing on You»

The post អត្ថបទ​​​ប្រៀបធៀបភាពយន្ត​ Song Hye Kyo និង Song Joong Ki ប្រឈម​នឹង​ប្រតិកម្ម​ appeared first on Kampuchea Thmey Daily.

តារាកូរ៉េខាងត្បូងរូបនេះ បានធ្វើឲ្យគ្រប់គ្នាភ្ញាក់ផ្អើល នៅពេលដែលគាត់បានបង្ហាញខ្លួនដោយពាក់អាវធំវែង និងសំពត់ពណ៌សនៅក្រោម។ គាត់បានរួមបញ្ចូលគ្នានូវសម្លៀកបំពាក់ជាមួយនឹងស្រោមជើង និងស្បែកជើងដែលមានរចនាប័ទ្មស្រដៀងទៅនឹងស្បែកជើង Mary Jane ដែលជាបន្សំម៉ូដដែលធ្លាប់ស្គាល់សម្រាប់ស្ត្រី ជាពិសេសយុវវ័យជំនាន់ Z ដែលចូលចិត្តរចនាប័ទ្ម Y2K ។

យ៉ាងណាក៏ដោយ សម្រស់​ដ៏​មាន​ទំនុក​ចិត្ត​របស់ Song Joong Ki និង​រូបរាង​បែប​យុវវ័យ​ត្រូវ​បាន​មនុស្ស​ជា​ច្រើនកោត​សរសើរ។ ប៉ុន្តែគឺផ្នែកខាងក្រោមនៃសម្លៀកបំពាក់ជាមួយនឹងសំពត់និងគ្រឿងសម្ភារៈ បានក្លាយជាចំណុចកណ្តាលនៃភាពចម្រូងចម្រាសលើបណ្ដាញអ៉ិនធើណេត។

ពីដងខ្លួនខាងលើ Song Joong Ki មើលទៅឆើតឆាយ និងទាន់សម័យជាមួយនឹងអាវកាក់វែង ដែលជាម៉ូដពេញនិយមក្នុងរដូវកាលរដូវស្លឹកឈើជ្រុះ និងរដូវរងា។ ប៉ុន្តែនៅពេលដែលឈុតទាំងនោះរួមបញ្ចូលគ្នានៃខោសំពត់ ខោជើងវែង និងស្បែកជើង Mary Jane ធ្វើឲ្យមនុស្សជាច្រើនមានអារម្មណ៍ចម្លែក។ សម្លៀកបំពាក់នេះបានបង្កើតគំនិតចម្រុះជាច្រើននៅលើបណ្តាញសង្គមយ៉ាងឆាប់រហ័ស។ អ្នក​គាំទ្រ​ជា​ច្រើន​បាន​សម្តែង​ការ​ខក​ចិត្ត ដោយ​អ្នក​ខ្លះ​ថែម​ទាំង​ទាមទារ​ឲ្យត្រឡប់​រូប​ភាព​របស់ Song Joong Ki ក្នុង​ទម្រង់​ចាស់​របស់​គាត់វិញថែមទៀតផង​។ មតិ​បែប​កំប្លែង​មួយ​ចំនួន​ក៏​បាន​ស្នើ​​ឲ្យដាក់​គាត់​ក្នុង​ទូ ហើយ​ចាក់សោ​កុំឲ្យចេញដើរ។

ទោះជាយ៉ាងណាក៏ដោយ គេមិនអាចបដិសេធបានទេថា ស្ទីល unisex ដែល Song Joong Ki កំពុងផ្សព្វផ្សាយ គឺជានិន្នាការពេញនិយមកាន់តែខ្លាំងឡើងនៅក្នុងឧស្សាហកម្មម៉ូដអន្តរជាតិ។ ម៉ាកធំៗជាច្រើនបានណែនាំម៉ូដសំលៀកបំពាក់សម្រាប់បុរស ដោយមានការរចនា និងពណ៌ចម្រុះ។ មិនយូរប៉ុន្មាន Harry Styles ក៏បានធ្វើឲ្យមានការរំជើបរំជួលនៅពេលដែលគាត់បានក្លាយជាបុរសដំបូងគេដែលស្លៀករ៉ូប ហើយបង្ហាញខ្លួនតែម្នាក់ឯងនៅលើក្របទស្សនាវដ្តី US Vogue ដោយបញ្ជាក់ពីសមភាពយេនឌ័រក្នុងម៉ូដ។

យ៉ាងណាមិញ កម្មវិធី Louis Vuitton នេះមិនត្រឹមតែបង្ហាញ Song Joong Ki ប៉ុណ្ណោះទេ ប៉ុន្តែសិល្បករប្រុសមួយចំនួនទៀតក៏បានបង្ហាញខ្លួនជាមួយនឹងសម្លៀកបំពាក់មិនធម្មតា និងទទួលបានមតិចម្រុះផងដែរ។ នេះសបញ្ជាក់ឲ្យឃើញថា ទោះបីជាមានភាពចម្រូងចម្រាសក៏ដោយ រចនាប័ទ្ម unisex កំពុងក្លាយជាផ្នែកមួយដែលមិនអាចខ្វះបាននៃឧស្សាហកម្មម៉ូដពិភពលោក ដោយនាំមកនូវសារដ៏ជ្រាលជ្រៅអំពីភាពចម្រុះ និងសមភាពយេនឌ័រ។

អត្ថបទ៖ សាង ស្រីល័ក្ខ

ចុចអាន៖សល់២ថ្ងៃទៀតចេញបទថ្មី Jennie បញ្ចេញស្ទីលថ្មីកាត់ទៅអឺរ៉ុប

The post ស្លៀករ៉ូបចូលរួមកម្មវីធី LV, Song Joong Ki បង្កភាពចម្រូងចម្រាស appeared first on Kampuchea Thmey Daily.

ចាប់តាំងពីទារកកើតមក Joong Ki បានត្រឹមតែចែករំលែករូបថតដៃរបស់ទារកទើបនឹងកើតប៉ុណ្ណោះ ហើយមិនបានបង្ហាញឈ្មោះរបស់គាត់ទេ។ ប៉ុន្តែនាពេលថ្មីៗនេះ អ្នកគាំទ្រម្នាក់ដែលបានរត់ចូល Joong Ki និងក្រុមគ្រួសាររបស់គាត់នៅឯសួនកម្សាន្តមួយក្នុងប្រទេសកូរ៉េ បានចែករំលែកវីដេអូនៃការជួបគ្នារបស់ពួកគេនៅលើអ៊ីនធឺណិត។

ថ្វីត្បិតតែ Joong Ki ស្លៀកពាក់ធម្មតាជាមួយអាវយឺត ខោខូវប៊យ និងមួកក៏ដោយ ប៉ុន្តែគាត់ត្រូវបានគេប្រទះឃើញដោយអ្នកដំណើរឆ្លងកាត់ ហើយគ្រួសារដែលមានកូនបីនាក់បានទាក់ទាញចំណាប់អារម្មណ៍យ៉ាងខ្លាំង។ លោកបាន​ស្វាគមន៍​សាធារណជន​យ៉ាង​គួរសម និង​មាន​កាតព្វកិច្ច​ដោយ​ស្មោះស្ម័គ្រ​ចំពោះ​រូបថត​ជាមួយ​អ្នក​គាំទ្រ។

ទោះជាយ៉ាងណាក៏ដោយ នៅពេលដែលកាមេរ៉ាថតចំប្រពន្ធ និងកូនប្រុសអាយុ ១១ខែរបស់គាត់ Joong Ki បានលោតចូលទៅក្នុងរបៀបការពារក្នុងនាមជាស្វាមី និងឪពុក ហើយគ្រវីដៃជាសញ្ញាឲ្យអ្នកគាំទ្របញ្ឈប់សកម្មភាពនោះភ្លាមៗ។

ទន្ទឹមនោះដែរ អ្នក​គាំទ្រ​បាន​គោរព​តាម​ការ​ចង់​បាន​របស់​គាត់​ដោយ​បិទ​មុខ​ Katy ដោយ​ស្ទីគ័រ​ពេជ្រ។ ស្របពេលដែលប្រព័ន្ធ​ផ្សព្វផ្សាយ និង​សាធារណជន​បាន​ចង់​ដឹង​ជា​យូរ​មក​ហើយ​អំពី​រូបរាង​របស់​កូន​ប្រុស Joong Ki។ គាត់ធ្លាប់បានបង្ហាញនៅក្នុងបទសម្ភាសន៍មួយថា គាត់ត្រូវបានគេប្រាប់ថាបបូរមាត់កូនប្រុសរបស់គាត់មើលទៅដូចគាត់ប៉ុណ្ណា។

Joong Ki បានបញ្ជាក់ពីទំនាក់ទំនងរបស់គាត់ជាមួយ Katy ក្នុងខែធ្នូ ឆ្នាំ ២០២២ ហើយបានប្រកាសមួយខែក្រោយមកថាពួកគេបានរៀបការ និងរំពឹងថានឹងមានកូនជាមួយគ្នា។ គាត់បានរៀបការជាមួយតារាសម្តែង Song Hye Kyo អស់រយៈពេលពីរឆ្នាំ ក្រោយមកពួកគេបានលែងលះគ្នានៅឆ្នាំ ២០១៩៕

អត្ថបទ៖ សាង ស្រីល័ក្ខ

ចុចអាន៖តួឯកស្រី F4កូរ៉េ រស់​​ក្នុង​ចំណត​រថយន្ត​នៅ​សាកល​វិទ្យាល័យ​ ក្រោយលែងលះជាមួយស្វាមី​

The post Song Joong Ki ​ការពារគ្រួសារ ក្រោយមានគេព្យាយាម​ថតរូប​ប្រពន្ធនិង​កូន appeared first on Kampuchea Thmey Daily.

នៅក្នុងពិធីប្រគល់ពានរង្វាន់ Baeksang កាលពីថ្ងៃទី ០៧ ខែឧសភា អតីតគូស្នេហ៍ Song Joong Ki និង Song Hye Kyo ទាំងពីរនាក់បានចូលរួម បង្កើតការពិភាក្សានៅលើបណ្តាញសង្គម ខណៈពេលដែល Song Joong Ki ដើរលើកម្រាលព្រំក្រហម Song Hye Kyo មិនបានបង្ហាញខ្លួនទេ។

មក​ដល់​ក្នុង​កម្មវិធី​ប្រគល់​រង្វាន់​ក្នុង​គោល​បំណង​ពីរ​ផ្សេង​គ្នា Song Hye Kyo បាន​ឡើង​ទៅ​លើ​ឆាក​ដើម្បី​អាន​ការ​តែងតាំង និង​ប្រគល់​ពាន​ដល់តារាបន្ទាប់។ កាលពីឆ្នាំមុន នាងបានឈ្នះពានរង្វាន់សម្រាប់ការសម្ដែងក្នុងរឿង The Glory (Glory in Htred)។ ចំណែក Song Joong Ki គាត់​បាន​ទទួល​ការ​តែងតាំង​ខ្លី​សម្រាប់​ប្រភេទ​តារា​គាំទ្រ​ឆ្នើម។

ប្រធានបទ “Song Hye Kyo, Song Joong Ki ចូលរួម Baeksang” និង “Song Hye Kyo, Song Joong Ki នឹងចែករំលែករូបភាពដូចគ្នា” នាំមកនូវការអាន ៣២០លាន និង ១១០ លានរៀងគ្នានៅលើ Weibo ។ អ្នក​លេង​អ៊ីនធឺណិតក៏កំពុងតែគិតថា ​ការ​ប៉ះ​ទង្គិច​គ្នា​របស់​អ្នក​ទាំង​ពីរអាចនឹងមានរវាងអ្នកគាមទ្រនិងអ្នកគាំទ្រ។

យ៉ងណាក៏ដោយ មែនទែនទៅអតីតគូស្នេហ៍នេះមិនបានជួបគ្នាទេ។ Song Hye Kyo គឺ​ទទួល​ខុស​ត្រូវ​តែ​ក្នុង​ការ​បង្ហាញ​រង្វាន់​នៅ​លើ​ឆាក​ហើយ​ចេញ​ទៅ។ នៅខាងក្រោមកន្លែងអង្គុយ Song Joong Ki បានធ្វើជាសាក្សីក្នុងការប្រកាសពានរង្វាន់ កាមេរ៉ារបស់ស្ថានីយ៍មិនបានថតគាត់ឲ្យជិតនោះទេ។

ការបង្ហោះ Weibo ជាច្រើនបានចែករំលែកឡើងវិញនូវពេលវេលាដ៏ជក់ចិត្តរបស់គូស្នេហ៍។ ការជជែកវែកញែកបានផ្ទុះឡើង នៅពេលដែលអ្នកលេងអ៊ីនធឺណិតជាច្រើននៅតែប្រកាន់ភ្ជាប់នូវរូបភាពអតីតកាលរបស់អ្នកទាំងពីរ ដោយសង្ឃឹមថានឹងឃើញ Song Hye Kyo និង Song Joong Ki នៅក្នុងស៊ុមតែមួយ។ មតិ​ឆ្លើយ​តប​ថា មនុស្ស​ម្នាក់ៗ​មាន​ជីវិត​រៀង​ខ្លួន មាន​តែ​សហគមន៍​អនឡាញ​ដែល​ខ្វល់ខ្វាយ។

ចាប់តាំងពីរឿង Descendants of the Sun រឿងស្នេហារបស់ Song Joong Ki និង Song Hye Kyo នៅពេលនោះត្រូវបានគេប្រដូចទៅនឹងរឿងនិទានក្នុងជីវិតពិត។ អាពាហ៍ពិពាហ៍របស់ពួកគេត្រូវបានគេហៅថា “អាពាហ៍ពិពាហ៍នៃសតវត្ស” ដោយប្រព័ន្ធផ្សព្វផ្សាយ​ ប៉ុន្តែអ្វីគ្រប់យ៉ាងបានបញ្ចប់យ៉ាងឆាប់រហ័សបន្ទាប់ពីស្នេហា ២ ឆ្នាំ។ ក្រោយពេលលែងលះ ភាគីទាំងសងខាងបានប្រែក្លាយជាមើលមុខគ្នាមិនចំ ដោយពួកគេទាំងពីរផ្តោតទៅលើការអភិវឌ្ឍន៍អាជីពរៀងៗខ្លួន និងសម្រេចបានសមិទ្ធផលថ្មីៗ។

Song Joong Ki បាន​រៀប​ការ​ជាមួយ​នឹង​អតីត​តារា​សម្ដែង​អង់គ្លេស Katie Louise Saunders ដែល​មាន​អាយុ​ច្រើន​ជាង​គាត់​មួយ​ឆ្នាំ​កាល​ពី​ខែ​មិថុនា តារា​សម្ដែង​និង​ភរិយា​របស់​គាត់​បាន​ស្វាគមន៍​កូន​ប្រុស​ដំបូង​របស់​ពួក​គេ ហើយ​ទទួល​បាន​ការ​អបអរសាទរ​ជា​ច្រើន។ ចំណែកឯ Song Hye Kyo ឆ្លង​កាត់​ព្យុះ​ភ្លៀង នាងនៅ​តែ​ប្រកាន់​ជំហរ​រឹងមាំ ដោយ​រក្សា​តំណែង​ជា​តារា​សម្ដែង​កូរ៉េ​ល្បី​បំផុត​នៅ​បរទេស។ តារារូបនេះកំពុងរៀបចំសម្រាប់គម្រោងទូរទស្សន៍ជាច្រើន ដែលជាមុខតំណាងរបស់ម៉ាកល្បីៗជាច្រើន និងបានបន្តទទួលបានពានរង្វាន់ដ៏មានកិត្យានុភាពក្នុងប៉ុន្មានឆ្នាំចុងក្រោយនេះ៕

អត្ថបទ៖ សាង ស្រីល័ក្ខ

ចុចអាន៖អតីតស្វាមី សាន់ឆាយ បញ្ជូនមនុស្សទៅ​ផ្ទះ​នាងដើម្បី​យក​កូនមកវិញ ក្រោយជម្លោះមិនងាយបញ្ចប់

The post អតីតគូស្វាមី ត្រកូល Song ប៉ះគ្នាលើឆាកតែមួយ ក្នុងកម្មវិធី Baeksang 2024 appeared first on Kampuchea Thmey Daily.

យោងតាមការផ្សព្វផ្សាយរបស់ទូរទស្សន៍ tvN បានបង្ហាញថា បច្ចុប្បន្ន Song Joong Ki មានអចលនទ្រព្យជាច្រើននៅក្នុងដៃ ដែលក្នុងនោះលោកមានខុនដូ និងផ្ទះល្វែងជាច្រើនខ្នងនៅទីក្រុងសេអ៊ូល ប្រទេសកូរ៉េខាងត្បូង និងវីឡាមួយខ្នងនៅទីក្រុងរ៉ូម ប្រទេសអ៊ីតាលី ហើយមួយខ្នងទៀតនៅរដ្ឋហាវ៉ៃ សហរដ្ឋអាមេរិក។

តាមរបាយការណ៍អចលនទ្រព្យរបស់តួឯកប្រុសរឿង “មេធាវីដៃឆៅ” នៅសេអ៊ូលមានតម្លៃសរុបដល់ទៅ ៦៤លានដុល្លារអាមេរិក ចំណែកខុនដូប្រណីតនៅរដ្ឋហាវ៉ៃតម្លៃ ២.២៨លានដុល្លារអាមេរិក។

ទោះបីទស្សនិកជនមិនដឹងច្បាស់នូវតម្លៃផ្ទះនៅទីក្រុងរ៉ូម ប៉ុន្តែគេជឿថា ផ្ទះមួយខ្នងនេះក៏ពុំមានតម្លៃទាបនោះដែរ ត្បិតបច្ចុប្បន្នវាជាកន្លែងស្នាក់នៅរវាង Song Joong Ki​ និងភរិយា Katy Louise Saunder ព្រមទាំងកូនដំបូងរបស់ពួកគេ៕

ប្រែសម្រួល៖ សន្យា

ចុចអាន៖ គ្រាន់តែ​ Mai Davika បង្ហោះរូបលើ IG ម្ដង អាចរកប្រាក់បានជិត ២សែនដុល្លារអាមេរិក

ចុចអាន៖ បង្ហោះ Instagram ម្ដងៗ Song Hye Kyo រកចំណូលបានខ្ទង់សែនដុល្លារ

The post បង្ហាញតម្លៃអចលនទ្រព្យរាប់លានដុល្លាររបស់ Song Joong Ki សុទ្ធតែនៅទីក្រុងធំៗលើលោក appeared first on Kampuchea Thmey Daily.

កាលពីពេលថ្មីៗ​នេះ Song Hye Kyo ត្រូវ​បាន​គេ​តែងតាំង​ក្នុង​ប្រភេទ​តារា​សម្ដែង​ល្អ​បំផុត​ក្នុង​កម្មវិធី​ប្រគល់​ពាន​រង្វាន់ Blue Dragon Series លើក​ទី ២ ដែលជាកម្មពិធីប្រគល់រង្វាន់​សម្រាប់រឿងភាគ​ដែលបង្ហាញ​នៅលើ OTT។ លើក​នេះ Song Hye Kyo បន្តទទួលការ​តែងតាំង​ជាតួឯក​ស្រី Moon Dong Eun ក្នុងរឿង “The Glory” ។

ក្នុង​ការ​ប្រកួតប្រជែង​លើក​នេះ Song Hye Kyo ត្រូវជួបគូប្រកួត​ដែល​មាន​ទម្រង់​លេង​ជា​ច្រើន​ផ្សេង​ទៀត។ ឈ្មោះដែលគួរ​ឲ្យ​ចាប់អារម្មណ៍បំផុតគឺ Jeon Yeo Bin ក្នុងរឿង “Glitch” ខណៈ Song Joong Ki ក៏​ទទួល​បាន​ការ​សរសើរ​ពី​ទស្សនិកជនយ៉ាងច្រើនផងដែរ។

បន្ទាប់ពីបញ្ជីបេក្ខភាពត្រូវបានចេញផ្សាយ មតិជាច្រើនបាននិយាយថា Song Hye Kyo មានឱកាសច្រើនក្នុងការឈ្នះពានរង្វាន់នេះ។ មុននោះ នាងទទួលបាន Baeksang 2023 ដោយជោគជ័យ ដោយសារតួនាទីរបស់ Moon Dong Eun ក្នុងរឿង The Glory ។ ទោះជាយ៉ាងណាក៏ដោយក៏មានមតិថា Jeon Yeo Bin នឹងក្លាយជាគូប្រជែងដ៏ខ្លាំងមួយ​ចំពោះតារាសម្តែងដែលមាននាមត្រកូល Song ។ ថ្វីត្បិតតែនាងមិនល្បីដូចរៀមច្បង ប៉ុន្តែនាងក៏ពូកែ សម្ដែងមិនចាញ់គ្នាដែរ។

យោងតាមព័ត៌មានដែលបានចេញផ្សាយ ពិធីប្រគល់ពានរង្វាន់ Blue Dragon Series លើកទី ២ នឹងប្រព្រឹត្តទៅនៅថ្ងៃទី ១៩ខែកក្កដា។ លើសពីនេះ The Glory ក៏មានវត្តមាននៅក្នុងការ​តែងតាំងចំនួន៥ ផ្សេងទៀតនៅក្នុងពិធីប្រគល់ពានរង្វាន់នៅឆ្នាំនេះផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ការពិតត្រូវទម្លាយ តារាកូរ៉េ Gong Yoo ជាចៅប្រុសជំនាន់ទី ៧៩ របស់អ្នកប្រាជ្ញស្រុកចិនខុងជឺ

ចុចអាន៖សម្រស់រៀមច្បង Qin Lan ក្នុងវ័យ៤៤ឆ្នាំ ក្លាយជាចំណុចចាប់អារម្មណ៍ ពេលដើរលើកម្រាលព្រំក្រហម

The post Song Hye Kyo នឹងប្រឈមមុខជាមួយអតីតស្វាមី Song Joong Ki ក្នុងកម្មវិធីពានរង្វាន់ Blue Dragon 2023 appeared first on Kampuchea Thmey Daily.

Song Joong Ki ថ្មីៗនេះបានចែករំលែកដំណឹងល្អដើម្បីស្វាគមន៍កូនប្រុសដំបូងរបស់លោកជាមួយភរិយា បន្ទាប់ពីកូនប្រុសរបស់គូស្នេហ៍នេះ បានកើតនៅទីក្រុងរ៉ូម ប្រទេសអ៊ីតាលី ដែលជាស្រុកកំណើតរបស់ប្រពន្ធលោក ។

ក្នុងនោះទស្សនិកជនជាច្រើនបានសន្និដ្ឋានថា Song Joong Ki និងរស់នៅជាមួយឪពុកម្តាយរបស់ប្រពន្ធលោកនៅទីក្រុងរ៉ូម ខណៈមូលហេតុចម្បងនោះគឺ ដោយសារតែតារាកូរ៉េរូបនេះបានធ្វើដំណើរត្រង់ទៅកាន់ទីក្រុងរ៉ូម បន្ទាប់ពីបញ្ចប់កាលវិភាគនៅមហោស្រពភាពយន្តអន្តរជាតិទីក្រុង Cannes

ទន្ទឹមនឹងនេះ ដោយសារតែទារកទើបនឹងកើតមិនអាចទៅណាឆ្ងាយបាន ទើបមានពាក្យចចាមអារ៉ាមជាច្រើនបានផ្ទុះឡើង ថា Song Joong Ki នឹងផ្លាស់ទៅទីក្រុងរ៉ូម ដើម្បីរស់នៅជាមួយភរិយា និងក្រុមគ្រួសាររបស់ភរិយា ដើម្បីមើលថែកូនប្រុសតូចរបស់ពួកគេ ។

តាមសេចក្តីរាយការណ៍ពេលនេះ Song Joong Ki បានបញ្ចប់គម្រោងថតរឿង My Name is Loh Kiwan ដូច្នេះហើយទើបតារាសម្តែងរូបនេះ មិនមានការរវល់នឹងកាលវិភាគនៅក្នុងប្រទេសកូរ៉េ ហើយនេះក៏ជាហេតុផលដែលធ្វើឲ្យទស្សនិកជនជាច្រើនជឿថា លោកនឹងផ្លាស់ទៅទីក្រុងរ៉ូមផងដែរ ។

ទាក់ទងនឹងពាក្យចចាមអារ៉ាមនេះដែរ ខាងផលិតកម្មគ្រប់គ្រង Song Joong Ki បានឆ្លើយតបថា “យើងគ្រាន់តែអាចបញ្ជាក់បានថា គាត់នៅទីក្រុងរ៉ូម ហើយមិនអាចផ្តល់ព័ត៌មានលម្អិតបន្ថែមទៀតបានទេ ដោយបច្ចុប្បន្នគាត់មិនមានកាលវិភាគផ្សេងទៀតក្នុងប្រទេសកូរ៉េឡើយ” ៕

ប្រែសម្រួល៖នាងតូច

ចុចអាន៖នាយករដ្ឋមន្រ្តី កូរ៉េខាងត្បូង បញ្ជាពង្រឹងវិធានការសុវត្ថិភាពក្នុងព្រឹត្តិការណ៍គម្រប់ខួប ១០ ឆ្នាំរបស់ BTS

The post មានពាក្យចចាមអារ៉ាមថា Song Joong Ki នឹង ទៅរស់នៅ អ៊ីតាលី ក្រោយភរិយាសម្រាលកូនរួច appeared first on Kampuchea Thmey Daily.