Tangmo Nida Archives - Kampuchea Thmey Daily

លោកណាវ៉ាត់ ថា ករណី Tangmo ជាឃាតកម្ម១០០% ប៉ុន្តែគេរកមិន ឃាតក ទេ

សាង ស្រីល័ក្ខ — Fri, 17 Jan 2025 04:20:59 +0000

ប្រធាន MGI លោកណាវ៉ាត់ទម្លាយថា ករណី Tangmo ជាឃាតកម្ម១០០% ប៉ុន្តែមិនដឹងថានរណាជាអ្នកសម្លាប់នាងទេ។ បន្ទាប់ពីធ្វើគម្រូតាមតារាស្រីធ្លាក់ពីលើទូកលោកបានបញ្ជាក់ថា អ្វីដែលកំពុងធ្វើគឺមិនមែនសម្រាប់ការកម្សាន្តឬរឿងភាគដូចដែលភាគីពាក់ព័ន្ធរិះគន់នោះទេ។ គោលបំណងនៃការត្រាប់តាមសពគឺដើម្បីប្រយុទ្ធប្រឆាំងនឹងឥទ្ធិពល និងអយុត្តិធម៌នៅក្នុងសង្គមថៃ។

មេ MGI រូបនេះថែមទាំងបញ្ចាក់ថា អ្វីទាំងអស់ដែលពួកយើងបានសាកល្បង អាចនិយាយបានថា មនុស្សមើលឃើញថា ករណីនេះជាការសប្បាយឬកម្សាន្ត។ គ្រប់គ្នាមានសិទ្ធិនិយាយគំនិតរបស់អ្នក។ ប៉ុន្តែយើងមានសិទ្ធិធ្វើវាតាមរបៀបរបស់យើង។ កុំមើលងាយសកម្មភាពរបស់ពួកយើង។ ព្រោះអ្នករាល់គ្នាធ្វើការខ្លាំងណាស់។

ក្រុមការងារបានក្លែងធ្វើគ្រប់សេណារីយ៉ូដែលគួរឲ្យសង្ស័យ។ អ្នកទាំងពីរធ្លាក់ពីលើទូកដោយមិនលោត ហើយធ្លាក់ពីលើទូកដោយគ្មានអញវីសោះ បញ្ជាក់ថា របួសរបស់ Tangmo ច្បាស់ជាមិនអាចបណ្តាលមកពីកប៉ាល់ទូកទេ។ ហើយស្នាមរបួសនៅលើនាងក៏មិនស៊ីគ្នានឹងរូបរាងរបស់ស្លាបចក្រទេ។ ទោះជា San និង Por បាននិយាយនៅក្នុងសេចក្តីថ្លែងការណ៍ចុងក្រោយរបស់ពួកគេថា មុនពេលធ្លាក់ចូលទៅក្នុងទឹក Tangmo បានសង្កត់លើកប៉ាល់របស់ទូកបន្តិចក៏ដោយ។

លោក Nawat បាននិយាយថា គោលបំណងពិតនៃពេលវេលានេះ មិនមែនចង់បង្កើតបញ្ហាដល់ San ឬ Por នោះទេ គឺធ្វើសម្រាប់នាយកដ្ឋានស៊ើបអង្កេតពិសេស (DSI) ហើយបើនិយាយឲ្យស្មោះត្រង់ ២០% គឺសម្រាប់ Tangmo ផ្ទាល់តែម្ដង។ ខ្ញុំបាននិយាយទៅ DSI ដើម្បីស្នើសុំឲ្យគេទទួលយកករណីនេះជាករណីពិសេស ប្រសិនបើ DSI ទទួលយកករណីនេះ ហើយរកឃើញថាការពិតមិនដូចដែលក្រុមការងារបានសង្កេតឃើញ។ ពួកគេបានត្រៀមខ្លួនជាស្រេចដើម្បីទទួលយក និងប្រឈមនឹងការចាត់វិធានការផ្លូវច្បាប់។ ព្រោះអ្នកនៅលើទូកច្បាស់ជាប្ដឹងយើង តែបើគេបញ្ជាក់ថាជាអំពើឃាតកម្ម ស្នើឲ្យមានការស៊ើបអង្កេតដោយតម្លាភាព។

លោកក៏បានបានបញ្ជាក់ដែរថា នេះជាករណីឃាតកម្ម១០០% គ្រាន់តែថាគាត់មិនបានដឹងថាអ្នកណាជាអ្នកសម្លាប់នាងទេ ។ ជាពិសេសទៀតដែរ ការដែលត្រាប់តាមសពដែលស្លាប់ទៅច្រើនឆ្នាំនេះ គឺជានិមិត្តរូបនៃការផ្តល់យុត្តិធម៌ជូនសង្គមវិញ។ វាមិនមែនគ្រាន់តែជាការទទួលបាន Tangmo មកវិញទេ។ ចាប់ពីពេលនេះតទៅ នឹងមានករណីជាច្រើនទៀត។ កន្លែងណាមានការបំភ្លៃការពិតដោយអ្នកមានឥទ្ធិពលក្នុងប្រទេសទើបគ្រប់គ្នាដែលរងភាពអយុត្តិធ៌មិនហ៊ានតបតទៅវិញ។

សូមរម្លឹកដែរថា ក្រុមអ្នកមុជទឹកបានប្រទះឃើញសពតារាស្រី Tangmo nida អណ្ដែតផុសឡើងលើផ្ទៃទឹក បន្ទាប់ពីរូបនាងបានធ្លាក់ពីលើទូកនៅកណ្តាលទន្លេចៅប្រាយ៉ា កាលពីយប់ថ្ងៃទី ២៤ ខែ កុម្ភៈ ឆ្នាំ ២០២២។ មរណភាពដ៏សោកនាដកម្មរបស់នាង ដែលជាតារាកំពុងរះក្នុងឧស្សាហកម្មកម្សាន្តរបស់ប្រទេសថៃ បានធ្វើឲ្យមហាជនចាប់អារម្មណ៍យ៉ាងខ្លាំងចំពោះករណីនេះ។ ការលាចាកលោករបស់នាង មិនត្រឹមតែធ្វើឲ្យកក្រើកឆាកប្រព័ន្ធផ្សព្វផ្សាយប៉ុណ្ណោះទេ ថែមទាំងបង្កការព្រួយបារម្ភអំពីសុវត្ថិភាពនៃទេពកោសល្យវ័យក្មេងក្នុងអាជីវកម្មបង្ហាញមុខផងដែរ៕

អត្ថបទ៖ សាង ស្រីល័ក្ខ

ចុចអាន៖ឈានចូលខ្ទង់៤០ហើយ តែតារាថៃ Sririta ស្លៀកស្កុតរឹបខ្លួន បង្អួតរាងរៅដូចវ័យក្រមុំ

The post លោកណាវ៉ាត់ ថា ករណី Tangmo ជាឃាតកម្ម១០០% ប៉ុន្តែគេរកមិន ឃាតក ទេ appeared first on Kampuchea Thmey Daily.

តុលាការថៃសម្រេចកាត់ទោសជនជាប់ចោទ ២ រូប ឲ្យជាប់ពន្ធនាគារ ជុំវិញការស្លាប់របស់ Tangmo

សាង ស្រីល័ក្ខ — Thu, 11 May 2023 03:00:18 +0000

តុលាការក្នុងស្រុកមួយក្នុងខេត្ត Nonthaburi បានកាត់ក្តីលើសំណុំរឿងដែលពាក់ព័ន្ធនឹងការស្លាប់របស់ Pataratida Pacharawirapong ដែលត្រូវបានគេស្គាល់ថា Tangmo ជាតារាសម្តែងអាយុ ៣៧ ឆ្នាំ។

បើតាមការស៊ើបអង្កេតបានរកឃើញថា Thanatphat Lertthawiwit ហៅ Por អាយុ ៣៣ ឆ្នាំ មានពិរុទ្ធភាព និងផ្តន្ទាទោសដាក់ពន្ធនាគាររយៈពេល ៥ឆ្នាំ ៨ខែ និងពិន័យជាប្រាក់ចំនួន ១២៨,០០០បាត (៣,៧៨៤ ដុល្លារអាមេរិក)។ ទោះយ៉ាងណាក៏ដោយ ដោយសារ Por បង្ហាញចេតនាសងជំងឺចិត្តដល់គ្រួសារជនរងគ្រោះ តុលាការបានបន្ថយទោសពាក់កណ្តាល។ ដោយពិចារណាលើកាលៈទេសៈផ្សេងទៀត តុលាការបានកាត់បន្ថយការកាត់ទោសរបស់គាត់ឲ្យជាប់ពន្ធនាគាររយៈពេល២ ឆ្នាំ ៩ខែ និងពិន័យជាប្រាក់ចំនួន ៦៤,០០០បាត (១,៨៩២ ដុល្លារអាមេរិក) ជាមួយនឹងលក្ខខណ្ឌក្នុងការរាយការណ៍ទៅតុលាការ និងបំពេញមុខងារសហគមន៍រយៈពេល ៣ ឆ្នាំ។

ចំណែកលោក Robert Boonchieng Pipatnuntakul តុលាការបានរកឃើញថាគាត់មានទោសដូចគ្នា ហើយបានកាត់ទោសគាត់ឲ្យជាប់ពន្ធនាគាររយៈពេល ៤ ឆ្នាំ ៤ ខែ និងពិន័យជាប្រាក់ ១៨,០០០ បាត (៥៣៣ ដុល្លារ)។ ទោះជាយ៉ាងណាក៏ដូចជា Por ដែរ Robert ក៏បានបង្ហាញពីចេតនាចង់ផ្ដល់សំណងដល់ក្រុមគ្រួសារជនរងគ្រោះដែរ។ ដូច្នេះ តុលាការបានកាត់បន្ថយទោសដាក់ពន្ធនាគារគាត់មកនៅត្រឹម ២ឆ្នាំ ២ខែ និងពិន័យជាប្រាក់មកត្រឹម ៥៤០០បាត (១៦០ដុល្លារ)។ លើសពីនេះ គាត់ក៏ត្រូវបំពេញរយៈពេលសាកល្បង៣ឆ្នាំផងដែរ ក្នុងអំឡុងពេលដែលគាត់នឹងរាយការណ៍ទៅតុលាការ និងបំពេញមុខងារសហគមន៍ដូចគ្នា។

សូមរម្លឹកដែរថា មរណភាពដ៏សោកនាដកម្មរបស់ Tangmo ដែលជាតារាកំពុងរះក្នុងឧស្សាហកម្មកម្សាន្តរបស់ប្រទេសថៃ បានធ្វើឲ្យមហាជនចាប់អារម្មណ៍យ៉ាងខ្លាំងចំពោះករណីនេះ។ ការលាចាកលោករបស់នាង មិនត្រឹមតែធ្វើឲ្យកក្រើកឆាកប្រព័ន្ធផ្សព្វផ្សាយប៉ុណ្ណោះទេ ថែមទាំងបង្កការព្រួយបារម្ភអំពីសុវត្ថិភាពនៃទេពកោសល្យវ័យក្មេងក្នុងអាជីវកម្មបង្ហាញមុខផងដែរ៕

ប្រែសម្រួល៖ សាង ស្រីល័ក្ខ

ចុចអាន៖តារាសម្ដែងថៃ Margie ថត Selfie លើឡានទំនើប Lamborghini ត្រូវប៉ូលិសឃាត់ខ្លួនភ្លាមៗ

The post តុលាការថៃសម្រេចកាត់ទោសជនជាប់ចោទ ២ រូប ឲ្យជាប់ពន្ធនាគារ ជុំវិញការស្លាប់របស់ Tangmo appeared first on Kampuchea Thmey Daily.

Sand គំរាមប្ដឹងបកទៅម្ដាយ Tangmo ពីបទបរិហារកេរ្តិ៍ដោយគ្មានភស្តុតាង

សាង ស្រីល័ក្ខ — Mon, 06 Mar 2023 08:20:11 +0000

កាលពីថ្ងៃទី ០៥ មីនា ២០២៣ Sand Wisapat ដែលមិត្តជិតស្និទ្ធរបស់ Tangmo បានបង្ហោះលើ Instagram ផ្ទាល់ខ្លួនយ៉ាងវែងអន្លាយថា នាងនឹងប្ដឹងបកតបទៅកាន់ម្ដាយ Tangmo វិញពីបទបរិហារកេរ្តិ៍ដោយគ្មានភស្តុតាង ខណៈ Por និងរ៉ូប៊ឺត ដែលជាជនជាប់សង្ស័យ បានផ្ដល់ចម្លើយសារភាពចំពោះមុខតុលាការថា ពួកគេពិតជាបានសម្លាប់នាងពិតមែន។

តាមរយៈបណ្ដាញសង្គមផ្ទាល់ខ្លួន Sand បានសរសេរថា “Sand ចង់ប្ដឹងម៉ាក់និងក្រុមរបស់ម៉ាក់ ជាពិសេសមេធាវីដែលបរិហារកេរ្តិ៍ រួមទាំងអ្នកចែកចាយព័ត៌មានក្លែងក្លាយ ស៊ីឌីទាំងបីទៅប្រព័ន្ធផ្សព្វផ្សាយនៅមុខតុលាការ។ ខ្លឹមសារបង្ខូចនេះក្នុងន័យបង្ខូចឈ្មោះ Sand ពីរឿងដែលម្តាយ និងក្រុមមេធាវីបាននិពន្ធដោយគ្មានការពិត។ ជាពិសេសរំពឹងលទ្ធផលខ្លះពីប្រព័ន្ធផ្សាយព័ត៌មិនពិត”។

លើសពីនេះទៀត ជនសង្ស័យរូបនេះបានបញ្ជាក់បន្ថែមថា “អង្គហេតុសម្រាប់ម្ដាយ និងក្រុមមេធាវីដើម្បីការយល់ដឹងត្រឹមត្រូវដោយមិនបំភ្លៃនោះគឺ Sand ជាអ្នកដំណើរក្នុងនាមជាមិត្ត មិនមែនជាសន្តិសុខឬម្ចាស់ទូកដែលត្រូវទទួលខុសត្រូវលើអ្នកដំណើរទាំងអស់នោះទេ ត្រូវតែយល់ថា គ្រោះថ្នាក់ជារឿងដែលគ្មានអ្នកណាចង់កើត។ កុំប្រើវិបត្តិជាឱកាស អ្នករាល់គ្នាបានបាត់បង់អស់ហើយ។ បើមិនទាន់ចប់ទេ Sand នឹងមិនព្រងើយកន្តើយ រាល់បទល្មើសគ្រប់សកម្មភាព ទោះចេតនាឬអត់ Sand នឹងប្រើគ្រប់សិទ្ធិដែលខ្លួនមាន ដើម្បីការពារខ្លួនឲ្យបានខ្ពស់បំផុត”។

ជាមួយគ្នានេះដែរ Sand ក៏បានប្រើ hashtag ការពារខ្លួនឯងជាច្រើនដូចជា #ជើងជាអ្នកដំណើរ ត្រឡប់ជាចុងចោទ #តើយុត្តិធម៌នៅឯណា? #គ្រោះថ្នាក់អ្នកធ្លាក់ពីលើទូកត្រូវចោទថាធ្វេសប្រហែសពេញទូក? #ក្រុមមេធាវីថ្មីរបស់អយ្យការបានចេញផ្សាយព័ត៌មានក្លែងក្លាយបង្កការខូចខាតដល់លោក Sand យ៉ាងដូច្នេះ។ ការបរិហារកេរ្តិ៍ ក្នុងនាមជាមេធាវី អ្នកគួរតែចេះចំណេះដឹង។ មូលដ្ឋានទាំងនេះមានន័យថា អ្នកមានបំណងប្រព្រឹត្តបទល្មើសដោយមិនខ្លាចច្បាប់

សូមរម្លឹកដែរថា ក្រុមអ្នកមុជទឹកបានប្រទះឃើញសពតារាស្រី Tangmo nida patcharaveerapong អណ្ដែតផុសឡើងលើផ្ទៃទឹក បន្ទាប់ពីរូបនាងបានធ្លាក់ពីលើទូកនៅកណ្តាលទន្លេចៅប្រាយ៉ា កាលពីយប់ថ្ងៃទី ២៤ ខែ កុម្ភៈ ឆ្នាំ ២០២២៕

ប្រែសម្រួល៖ សាង ស្រីល័ក្ខ

ចុចអាន៖តារាសម្ដែង Nychaa បញ្ចេញឈុតប៊ីគីនីលើផ្ទៃសមុទ្រ

ចុចអាន៖Mai Davika លេងមួយចាស់ដៃ ក្នុងថ្ងៃកំណើតរបស់អ្នកគ្រប់គ្រងផ្ទាល់ខ្លួន

The post Sand គំរាមប្ដឹងបកទៅម្ដាយ Tangmo ពីបទបរិហារកេរ្តិ៍ដោយគ្មានភស្តុតាង appeared first on Kampuchea Thmey Daily.

ជនសង្ស័យសារភាពទោសភ្លាម ម្ដាយ Tangmo ប្ដឹងទារសំណងជាង ៤០លានភ្លាម

Sonya — Thu, 02 Mar 2023 11:57:00 +0000

បន្ទាប់ពីជនសង្ស័យពីររូបចូលខ្លួនសារភាពចំពោះការស្លាប់របស់ តេងម៉ូ ម្ដាយរបស់តារាស្រីរូបនេះ ចេញមកដាក់ពាក្យប្ដឹងទារសំណងភ្លាមៗពីជនជាប់ចោទទាំងពីរ ជាទឹកប្រាក់ជាង ៤០លានបាតឯណោះ។

ក្រោយពេលជនជាប់ទាំងពីរូបចូលខ្លួនធ្វើសក្ខីកម្មរួចរាល់ នៅថ្ងៃទី២ ខែមីនា ម្ដាយរបស់ តេងម៉ូ អ្នកស្រី Panida Sirayuthyothin បានប្ដឹងពួកគេពីបទមនុស្សឃាត ព្រមទាំងប្តឹងសងជំងឺចិត្តចំនួន ៤០.៨លានបាត (ប្រហែល ១.១៧លានដុល្លារ)។ យ៉ាងណាមិញ ពេលនេះម្ដាយ តេងម៉ូ កំពុងពិគ្រោះជាមួយក្រុមមេធាវីសិន មិនទាន់មានដំណឹងផ្លូវការថា តើបណ្ដឹងនេះនឹងដំណើរការយ៉ាងណានៅឡើយ។

គួរបញ្ជាក់ថា តុលាការគ្រោងប្រកាសសាលក្រមនៅថ្ងៃទី១០ ខែឧសភា ឆ្នាំ២០២៣ ទៅលើជនជាប់ចោទពីររូបគឺលោក ប៉ និងលោក រ៉ូប៊ឺត និងគ្រោងបើកសវនាការលើភស្តុតាងនៃសំណុំក្ដីរបស់ តេងម៉ូ ដែលព្រះរាជអាជ្ញាប្តឹងចោទអ្នកទាំងពីរ នៅថ្ងៃទី២៨ ខែមេសា ឆ្នាំ២០២៣ ខាងមុខនេះ ខណៈម្ដាយរបស់ជនរងគ្រោះអ្នកស្រី Panida បានដាក់ពាក្យបណ្ដឹងទាមទារការខូចខាតពីពួកគេនៅថ្ងៃឡើងតុលាការផងដែរ៕

ប្រែសម្រួល៖ សន្យា

ចុចអាន៖ ជនសង្ស័យពីររូប សារភាពថា ពិតជាបានសម្លាប់ Tangmo

ចុចអាន៖ តស៊ូពីតួរាយរង ក្លាយជាផលិករភាពយន្ត ពេលនេះ Anne សល់ទ្រព្យកប់ក្ដោងឯណោះ

The post ជនសង្ស័យសារភាពទោសភ្លាម ម្ដាយ Tangmo ប្ដឹងទារសំណងជាង ៤០លានភ្លាម appeared first on Kampuchea Thmey Daily.

ជនសង្ស័យពីររូប សារភាពថា ពិតជាបានសម្លាប់ Tangmo

Sonya — Thu, 02 Mar 2023 10:49:31 +0000

លោកប៉ ( Por Lertthaweewit) និងលោករ៉ូប៊ឺត (Robert Trikanchananan) ដែលជាជនជាប់សង្ស័យ លើសំណុំក្ដីរបស់តារាសម្ដែង តេងម៉ូ (Tangmo Nida) បានផ្ដល់ចម្លើយសារភាពចំពោះមុខតុលាការថា ពួកគេពិតជាបានសម្លាប់នាងពិតមែន។

កាលពីពេលកន្លងទៅ ជនសង្ស័យទាំងពីររូប ធ្លាប់ចូលខ្លួនផ្ដល់សក្ខីកម្មនៅក្នុងតុលាការជាច្រើនលើកមកហើយជុំវិញរឿងក្ដី តេងម៉ូ ប៉ុន្តែព្រះរាជអាជ្ញាមិនមានភស្តុតាងគ្រប់គ្រាន់ ដើម្បីចោទប្រកាន់ពួកគេឡើយ។

ទើបតែថ្ងៃទី២ ខែមីនា ឆ្នាំ២០២៣នេះ បន្ទាប់ពីតំណាងអយ្យការ និងចុងចោទទាំងពីរបានចូលខ្លួននៅក្នុងតុលាការដើម្បីធ្វើសក្ខីកម្ម និងផ្ទៀងផ្ទាត់ចម្លើយជាមួយសក្សី ចុងចោទទី១ និងចុងចោទទី២ បានផ្លាស់ប្តូរសក្ខីកម្ម ដោយព្រមទទួលចំពោះការចោទប្រកាន់ទាំងអស់ថា ពួកគេពិតជាបានរួមចំណែកក្នុងការស្លាប់របស់ តេងម៉ូ។

លោក ប៉ ត្រូវព្រះរាជអាជ្ញាដាក់ពាក្យបណ្តឹងចំនួន ៦ បទល្មើសគឺ ១. អំពើធ្វេសប្រហែសបណ្តាលឲ្យមនុស្សស្លាប់ ២. ជាថៅកែកប៉ាល់គ្មានលិខិតបញ្ជាក់ ៣. ទូកប្រើប្រាស់មានអាជ្ញាប័ណ្ណផុតកំណត់ ៤. ចាក់សំរាមចូលក្នុងទន្លេ ៥. មិនដាក់ឈ្មោះទូកជាអក្សរថៃ និងអង់គ្លេស និង ៦. ធ្វើរបាយការណ៍មិនពិតជូនអាជ្ញាធរ។

ចំណែកលោក រ៉ូប៊ឺត ត្រូវបានចោទប្រកាន់ចំនួន ៤បទល្មើសគឺ ១. ការធ្វេសប្រហែសបណ្តាលឲ្យស្លាប់អ្នកដទៃ ២. ជាអ្នកត្រួតពិនិត្យកប៉ាល់គ្មានលិខិតបញ្ជាក់ផ្លូវច្បាប់ ៣. ប្រើប្រាស់ទូកដែលមានអាជ្ញាប័ណ្ណផុតកំណត់ និង ៤. បោះចោលសំរាមទៅក្នុងទន្លេ។

បច្ចុប្បន្ន ទើបតែមានចុងចោទពីររូបនេះប៉ុណ្ណោះ ដែលបានឆ្លើយសារភាពចំពោះបទចោទប្រកាន់ទាំងអស់របស់ព្រះរាជអាជ្ញា ចំណែក៤រូបទៀត បន្តបដិសេធរាល់ការចោទប្រកាន់ទាំងអស់។ ដូច្នេះតុលាការនឹងសើរើសំណុំក្ដីឃាតកម្ម តេងម៉ូ ជាថ្មីឡើវិញ។ តុលាការគ្រោងនឹងប្រកាសសាលក្រមនៅថ្ងៃទី១០ ខែឧសភា ឆ្នាំ២០២៣ ហើយនៅថ្ងៃទី២៨ ខែមេសា ឆ្នាំ២០២៣ នឹងបើកសវនាការលើភស្តុតាងនៃសំណុំរឿងដែលព្រះរាជអាជ្ញាប្តឹងចោទ។

ចំពោះជនជាប់ចោទទាំងពីររូបវិញ ពេលនេះកំពុងអនុញ្ញាតឱ្យនៅក្រៅឃុំនៅឡើយ៕

ប្រែសម្រួល៖ សន្យា

ចុចអាន៖ តារា K-pop ៧ រូប ធ្លាប់រងការគំរាមសម្លាប់ពីជនអនាមិក

The post ជនសង្ស័យពីររូប សារភាពថា ពិតជាបានសម្លាប់ Tangmo appeared first on Kampuchea Thmey Daily.

ម្ដាយ Tangmo រងការរិះគន់ម្ដងទៀត ក្រោយសម្ញែងខ្លួនហ៊ឺហា ថ្ងៃឡើងតុលាការ

Sonya — Fri, 23 Sep 2022 11:48:00 +0000

អ្នកស្រី Panida Siriyuthyothin ម្ដាយ Tangmo ហាក់បង្ហាញភាពហាយសូរ និងហ៊ឺហាខ្លាំង នៅថ្ងៃឡើងតុលាការ ដើម្បីទទួលសំណងជាង ៥ម៉ឺនដុល្លារអាមេរិក ពីជនសង្ស័យទាំង ៦នាក់ សម្រាប់បញ្ចប់រឿងក្ដីការស្លាប់របស់កូនស្រី។

វាជារឿងដ៏គួរឱ្យភ្ញាក់ផ្អើលសម្រាប់មហាជនថៃ ដែលកាលពីថ្ងៃទី២១ ខែកញ្ញា ឆ្នាំ២០២២ កន្លងទៅ ជនសង្ស័យទាំង ៦នាក់ ក្នុងរឿងក្ដីស្លាប់របស់ Tangmo បានទៅកាន់តុលាការជាមួយនឹងវត្តមានម្តាយរបស់ Tangmo ដើម្បីចរចាប្រគល់សំណងពាក់ព័ន្ធនឹងការស្លាប់របស់នាង ដោយអ្នកស្រី Panida Siriyuthyothin ព្រមទទួលសំណងប្រមាណជា ៥៣,០០០ដុល្លារអាមេរិក។

ស្របពេលជាមួយគ្នាដែរ មហាជនចាប់អារម្មណ៍លើការតុបតែងខ្លួនរបស់អ្នកស្រី Panida ជាខ្លាំង ដោយសារតែការសម្លៀកបំពាក់ និងគ្រឿងអលង្ការសុទ្ធតែប្រេនៗ មើលទៅមួយឈុតរបស់គាត់ ពិតជាមិនអស់តិចនោះទេ។ ក្នុងនោះគេឃើញអ្នកស្រីប្រើខ្សែក្រវ៉ាត់ប្រេនលំដាប់អន្តរជាតិ Gucci ព្រមទាំងសម្ញែងចិញ្ចៀន និងនាឡិកាដៃ ថ្លៃៗទៀតផង។

គួររំលឹកថា អ្នកស្រី Panida Sirayuthyothin ត្រូវសាធារណជនរាប់សិបនាក់បានពន្លះកប់ៗមាត់ម្ដងរួចហើយ ដែលគាត់ព្រមទទួលប្រាក់ពីជនសង្ស័យ ដោយមិនគិតរកយុត្តិធម៌ឱ្យ Tangmo ខណៈពេលនេះស្រាប់តែផ្ទុះការរិះគន់ជាថ្មីទៀត ក្រោយពេលគាត់បង្ហាញភាពហាយសូរឡើងតុលាការ៕

ប្រែសម្រួល៖ សន្យា

ចុចអាន៖ មហាជនរិះគន់កប់មាត់ ក្រោយម្ដាយ Tangmo ព្រមទទួលសំណងជាង ៥ម៉ឺនដុល្លារពីជនសង្ស័យ

ចុចអាន៖ បង្ហោះរូបលើកនេះ Baifern ត្រូវអ្នកគាំទ្រសង្ស័យ លួចកែបបូរមាត់

The post ម្ដាយ Tangmo រងការរិះគន់ម្ដងទៀត ក្រោយសម្ញែងខ្លួនហ៊ឺហា ថ្ងៃឡើងតុលាការ appeared first on Kampuchea Thmey Daily.

មហាជនរិះគន់កប់មាត់ ក្រោយម្ដាយ Tangmo ព្រមទទួលសំណងជាង ៥ម៉ឺនដុល្លារពីជនសង្ស័យ

Sonya — Thu, 22 Sep 2022 13:16:29 +0000

សាធារណជនថៃប្រតិកម្មខ្លាំងៗទៅលើម្ដាយរបស់ Tangmo អ្នកស្រី Panida Sirayuthyothin ក្រោយពេលគាត់ព្រមទទួលសំណងជាង ៥ម៉ឺនដុល្លារពីជនសង្ស័យទាំង ៦នាក់ នៅក្នុងរឿងក្ដីស្លាប់របស់កូនស្រី។

កាលពីខែមេសា ឆ្នាំ២០២២ កន្លងទៅ មនុស្សចំនួន ៦នាក់ ត្រូវបានចោទប្រកាន់ពីបទជាប់ពាក់ព័ន្ធនឹងករណីស្លាប់របស់ Tangmo ដែលធ្វើឱ្យពួកគេបានចុះឡើងៗតុលាការមិនឈប់។ លុះមកដល់ថ្ងៃទី២១ ខែកញ្ញា ឆ្នាំ២០២២ មនុស្សទាំង ៦នាក់នោះ បានមកកាន់តុលាការម្ដងទៀត ដោយមានវត្តមានម្តាយរបស់ Tangmo ដើម្បីចរចាប្រគល់សំណងពាក់ព័ន្ធនឹងការស្លាប់របស់នាង។

បណ្ដាញសារព័ត៌មានរបស់ថៃ បានឱ្យដឹងថា ម្តាយ Tangmo បានព្រមទទួលសំណងចំនួន ២លានបាត (ប្រហែល ៥៣ ០០០ដុល្លារអាមេរិក) នៅមុខតុលាការ ពីជនសង្ស័យទាំង ៦នាក់។ លើសពីនេះ អ្នកស្រី Panida Sirayuthyothin នឹងទទួលប្រាក់ចំនួន ៣ម៉ឺនបាត (ប្រហែល ៨០០ដុល្លារអាមេរិក) ក្នុងមួយខែ ក្នុងរយៈពេល ២០ឆ្នាំ។ មិនតែប៉ុណ្ណោះ Sand និង Gatick ដែលស្ថិតក្នុងចំណោមជនសង្ស័យ ថែមទាំងប្រគល់ក្រវិលពេជ្រមួយគូឱ្យគាត់ទៀតផង។

ក្រោយដឹងរឿងនេះ សាធារណជនរាប់សិបនាក់បានពន្លះអ្នកស្រី Panida Sirayuthyothin ខ្លាំងៗថា គាត់ជាមនុស្សចង់បានតែទ្រព្យ ដោយមិនគិតរកយុត្តិធម៌ឱ្យកូន ស្របពេលដែលអ្នកខ្លះទៀតថា គាត់ទំនងមិនមែនជាម្ដាយបង្កើតរបស់ Tangmo នោះទេ ទើបដាច់ចិត្តធ្វើបែបនេះ៕

ប្រែសម្រួល៖ សន្យា

ចុចអាន៖ ការស៊ើបអង្កេតរឿងក្ដី Tangmo ឈានដល់ទីបញ្ចប់ មនុស្ស ៦នាក់ត្រូវចោទប្រកាន់

ចុចអាន៖ បញ្ហាចម្រូងចម្រាសរវាងស្ថាបនិក Miss Grand និងបវរកញ្ញា Engfa ឈានដល់ទីបញ្ចប់

The post មហាជនរិះគន់កប់មាត់ ក្រោយម្ដាយ Tangmo ព្រមទទួលសំណងជាង ៥ម៉ឺនដុល្លារពីជនសង្ស័យ appeared first on Kampuchea Thmey Daily.

ប៉ូលិសចេញដីកាចាប់ខ្លួនមិត្តជិតស្និទ្ធ Tangmo ក្រោយល្បីថា រត់គេចទៅក្រៅប្រទេស

សាង ស្រីល័ក្ខ — Wed, 25 May 2022 07:49:27 +0000

មិត្តភ័ក្ដិជិតស្និទ្ធរបស់ Tangmo Nida គឺ Anna ត្រូវប៉ូលិសចេញដីកាចាប់ខ្លួន បន្ទាប់ពីលេចឮដំណឹងថា តារាភេទទី៣រូបនេះ បានបោកប្រាស់រឿងលក់ឆ្នោត និងកំពុងគេចខ្លួននៅប្រទេសម៉ិកស៊ិក ។

យ៉ាងណាមិញ Anna បានបញ្ចេញសារបង្ហោះលើបណ្ដាញសង្គមហ្វេសប៊ុក ដោយនិយាយថា នាងបានដឹងពីដីកាចាប់ខ្លួន ហើយត្រៀមខ្លួនដើម្បីបង្ហាញភាពបរិសុទ្ធរបស់នាង។ នាងមិនរត់គេចពីករណីនេះ ដូចមនុស្សគ្រប់គ្នាថាទេ។ ការធ្វើដំណើរទៅក្រៅប្រទេស ព្រោះមិនមែនដោយសារតែបញ្ហាបោកប្រាស់រឿងឆ្នោតនោះទេ ។ តែយ៉ាងណា នាងក៏បានបង្ហើបថា នឹងធ្វើដំណើរត្រឡប់ទៅប្រទេសថៃវិញ នាដើមខែក្រោយវិញ។

ប៉ុន្តែយ៉ាងណាក៏ដោយ នៅតែមានមនុស្សជាច្រើនបានចោទប្រកាន់នាងថា បានរត់គេចខ្លួន ខណៈនាង
បានមកស្នាក់នៅម៉ិកស៊ិក តាំងពីថ្ងៃទី១៤ ខែមេសា ហើយដីកាចាប់ខ្លួន ទើបតែធ្លាក់មកម្សិលមិញនេះឯង។

គួរបញ្ជាក់ថា Anna គឺជាមិត្តជិតស្និទ្ធរបស់តារាសម្ដែង Tangmo តាំងពីសម័យកាលអ្នកទាំងពីរនៅរៀនជាមួយគ្នាម្ល៉េះ។ Anna ក៏ជាអ្នករៀបចំកម្មវិធីទូរទស្សន៍ អ្នកលក់អាហារបំប៉ន ជាពិធីករ និងជាអ្នកពិភាក្សាផលិតផលតាមមុខទំនិញផ្សេងៗ លើបណ្ដាញសង្គមផងដែរ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖កក្រើកប្រទេស ថៃ ម្ដងទៀត ក្រោយហ្វេសបុករបស់ Tangmo កំពុងមានសកម្មភាពយ៉ាងរន្ថើន

ចុចអាន៖តារាល្បីៗ ចូលរួមលា Tangmo ជាលើកចុងក្រោយ ទាំងទឹកមុខក្រៀមក្រំ

The post ប៉ូលិសចេញដីកាចាប់ខ្លួនមិត្តជិតស្និទ្ធ Tangmo ក្រោយល្បីថា រត់គេចទៅក្រៅប្រទេស appeared first on Kampuchea Thmey Daily.

Tangmo Nida Archives - Kampuchea Thmey Daily

លោកណាវ៉ាត់ ​ថា ​ករណី​ Tangmo ជា​ឃាតកម្ម​១០០% ប៉ុន្តែ​គេរកមិន ឃាតក ទេ

តុលាការថៃសម្រេចកាត់ទោសជនជាប់ចោទ ២ រូប ឲ្យជាប់ពន្ធនាគារ ជុំវិញការស្លាប់របស់ Tangmo

Sand គំរាមប្ដឹងបកទៅម្ដាយ Tangmo ពីបទបរិហារកេរ្តិ៍ដោយគ្មានភស្តុតាង

ជនសង្ស័យសារភាពទោសភ្លាម ម្ដាយ ​Tangmo ប្ដឹងទារសំណងជាង ៤០លានភ្លាម

ជនសង្ស័យពីររូប សារភាពថា ពិតជាបានសម្លាប់ ​Tangmo

ម្ដាយ Tangmo រងការរិះគន់ម្ដងទៀត ក្រោយសម្ញែងខ្លួនហ៊ឺហា ថ្ងៃឡើងតុលាការ

មហាជនរិះគន់កប់មាត់ ក្រោយម្ដាយ Tangmo ព្រមទទួលសំណងជាង ៥ម៉ឺនដុល្លារពីជនសង្ស័យ

ប៉ូលិសចេញដីកាចាប់ខ្លួនមិត្តជិតស្និទ្ធ Tangmo ក្រោយល្បីថា រត់គេចទៅក្រៅប្រទេស

លោកណាវ៉ាត់ ថា ករណី Tangmo ជាឃាតកម្ម១០០% ប៉ុន្តែគេរកមិន ឃាតក ទេ

ជនសង្ស័យសារភាពទោសភ្លាម ម្ដាយ Tangmo ប្ដឹងទារសំណងជាង ៤០លានភ្លាម

ជនសង្ស័យពីររូប សារភាពថា ពិតជាបានសម្លាប់ Tangmo