កម្មវិធី The Next Level RapStar រដូវកាល Uncaged មួយនេះត្រូវបានបញ្ចប់ជាមួយនឹងការប្រគំតន្ត្រីវគ្គផ្តាច់ព្រ័ត្រ ដែលពោរពេញទៅដោយថាមពលនៅឯកោះនរា ទាក់ទាញអ្នកគាំទ្រមកចូលរួមលើសពី ១០.០០០ នាក់។ ពីការចាប់ផ្តើមជាមួយដំណើរស្វែងរកដុំពេជ្រដែលមិនទាន់ច្នៃ ឥឡូវនេះ បានឈានមកដល់ឆាកជាតិ នាំមកនូវវត្តមានសិល្បករ និងសិល្បការិនីក្នុងប្រទេសចូលរួមជាច្រើន បញ្ជាក់ពីជោគជ័យ និងសក្តានុភាពដែលកំពុងវិវឌ្ឍឥតឈប់ឈរនៃវិស័យតន្ត្រីក្នុងប្រទេសកម្ពុជា។ 

បេក្ខជន JAYX មកពីខេត្តព្រៃវែង មានឆន្ទៈយ៉ាងលេចធ្លោ ដោយហ៊ានដើរចេញពីការងាររោងចក្រមកឈោងចាប់ក្តីស្រមៃនៅលើវិស័យរ៉េបនៅលើឆាក The Next Level RapStar រដូវកាល Uncaged នេះ។ ដំណើរទៅកាន់ក្តីស្រមៃរបស់បេក្ខជនមួយរូបនេះឆ្លុះបង្ហាញពីភាពក្លាហានក្នុងការជំនះនូវឧបសគ្គនៃជីវិតប្រចាំថ្ងៃ ដើម្បីចាប់យកនូវក្តីស្រមៃដ៏ធំធេងដែលខ្លួនមាន។ ជាមួយគ្នានេះដែរ បេក្ខនារី Chris Diva និងបេក្ខជន SlideO ក៏បាននាំមកនូវសាច់រឿងផ្ទាល់ខ្លួនអំពីឆន្ទៈ និងភាពអត់ធ្មត់របស់ពួកគាត់ផងដែរ បង្ហាញពីដំណើរជីវិតខុសប្លែកគ្នាដែលនៅពីក្រោយភាពជោគជ័យនៃតារាដែលកំពុងរះថ្មីក្នុងប្រទេសកម្ពុជា។

អ្នកតំណាងនៃនិយោជកស្រាបៀរ Tigerបានមានប្រសាសន៍ថា៖ “យើងខ្ញុំមានមោទនភាពក្នុងការចូលរួមគាំទ្រកម្មវិធី The Next Level: Rapstar រដូវកាល Uncagedដែលផ្តល់ជាវេទិកា និងឱកាសមួយដល់យុវជនកម្ពុជាដែលមានទេពកោសល្យ និងភាពក្លាហានទាំងឡាយឱ្យបោះជំហានទៅមុខ ដើម្បីឈោងចាប់ក្តីស្រមៃរបស់ពួកគេ។ នៅពេលដែលបុគ្គលនីមួយៗទទួលបានឱកាសនៅលើវេទិកាមួយដ៏សមស្រប ពួកគេនឹងមានភាពក្លាហានក្នុងការជំនះរាល់ឧបសគ្គ និងបង្ហាញនូវសមត្ថភាពដ៏ពិតប្រាកដរបស់ពួកគេ។”

លើសពីព្រឹត្តិការណ៍ប្រគំតន្រ្តី វគ្គផ្តាច់ព្រ័ត្រមួយនេះគឺជាការអបអរនៃភាពក្លាហាន និងភាពលូតលាស់របស់បេក្ខជន ដោយការសម្តែងនីមួយៗបានឆ្លុះបញ្ចាំងពីភាពតស៊ូ ជាមួយនឹងការត្រៀមខ្លួនអស់ជាច្រើនខែ។ ចាប់តាំងពីវគ្គជម្រុះមកដល់ការសម្តែងផ្ទាល់ចំពោះមុខមហាជនរាប់មឺុននាក់ កម្មវិធី The Next Level: RapStar រដូវកាល Uncaged ត្រូវបានរៀបចំឡើងក្នុងគោលបំណងជំរុញឱ្យបេក្ខជន និងបេក្ខនារីឱ្យបង្ហាញនូវភាពក្លាហាន ការអត់ធ្មត់ និងឈោងចាប់ក្តីស្រមៃរបស់ខ្លួន។

ព្រឹត្តិការណ៍ប្រគំតន្រ្តីវគ្គផ្តាច់ព្រ័ត្រនេះបានបង្ហាញនូវសមត្ថភាពរបស់បេក្ខជន និងបេក្ខនារីក្នុង Top ៣ មានដូចជា៖

• JAYX មកពីខេត្តព្រៃវែង ដែលឆន្ទៈរបស់គាត់បានដឹកនាំគាត់ឱ្យចាប់ក្តីស្រមៃដែលធំជាងការងាររោងចក្រ មកដល់ឆាកជាតិមួយនេះ
• Chris Diva ដែលមហាជនតែងតែស្គាល់ និងបានដឹងពីថាមពលនៃការសម្តែងនៅលើឆាកយ៉ាងអង់អាចរបស់នាង ដែលទាក់ទាញចំណាប់អារម្មណ៍ និងបង្កើនបរិយាកាសដ៏កក្រើកជាមួយភាពជាខ្លួនឯង
• និង SlideO ដែលបាន ចាកចេញពីស្រុកកំណើតដែលក្នុងចំណោមខេត្តដែលដាច់ស្រយាលជាងគេក្នុងប្រទេសកម្ពុជា ដើម្បីឈោងចាប់ក្តីស្រមៃដ៏ធំមួយ ទោះខ្លួនមិនចេះអាន ឬសរសេរក៏ដោយ។

ដោយការគាំទ្រនៃសេចក្តីផ្តួចផ្តើមក្នុងការជម្នះភាពភ័យខ្លាច ជាមួយនឹងភាពក្លាហាន និងឆន្ទៈដ៏មុះមុត ស្រាបៀរ Tiger បន្តឈរពីក្រោយ និងជំរុញដល់យុវជនជំនាន់ក្រោយដើម្បីឈោងចាប់ក្តីស្រមៃរបស់ខ្លួន។

រដូវកាលទី ១ នៃកម្មវិធីក៏បានបញ្ចប់ហើយពិតមែន តែសន្ទុះនៃការគាំទ្រ នៅតែបន្តទៅមុខជាមួយនឹងសាច់រឿង និងសម្លេងពីបុគ្គលដែលមានភាពក្លាហានហ៊ានក្រោកឈរឡើង ដើម្បីបង្ហាញសមត្ថភាពដ៏ពិតប្រាកដរបស់ពួកគេ។

អំពីស្រាបៀរថៃហ្គ័រ៖

ស្រាបៀរថៃហ្គ័រ ត្រូវបានផលិតឡើងនៅក្នុងប្រទេសសិង្ហបុរីនាឆ្នាំ ១៩៣២។ បច្ចុប្បន្ននេះស្រាបៀរ ថៃហ្គ័រ គឺជាស្រាបៀរលំដាប់ថ្នាក់អន្តរជាតិមួយនៅតំបន់អាស៊ីហើយមានវត្តមាននៅលើទីផ្សារជាង ៦០ ប្រទេសទូទាំងពិភពលោក។ ស្រាបៀរ ថៃហ្គ័រ បានពុះពាររាល់ឧបសគ្គដើម្បីនាំយកនូវរសជាតិស្រាបៀរដ៏ស្រស់ស្រាយ និងមានគុណភាពល្អឥតខ្ចោះ បម្រើដល់ទីផ្សាររាប់ទសវត្សរ៍មកហើយ។ស្រាបៀរ ថៃហ្គ័រ ជឿជាក់ថាមនុស្សគ្រប់រូបគឺតែងតែមានញាណសត្វខ្លា (ភាពអង់អាច) នៅក្នុងខ្លួន ដែលស័ក្ដិសមក្នុងការបង្ហាញទៅកាន់មនុស្សជុំវិញខ្លួន។ការឆ្ពោះទៅមុខរួមគ្នា ដោយបញ្ចេញភាពអង់អាចទៅកាន់មនុស្សជុំវិញខ្លួន នឹងជំរុញឱ្យយើងអាចធ្វើទៅបានគ្រប់រឿងទាំងអស់។ សម្រាប់ព័ត៌មានបន្ថែមសូមចូលទៅកាន់គេហទំព័រ៖ www.tigerbeer.com

The post THE NEXT LEVEL: RAPSTAR រដូវកាល UNCAGED បានគ្រងតំណែង JAYX ជាម្ចាស់ជ័យលាភីដំបូង appeared first on Kampuchea Thmey Daily.