Suzy Bae Archives - Kampuchea Thmey Daily

Suzy ចេញចម្រៀងថ្មី ផ្ទុះការសង្ស័យជាថ្មី លួចទាក់ទងស្នេហាជាមួយ Rosé

Linda — Wed, 19 Feb 2025 02:07:21 +0000

បើនិយាយអំពីរឿង ពាក្យចចាមអារាមទំនាក់ទំនងស្នេហាតារាស្រីនិងស្រី គឺ Suzy ជាប់ពាក់ព័ន្ធនឹងពាក្យចចាមអារ៉ាមទាក់ទងជាមួយ Rosé សមាជិកក្រុម BLACKPINK ជាយូរមកហើយ។ ពួកគេត្រូវបានអ្នកលេងបណ្ដាញសង្គមគិតថាកំពុងធ្វើរឿងផ្អែមល្ហែមជាមួយគ្នាក្នុង Instagram តាមរយៈការផុសរូបជាលក្ខណៈគូស្នេហ៍។

ថ្មីៗនេះ វីដេអូចម្រៀងថ្មីរបស់ Suzy បានបង្កឱ្យមានពាក្យចចាមអារ៉ាមកាន់តែច្រើនអំពីទំនាក់ទំនងរបស់ពួកគេ។ យោងតាមអ្នកគាំទ្រមួយចំនួន ចិញ្ចៀនដែលនាងពាក់ក្នុង MV គឺជាចិញ្ចៀនមួយ ដែលត្រូវបានគេដឹងថា ជាចិញ្ចៀនរបស់គូស្នេហ៍។

អ្នកលេងបណ្ដាញអ៉ិនធើណែតម្នាក់ បានបញ្ចេញមតិថា “នៅជុំវិញឆ្នាំ 59 នៃសញ្ញា “ត្រលប់មកវិញ” មិនមែនជាចិញ្ចៀនដែលនាងពាក់ Tiffany & Co’s Milgrain ទេ? ខ្ញុំឃើញខ្សែមាសនៅខាងលើ និងខាងក្រោមប្រាក់។ បើមែននោះ វាជាគូដែល Rosé តែងតែពាក់ម្រាមដៃទីបួនរបស់នាង។”

ការបង្ហោះអំពីចិញ្ចៀនចាប់តាំងពីនោះ បានរីករាលដាលនៅលើកម្មវិធី X ដោយមានអ្នកចូលមើលជាង ២ លានដង ធ្វើឲ្យអ្នកគាំទ្ររំភើបចិត្តដែល កប៉ាល់ របស់ពួកគេហាក់ដូចជាកំពុងធ្វើដំណើរ មានន័យថា គូផ្គងរបស់ពួកគេកំពុងតែបន្ដទៅមុខទៀតហើយ៕

The post Suzy ចេញចម្រៀងថ្មី ផ្ទុះការសង្ស័យជាថ្មី លួចទាក់ទងស្នេហាជាមួយ Rosé appeared first on Kampuchea Thmey Daily.

Suzy សារភាពថា នាងសប្បាយចិត្តពេលក្លាយជាតារាសម្ដែង ជាងតារាចម្រៀង

សាង ស្រីល័ក្ខ — Wed, 05 Jun 2024 03:36:12 +0000

Suzy អតីតសមាជិកក្រុម Miss A បានសារភាពដោយស្មោះត្រង់អំពីការពេញចិត្តរបស់នាង ក្នុងអាជីពបច្ចុប្បន្នបន្ទាប់ពីផ្លាស់ប្តូរទៅជាតារាសម្តែងស្រីមួយរូប។ នេះបើយោងតាមការចុះផ្សាយពី Allkpop នៅថ្ងៃទី០៥ ខែមិថុនា ឆ្នាំ២០២៤។

តួឯកស្រីក្នុងរឿង “តារាធ្លាក់ក្នុងអន្លងស្នេហ៍” បានផ្ដល់បទសម្ភាសន៍ផ្ទាល់ជាមួយ Wikitree មុនការចេញផ្សាយខ្សែភាពយន្តក្រោមចំណងជើងថា ‘Wonderland’ ដោយក្នុងនោះនាងបានរៀនរាប់អំពីអាម្មណ៍ពិតៗ ក្រោយប្រែក្លាយជាតារាចម្រៀង មកជាតារាសម្ដែងស្រីមួយរូប។

តាមពិតទៅ Suzy បានបង្ហាញខ្លួនជាសមាជិកក្រុមចម្រៀងស្រី Miss A ក្រោមផលិតកម្ម JYP Entertainment ក្នុងឆ្នាំ ២០១០ បានចាប់ផ្ដើមសម្ដែងតាមរយៈរឿងភាគ KBS2 ‘Dream High Season 1’ នៅឆ្នាំបន្ទាប់។ បន្ទាប់ពីក្រុមនេះត្រូវបានរំសាយនៅឆ្នាំ ២០១៧ នាងក៏បានបន្តអាជីពច្រៀងទោល ប៉ុន្តែបានផ្លាស់ប្តូរការផ្តោតអារម្មណ៍ភាគច្រើនរបស់នាងទៅសម្តែងវិញ។

យ៉ាងណាក៏ដោយ គិតមកដល់ពេកនេះវាមានរយៈពេល ១៥ ឆ្នាំ ចាប់តាំងពីការបង្ហាញខ្លួនដំបូង Suzy បានឆ្លុះបញ្ចាំងពីសកម្មភាពកាលពីអតីតកាលរបស់នាងដោយនិយាយថា “វាគួរឲ្យស្រលាញ់ណាស់ កាលខ្ញុំនៅក្មេងជាងពេលនេះ ខ្ញុំមិនគិតថាអតីតកាលរបស់ខ្ញុំគួរឲ្យស្រលាញ់ទេ។ ប៉ុន្តែឥឡូវនេះខ្ញុំកាន់តែក្មេងជាងវ័យ! ពេលខ្ញុំមើលទៅក្រោយ ពេលខ្លះការចងចាំរបស់ខ្ញុំខ្សោយ ដូច្នេះខ្ញុំតែងតែឆ្ងល់ថា ហេតុអ្វីខ្ញុំនៅទីនោះ? ប្រហែលជាដោយសារតែការចងចាំរបស់ខ្ញុំរសាត់ទៅហើយ ដែលខ្ញុំមើលឃើញថាខ្លួនឯងក្មេងជាងមុន”។

លើសពីនេះ Suzy បានប្រាប់ថា ការពេញចិត្តក្នុងជីវិតជាតារាសម្ដែងនាពេលបច្ចុប្បន្នរបស់នាង គឺមានច្រើន បើធៀបនឹងសម័យកាលនាងជាតារាចម្រៀង។ នាងបាននិយាយថា “កាលខ្ញុំនៅក្មេង ខ្ញុំអត់មានការលំហែទេ ហើយវាមានការប្រកួតប្រជែងជាងមុន ខ្ញុំខ្វះឱកាសក្នុងការគិតពីជីវិតរបស់ខ្ញុំ ឬសង្កេតមើលវាពីទស្សនៈផ្សេង ដូច្នេះជាជាងមានអារម្មណ៍ថាវាពិបាក។ តែវាជាអនុស្សាវរីយ៍តស៊ូកាលនៅក្មេង វាក៏ជាការចងចាំមួយដែរ”។

នាងបានបន្ថែមថា “ឥឡូវនេះខ្ញុំមានពេលវេលាសម្រាកដើម្បីមើលជីវិតរបស់ខ្ញុំច្រើនជាងពេលនោះទៅទៀត ដូច្នេះការពេញចិត្តរបស់ខ្ញុំគឺមានច្រើនជាងពីមុន។ ប៉ុន្តែខ្ញុំគិតថា ខ្ញុំមានអារម្មណ៍ទាំងនេះដោយសារតែពេលនោះផងដែរ”។

សូមបញ្ចាក់ដែរថា Wonderland គឺជាភាពយន្តថ្មីរបស់អ្នកដឹកនាំរឿង Kim Tae Yong ដែលទទួលបានសេចក្តីស្រឡាញ់ខ្លាំងចំពោះ ‘Late Spring’ និង ‘Familyhood’ ដោយពណ៌នាអំពីរឿងរ៉ាវនៃការជួបជុំជាមួយមនុស្សជាទីស្រលាញ់តាមរយៈសេវាកម្មហៅជាវីដេអូ ‘Wonderland’ ដែលនាំអ្នកស្លាប់មកវិញដោយប្រើ បញ្ញាសិប្បនិម្មិត។ នៅក្នុងខ្សែភាពយន្តនេះ Suzy ដើរតួជា ‘Jung In’ នាំមិត្តប្រុស Tae Joo មកវិញ (សម្តែងដោយ Park Bo Gum) ដោយប្រើសេវាកម្ម ‘Wonderland’ ។ រឿងមួយនេះ នឹងចាក់បញ្ចាំងនៅរោងភាពយន្តក្នុងប្រទេសកូរ៉េ នៅថ្ងៃទី ០៥ ខែមិថុនា៕

រឿង Wonderland

អត្ថបទ៖ សាង ស្រីល័ក្ខ

ចុចអាន៖Rosé ត្រូវគេចំអកលើរូបស្គមស្គាំង បន្ទាប់ពីបង្ហាញខ្លួនក្នុងឃ្លិបមួយ

The post Suzy សារភាពថា នាងសប្បាយចិត្តពេលក្លាយជាតារាសម្ដែង ជាងតារាចម្រៀង appeared first on Kampuchea Thmey Daily.

Suzy ចូលរួមកម្មវិធី Baeksang Arts Awards លើកទី៦០ ត្រូវគេលើកសរសើរសម្រស់ព្រោងព្រាត

សាង ស្រីល័ក្ខ — Thu, 09 May 2024 04:30:27 +0000

ពានរង្វាន់ Baeksang Arts Awards លើកទី ៦០ ដែលជាព្រឹត្តិការណ៍កម្សាន្តដ៏មានកិត្យានុភាពបំផុតរបស់ប្រទេសកូរ៉េខាងត្បូង នាពេលថ្មីៗនេះបានបញ្ចប់ទៅដោយភាពរំជើបរំជួល និងការទន្ទឹងរង់ចាំជាច្រើនពីសំណាកតារាប្រុស-ស្រី និងទស្សនិកជនជាច្រើន។

ក្នុងចំណោមតារាជាច្រើនរូបដែលបានដើរលើកម្រាលព្រំក្រហម Suzy បានឆក់យកបេះដូងនិងការចាប់អារម្មណ៍របស់អ្នកលេងអ៊ីនធឺណិត ជាមួយនឹងភាពស្រស់ស្អាតរបស់នាង និងរូបភាពសិចស៊ីដ៏គួរឲ្យភ្ញាក់ផ្អើលបំផុតលើបណ្ដាញអ៉ិនធើណេត។

យោងតាមសារព័ត៌មាន Alkpop បានបញ្ចាក់កាលពីថ្ងៃទី០៧ ខែឧសភា ថា តារាសម្ដែង Suzy បានធ្វើឲ្យអ្នកគាំទ្ររបស់នាងឃើញទិដ្ឋភាពគួរឲ្យចាប់អារម្មណ៍នៅពីក្រោយឆាកនៃកម្មវិធី Baeksang Arts Awards លើកទី ៦០។ ជាមួយនឹងរូបថតដ៏គួរឲ្យទាក់ទាញជាច្រើនដែលត្រូវបានចែករំលែកនៅលើប្រព័ន្ធផ្សព្វផ្សាយសង្គមរបស់នាង នាងបានផ្តល់នូវការមើលទៅក្នុងបន្ទប់រង់ចាំខាងក្រោយឆាក ដោយបង្ហាញពីពេលវេលានៃការរៀបចំរបស់នាងមុនពេលប្រារព្ធព្រឹត្តិការណ៍ដ៏មានកិត្យានុភាពមួយនេះ។

ទន្ទឹមនោះដែរ អ្នកលេងអ៊ីនធឺណែត និងអ្នកគាំទ្រកូរ៉េបានប្រមូលផ្តុំគ្នានៅក្នុងសហគមន៍អនឡាញដ៏ពេញនិយមមួយ ដើម្បីបញ្ចេញមតិនឹងសម្រស់របស់ Suzy ក្រោយពួកគេមានការភ្ញាក់ផ្អើលជាខ្លាំងនឹងសម្រស់របស់តារាសម្ដែងរូបនេះ។ពួកគេបានកត់សម្គាល់ពីសម្រស់មិនប្រែប្រួលរបស់ Suzy ហើយបានបញ្ចេញមតិថា “ខ្ញុំចូលចិត្តរបៀបដែលខ្ញុំមិនធុញទ្រាន់នឹងមុខរបស់ Suzy និង Jun Ji Hyun” ។ នាងតែងតែបញ្ចេញសម្រស់ស្អាតជានិច្ចកាលនិងអស្ចារ្យបំផុតសម្រាប់ទស្សនិកជន”៕

អត្ថបទ៖ សាង ស្រីល័ក្ខ

ចុចអាន៖អតីតគូស្វាមី ត្រកូល Song ប៉ះគ្នាលើឆាកតែមួយ ក្នុងកម្មវិធី Baeksang 2024

The post Suzy ចូលរួមកម្មវិធី Baeksang Arts Awards លើកទី៦០ ត្រូវគេលើកសរសើរសម្រស់ព្រោងព្រាត appeared first on Kampuchea Thmey Daily.

ធ្លាយរូបភាព Suzy មុនចូលសិល្បៈ ស្អាតតាំងពីវ័យក្មេង

សាង ស្រីល័ក្ខ — Mon, 30 Oct 2023 09:15:56 +0000

Bae Suzy ត្រូវគេយករូបនាងតាំងពីចូលសិល្បៈលើកដំបូងមកបង្ហោះលើបណ្ដាញអ៉ិនធើណេត បង្កឲ្យមានការចាប់អារម្មណ៍ពីសំណាក់អ្នកគាំទ្រទូទាំងពិពលោក ដោយពិភាក្សាលើសម្រស់របស់តារាសម្ដែងនិងចម្រៀងរូបនេះយ៉ាងខ្លាំង។

នៅក្នុងវេទិកាសហគមន៍អនឡាញកាលពីពេលថ្មីៗនេះ អ្នកនិយមលេងអ៊ីនធឺណិតម្នាក់បានសរសេរបង្ហោះរូបបភាពមួយសន្លឹកអមនឹងខេបសិនថា “Suzy, One Year Before Her Debut” ដោយបង្ហោះរូបថតមុនពេលបង្ហាញខ្លួនដំបូងរបស់ Suzy ដែលនាងឈរនៅជាមួយក្រុមសិក្ខាកាមកំពុងសម្លឹងមើលកាមេរ៉ាដោយផ្ទាល់។

អ្នកនិយមលេងអ៊ីនធឺណិតបានសរសេរបន្ថែមថា “និយាយតាមត្រង់ទៅ Suzy បានរីកចម្រើនដល់មុខមាត់របស់នាង។ នេះក៏ព្រោះតែនាងគ្រាន់តែជាអ្នកហ្វឹកហាត់ជាមួយ JYP រយៈពេល ៦ ខែ។ នេះជាពេលមួយដែលនាងមិនមែនជាតារាល្បីមួយរូបផងដែរ”។

នៅក្នុងរូបថតនោះ ភ្នែកធំៗរបស់ Suzy ទទួលបានការចាប់អារម្មណ៍យ៉ាងខ្លាំង។ ធ្វើឲ្យអ្នកនិយមលេងអ៊ីនធឺណែត ចាប់អារម្មណ៍ជាមួយនឹងសម្រស់របស់នាងហើយបញ្ចេញមតិផ្សេងៗគ្នាថា “នាងស្អាតតាំងពីក្មេង… ស្អាតណាស់”, “ស្បែករបស់នាងគឺល្អឥតខ្ចោះ” , “និយាយពិតនាងស្អាតណាស់”, “រូបភាពរបស់នាងគឺខ្ពស់ណាស់ ដែលវាមិនអាចទៅរួចដែលមិនឱ្យនាងបង្ហាញខ្លួនជាលើកដំបូង” ៕

ប្រែសម្រួល៖ សាង ស្រីល័ក្ខ

ចុចអាន៖ធ្លាយដំណឹងថា តារាបាល់ទាត់ Son Heung Min ត្រៀមរៀបការជាមួយ Moon Ga Young

The post ធ្លាយរូបភាព Suzy មុនចូលសិល្បៈ ស្អាតតាំងពីវ័យក្មេង appeared first on Kampuchea Thmey Daily.

Suzy នឹងជាគូប្រជែងជាមួយតារាចិន Liu Yifei ក្នុងព្រឹត្តិការណ៍ពានរង្វាន់នៅកូរ៉េខាងត្បូង

សាង ស្រីល័ក្ខ — Fri, 30 Jun 2023 07:41:53 +0000

នេះគឺឆ្នាំមាសមួយទៀតសម្រាប់តារាសម្ដែងនៃទឹកដីនាគ Liu Yifei ជាមួយនឹងការសម្តែងរឿងភាគកំពុងល្បីល្បាញ “A Dream of Splendor” ដែលនាងដើរជាតួឯកស្រីឈ្មោះ Zhao Pan’er។

យ៉ាងណាមិញ កាលពីពេលថ្មីៗនេះ មានសេចក្តីរាយការណ៍មួយថា Liu Yifei ត្រូវបានតែងតាំងសម្រាប់រង្វាន់ធំជាតារាស្រីឆ្នើមក្នុងកម្មវិធី Seoul Internetional Drama Awards 2023 នៅប្រទេសកូរ៉េខាងត្បូង ហើយព្រឹត្តិការណ៍នេះ បេក្ខភាពមួយរូបដែលជាគូប្រជែងសំខាន់ក្នុងព្រឹត្តិការណ៍នោះ គឺជាតារាស្រីកូរ៉េ Suzy ក្នុងរឿង Anna ផ្ទាល់តែម្តង។

ទោះយ៉ាងណាក៏ដោយ ទស្សនិកជនជាច្រើននៅតែរង់ចាំទន្ទឹងមើលថា តើតារាស្រីឧស្សាហកម្មកម្សាន្តចិន-កូរ៉េខាងត្បូងទាំងពីរដួងនេះ ម្នាក់ណានឹងឈ្នះក្នុងសមរភូមិនេះ? ក្នុងនោះតាមការបញ្ចាក់ឲ្យដឹងទៀតថា រឿង”A Dream of Splendor” ជាស៊េរីដែលត្រូវបានតែងតាំងសម្រាប់ពានរង្វាន់ដូចជា ស៊េរីទូរទស្សន៍ល្អបំផុត អ្នកដឹកនាំរឿងល្អបំផុត និងភាពយន្តល្អបំផុត៕

ប្រែសម្រួល៖ សាង ស្រីល័ក្ខ

ចុចអាន៖មិនមែនសរសើររហូតទេ លើកនេះ Lisa ត្រូវគេថាឲ្យចំៗ ផាត់មុខមិនសមជាតារាលើឆាកច្រើនឆ្នាំ

The post Suzy នឹងជាគូប្រជែងជាមួយតារាចិន Liu Yifei ក្នុងព្រឹត្តិការណ៍ពានរង្វាន់នៅកូរ៉េខាងត្បូង appeared first on Kampuchea Thmey Daily.

Suzy ត្រឡប់មកវិញជាមួយបទថ្មី “Cape” បន្ទាប់ពីផ្អាកសកម្មភាពសិល្បៈមួយរយៈ

សាង ស្រីល័ក្ខ — Mon, 03 Oct 2022 07:48:45 +0000

យោងតាមទីភ្នាក់ងាររបស់ Suzy បានប្រកាសជាផ្លូវការនៅថ្ងៃចន្ទនេះថា តារាចម្រៀងស្រីរូបនេះនឹងចេញបទថ្មីនៅចុងសប្ដាហ៍នេះ បន្ទាប់ពីនាងបានផ្អាកសកម្មភាពសិល្បៈមួយរយៈ ក្រោយចេញបទចម្រៀងចុងក្រោយដែលមានចំណងជើងថា “Satellite” កាលពីខែកុម្ភៈឆ្នាំនេះ។

បទចម្រៀងថ្មីនេះមានចំណងជើងថា “Cape” គឺជាបទចម្រៀងបែបស្រមើស្រមៃ ហើយវាត្រូវបានគេមើលឃើញថា ពិតជាត្រូវនឹងសំឡេងដ៏ស្រទន់របស់នាង បូករួមទាំងទំនុកច្រៀង និងទំនុកភ្លេងថ្មីផងនោះ ធ្វើឲ្យបទចម្រៀងនេះមានរស់រវើកខុសពីបទចម្រៀងផ្សេងៗពីមុខមករបស់ Suzy ។

ទន្ទឹមនោះ បទចម្រៀងនេះនឹងក្លាយជាការសហការជាលើកទី ២ របស់នាងជាមួយតារាចម្រៀង អ្នកនិពន្ធ និងផលិតករ Kang Hyun Min ផងដែរ ។

ស្របពេលជាមួយគ្នានេះ Suzy ក៏បានបញ្ចេញរូបភាពគម្របអាល់ប៊ុមរួមជាមួយនឹងព័ត៌មាននៃការចេញបទចម្រៀងថ្មីរបស់នាង ‘Cape’ ហើយត្រូវបានអ្នកគាំទ្ររំពឹងទុកថា បទនេះនឹងទទួលបានប្រជាប្រិយភាពខ្លាំង ក៏ដូចពានរង្វាន់ផ្សេងៗផងដែរ ៕

ប្រែសម្រួលដោយ ៖ នាងតូច

ចុចអាន៖លែងលះជាង ៤ ឆ្នាំ Song Hye Kyo ទើបទម្លាយរូបថតស្រទន់មួយសន្លឹក ទាក់ភ្នែកអ្នកលេងអ៊ីនធឺណិត

ចុចអាន៖ធ្លាយដំណឹងថា សមាជិកក្រុម BLACKPINK នឹងចូលរួមសម្ដែងក្នុងខ្សែភាពយន្ត Marvel

The post Suzy ត្រឡប់មកវិញជាមួយបទថ្មី “Cape” បន្ទាប់ពីផ្អាកសកម្មភាពសិល្បៈមួយរយៈ appeared first on Kampuchea Thmey Daily.