Barcelona ត្រូវបានគេចាត់ទុកជាក្រុមកំពូលមួយក្នុងតំបន់ អឺរ៉ុប ហើយនារយៈពេលប៉ុន្មានរដូវកាលចុងក្រោយនេះ ពួកគេក៏កំពុងតែបង្ហាញនូវភាពលេចធ្លោរឡើងវិញផងដែរ ក្រោមការដឹកនាំរបស់លោក Hansi Flick។ ជាក់ស្តែងកាលពីរដូវកាលមុន ពួកគេបានឈ្នះពានធំៗក្នុងស្រុកដល់ទៅ ៣ ដូចជា La Liga, Copa del Rey និង Spanish Super Cup ប៉ុន្តែជាអកុសល ពួកគេមិនបានឈ្នះពានលំដាប់ទី ១ របស់ទ្វីប អឺរ៉ុប UCL ឡើយ។

ដោយឡែកថ្មីៗនេះ ការប្រកួតវគ្គសន្សំពិន្ទុ League Phase ពាន UCL រដូវកាល ២០២៥-២០២៦ ពួកគេទើបតែបរាជ័យក្រោមថ្វីជើងក្រុម Paris Saint-Germain ក្នុងលទ្ធផល ២-១។ ពាក់ព័ន្ធនឹងបញ្ហានេះ ក៏ដូចជាចំណុចខ្សោយ ដែលធ្វើឱ្យ Barcelona រាំងស្ទះ ដើម្បីឈ្នះពាន UCL នៅរដូវកាលនេះ លោក Henry ផ្តល់យុទ្ធសាស្ត្រទៅលោក Flick ដោយទី ១ ត្រូវកែប្រែតំបន់ការពារកុំឈរនៅតំបន់ខ្ពស់ពេក និងទី ២ ត្រូវពង្រឹងកីឡាករបម្រុងប្តូរចូល ឱ្យមានភាពរឹងមាំជាងនេះ។

អតីតខ្សែប្រយុទ្ធរបស់ Barcelona និង Arsenal បានលើកឡើងយ៉ាងដូច្នេះ ថា៖ «អ្នកមិនអាចលេងក្នុងពានរង្វាន់ Champions League ជាមួយការរៀបចំខ្សែការពារឱ្យឈរនៅតំបន់ខ្ពស់បែបនេះឡើយ។ ខ្ញុំសូមទោស នៅពេលអ្នកលេងទល់នឹងក្រុមល្អ នោះអ្នកនឹងទទួលរងការគាបសង្កត់»។

លោក Henry បានបន្តទៀត ដោយនិយាយអំពីកីឡាករបម្រុងរបស់ Barcelona ថា៖ «ប្រសិនបើអ្នកចង់ឈ្នះ ត្រូវទៅឱ្យឆ្ងាយ ហើយធ្វើឱ្យបានល្អនៅក្នុងការប្រកួត។ អ្នកត្រូវការមានកីឡាករ ដែលអាចផ្តល់ឱ្យក្រុមគ្រប់យ៉ាង នៅពេលពួកគេផ្លាស់ប្តូរចូល។ សម្រាប់មួយរដូវ អ្នកត្រូវការអ្នកបម្រុង ដើម្បីដោះស្រាយបញ្ហា។ នោះជាមូលហេតុដែល PSG ចុះកិច្ចសន្យាយក Goncalo Ramos។[…] នៅពេលកីឡាករម្នាក់ផ្លាស់ប្តូរចូល គាត់ត្រូវតែផ្លាស់ប្តូរការប្រកួត។ នោះជាមូលហេតុ ដែលខ្ញុំគិត ថា Arsenal មានឱកាសល្អ ដើម្បីឈ្នះពាន UCL ឆ្នាំនេះ»។

គួរឱ្យដឹងថា ម្ចាស់ពាន UCL ៥ សម័យ Barcelona បានខកខានឈ្នះពាននេះរយៈពេល ១០ ឆ្នាំមកហើយ ដោយពេលវេលាចុងក្រោយ ដែលពួកគេបានឈ្នះពាន UCL នេះ គឺតាំងពីឆ្នាំ ២០១៥ មកម្ល៉េះ។ ងាកមកកាន់រដូវកាលនេះ ការប្រកួតពាន UCL កំពុងតែស្វិតស្វាញខ្លាំងមែនទែន ដោយ Barcelona ឆ្លងកាត់ ២ ប្រកួត ឈ្នះ ១ និងចាញ់ ១ មាន ៣ ពិន្ទុ ស្ថិតនៅចំណាត់ថ្នាក់លេខ ១៦៕

ប្រែសម្រួល៖ សេម កុសល
ប្រភព៖ Sportskeeda

The post លោក Henry ប្រាប់គន្លឹះសំខាន់ទៅ Barcelona ត្រូវកែប្រែ ដើម្បីឈ្នះ UCL រដូវកាលនេះ appeared first on Kampuchea Thmey Daily.

លោក Henry ហាក់មានភាពជឿជាក់យ៉ាងខ្លាំងលើ Arsenal ក្នុងរដូវកាល ២០២៥-២០២៦ ។ ចំណុចធំមួយ ដែលលោកមើលឃើញក្រុមកាំភ្លើងធំ នឹងអាចឈ្នះពាន UCL ដោយសារ លោកគិតថា ពួកគេក្នុងរដូវកាលនេះ គឺមានក្រុមមួយ ដែលល្អជាងក្រុមណាទាំងអស់នៅក្នុងតំបន់ អឺរ៉ុប។

ថ្លែងក្រោយ Arsenal យកឈ្នះលើក្រុម Athletic Club ២-០ កាលពីថ្ងៃ អង្គារ៍ ទី ១៦ ខែ កញ្ញា កន្លងទៅ លោក Henry បាននិយាយអំពីក្រុម នឹងអាចឈ្នះពាន UCL រដូវកាលនេះ ថា៖ «នាពេលបច្ចុប្បន្ននេះ ខ្ញុំនឹងនិយាយ ថា គ្មាននរណាម្នាក់មានក្រុមដ៏ស៊ីជម្រៅដូច Arsenal ទេ ទាក់ទងនឹងគុណភាពក្រុម។ ក្រុមខ្លះ អាចផ្តល់ឱ្យពួកគេនូវជម្រើសដ៏ល្អ ដើម្បីចាប់ផ្តើមជម្រើស ១១ នាក់ដំបូង ប៉ុន្តែប្រសិនបើអ្នកមើលទៅលើ Arsenal វិញ គឺពួកគេមានក្រុមដ៏ល្អដល់ទៅ ២ ក្រុម។ ប៉ុន្តែឥឡូវនេះ និយាយដោយស្មោះត្រង់ទៅ វាត្រូវតែជាឆ្នាំ ដើម្បីឈ្នះអ្វីមួយ។ វាត្រូវតែ អ្នកមិនអាចរំលងបានទេ»។

ទន្ទឹមនឹងនេះ លោក Henry ក៏បានលើកឡើង អំពីក្រុមមួយចំនួនទៀត ដូចជា Liverpool និង Manchester City ដែលពួកគេក៏អាចជាក្រុមគ្រោះថ្នាក់ នឹងប្រជែងពានរង្វាន់ UCL នៅរដូវកាលនេះផងដែរ៕

ប្រែសម្រួល៖ សេម កុសល
ប្រភព៖ pulsesports

The post វីរបុរស បារាំង លោក Henry បានចុចឈ្មោះក្រុម អង់គ្លេស មួយ នឹងឈ្នះ UCL រដូវកាលនេះ appeared first on Kampuchea Thmey Daily.

កីឡាករ Pele
លោក Pele ជាកីឡាករបាល់ទាត់ក្នុងប្រវត្តិសាស្រ្តដែល​បាន​ឈ្នះ​ World Cup ត្រឹមវ័យ១៧ឆ្នាំ។ នៅ​ឆ្នាំ១៩៥៨ ពេលដែលប្រេស៊ីលបានយកឈ្នះស៊ុយអែតដោយលទ្ធផល ៥-២ វគ្គផ្តាច់ព្រ័ត្រនៅកីឡដ្ឋាន Rasunda ក្នុងទីក្រុង សូលណា ប្រទេសស៊ុយអែត វីរបុរសបាល់ទាត់ប្រេស៊ីលកីឡាករ Pele ទើប​មានអាយុ១៧ឆ្នាំ និង២៤៩ថ្ងៃ។

លោក​ Pele ជា​អ្នក​ស៊ុត​បញ្ចូល​ទី​​វ័យ​ក្មេង​បំផុត​​នៅ​ World Cup ​នៅ​ពេល​ប្រេស៊ីល​ឈ្នះ​​ក្រុមជម្រើសជាតិវេលស៍ ​វគ្គ​៨​ក្រុម​ចុង​ក្រោយ។ លោក​ជាកីឡាករតែ​ម្នាក់​គត់ដែលបានឈ្នះពានរង្វាន់ World Cup ចំនួន៣លើក ក្នុងអាជីពបាល់ទាត់។

កីឡាករ Ronaldo Nazario
លោក Ronaldo Nazario ជាកីឡាករ​មានទេពកោសល្យ​ម្នាក់​ក្នុង​ប្រវិត្តសាស្រ្តបាល់ទាត់ប្រេស៊ីល។ ឆ្នាំ១៩៩៤ លោក​មានអាយុត្រឹមតែ១៧ឆ្នាំ​ នៅ​ពេលក្រុមប្រេស៊ីលឈ្នះពានរង្វាន់ World Cup នៅសហរដ្ឋអាមេរិក ប៉ុន្តែលោក​បាន​ត្រឹម​​អង្គុយ​លើ​កៅអី​បម្រុង។ ៤​ឆ្នាំបន្ទាប់​ពោល​គឺ​នៅឆ្នាំ១៩៩៨ Ronaldo ជាសមាជិកដ៏សំខាន់​ជួយ​ប្រេស៊ីល​ឡើង​ដល់​វគ្គផ្តាច់ព្រ័ត្រ។ វគ្គផ្តាច់ព្រ័ត្រ World Cup ឆ្នាំ២០០២ លោក​បានស៊ុតបញ្ចូលទីក្នុងការប្រកួតជាមួយក្រុមអាល្លឺម៉ង់ ជួយប្រេស៊ីលឲ្យលើកពាន។

កីឡាករ Giuseppe Bergomi
លោក Giuseppe Bergomi ជាកីឡាករវ័យក្មេងទី៣ ដែល​បាន​ឈ្នះ World Cup ត្រឹមអាយុ១៨ឆ្នាំ។ លោក​ត្រូវបានគ្រូបង្វឹក​អុីតាលីលោក Enzo Bearzot កោះហៅចូលក្រុមក្នុង​ World Cup ឆ្នាំ១៩៨២។ លោក​បានត្រឹមអង្គុយនៅកៅអីបម្រុង វគ្គសន្សំពិន្ទុក្នុងពូល ប៉ុន្តែ Bergomi បានធ្វើឱ្យមនុស្សគ្រប់គ្នាចាប់អារម្មណ៍ជាមួយនឹងភាពចាស់ទុំរបស់​លោក​នៅក្នុងការប្រកូតវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ​នៅ​ឆ្នាំ១៩៨២។ ក្នុងនាមជាខ្សែការពារវ័យក្មេង​ Bergomi ធ្វើបានយ៉ាងល្អក្នុងវគ្គពាក់កណ្តាលផ្តាច់ព្រ័ត្រ ពេលក្រុមអុីតាលីជួបក្រុមប៉ូឡូញ ដោយរារាំងមិនក្រុម​ប៉ូឡូញ​រក​គ្រាប់ស៊ុតបញ្ចូលទីបាន។​

កីឡាករ Kylian Mbappe
ក្នុងវ័យ១៩ឆ្នាំ Kylian Mbappe ជាកីឡាករវ័យក្មេងទី៤ក្នុងប្រវត្តិសាស្រ្ត ក្រោយឈ្នះ World Cup ឆ្នាំ២០១៨ នៅប្រទេសរុស្សី។ ខ្សែប្រយុទ្ធវ័យក្មេងរបស់បារាំងបានធ្វើឲ្យពិភពលោកមានការភ្ញាក់ផ្អើល​តាម​រយៈ​ទម្រង់លេងដ៏លេច​ធ្លោនិង​សមត្ថភាព​បញ្ចប់​ទី​ដ៏​មាន​ប្រសិទ្ធភាព គួប​​ផ្សំ​នឹង​ល្បឿន​​ធ្វើ​ឲ្យ​ខ្សែការពារពិបាក​បិទ។

កីឡាករ Mbappe បានក្លាយជាកីឡាករក្មេងបំផុតដែលស៊ុតបញ្ចូលទីនៅវគ្គផ្តាច់ព្រ័ត្រ ក្រោយរូបគេស៊ុតបញ្ចូល​ទី​​លើ​ក្រុមក្រូអាត និង​បានជួយ​បារាំងឈ្នះ World Cup ​បន្ទាប់ពីខកខានឈ្នះអស់រយៈ២០ឆ្នាំ។

កីឡាករ Thierry Henry
ខ្សែប្រយុទ្ធ Thierry Henry ជាកីឡាករវ័យក្មេងទី៥ ក្នុងប្រវត្តិសាស្រ្ត ក្រោយឈ្នះ World Cup ឆ្នាំ១៩៩៨ ក្នុងវ័យ​​២០ឆ្នាំ។ ការប្រកួតវគ្គផ្តាច់ព្រ័ត្រជាមួយក្រុមប្រេស៊ីល ដែល​បារាំងបានយកឈ្នះ ៣-០ កីឡាករ Henry មិនបានបង្ហាញខ្លួនទេ។

Henry ស៊ុតបញ្ចូលទីបាន៣គ្រាប់ ក្នុងការបង្ហាញខ្លួនចំនួន៦លើក។ ក្រោយឈ្នះពានរង្វាន់ World Cup ឆ្នាំ១៩៩៨ កីឡាករ Henry បាន​បន្ត​បង្ហាញខ្លួនជាមួយ​ក្រុមជម្រើសជាតិបារាំង​ក្នុង​ការ​ប្រកួត World Cup ចំនួន​៣លើក​ទៀត​នៅឆ្នាំ ២០០២, ២០០៦ និង​២០១០។ កីឡាករ​បង្ហាញខ្លួនចំនួន១២៣ប្រកួត និងស៊ុតបាន៥១គ្រាប់ មុន​ពេល​ចូលនិវត្តន៍ពីក្រុមជម្រើសជាតិបារាំង ក្រោយ​បញ្ចប់ World Cup ឆ្នាំ២០១០៕

អត្ថបទ៖ ផា រតនា

The post កីឡាករវ័យក្មេង៥រូបក្នុងប្រវត្តិសាស្រ្តបានឈ្នះជើងឯកពិភពលោក World Cup appeared first on Kampuchea Thmey Daily.

ភាព​ជឿជាក់​បែបនេះ គឺ​បន្ទាប់ពី Real Madrid ប្រកួត​យកឈ្នះ Liverpool ក្នុង​វគ្គ​ផ្ដាច់ព្រ័ត្រ Champions League​។ ខណៈ​បន្ទាប់ពី​ទស្សនាការ​ប្រកួត​នេះ​ចប់ លោក Henry បាន​ចុច​ឈ្មោះ Benzema ថា​នឹង​ឈ្នះ​ពាន Ballon d’Or នៅ​ឆ្នាំនេះ​។

Henry បាន​និយាយ​ថា «​ខ្ញុំ​គ្រាន់តែ​ចង់​និយាយ​ខ្លះទៅ​កាន់​កាសែត France Football ឬ​អ្នកបោះឆ្នោត​ទាំងឡាយ​។ បិទ​ការបោះឆ្នោត Benzema នឹង​ឈ្នះ​វា (Ballon d’Or)​។​»

ដោយឡែក Lionel Messi បាន​និយាយ​ផង​ដែរ​ថា «​ខ្ញុំ​គិតថា​គ្មាន​អ្វី​ងឿងឆ្ងល់​ទេ វា​ច្បាស់​ណាស់​ថា Benzema ស្ថិតក្នុង​ឆ្នាំ​ដ៏​អស្ចារ្យ ហើយ​បានបញ្ចប់​ជា​មួយនឹង​ការ​ឈ្នះ​ពានរង្វាន់ Champions League ដែល​បានរួម​ចំណែក​ចាប់ពី​វគ្គ ១៦​ក្រុម​ចុងក្រោយ និង​នៅ​ក្នុង​គ្រប់ការ​ប្រកួត​ទាំងអស់​។ ខ្ញុំ​គិត​ថា​មិន​មាន​អ្វី​គួរ​ឲ្យ​សង្ស័យ​ថា ​អ្នកណា​ឈ្នះ Ballon d’Or នៅ​ឆ្នាំ​នោះទេ​។​»

Benzema រដូវ​កាល​នេះ​បាន​បង្ហាញ​សមត្ថភាព​លេចធ្លោ​ខ្លាំង ជួយ Madrid ឈ្នះ​ពាន​ធំៗ​ដូចជា La Liga និង UCL​។ វ័យ ៣៤​ឆ្នាំ​គេ​រក​បាន ១៥​គ្រាប់​ឲ្យ Madrid ក្នុង​យុទ្ធនាការ Champions League រដូវ​កាល​នេះ ២​គ្រាប់​តិច​ជាង​កំណត់ត្រា​របស់ Cristiano Ronaldo ធ្លាប់​ធ្វើបាន​កាលពី​រដូវ​កាល​២០១៣-១៤​។ មិនតែប៉ុណ្ណោះ​គេ​ក៏​ឈរ​ជា​កីឡាករ​រកបាន​គ្រាប់​បាល់​ច្រើន​ជាង​គេ​នៅ La Liga រដូវ​កាល​នេះ​មាន​២៧​គ្រាប់​ផងដែរ​៕

អត្ថបទ ​៖ មន្នី​រ័ត្ន

The post Messi និង Thierry Henry សុទ្ធតែ​ជឿជាក់ថា Benzema សម​ទទួលបាន​ពាន Ballon d’Or ឆ្នាំនេះ​ appeared first on Kampuchea Thmey Daily.