យោងទៅតាមការចុះផ្សាយពីសារព័ត៌មានកម្សាន្តថៃ Sanook បានដកស្រង់នូវបទសម្ភាសន៍របស់តារាសម្ដែងពេញដោយទេពកោសល្យ Toey Jarinphon ក្នុងប៉ុស្តិ៍យូធូបរបស់ Alex Rendell ដោយជជែកពីនោះពីនេះជាហូរហែររហូតឈានដល់រឿងគូគាប់ ខណៈដែលមិត្តរួមជំនាន់វ័យស្រករនាងបានចាប់ផ្ដើមរៀបការនិងមានកូនៗសឹងតែគ្រប់ៗគ្នា។

តាមរយៈបទសម្ភាសន៍លើប៉ុស្តិ៍យូធូបរបស់​ Alex តារាសម្ដែងវ័យ ៣៤ឆ្នាំរូបនេះ បានឆ្លើយតបថា “ចាប់តាំងពីមិត្តរបស់ខ្ញុំផ្សេងទៀតមានអាយុលើសពី ៣០ ឆ្នាំ ពួកគេបានរៀបការហើយមានកូន។ ខ្ញុំគួរគិតអំពីអ្វីដែលគួរធ្វើជាបន្តបន្ទាប់ តើយើងអាចមានវាបានទេ? ឬយើងត្រូវមានគ្រួសារ? វា​ជា​ចំណុច​មួយ​ក្នុង​ជីវិត​សម្រាប់​ខ្ញុំ​ក្នុង​ការ​គិត​ពិចារណា​ផង​ដែរ”។

លើសពីនេះថែមទៀតដែរ តួឯកស្រីក្នុងរឿងភាគថៃ កាមទេពស្នេហ៍ បាននិយាយបន្តទៀតថា “ប៉ុន្តែ​បច្ចុប្បន្ននេះ ខ្ញុំ​បាន​និយាយ​ជាមួយ​ខ្លួន​ឯងយ៉ាងច្បាស់ពាក់ព័ន្ធនឹងគូជីវិត។ ខ្ញុំប្រាប់ខ្លួនឯងថា កុំ​គិត​វែង​ឆ្ងាយពេកអី! មិនចាំបាច់​ស្រមៃ​ច្រើន​នោះ​ទេ។ អ្វីដែលគួរធ្វើគួរគិត ​សូម​ថ្ងៃ​នេះ​ជា​មុន​សិន! រស់នៅជាមួយថ្ងៃនេះ រីករាយជាមួយអ្វីដែលបានកើតឡើងនៅថ្ងៃនេះ ។ បើឲ្យគិតរឿងគូស្រករ ប្រាកដជាគិតរហូតដល់ឆ្កូតមិនខានទេ។ បើជាគូមិនយូរឬឆាប់នោះទេគង់តែជួបគ្នាមិនខានឡើយ”។

ទោះយ៉ាងណាក៏ដោយ បើរាប់ចាប់តាំងពីចូលប្រឡូកក្នុងអាជីពសិល្បៈរហូតមកដល់បច្ចុប្បន្ននេះ តារាសម្ដែង Toey Jarinporn មានមិត្តប្រុសសរុបចំនួន៣រូប សុទ្ធតែជាតារាសម្ដែងមានរូបរាងសង្ហាប្រចាំប៉ុសិ៍លេខ៣ថៃ ខណៈដែលមិត្តប្រុសចុងក្រោយដែលទើបតែបែកគ្នា គឺជាអ្នកដឹកនាំរឿង។ ជាពិសេសអ្វីដែលកាន់តែចាប់អារម្មណ៍ក្រោយបែកគ្នាជាមួយអតីតមិត្តប្រុសនាងនៅតែរាប់អានពួកគេដូចបងប្អូន គ្មានរឿងល្អក់កករណាមួយដែលថាមើលមុខគ្នាមិនចំឡើយ៕

អត្ថបទ៖ សាង ស្រីល័ក្ខ

ចុចអាន៖Kimberly លុបចោលការងារទាំងអស់ ក្រោយឆ្លងផ្ដាសាយប្រភេទA កំពុងរាលដាលខ្លាំងនៅថៃ

The post ​Toey ឆ្លើយយ៉ាងធូរចិត្ត ក្រោយមិត្តជិតដិតវ័យស្រករនាង​​ រៀប​ការ​​មាន​កូនអស់គ្មានសល់ appeared first on Kampuchea Thmey Daily.

នៅ​ក្នុង​ថ្ងៃ​នេះ​តារា​សម្ដែង Toey Jarinporn បានបង្ហោះរូបភាពនៃម៉ូដសក់ថ្មី ខណៈទស្សនិកជនចូលមកបញ្ចេញមតិស្វាគមន៍នាងជាពិសេសមនុស្សមួយចំនួនបានសរសើរនាងថា មើលទៅក្មេងជាងវ័យ និងគួរឲ្យស្រលាញ់ខ្លាំង។ លើសពីនេះ Toey ក៏ត្រូវគេប្រដូចនាងទៅនឹងរូបភាពតុក្កតាដែលមានសម្រស់ស្រស់ស្អាតផងដែរ។

ត្បិតថា ​​Toey Jarinporn មិនសូវទទួលការសម្ដែងរឿងភាគច្រើនជាងមុនក្ដី​ ប៉ុន្តែកេរ្តិ៍ឈ្មោះរបស់នាងនៅតែជាចំណាប់អារម្មណ៍របស់មហាជនជាច្រើន។ ជាក់ស្ដែងដូចរូបភាពដែលនាងបង្ហោះខាងលើនេះ វានៅតែទាក់ចិត្តអ្នកគាំទ្រឲ្យចូលមកបញ្ចេញមតិសរសើរនាងមិនខុសពីមុនឡើយ៕

ប្រែសម្រួល៖ សាង ស្រីល័ក្ខ

Mai Davika ទម្លាយអារម្មណ៍ពិត ក្រោយឈ្នះពានរង្វាន់លំដាប់ពិភពលោកពីទឹកដីអាមេរិក

ចុចអាន៖Mai Davika ទម្លាយអារម្មណ៍ពិត ក្រោយឈ្នះពានរង្វាន់លំដាប់ពិភពលោកពីទឹកដីអាមេរិក

The post Toey បង្ហាញម៉ូដសក់ថ្មី មហាជនសរសើរសម្រស់នាងភ្លូកទឹកភ្លូកដី appeared first on Kampuchea Thmey Daily.

ត្បិតថាជាមនុស្សមានមន្តស្នេហ៍ ប៉ុន្តែមិត្តប្រុសទាំង៤រូបរបស់ Toey បានប្រកាសថា ពួកគេបែកបាក់គ្នាហើយ។ យ៉ាងណាមិញ ទោះ​បែក​គ្នា​ជាមួយ​អតីត​ ក៏​នាងនៅ​តែ​អាច​ធ្វើ​ការ​ជាមួយ​គ្នា​បាន​ដដែល​ ហើយនៅតែជាមិត្តល្អនឹងគ្នាមកទល់ពេលនេះ។

១ Peck Premanat

ចាប់ផ្តើមពីតារាសម្តែង ពិធីករ តារាចម្រៀង Peck Premanat ដែល​បច្ចុប្បន្ន​រៀបការជាមួយ New Naphatsorn។ គូនេះគឺជាអ្នកគាំទ្រគ្នាដំបូង​ក្នុងវិស័យសិល្បៈរបស់ Toey ដែលថែរក្សាគ្នាទៅវិញក្នុងនាមជាគូស្នេហ៍។ ក្រោយមក អ្នក​ទាំង​ពីរ​ក៏​សម្រេច​ចិត្ត​ចែក​ផ្លូវ​គ្នាដោយសន្តិវិធី។ ​​នៅ​ថ្ងៃរៀបការ Peck និង New នាងបានទៅពិធីមង្គលការក្នុងនាមជា​មិត្ត​ភាព​ដ៏​ល្អ​មកដល់ពេលនេះ។

២ Sean Jindachot

តារាសម្តែងប្រុសដែលធ្លាប់មានព័ត៌មានជាមួយ​តារាសម្តែងក្នុងផលិតកម្ម​តែមួយ GMMTV ហើយអ្នកទាំងពីរធ្លាប់​ធ្វើ​ការ​ជាមួយ​គ្នា​ច្រើន​​ ពីភាពស្និទ្ធស្នាល​ទៅស្នេហា រហូត​មាន​ពាក្យ​ចចាមអារ៉ាម​ថា ​អ្នក​ទាំង​ពីរ​មាន​ទំនាក់ទំនង​ស្នេហា​ជាមួយ​គ្នា។ តែចុងក្រោយក៏បែកគ្នាទៅ ដោយសារតែពួកគេទាំងពីរបានបង្ហាញរឿងដូចគ្នាថា សុំធ្វើជាទីប្រឹក្សា និងមិត្តជិតស្និទ្ធបំផុតប៉ុណ្ណោះ។ បច្ចុប្បន្ន​​ Sean​ មាន​មិត្តស្រី​ក្រៅ​វិស័យ​​​សិល្បៈ ​និង​បាន​លុត​ជង្គង់​សុំ​រៀបការថែមទៀតផង។

៣ Alex Rendell

ជាមិត្តប្រុសដែលធ្វើសកម្មភាព​​បរិស្ថានជាមួយ Toey ហើយក៏មាន​ទំនាក់ទំនង​គ្នា​យូរក្រែលដែរ។ ក្រោយមក​ពួកគេបាន​សម្រេច​ចែកផ្លូវគ្នា​ ហើយ​ទោះជា​បែកគ្នាក៏ដោយតែ​រាល់​សកម្មភាព និងគម្រោងផ្សេងៗដែល​បានធ្វើរួមគ្នាគឺពួកគេនៅតែបន្តធ្វើដដែល។ នៅថ្ងៃខួបកំណើតនិងថ្ងៃសំខាន់ Toey នៅតែយកចិត្តទុកដាក់ និងផ្តល់កម្លាំង​ចិត្តដល់ Alex ជានិច្ច។ បច្ចុប្បន្ន Alex មានមិត្តស្រីថ្មី តែអ្នកទាំងពីរនៅតែសម្ដែងភាពយន្ត និងបន្តសកម្មភាពការងារជាមួយគ្នាដដែល។

៤ Alek Teeradetch

គូនេះជាសង្សារ​ដែល​មិន​សូវ​ផ្អែម​ល្ហែម​នោះ​ទេ ពី​ដំបូង​ក៏​មិន​បាន​បញ្ចេញ​ឲ្យ​អ្នក​សារព័ត៌មាន​ដឹងដែរ។ ប៉ុន្តែ​ក្រោយ​ទាក់ទង​គ្នា​បាន​មួយ​រយៈ អ្នក​ទាំង​ពីរ​ក៏​ចាប់​ផ្ដើម​បង្ហាញ​រូបភាព​គូស្នេហ៍​បន្ថែម​ទៀត​ ហើយ​ឧស្សាហ៍​រក​ពេល​ធ្វើ​សកម្មភាព​ល្អៗ​ជា​មួយ​គ្នា​ដូច​ជា​ការ​ធ្វើ​បុណ្យ​ទាន​និង​ធ្វើ​ដំណើរកម្សាន្ត​ជាដើម។ ឈុត​ឆាក​ផ្អែម​ល្ហែម​ត្រូវ​បាន​គេ​មើល​ឃើញ​ដូច​ធម្មតា រហូត​មាន​ដំណឹង​ថា​ គូស្នេហ៍​មួយ​គូ​នេះ​បាន​បែក​គ្នា​នៅ​ដើម​ឆ្នាំ ២០២០ នៅសល់តែភាពជាមិត្តឲ្យគ្នា​ទៅវិញទៅមក។ ក្រោយមក លេចឮដំណឹងថា Alek និង Bow Melda គឺគូស្នេហ៍នឹងគ្នា។ យ៉ាង​ណា​ក៏​ដោយ ទាំង Bow Melda និង Toey Jarin នៅ​តែ Comment លើ IG របស់​គ្នា​ទៅ​វិញ​ទៅ​មក ហើយសួរសុខទុក្ខគ្នាទៅវិញទៅមកដូចធម្មតា មិនមានបញ្ហាណាមួយកើតឡើងទេ។

ទោះ​បី​ជា​យ៉ាង​ណា ​រាល់​ការ​បែក​បាក់​ Toey ជាមួយ​មិត្ត​ប្រុស នាងមិនដែលមាន​ពត៌មានអាក្រក់ៗវាយប្រហារតាម​ប្រព័ន្ធ​ផ្សព្វផ្សាយ​ទាល់​តែ​សោះ។ មានតែការបញ្ចប់​ដោយ​ពាក្យ​ថា​មិត្ត​ ហើយ​តែងតែ​អាច​ធ្វើ​សកម្មភាព​ផ្សេង​ៗ​ជាមួយ​សឹងទាំងអស់។​ យ៉ាងណាមិញដោយសារតែនាងជាមនុស្សស្រីគួរឲ្យស្រលាញ់ នៅទីបំផុត Toey រកបានអ្នកស្អំបេះដូងដែលជា​អ្នកដឹកនាំ​រឿង​វ័យក្មេង Jeto Paniti ដែលចាប់ផ្តើមបង្ហាញនៅចុងឆ្នាំ ២០២១ ពេលដែលអ្នកទាំងពីរបានជួបគ្នាកាលពី១០ ឆ្នាំមុនតែមិនទាន់ មានទំនាក់ទំនងស្នេហាទេ។ ក្នុងនោះ Toey ក៏បង្ហើបថា ចង់ឲ្យទំនាក់ទំនងនាងបច្ចុប្បន្ននេះ ដំណើរការល្អនិងឈានដល់ថ្ងៃចូលរោងជ័យថែមទៀតផង៕

ប្រែសម្រួល៖ សាង ស្រីល័ក្ខ

ចុចអាន៖រៀមច្បង Anne ថា នាងចង់ស្អាតនិងសិចស៊ីដូច Prang Kannarun ណាស់

ចុចអាន៖ភាពយន្តភាគ ៣ រឿងរបស់ Bella ត្រូវប្រទេសចិនទិញសិទ្ធចាក់ផ្សាយព្រាត

The post អតីតមិត្តប្រុស ៤ រូបរបស់ Toey ត្បិតថាប្រេះឆាស្នេហា តែនៅតែរាប់អានគ្នាដូចបងប្អូន appeared first on Kampuchea Thmey Daily.

ថ្លែង​ក្នុង​កិច្ច​សម្ភាសន៍​ លើ Channel NineEntertain តារា​ស្រី Taew Nataphon បញ្ជាក់​ថា​ នាង​និង Toey Jarinporn ទើប​តែ​ធ្វើ​ដំណើរ​ទៅ​សាលា​រៀន​ចាស់​កាល​ពី​ម្សិល​មិញ។ ​ចំណែក​សង្សារ​អាថ៌​កំបាំង​របស់​ Toey ក៏បានទៅ​ជាមួយដែរ។ នាង​ទើប​តែ​មាន​ឱកាស​បាន​ឃើញ​មុខ​បុរសម្នាក់នោះ​ ដែលធ្លាប់​តែឮ​គេ​និយាយ​ថា​សង្ហា ​តាម​ពាក្យ​ចចាមអារ៉ាមប៉ុណ្ណោះ។

គួរ​បញ្ចាក់ថា​ ស្ថានភាព​បេះដូង Toey Jarinporn ត្រូវ​បាន​មហាជន​ដឹង​ថា​ នាង​នៅ​ទទេ​ស្អាត​ បន្ទាប់​ពី​បែកគ្នា​ជាមួយ​អតីត​សង្សារ Alek teeradetch ជាតារារួមទ្រនំប្រចាំប៉ុស្ដិ៍លេខ៣ដូចគ្នា​ ហើយ​ក៏​មិន​មាន​លេចឮ​ដំណឹង​ស្នេហា​ជាមួយ​បុរស​ណា​ម្នាក់​ឡើយ។ រហូត​មក​ដល់​ពេល​ថ្មីៗ​នេះ នាង​តែង​មាន​តាម​ពាក្យ​ចចាមអារ៉ាម​ថា​ មាន​ម្ចាស់​បេះដូង​ហើយ។ រហូត​ដល់ថ្ងៃនេះ ទើប​មិត្ត​ជិតស្និទ្ធ​ចេញ​មុខ​សារភាព​ថា តារា​ស្រី​រូប​នេះ​មាន​ម្ចាស់​បេះដូងពិតមែន ​រហូត​ឲ្យ​អ្នកគាំទ្រ​បាន​ត្រឹម​តែ​ស្មាន​ខុសគ្នា ឈាន​ទៅ​មុខ​រក​មុខ​មាត់​កំលោះ​អាថ៌កំបាំង​នោះជាមួយគ្នា។

យ៉ាងណាមិញ ​មហាជន​ដែល​ជា​អ្នកគាំទ្រ​មាន​តែ​ចាំ​មើលសាម៉ីខ្លួន Toey Jarinporn ចេញមុខ​មក​បកស្រាយ​ផ្ទាល់​ប៉ុណ្ណោះ។ ដឹងត្រឹម​ថា​ពេលនេះ​ស្ថានភាព​បេះដូង​របស់​នាង​ គឺមិន​បាន​ទំនេរ​ទៀត​ទេ៕

ប្រែសម្រួល៖ សាង ស្រីល័ក្ខ

ចុចអាន៖Bella បង្ហោះវីដេអូឃ្លិប និងសារជូនពរថ្ងៃកំណើត ដល់មនុស្សសំខាន់ម្នាក់

The post ក្រោយធ្លាយចចាមអារ៉ាម Taew ទម្លាយថា Toey ពិតជាមានម្ចាស់បេះដូងមែន appeared first on Kampuchea Thmey Daily.