ការិយាល័យព្រះរាជអាជ្ញាទីក្រុងវីយែនបាននិយាយនៅក្នុងសេចក្តីថ្លែងការណ៍មួយថា ជនជាប់ចោទដែលមិនបញ្ចេញឈ្មោះបានប្រកាសភក្ដីភាពចំពោះក្រុមរដ្ឋអ៊ីស្លាម ដោយចែករំលែកសម្ភារៈឃោសនា និងវីដេអូតាមរយៈសេវាកម្មផ្ញើសារផ្សេងៗ។

ព្រះរាជអាជ្ញាក៏បានចោទប្រកាន់ជនជាប់ចោទថា រូបគេទទួលបានការណែនាំនៅលើអ៊ីនធឺណិតដើម្បីរៀបចំបំណែកគ្រាប់បែកដោយផ្អែកលើសារធាតុផ្ទុះ triacetone triperoxide ជាធម្មតាត្រូវបានប្រើប្រាស់ដោយ IS និងបានផលិតសារធាតុផ្ទុះមួយចំនួនតូច។ ជាងនេះទៀតនោះ ជនជាប់ចោទបានប៉ុនប៉ងជាច្រើនដង ដើម្បីទិញអាវុធដោយខុសច្បាប់នៅខាងក្រៅប្រទេស និងនាំយកវាទៅកាន់ប្រទេសអូទ្រីស។

អ្នកនាំពាក្យការិយាល័យរដ្ឋអាជ្ញាសាធារណៈទីក្រុងវីយែនបានបញ្ជាក់ប្រាប់សារព័ត៌មាន The Associated Press ថា បច្ចប្បន្នជនជាប់ចោទកំពុងជាប់ឃុំឃាំងនូវឡើយ។ ប្រព័ន្ធផ្សព្វផ្សាយអូទ្រីសបានកំណត់អត្តសញ្ញាណជនសង្ស័យថាជា Beran A. ហើយបាននិយាយថា គាត់ត្រូវបានចាប់ខ្លួននៅក្នុងខែសីហា ឆ្នាំ២០២៤។

យ៉ាងណាមិញ អាជ្ញាធរអូទ្រីសបានលុបចោលកម្មវិធីសម្តែងចំនួនបីដែលបានគ្រោងទុករបស់ Taylor Swift នៅទីក្រុងវីយែន ក្នុងខែសីហា ឆ្នាំ២០២៤ បន្ទាប់ពីជណសង្ស័យប្រកាសថា ពួកគេបានរារាំងផែនការជាក់ស្តែងមួយដើម្បីកំណត់គោលដៅការសម្តែង។ មិនតែប៉ុណ្ណោះ សហរដ្ឋអាមេរិក ក៏បានផ្តល់ព័ត៌មានស៊ើបការណ៍សម្ងាត់ ដោយបានជំរុញឲ្យមានការសម្រេចចិត្តលុបចោលការប្រគំតន្ត្រីចោលភ្លាមៗដែរ។

លោក John Kirby អ្នកនាំពាក្យសន្តិសុខជាតិសេតវិមាននៅពេលនោះបាននិយាយនៅក្នុងខែសីហា ឆ្នាំ២០២៤ ថា «សហរដ្ឋអាមេរិកមានការផ្តោតអារម្មណ៍ជាប់លាប់លើបេសកកម្មប្រឆាំងភេរវកម្មរបស់យើង។ យើងធ្វើការយ៉ាងជិតស្និទ្ធជាមួយដៃគូនៅទូទាំងពិភពលោកដើម្បីតាមដាន និងរំខានដល់ការគំរាមកំហែង។ ដូច្នេះជាផ្នែកមួយនៃការងារនោះ អាមេរិកបានចែករំលែកព័ត៌មានជាមួយដៃគូអូទ្រីស ដើម្បីឲ្យអាចមានការរំខានដល់ការគំរាមកំហែងចំពោះការប្រគំតន្ត្រីរបស់ Taylor Swift នៅទីនោះក្នុងទីក្រុងវីយែន»៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ប្រឡូកអាជីពសម្ដែងក្រៅប្រទេសជាយូរ Song Joong Ki នៅតែមិនអាចដណ្ដើមតំណែងតួឯក

The post អូទ្រីស​ចោទប្រកាន់​ជនសង្ស័យម្នាក់ ​ពី​បទ រៀបគម្រោងបំផ្ទុះប្រគំតន្ត្រី Taylor កាលឆ្នាំ២០២៤ appeared first on Kampuchea Thmey Daily.

នៅក្នុងការសម្ភាសន៍ និងការបង្ហាញខ្លួនជាសាធារណៈ Taylor Swift និង Travis Kelce បានចៀសវាងសំណួរអំពីពិធីមង្គលការនាពេលខាងមុខ។ ដោយឡែក យោងតាម ​​US Weekly គូស្នេហ៍នេះមានគម្រោងរៀបការនៅ Rhode Island នៅរដូវក្តៅឆ្នាំ ២០២៦។

Taylor Swift មានមិត្តភាពជិតស្និទ្ធជាមួយក្រុមមិត្តភក្តិតារាល្បីៗ រួមមាន Selena Gomez, Blake Lively, Gigi Hadid, Sophie Turner, Sabrina Carpenter, Ice Spice និងច្រើនទៀត។ នៅដើមខែវិច្ឆិកា Taylor ត្រូវបានគេប្រទះឃើញកំពុងញ៉ាំអាហារពេលល្ងាចឯកជនជាមួយមិត្តភក្តិជិតស្និទ្ធបីនាក់នៅទីក្រុងញូវយ៉ក។ នៅថ្ងៃទី ១ខែវិច្ឆិកា តារាចម្រៀងរូបនេះបានចេញទៅក្រៅជាមួយជាងកាត់សក់ និងមិត្តភក្តិជិតស្និទ្ធ Ashley Avignone បន្ទាប់មកអាហារពេលល្ងាចជាមួយតារាម៉ូដែល Gigi Hadid នៅថ្ងៃទី ៣ ខែវិច្ឆិកា និងកិច្ចប្រជុំជាមួយអ្នកសហការរបស់នាងនៅលើអាល់ប៊ុម The Life of a Showgirl គឺ Sabrina Carpenter នៅថ្ងៃទី ៧ខែវិច្ឆិកា។

ការជួបជុំញឹកញាប់របស់តារាចម្រៀងរូបនេះ ជាមួយមិត្តភក្តិល្បីៗរបស់នាងមិនមែនជារឿងចម្លែកនោះទេ។ ទោះជាយ៉ាងណាក៏ដោយ ពេលវេលានៃការជួបជុំទាំងនេះបានក្លាយជាប្រធានបទពិភាក្សាដ៏ក្តៅគគុកយ៉ាងឆាប់រហ័ស។ អ្នកគាំទ្រជាច្រើនបានស្មានថា តារាចម្រៀងរូបនេះកំពុងចាប់ផ្តើមរៀបចំផែនការក្រុមអ្នកកំដររបស់នាង។

យោងតាមកាសែត US Sun ក្រុមកូអ្នកំដរក្នុងក្តីស្រមៃរបស់តារាចម្រៀងរូបនេះក៏ត្រូវបានបង្ហាញផងដែរ ដោយឈ្មោះពីរដំបូងគឺ Selena Gomez និង Gigi Hadid។ ថ្លែងទៅកាន់ The Sun ប្រភពអនាមិកមួយបាននិយាយថា Taylor បានអញ្ជើញ Gigi Hadid ឲ្យធ្វើជាអ្នកកំដរ ដែលជាការរីករាយយ៉ាងខ្លាំងរបស់តារាម៉ូដែលរូបនេះ ព្រោះនាងមិនបានត្រៀមខ្លួនទាល់តែសោះ។

ខាងក្រោមនេះគឺជាឈ្មោះមិត្តភក្តិជិតស្និទ្ធរបស់ម្ចាស់បទ «Cruel Summer» ដែល Lifestyle Asia ជឿថាទំនងជាអ្នករៀបចំអ្នកំដរនៅក្នុងពិធីមង្គលការរបស់ Taylor Swift និង Travis Kelce។

Selena Gomez, Gigi Hadid, Ashley Avignone, Sabrina Carpenter ត្រូវបានគេព្យាករណ៍ថានឹងស្ថិតក្នុងចំណោមអ្នកំដរកូនក្រមុំក្នុងពិធីមង្គលការរបស់ Taylor Swift និង Travis Kelce នៅរដូវក្តៅនេះ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ស្រ្តី ចិន កែសម្ផស្ស ៣៧ ដង ឲ្យដូច Fan Bingbing ចុងក្រោយបែរជារងទឹកភ្នែក

The post តើតារាល្បីៗណាខ្លះ នឹងក្លាយជាអ្នកកំដរក្នុងពិធីមង្គលការ Taylor Swift? appeared first on Kampuchea Thmey Daily.

ខ្លឹមសារ​នៃ​វីដេអូ​នេះ​បាន​ធ្វើ​ឲ្យ​មាន​ការ​រំជើបរំជួល​យ៉ាង​រហ័ស​ក្នុង​សហគមន៍​អ្នក​គាំទ្រ Taylor មនុស្សជាច្រើនបានរិះគន់ខ្លឹមសារនៃវីដេអូនេះថា យករាងកាយនិងរឿងឯកជនរបស់អ្នកដទៃមកនិយាយលេងសើច នេះគឺជាទង្វើប្រមាថ និងរើសអើងលើស្ត្រីយ៉ាងខ្លាំងក្លា។

មិនតែប៉ុណ្ណោះ ម្តាយក្មេករបស់ Taylor ក៏ត្រូវក្រុមអ្នក​​លេង​អ៊ីនធឺណិត​ចោទសួរថា ហេតុអ្វីបានជានាងទទួលយកស្លាកហាមឃាត់នៃវីដេអូហាមឃាត់នេះ ដោយអនុញ្ញាតឲ្យវាបង្ហាញជាសាធារណៈនៅលើទំព័រផ្ទាល់ខ្លួនទៅវិញ។ នេះ​ជា​ការ​យល់​ខុស​ច្បាស់​ណាស់ ការ​បញ្ចេញ​មតិ​រើសអើង​ចំពោះ​ស្ត្រី​និង​រាង​កាយ​របស់​ពួកគេ ​មិន​មែន​ជា​រឿង​ដែលក្នុងនាម​ម្ដាយ​គួរ​ធ្វើ​ទេ។ នាង​ចង់​មាន​ចៅ​ហើយ​ដាក់​សម្ពាធ​លើ Taylor។

មហាជនមួយចំនួនក៏បាននិយាយការពារថា លោកស្រី Donna Kelce ប្រហែលជាមិនបានមើលវីដេអូនេះដោយប្រយ័ត្នប្រយែង មុននឹងទទួលយកស្លាកនោះទេ។ បច្ចុប្បន្ន​គាត់​មាន​អាយុ ៧២ ឆ្នាំ ប្រហែល​ជា​មិន​សូវ​ស្គាល់​បណ្ដាញ​សង្គម ទើប​ទទួល​យក​ស្លាក ក៏អាចថាលោកស្រីមកពីជំនាន់ចាស់ ដូច្នេះការគិត និងការយល់ឃើញរបស់គាត់មិនសមរម្យនិង ប្រមាថស្ត្រី ខុសពីមនុស្សជំនាន់ក្រោយ។ លើសពីនេះ ការជំរុញ​កូនឲ្យមានកូន​ក៏​ជា​រឿង​ដែល​អ្នក​ម្តាយ​គ្រប់រូប​ធ្វើ​ដែរ​។

លើសពីនេះទៀតដែរ មនុស្សជាច្រើនក៏បានចង្អុលបង្ហាញថា លោកស្រី Donna បានស្រលាញ់ Taylor តាំងពីនាងចាប់ផ្តើមណាត់ជួបកូនប្រុសដំបូងរបស់នាងមកម្ល៉េះ។ ប្រភព​មួយ​បាន​ចែក​រំលែក​ថា លោក​ស្រី Donna ជា​មនុស្ស​រំជួល​ចិត្ត​ខ្លាំង​ណាស់ តែង​តែ​ចង់​ជួយ Taylor និង Travis។ នាងកំពុងប្រមូលកំណត់ត្រា រូបភាព ផ្កា និងវត្ថុអនុស្សាវរីយ៍ ដើម្បីចងចាំថ្ងៃដែលកូនទាំងពីររបស់នាងបានភ្ជាប់ពាក្យ។ ម្តាយក្មេករបស់ Taylor ក៏បានផ្លាស់ប្តូររូបថតគម្រប Facebook របស់នាងទៅជារូបថតកុមារភាពរបស់កូនទាំងពីរជាមួយនឹងចំណងជើងថា ពួកគេរៀបការហើយ ។ Taylor ក៏បានបង្ហាញមុខជាច្រើនដងជាមួយនឹងអនាគតម្តាយក្មេករបស់នាងជាមួយនឹងអាកប្បកិរិយាផ្អែមល្ហែម និងស្រលាញ់គ្នាយ៉ាងខ្លាំង ដោយមិនមានការទាស់ទែងគ្នាជាដាច់ខាត។

យាងណាមិញ ទំព័រ Six បានរាយការណ៍ថា Taylor Swift និង Travis Kelce គ្រោងនឹងរៀបចំពិធីមង្គលការឯកជនជាមួយក្រុមគ្រួសារ និងមិត្តភក្តិជិតស្និទ្ធ មិនមែនជា អាពាហ៍ពិពាហ៍ដ៏អស្ចារ្យ ដែលទាក់ទាញប្រព័ន្ធផ្សព្វផ្សាយ និងតារាល្បីៗនោះទេ។ ពួកគេ​ក៏​មិន​ប្រញាប់ប្រញាល់​ដែរ ហើយ​គ្រោង​រៀបការ​នៅ​រដូវក្តៅ​ក្រោយ​៕

អត្ថបទ៖ សាង ស្រីល័ក្ខ

ចុចអាន៖Dragon រងការរិះគន់ដូច Taylor Swift ថា បំផ្លាញបរិស្ថាន

The post ម្តាយក្មេក Taylor Swift រងការរិះគន់ថា លេងសើចលើរូបកាយកូនប្រសាស្រី appeared first on Kampuchea Thmey Daily.

យោងតាមប្រភពមួយចំនួន ភាពស្ងៀមស្ងាត់របស់ Blake កើតចេញពីការពិតដែលថាទំនាក់ទំនងជិតស្និទ្ធរបស់នាងជាមួយ Taylor មានភាពតានតឹងតាំងពីដើមឆ្នាំនេះមកម្ល៉េះ។ ប្រភព​បាន​បង្ហើប​ថា Blake មិន​បាន​ទាក់​ទង Taylor ចាប់​តាំង​ពី​មាន​ដំណឹង​ភ្ជាប់​ពាក្យ។ នេះមិនមែនជាពេលវេលាត្រឹមត្រូវទេ។ ការទាក់ទងនាងឥឡូវនេះគឺគ្មានន័យទាល់តែសោះ។ នាង​មាន​រឿង​សំខាន់​ជាង​នេះ​ទៀត​ដែល​ត្រូវ​ផ្តោត​លើ។

ប្រភព​ដដែលបាន​និយាយ​ថា រឿង​សំខាន់​ជាង​នេះ​ទៅ​ទៀត គឺ​ពាក្យ​ប្ដឹង​រវាង Blake និង​តារា​សម្ដែង និង​អ្នក​ដឹក​នាំ Justin Baldoni ទាក់​ទង​នឹង​រឿង It Ends With Us។

ប្រភព​ដដែល​បាន​និយាយ​ថា Blake លែង​និយាយ​ពី Taylor ក្នុង​ការ​សន្ទនា​ហើយ​ហាក់​ដូច​ជា​មិន​ខ្វល់​ពី​អតីតកាល​ទាល់​តែ​សោះ។ ប្រភពបានសង្កត់ធ្ងន់ថា ពីមុនមនុស្សធ្លាប់និយាយអំពីថាតើ Blake នឹងចូលរួមពិធីមង្គលការរបស់ Taylor ឬអត់ តើនាងនឹងបង្ហាញខ្លួនដោយរបៀបណា។ ប៉ុន្តែឥឡូវនេះ ចម្លើយគឺគ្រាន់តែស្ងាត់ប៉ុណ្ណោះ។ Blake មិនមានចេតនាចង់ចូលរួម ហើយក៏មិនចង់និយាយអំពីវាដែរ ។

កាលពីមុន ជម្លោះផ្លូវច្បាប់របស់ Blake ជាមួយ Justin Baldoni បានបង្កឲ្យមានពាក្យចចាមអារ៉ាមថាទំនាក់ទំនងរបស់នាងជាមួយ Taylor ត្រូវបានខូច។ ជាមួយគ្នានេះដែរ Taylor ទើបតែបានប្រកាសជាផ្លូវការនូវដំណឹងល្អនៅលើទំព័រផ្ទាល់ខ្លួនរបស់នាង ជាមួយនឹងរូបថតផ្អែមល្ហែមជាច្រើនសន្លឹកជាមួយគូដណ្តឹង Travis ដែលទាក់ទាញចំណាប់អារម្មណ៍ទូទាំងពិភពលោក។

Taylor Swift កើត​នៅ​ក្នុង​ឆ្នាំ១៩៨៩ គឺ​ជា​តារា​ចម្រៀង​ស្រី​ដែល​មាន​បំផុត​និង​ល្បីល្បាញ​បំផុត​របស់​ពិភពលោក​។ គិតត្រឹមខែមីនា ឆ្នាំ ២០២៥ នាងគឺជាមហាសេដ្ឋីដែលមានទ្រព្យសម្បត្តិសុទ្ធ ១.៦ ពាន់លានដុល្លារ។ ភាពជោគជ័យនេះភាគច្រើនបានមកពីប្រាក់ចំណូលដ៏ច្រើននៃ «The Eras Tour» ផលិតផលតន្ត្រី ការរក្សាសិទ្ធិបទចម្រៀង និងការវិនិយោគអចលនទ្រព្យ។

Taylor Swift មិន​ត្រឹម​តែ​មាន​ឥទ្ធិពល​ក្នុង​តន្ត្រី​ប៉ុណ្ណោះ​ទេ ប៉ុន្តែ​ក៏​ជា​ម៉ូដ​សំលៀកបំពាក់​ដែល​នាង​ស្លៀក​អាច​បង្ក​ឲ្យ​ក្តៅ​ខ្លួន និង​បង្កើត​នូវ​និន្នាការ​បាន។ សាកលវិទ្យាល័យជាច្រើននៅជុំវិញពិភពលោកបានបើកនាយកដ្ឋានដើម្បីស្រាវជ្រាវពីភាពជោគជ័យ និងឥទ្ធិពលរបស់នាង៕

អត្ថបទ៖ សាង ស្រីល័ក្ខ

ចុចអាន៖​ភ្ជាប់​ពាក្យ​ Taylor សូម្បីតែសែរាជវង្ស អង់គ្លេស ក៏រំភើបចិត្តជំនួស

The post មិត្ត​ភាព Taylor អាចប្រេះឆា ព្រោះ Blake មិន​​ខ្វល់ព័ត៌មាន​ភ្ជាប់ពាក្យឡើយ appeared first on Kampuchea Thmey Daily.

ការកោតសរសើរនិងរំភើប របស់សែរាជវង្សអង់គ្លេសចំពោះ Taylor Swift មិនមែនជារឿងថ្មីទេ។ នៅថ្ងៃចម្រើនព្រះជន្មរបស់ទ្រង់ក្នុងខែមិថុនា ឆ្នាំ ២០២៤ ព្រះអង្គម្ចាស់ William បាននាំព្រះអង្គម្ចាស់ George (ព្រះជន្ម ១២ វសង្សា) និងម្ចាស់ក្សត្រី Charlotte (ព្រះជន្ម១០វស្សា) ទៅមើលការប្រគំតន្ត្រី Eras Tour របស់តារាចម្រៀង Taylor នៅទីក្រុងឡុងដ៍។

រូបភាព​ព្រះអង្គម្ចាស់ និង​ព្រះនាង​កំពុង​ច្រៀង​បទ Shake It Off ម្តង​បានធ្វើឲ្យណ្តាញ​សង្គមផ្ទុះកក្រើកចែកចាយយ៉ាងគគ្រឹកគគ្រេង។ បន្ទាប់​ពី​កម្មវិធី​នេះ សែរាជវង្ស​ទាំង​បី​បាន​អង្គុយ​ថត​រូប​នៅ​ក្រោយ​ឆាក​ជាមួយ Taylor និង Travis ដែល​ពេល​ក្រោយ​ត្រូវ​បាន​គេ​ចែក​រំលែក​យ៉ាង​ទូលំទូលាយ​លើ Instagram តែម្ដង។

មិនត្រឹមតែព្រះអង្គម្ចាស់ William និងភរិយា Meghan Markle ក៏ជាអ្នកគាំទ្ររបស់ Taylor Swift ផងដែរ។ នៅឆ្នាំ ២០២៣ ទ្រង់បានចូលរួមកម្មវិធី Eras Tour នៅ SoFi Stadium (Los Angeles)។ យោងតាម ​​Page Six នាង និងមិត្តជិតស្និទ្ធរបស់នាង Lucy Fraser បានជ្រមុជខ្លួននៅក្នុងបរិយាកាសដ៏រស់រវើក ថែមទាំងក្រោកឈរឡើងច្រៀងតាមបទចម្រៀង You Belong With Me ទៀតផង។

យ៉ាងណាមិញ មិនត្រឹមតែសែរាជវង្សអង់គ្លេសទេ ដែលរំភើបចិត្តនឹងការប្រកាស់ភ្ចាប់ពាក្យរបស់គូស្នេហ៍ល្បីល្បាញទូទាំងពិភពលោកនេះ សូម្បីតែប្រធាធិបតីលោក ដូណាល់ ត្រាំ ក៏បានផ្ញើសារជូនពរដល់តារាចម្រៀងប៉ុប Taylor Swift និងតារាកីឡាបាល់ឱប Travis Kelce សូមឲ្យពួកគេមានសុភមង្គលថែមទៀតផង។

គួរបញ្ចាកដែរថា ចិញ្ចៀនភ្ជាប់ពាក្យត្រូវបានរចនាឡើងដោយមិត្តប្រុ Travis Kelce សហការជាមួយ Kindred Lubeck នៃ Artifex Fine Jewelry ជាពិសេសសម្រាប់ Taylor Swift ។ ចិញ្ចៀន​មួយវង់នេះដែរ ត្រូវ​បាន​រចនា​បែប​បុរាណ​ដោយ​មាន​ពេជ្រ​ធំ​នៅ​ចំ​កណ្តាល។ យោងតាមអ្នកជំនាញផ្នែកគ្រឿងអលង្ការ Benjamin Khordipour ពេជ្រកណ្តាលមានទម្ងន់ប្រហែល ៨ ការ៉ាត់ ហើយធ្វើដោយដៃទាំងស្រុង។ តម្លៃប៉ាន់ស្មាននៃចិញ្ចៀនគឺប្រហែល ៥៥០,០០០ ដុល្លារអាមេរិកឯណោះ៕

អត្ថបទ៖ សាង ស្រីល័ក្ខ

ចុចអាន៖សេពគប់គ្នាជិត៣ឆ្នាំ ទីបំផុត Travis សុំ Taylor រៀបការ អមដោយចិញ្ចៀន​ពេជ្រ​ដ៏​ធំ​សម្បើម

The post ​ភ្ជាប់​ពាក្យ​ Taylor សូម្បីតែសែរាជវង្ស អង់គ្លេស ក៏រំភើបចិត្តជំនួស appeared first on Kampuchea Thmey Daily.

ដំណឹង​ភ្ជាប់​ពាក្យ​​​បាន​ធ្វើ​ឲ្យ​មាន​ការ​ចាប់​អារម្មណ៍​យ៉ាង​ខ្លាំង​ទូទាំង​ពិភព​លោក​ទាំង​អ្នក​គាំទ្រ និង​បុគ្គល​ល្បីៗ រាប់​ទាំង​ថ្នាក់​ដឹក​នាំកំពូល​អាមេរិក​ផង។ ចិញ្ចៀន​ពេជ្រ ដែល​កីឡាករ​ជូន​​គូ​ស្នេហ៍​​ត្រូវ​បាន​គេ​ដឹង​ថា តម្លៃ ៦៥​ម៉ឺន​ដុល្លារ​អាមេរិក។

Taylor Swift អាយុ​ ៣៥​ឆ្នាំ ត្រូវ​បាន​គេ​ប៉ាន់​ស្មាន​មាន​ទ្រព្យ​សម្បត្តិ​ប្រមាណ ១.៦​ប៊ីលាន​ដុល្លារ​អាមេរិក។ ទស្សនាវដ្តី​អាមេរិក Forbes បាន​ចាត់​ទុក​តារា​ស្រី​រូប​នេះ​ ​រក​បាន​ចំណូល​ប្រមាណ ១​ប៊ីលាន​ដុល្លារ​ពីអាជីព​ចម្រៀង​ ក្នុង​​នោះ​​​ប្រមាណ ៨៥០​លាន​ដុល្លារ​ពី​ការ​ប្រគំ​តន្ត្រី​រយៈ​ពេល​ជិត​២០​ឆ្នាំ អចលនទ្រព្យ​​មាន​តម្លៃ​ជិត ១២០​លាន​ដុល្លារ អគារ​តម្លៃ ១៧​លាន​ដុល្លារ និង​យន្តហោះ​ឯកជន​តម្លៃ ២៣​លាន​ដុល្លារ។

ចំណែក​កីឡាករ While Kelce ​អាយុ​ ៣៥ ឆ្នាំ មាន​លទ្ធភាព​ទិញ​ចិញ្ចៀន​ពេជ្រតម្លៃ​ប្រមាណ ៦៥​ម៉ឺន​ដុល្លារ​អាមេរិក​​។ យោង​តាម​ទស្សនាវដ្តី Forbes បាន​ប៉ាន់​ស្មាន​ថា ការ​ឈ្នះ​ជើង​ឯក Super Bowl ៣​សម័យ​ទទួល​បាន​៧០​លាន​ដុល្លារ។ សម្រាប់​អាជីព​ជា​កីឡាករ​បាល់​ឱប​រយៈ​ពេល​១២​ឆ្នាំ ​អាច​រក​ចំណូល​បាន ១១១​លាន​ដុល្លារ​អាមេរិក។ លោក​រក​បាន​ប្រមាណ ៨០​លាន​ដុល្លារ​អាមេរិក​ទៀត​ពីការងារ​ក្រៅ​ទី​លាន​កីឡា ព្រម​ទាំង ១០០​លាន​ដុល្លារ​​ទៀត​ពី​កុងត្រា​​ជា​មួយ​កម្មវិធី Wondery កាលពី​ឆ្នាំ ២០២៤។ លោក​​ក៏​មាន​វីឡា​តម្លៃ ៦​លាន​ដុល្លារ​នៅ​ទី​ក្រុង Kansas City និង​រថយន្ត​ Rolls-Royce Phantom តម្លៃ ៤០​​ម៉ឺន​ដុល្លារ​ថែម​ទៀត។

បូក​រួម​ទ្រព្យ​សម្បត្តិ​​គូ​ស្នេហ៍​តារា​ចម្រៀង និង​កីឡាករ​បាល់​ឱប Swift-Kelce ចូល​គ្នា​គឺ​មាន​ប្រមាណជិត ២​​ប៊ីលាន​ដុល្លាររ​អាមេរិក ដែល​​ធ្វើ​ឲ្យ​គូ​ស្នេហ៍​ឈាន​ឡើង​មួយ​កម្រិត​ទៀត ប៉ុន្តែ​នៅ​ក្រោម​ Jay-Z ​និង Beyoncé ប្រមាណ​ជាង ៣​ប៊ី​​លាន​ដុល្លារ៕

ប្រែ​សម្រួល៖ វីរបុត្រ
ប្រភព៖ Forbes

The post ទ្រព្យសម្បត្តិ Taylor Swift និង​​កីឡាករ​ Travis Kelce ចូល​គ្នា​ជិត ២​ប៊ីលានដុល្លារ​អាមេរិក appeared first on Kampuchea Thmey Daily.

ក្នុងរយៈពេលត្រឹមតែមួយម៉ោង ការបង្ហោះរបស់ Taylor Swift បានឈានដល់ជាង ១០ លានដង និងការចូលចិត្ត នៅលើបណ្ដាញ Instagram យ៉ាងគគ្រឹកគគ្រេង។ ជាពិសេស អ្នកគាំទ្រ និងមិត្តភក្តិជាច្រើនបានបន្សល់ទុកនូវពរជ័យដល់តារាចម្រៀង និងមិត្តប្រុសរបស់នាងច្រើនហួសប្រមាណ។

យោងតាមប្រព័ន្ធផ្សព្វផ្សាយ ចិញ្ចៀនភ្ជាប់ពាក្យត្រូវបានរចនាឡើងដោយមិត្តប្រុ Tសravis Kelce សហការជាមួយ Kindred Lubeck នៃ Artifex Fine Jewelry ជាពិសេសសម្រាប់ Taylor Swift ។ ចិញ្ចៀន​មួយវង់នេះដែរ ត្រូវ​បាន​រចនា​បែប​បុរាណ​ដោយ​មាន​ពេជ្រ​ធំ​នៅ​ចំ​កណ្តាល។ យោងតាមអ្នកជំនាញផ្នែកគ្រឿងអលង្ការ Benjamin Khordipour ពេជ្រកណ្តាលមានទម្ងន់ប្រហែល ៨ ការ៉ាត់ ហើយត្រូវបានធ្វើដោយដៃទាំងស្រុង។ តម្លៃប៉ាន់ស្មាននៃចិញ្ចៀនគឺប្រហែល ៥៥០,០០០ ដុល្លារអាមេរិកឯណោះ។

Taylor Swift កើត​នៅ​ឆ្នាំ ១៩៨៩ ជា​តារា​ចម្រៀង​ស្រី​ល្បី​បំផុត​និង​មាន​បំផុត​ក្នុង​ពិភពលោក។ គិតត្រឹមខែមីនា ឆ្នាំ ២០២៥ នាងគឺជាមហាសេដ្ឋីដែលមានទ្រព្យសម្បត្តិសុទ្ធ ១.៦ ពាន់លានដុល្លារ។ ភាពជោគជ័យនេះភាគច្រើនបានមកពីប្រាក់ចំណូលដ៏ច្រើននៃ The Eras Tour ផលិតផលតន្ត្រី ការរក្សាសិទ្ធិបទចម្រៀង និងការវិនិយោគអចលនទ្រព្យ។

តារាស្រីវ័យ៣៥ឆ្នាំរូបនេះ មិន​ត្រឹម​តែ​មាន​ឥទ្ធិពល​ក្នុង​តន្ត្រី​ប៉ុណ្ណោះ​ទេ ប៉ុន្តែ​ក៏​ជា​ម៉ូដ​សំលៀកបំពាក់​ដែល​នាង​ស្លៀក​ ក៏អាច​បង្ក​ឲ្យមនុស្សជាច្រើនពេញនិយមយកគំរូនៃការស្លៀកពាក់តាមថែមទៀត។ នាងត្រូវប្រព័ន្ធផ្សព្វផ្សាយជាច្រើនដាក់ឈ្មោះថា ជាតារាស្រីមានទាំងលុយវាល់លាន មានទាំងកេរ្តិ៍ឈ្មោះល្បីសុះសាយ ក្នុងនាមជាសេដ្ធីនីមួយរូប។

សូមជម្រាបជូនដែរថា តារាចម្រៀងប៉ុប បានណាត់ជួបមិត្តប្រុស Travis Kelce ជាសាធារណៈតាំងពីរដូវក្តៅឆ្នាំ ២០២៣។ គូស្នេហ៍​មួយ​គូ​នេះ​មិន​ស្ទាក់ស្ទើរ​ក្នុង​ការ​បង្ហាញ​ក្ដី​ស្រឡាញ់​ដ៏​ងប់ងល់​របស់​ខ្លួន​តាម​សារព័ត៌មាន​ទាំង​អស់នោះទេ។ Travis Kelce ក៏បានបង្ហាញពីឆន្ទៈរបស់គាត់ ក្នុងការចំណាយប្រាក់នៅពេលហោះហើរជុំវិញពិភពលោកដើម្បីចូលរួមការប្រគំតន្ត្រីនៅលើ Eras Tour ដើម្បីគាំទ្រមិត្តស្រីថែមទៀតផង៕

អត្ថបទ៖ សាង ស្រីល័ក្ខ

ចុចអាន៖តើតារាថៃណាខ្លះ ហ៊ានចេញមុខចេញមាត់ ក្នុងជម្លោះប្រដាប់អាវុធជាមួយ កម្ពុជា

The post សេពគប់គ្នាជិត៣ឆ្នាំ ទីបំផុត Travis សុំ Taylor រៀបការ អមដោយចិញ្ចៀន​ពេជ្រ​ដ៏​ធំ​សម្បើម appeared first on Kampuchea Thmey Daily.

នៅល្ងាចថ្ងៃទី ១៨ ខែសីហា តារាចម្រៀងវ័យ៣៥ឆ្នាំ បានចេញរូបថតថ្មីមួយដើម្បីផ្សព្វផ្សាយអាល់ប៊ុមរបស់នាង The Life of a Showgirl និងការប្រមូល Shiny Bug Vinyl ដែលមានកំណត់។

នៅក្នុងរូបថតនោះ តារាចម្រៀងកើតឆ្នាំ ១៩៨៩ លើកដៃប៉ះនឹងជញ្ជាំងពណ៌ខៀវខ្ចី ក្នុងក្បាច់សិចស៊ី ដោយអេនអនខ្នងដើម្បីរំលេចគូទ។ នាងក៏​ស្លៀក​ឈុត​ស្រោមដៃពណ៌​ក្រហមលាយខ្មៅ​ ​​ជាមួយ​នឹង​អាវ​សំណាញ់​ពណ៌​ស្បែក។ សក់ពណ៌ទង់ដែងដ៏វែង និងរញ៉េរញ៉ៃរបស់នាងធ្លាក់ចុះមកលើស្មា បង្កើតស្ទីលដ៏អស្ចារ្យ និងទាក់ទាញមិនធ្លាប់ឃើញពីមុនមក។

យ៉ាងណាក៏ដោយ នេះគឺជាផ្នែកមួយនៃស៊េរីរូបថតដែលថតដោយអ្នកថតរូបដ៏ល្បីល្បាញពីរនាក់ Mert Alas និង Marcus Piggott ជាមួយនឹងភាពស្រស់ស្អាតនៅលើឆាកដ៏រឹងមាំដែលត្រូវនឹងអាល់ប៊ុមថ្មីរបស់ Taylor ។

បន្ទាប់ពីការបង្ហោះរយៈពេល ៨ ម៉ោង រូបថតនេះបានទាក់ទាញជាង ៤.៥ លាន Likes នៅលើ Instagram និង ៨.៥លាន Likes នៅលើ X ។ មនុស្សជាច្រើនបានសរសើរពីរូបរាងដ៏ក្តៅគគុក និងទាក់ទាញរបស់ម្ចាស់បទ Lover។

ទន្ទឹមនោះដែរ មនុស្សជាច្រើនបានសម្រុកចូលបញ្ចេញមតិផ្សេងៗគ្នាថា «ពួកគេចង់បានបទចម្រៀងមួយ ប៉ុន្តែតារាស្រីផ្តល់ឲ្យនូវការសម្តែងមិនធ្លាប់ឃើញ។ ទោះជាយ៉ាងណាក៏ដោយ ទស្សនិកជនជាច្រើនបានសម្តែងការមិនសប្បាយចិត្ត ជាមួយនឹងការផ្លាស់ប្តូរដ៏ញុះញង់របស់ Taylor ថា ហេតុអ្វីបានជាអ្នកស្រាប់តែចង់ក្លាយជានិមិត្តសញ្ញាផ្លូវភេទ? តើ Taylor ចាប់ផ្តើមបង្ហាញស្បែករបស់នាងដូចហូលីវូដតាំងពីពេលណាមក? នេះគឺជាគំរូសម្រាប់ក្មេងស្រី? នាងបរាជ័យនៅពេលដែលនាងចាប់ផ្តើមបង្អួតខ្លួននាង»។

Taylor Swift មិន​បាន​ឆ្លើយ​តប​នឹង​ភាព​ចម្រូងចម្រាស​ទាក់​ទង​នឹង​រូបភាព​ថ្មី​របស់​នាង​ទេ។ នាងបានបិទការអត្ថាធិប្បាយនៅលើ Instagram ប៉ុន្តែរក្សាវានៅលើ X ។

ចំពោះរូបភាពនៃអាល់ប៊ុមនេះ Taylor Swift បានពន្យល់ថា នាងធ្លាប់បានសហការជាមួយ Alas និង Piggott ក្នុងអាល់ប៊ុម Reputation (២០១៧) ហើយពេញចិត្តនឹងការងាររបស់ពួកគេ។ ដូច្នេះហើយ ទើបនាងចង់សហការម្តងទៀត។៕

អត្ថបទ៖ សាង ស្រីល័ក្ខ

ចុចអាន៖មូលហេតុអ្វី ដែលនាំឲ្យ Zhao Lusi ស្អប់ Esther Yu?

The post រូបថតសិចស៊ីរបស់ Taylor បង្កភាពចម្រូងចម្រាសថា ជានិមិត្តសញ្ញាផ្លូវភេទ appeared first on Kampuchea Thmey Daily.