ថ្វីដ្បិតតែតួឯកប្រុសក្នុងរឿងថៃភាគថៃរូបនេះ មិនទាន់ចេញមុខបកស្រាយ ប៉ុន្តែកាលពីប៉ុន្មានថ្ងៃកន្លងមកនេះ លោក Tono បានចេញមកនិយាយពីឈ្មោះរបស់​អតីត​មិត្តស្រី Nychaa នៅលើឆាកប្រគំតន្ត្រីនៅចំពោះមុខទស្សនិកជនជាច្រើន។ ជាការពិតណាស់ បើទោះបីជាមានព័ត៌មានអាស្រូវហាក់មិនថមថយយ៉ាងណាក្ដី ប៉ុន្តែតារា​សម្តែង​វ័យ​៣៨​ឆ្នាំ Tono នៅតែមានកាលវិភាគច្រៀងសឹងតែរាល់ថ្ងៃ ជាមួយមិត្តភ័ក្តិរួម​ក្រុម «The Dust»​។

លើសពីនេះទៀត ស្របពេលដែលរឿងអាស្រូវក្បត់ចិត្តដៃគូសង្សារកាន់តែផ្ទុះពេញបណ្ដាញសង្គម​ទៅ​ហើយ​នោះ​ គេហទំព័រ thai2music.com ស្រាប់តែចេញផ្សាយនូវចំណងជើងមួយថា «ប្រាក់ចំណូលរបស់ លោក Tono​​ Pakin មិនមែនជាមនុស្សធម្មតាទេ»។

ក្នុងនោះវាថែមទាំងបញ្ជាក់ថា តារាចម្រៀង និងក្រុម The Dust មានតម្លៃចាប់ផ្តើមពី ១៦ម៉ឺនបាត(៤,៨១១.២៣ដុល្លារ) សម្រាប់ការសម្ដែងលើឆាកប្រហែល ១ ម៉ោង តម្លៃនេះទៀតសោត គឺសម្រាប់តែការបង្ហាញខ្លួនប៉ុណ្ណោះ។ ក្នុង​ករណី​លក់​សំបុត្រ​ អាច​មាន​ថ្លៃ​លើសនេះ ឬត្រូវថែមប្រាក់លើតន្ត្រី​បន្ថែមទៀត។

មិនតែប៉ុណ្ណោះ ប្រសិនបើមានការចំណាយលើការធ្វើដំណើរ ការស្នាក់នៅ អាហារ និងភេសជ្ជៈ និយោជកត្រូវតែចេញថ្លៃ​ចំណាយ​ឲ្យ​ទាំងអស់។ និយោជក​ត្រូវ​រៀបចំ​ឆាក ភ្លើង ពណ៌ និង​សំឡេង តាម​លក្ខណៈ​បច្ចេកទេស​របស់​សិល្បករតម្រូវចង់បាន ហើយសិល្បករនឹងផ្ញើវាតែ បន្ទាប់ពីការដាក់ប្រាក់ដំបូងប៉ុណ្ណោះ។

យ៉ាងណាមិញ បន្ទាប់ពីធ្លាយតម្លៃខ្លួនរបស់តារាសម្ដែងនិងចម្រៀង វ័យ៣៨ឆ្នាំ ទស្សនិកជនថៃជាច្រើនហាក់មិនភ្ញាក់ផ្អើល​នោះទេ ដោយសារតែកន្លងមក អ្នកដែលគាំទ្រ Tono តែងតែឃើញតារាប្រុសបញ្ចេញអស់ពីសមត្ថភាព រាល់ពេលឡើងឆាកប្រគំតន្រ្តី ទាំង​ការ​ច្រៀង និង​រាំក្នុងក្រុម The Dust​ នោះ៕

អត្ថបទ៖ សាង ស្រីល័ក្ខ

ចុចអាន៖តារា​ចម្រៀងអាមេរិក​ Katy Perry ឱនថើបដី ពេលយានអវកាស​ចុះ​ចត​ជោគជ័យ​

The post តារាថៃ Tono ​ដែល​ប្រឈម​រឿងអាស្រូវស្នេហា​ដ៏ក្តៅ​គគុក​ មានតម្លៃខ្លួន​មិនធម្មតា​​ appeared first on Kampuchea Thmey Daily.

ក្នុងនោះគេបានដឹងថា ជាពិធីមង្គលការដ៏កក់ក្តៅរបស់មិត្តសម្លាញ់និងជាមិត្តរួមក្រុមចម្រៀង Tono ដែលបានរៀបការជាមួយកូនក្រមុំដ៏ស្រស់ស្អាតរបស់គាត់កាលពីថ្ងៃទី ០១ ខែធ្នូឆ្នាំ២០២៣ ​និងមាន​មិត្តភ័ក្តិ​ភ្ញៀវជាច្រើន​បាន​មក​អបអរ​សាទរ​ជា​មួយ​គ្នា។

នៅក្នុងព្រឹត្តិការណ៍នេះ Tono បានកាន់ដៃជាមួយ Nicha ដើម្បីអបអរសាទរមិត្តជាទីស្រឡាញ់។ រហូត​មហាជន​ជាច្រើន​បាន​ឃើញ​ហើយ​ត្រេកអរ និង​ទន្ទឹង​រង់ចាំ​ឃើញ​រូបភាព​របស់របស់អ្នកទាំងពីរក្នុង​ឈុត​កូនក្រមុំ​កូនកំលោះ​យ៉ាង​ឆាប់រហ័សថែមទៀតផង ។

លើសពីនេះ នៅក្នុង Instagram របស់ Nicha ក៏បានបង្ហោះរូបថតផ្អែមល្ហែមជាមួយ Tono បង្ហាញពីភាពស្និតស្នាលកាន់តែខ្លាំង​ ខណៈដែលមនុស្សជាច្រើនហាក់មានក្ដីសង្ឃឹមថា គូនេះអាចនឹងមាន
រឿងល្អប្រកាសប្រាប់អ្នកគាំទ្រឆាប់ៗមិនខាន។

យ៉ាងណាមិញ នេះក៏មិនមែនជាលើកទីមួយនោះទេ សម្រាប់គូស្នេហ៍ដែលបញ្ចេញរូបភាពផ្អែមល្ហែមលើបណ្ដាញសង្គមជាសាធារណៈបែបនេះ។​ កន្លងមក ទាំង Tono ក្ដី ឬ Nychaa អ្នកទាំងពីរតែងតែបង្ហោះនូវរូបភាពដំណើរកម្សាន្តរួមគ្នាបែបឯកជន និងនៅក្បែរគ្នាពេលជួបលំបាក ឬបង្ហោះសារជូនពរគ្នាទៅមកថែមទៀតផង៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖លេចវត្តមានព្រះរាជបុត្រាថៃ Vacharaesorn វិលចូលមាតុភូមិលើកទី ២

The post គូ Tono-Nychaa ត្រូវមហាជនចាប់អារម្មណ៍រូប​ភាព​ផ្អែម​ល្ហែម ក្នុងមង្គល​ការ​មិត្ត​សម្លាញ់ appeared first on Kampuchea Thmey Daily.

កាលពីពេលកន្លងមក Tono ធ្លាប់បញ្ជាក់ម្ដងរួចមកហើយ រវាងលោក និង Nychaa ត្រឹមតែជាមិត្តប៉ុណ្ណោះ ព្រោះលោកនិងនាងស្គាល់គ្នាតាំងពីក្មេងៗ ដូច្នេះការដែលស្និទ្ធស្នាលនឹងគ្នាខុសពីមិត្តផ្សេង ពុំមានអ្វីប្លែកឡើយ។

ទោះជាអះអាងបែបនេះក្ដី ទស្សនិកជននៅតែមិនទាន់អស់ចិត្ត ខណៈថ្មីៗនេះ ពួកគេបង្ហាញទង្វើស្និទ្ធគ្នាលើសមុន រឹតតែបង្កការសង្ស័យ។ តាមរយៈរូបភាពជាច្រើនសន្លឹកដែល Tono បង្ហោះនៅលើគណនី IG អ្នកគាំទ្រឃើញថា អ្នកទាំងពីរបានទៅធ្វើបុណ្យរួមគ្នាជាមួយគ្រួសារទាំងសងខាង ពោរពេញទៅដោយភាពកក់ក្ដៅ។ ក្រោយពេលអ្នកគាំទ្រឃើញរូបភាពទាំងនោះហើយ ពួកគេមិនអាចលាក់បាំងការសង្ស័យនោះទេថា រវាងរវាង Tono និង Nychaa អាចជាគូស្នេហ៍ពិត៕

ប្រែសម្រួល៖ សន្យា

ចុចអាន៖ បណ្ដើរគ្នាចេញក្រៅញឹក ហ្វេនសង្ស័យទំនាក់ទំនង Tono និង Nychaa អាចលើសពីមិត្ត

ចុចអាន៖ រូបមន្តថែសាច់ឱ្យចាំរបស់ភរិយា David Beckham ទោះឈានចូលវ័យ ៤៩ឆ្នាំ

The post មិនសារភាពចំៗ តែទង្វើរវាង Tono និង Nychaa បញ្ជាក់ច្បាស់ពួកគេពិតជាលើសពីមិត្ត appeared first on Kampuchea Thmey Daily.

បន្ទាប់ពីឧស្សាហ៍ចេញញ៉ាំអាហារខាងក្រៅជាមួយគ្នា ប្រិយមិត្តពិតជាមិនអាចមិនសង្ស័យនោះទេថា Tono និង Nychaa អាចដើរលើសបន្ទាត់មិត្តភក្តិ ដោយពួកគេកំពុងបង្កាត់ភ្លើងស្នេហ៍នឹងគ្នាជាក់ជាមិនខាន។

មិនឱ្យប្រិយមិត្តមន្ទិលសង្ស័យយូរ Tono បានចេញមកនិយាយប្រាប់អ្នកកាសែតនៅក្នុង​កម្មវិធី​ប្រគល់​រង្វាន់ MAYA TV AWARDS 2023 អំពីព័ត៌មានចចាមអារ៉ាមរបស់ខ្លួន និង Nychaa យ៉ាងច្បាស់តែម្ដង។

តារាប្រុសវ័យ ៣៦ឆ្នាំរូបនេះ បញ្ជាក់ថា រវាងលោក និង Nychaa ត្រឹមតែជាមិត្តប៉ុណ្ណោះ។ ចំណែករឿងដែលថា តែងតែឃើញលោកបណ្ដើរ Nychaa ចេញក្រៅ មិនមានអ្វីប្លែកនោះទេ ព្រោះលោកនិងនាងស្និទ្ធស្នាលយូរឆ្នាំមកហើយ ពេលនាងមិនសប្បាយចិត្តលោកបបួលនាងចេញក្រៅ ហើយពេលលោកមិនសប្បាយចិត្តនាងក៏តែងតែកំដរលោកមិនដែលខាន។ ដូចកាលពីពេលលោក ហែលទឹកទន្លេមេគង្គ ដើម្បីរៃអង្គាសប្រាក់សប្បុរសធម៌អ៊ីចឹង Nychaa នៅចាំគាំទ្រ និងលើកទឹកចិត្តលោកជានិច្ច។

Tono និយាយថា “ពេល​គាត់ធ្វើ​ការស្មុគស្មាញ ​វិធី​លួង​ចិត្ត​ដ៏ល្អ ​គឺ​នាំ​គាត់ទៅ​ញ៉ាំ​អាហារ​ឆ្ងាញ់ៗ។ បន្ទាប់ពីជជែកគ្នា ពួកយើងទាំងពីរបានលើកទឹកចិត្តគ្នាទៅវិញទៅមក” អ្នកទាំងពីរគ្មានទំនាក់ទំនងអ្វីពិសេសលើសពីមិត្តឡើយ៕

ប្រែសម្រួល៖ សន្យា

ចុចអាន៖ លើកដំបូង Got ចេញមុខនិយាយជាសាធារណៈ ក្រោយ Bow ចូលខ្លួនកាន់ព្រះធម៌

ចុចអាន៖ តារាសិចស៊ី Kratae និយាយថា ឈុតស្រើបស្រាលរាំលើទឹក ប៊ិះតែនឹងបាត់បង់ជីវិត

The post បណ្ដើរគ្នាចេញក្រៅញឹក ហ្វេនសង្ស័យទំនាក់ទំនង Tono និង Nychaa អាចលើសពីមិត្ត appeared first on Kampuchea Thmey Daily.

ទន្ទឹម​គ្នា​នោះ​ដែរ ទស្សនិកជន​ជាច្រើន​ផ្ដោត​សំខាន់​លើ​ស្នេហា​របស់​នាង​និង​មិត្ត​ប្រុស Tono Pakin ថា​តើ​ពួកគេ​បែកគ្នា​ឬ​យ៉ាងណា? រហូត​ឈាន​ដល់​ជជែក​គ្នា​លើ​បណ្ដាញ​សង្គម​ព្រោងព្រាត។

យ៉ាងណាមិញ​​ មិន​ទុកឲ្យ​មន្ទិល​សង្ស័យ​យូរតារាសម្ដែង Nychaa ​បាន​បង្ហោះ​រូបភាពមិត្តប្រុស Tono ក្នុង​គណនីផ្ទាល់ខ្លួន ដោយបញ្ចូលសញ្ញាអារម្មណ៍បេះដូងផងដែរ។ ក្រោយ​មក​អ្នកគាំទ្រជាច្រើនចូល​មក​បញ្ចេញមតិថា ទំនងជាមិនកើតឡើង ប្រហែល​ជា​គ្រាន់​តែ​បង្ហោះ​រូប​ដូច​នាង​ធម្មតា​ប៉ុណ្ណោះ។ ប៉ុន្តែបើក្រឡេកមើលការបង្ហោះក្នុង Instagram របស់ Nicha វិញឃើញថាកាលថ្ងៃ ១៩ ខែមិថុនា នាងទើបតែបង្ហោះរូបភាព Tono ទៅតំបន់មួយដើម្បីបំពេញការងារប្រចាំថ្ងៃជាមួយសញ្ញាអារម្មណ៍ស្នេហាលើសលប់ថែមទៀត។

ទោះយ៉ាងណាក៏ដោយ ទស្សនិកជនខ្លះក៏បានបញ្ចេញមតិថាចំពោះបញ្ហានេះដែរមានតែរង់ចាំឲ្យតារាស្រីរូបនេះ​​ចេញ​មក​បញ្ចាក់ការពិត ហើយកុំចេះតែនិយាយផ្ដេសផ្ដាសនាំតែក្លាយជាការពិតនោះទេ។ រឿងខ្លះមានតែសាម៉ីខ្លួនទេ ដែលអាចដឹងថា មានរឿងអ្វីកើតឡើងចំពោះពួកគេ៕

ប្រែសម្រួល៖ សាង ស្រីល័ក្ខ

ចុចអាន៖តារាថៃ ៧ ដួង ក្រោយប្រេះឆាជាមួយមិត្តប្រុស សម្រស់កាន់តែស្អាត និងលេងខ្លួនសិចស៊ីចាស់ដៃ

The post ក្រោយសង្ស័យបែកជាមួយមិត្តប្រុស Nychaa បង្ហោះរូបភាពមួយសន្លឹក appeared first on Kampuchea Thmey Daily.

ដោយឡែក​កាលពីពេលថ្មីៗ​នេះ ​តារា​ចម្រៀង និង​តារា​សម្ដែង​ថៃ​ដ៏​ល្បី​ល្បាញ Tono Phakin ដែល​ចូលចិត្ត​ចាប់អារម្មណ៍​លើ​ពិភពបាល់ទាត់ រហូតដល់ក្លាយជាកីឡាករបាល់ទាត់អាជីព​ជាមួយក្រុម Ayutthaya United ជា​ក្រុម​ដ៏​ល្បីល្បាញក្នុងការប្រកួត M-150 Championship (Thai League 2) បាន​ប្រកាស​កាន់​ទុក្ខ​ និង​ចូលរួម​រំលែកទុក្ខនេះ​ជាមួយ​គ្រួសារ​នៃ​សពលើបណ្ដាញសង្គម។

តារាសម្ដែង Tono Phakin បានបង្ហោះរូបភាពរបស់កីឡាករបាល់ទាត់ពិភពលោក ២រូប ជាមួយ​នឹង​សាររំលែក​ទុក្ខ​នៅ​លើ Instagram ផ្ទាល់ខ្លួនថា “Good Bye Legends ការបំផុសគំនិតនៃការនាំមក​នូវសុភមង្គលដល់មនុស្ស។ តាម​រយៈ​កាតព្វកិច្ច​ដែល​អ្នកស្រឡាញ់ សម្រាក​ដោយ​សន្តិភាព Pele និង Maradona”។

សូមជម្រាបដែរថា ស្តេចបាល់ទាត់ប្រេស៊ីល Edson Arantes do Nascimento ដែលត្រូវបានគេស្គាល់ថា Pele បានទទួលមរណភាពកាលពីថ្ងៃទី ២៩​ ខែធ្នូ។ ដំណឹងនៃការស្លាប់របស់កីឡាករជើងចាស់នេះ បានធ្វើឲ្យអ្នកស្រលាញ់បាល់ទាត់ប្រកាស់កាន់ទុក្ខ និងមានការសោកស្ដាយជាខ្លាំងនូវការបាត់បង់រូបលោក៕

ប្រែសម្រួល៖ សាង ស្រីល័ក្ខ

ចុចអាន៖វីរបុរសបាល់ទាត់ Pele ទទួលមរណភាពហើយ

ចុចអាន៖ដឹងទេ កីឡាករបាល់ទាត់រូបណាខ្លះហើយ ឧទ្ទិសដល់មរណភាពរបស់ Pele?

The post តារាថៃ Tono ប្រកាសកាន់ទុក្ខមរណភាពកីឡាករ បាល់ទាត់ជើងចាស់ Pele appeared first on Kampuchea Thmey Daily.

បេសកកម្មហែលឆ្លងទន្លេមេគង្គចម្ងាយ​ ១៥គីឡូម៉ែត្រ របស់ Tono Phakin បានចាប់ផ្ដើមនៅពីថ្ងៃទី ២២​-២៤ ខែតុលា ឆ្នាំ២០២២ ដែលវាត្រូវបានធ្វើឡើងដើម្បីប្រមូលថវិកាជួយទិញបរិក្ខាពេទ្យថៃ-ឡាវ ហើយក្នុងរយៈពេល ៣ថ្ងៃនេះ Tono ទទួលបានប្រាក់បរិច្ចាគចំនួន ៦៨,១៤៣,១៣៦បាត (ប្រហែល ១,៧៧៩,០០០ដុល្លារអាមេរិក)។

ពេលនេះទោះបីជាបេសកកម្មបានបញ្ចប់ទៅហើយក្ដី ប៉ុន្តែ Tono នៅតែអំពាវនាវដល់សាធារណជនចូលរួមបរិច្ចាគបន្ថែមទៀតដើម្បីយកប្រាក់ទៅជួយទ្រទ្រង់មន្ទីរពេទ្យឱ្យកាន់តែមានដំណើរការល្អ៕

ប្រែសម្រួល៖ សន្យា

ចុចអាន៖ មិនទាន់ឡើងប្រកួតវគ្គផ្ដាច់ព្រ័ត្រផង បវរកញ្ញា Engfa ឈ្នះពានរង្វាន់មួយបាត់

ចុចអាន៖ ខ្សែកពេជ្រ ដែល Chompoo ពាក់ចូលរួមពិធីជប់លៀងម្សិលមិញ តម្លៃកប់ក្ដោង

The post Tono បង្ហាញចំនួនទឹកប្រាក់បរិច្ចាគដែលទទួលបានពីសប្បុរសជន ក្នុងថ្ងៃបញ្ចប់បេសកកម្ម appeared first on Kampuchea Thmey Daily.

កាលពីព្រឹកមិញនេះ តារាសម្ដែង Tono Phakin បានចាប់ផ្ដើមបេសកកម្មថ្ងៃទី១ ដែលត្រូវហែលឆ្លងទន្លេមេគង្គចម្ងាយ ១៥គីឡូម៉ែត្រ ដើម្បីរៃអង្គាសថវិកាជួយទិញបរិក្ខារពេទ្យជូនមន្ទីរពេទ្យថៃ-ឡាវ ហើយក្នុងថ្ងៃនេះដែរ លោកទទួលបានការបរិច្ចាគពីសប្បុរសជនរហូតដល់ ៣៨លានបាត (ប្រហែល ៩៩៩,០០០ដុល្លារអាមេរិក)។

ថ្វីត្បិតការហែលទឹកក្នុងថ្ងៃដំបូង មានភាពរអាក់រអួលបន្តិចបន្តួច ដោយសារខ្សែទឹកមិនអំណោយផល ប៉ុន្តែ Tono បានបញ្ចប់វាដោយជោគជ័យ និងមានការគាំទ្រលើកទឹកចិត្តយ៉ាងច្រើនកុះករពីមហាជន ខណៈ​ប្រាក់​បរិច្ចាគ​កំពុង​កើន​ឡើងផងដែរ៕

ប្រែសម្រួល៖ សន្យា

ចុចអាន៖ Tono ស្រាប់តែយំគគ្រូក ខណៈពីរថ្ងៃទៀត ដល់ពេលហែលឆ្លងទន្លេមេគង្គ​

ចុចអាន៖ Weir សង្វាតនាំប្រពន្ធដើរលេង មុនទាយាទដំបូងសម្រាល

The post ហែលឆ្លងទន្លេថ្ងៃទី១ តារាសម្ដែង Tono រៃអង្គាសប្រាក់បានជិត ១លានដុល្លារ appeared first on Kampuchea Thmey Daily.