កីឡាករ Fury ធ្លាប់បានប្រកាសចូលនិវត្តន៍​ម្តង​ហើយ​កាលពីឆ្នាំ២០២២ ប៉ុន្តែ​លោក​បានវិលត្រឡប់​មកកាន់​សង្វៀនវិញនៅមួយឆ្នាំបន្ទាប់។ ជាថ្មីម្ដងទៀតអតីតម្ចាស់ខ្សែក្រវាត់ទម្ងន់ធ្ងន់ពិភពលោក​រូប​នេះ​បានចេញមកប្រកាស​ចូលនិវត្តន៍​​នៅ​ដើមឆ្នាំ២០២៥នេះ។

អ្នក​ប្រដាល់​អង់គ្លេស​រូប​នេះ​បាន​និយាយ​តាម​រយៈ​ការ​បង្ហោះ​សារ​តាម​ប្រព័ន្ធ​ផ្សព្វផ្សាយ​សង្គម​ថា ៖«ខ្ញុំ​នឹង​ធ្វើ​ឲ្យ​ខ្លី​ និង​មានន័យជាង​នេះ។ ខ្ញុំ​ចង់​ប្រកាស​ចូល​និវត្តន៍​ពី​ប្រដាល់។ ខ្ញុំ​ស្រលាញ់​អាជីព​នេះ​​គ្រប់​នាទី​ ហើយ​ខ្ញុំ​នឹង​បញ្ចប់​ត្រឹម​នេះ»។

កីឡាករ Tyson Fury ​បានយកឈ្នះ​ម្ចាស់​ជើង​ឯក​ពិភព​លោកកីឡាករ Wladimir Klitschko ដែល​បាន​ធ្វើឲ្យមានការ​ភ្ញាក់​ផ្អើលយ៉ាងខ្លាំង​ក្នុង​ឆ្នាំ២០១៥ ដើម្បី​​ខ្សែ​ក្រវាត់ទម្ងន់​ធ្ងន់​ពិភព​លោក​ចំនួន៤​ស្ថាប័ន​ផ្សេង​គ្នា​គឺ​ WBA (Super), IBF, WBO, IBO, និង The Ring heavyweight ។

ក្រោយ​ចេញពីសង្វៀនអស់រយៈពេលជាង២ឆ្នាំកន្លះ លោក​បានដោះស្រាយបញ្ហាសុខភាពផ្លូវចិត្ត និង​បាន​វិល​ត្រឡប់​ចូល​សង្វៀន​​​វិញ​នៅ​ឆ្នាំ២០១៨ ហើយបានក្លាយជាម្ចាស់ជើងឯក២សម័យកាលដោយផ្តួលកីឡាករ Deontay Wilder ដើម្បីដណ្តើមបានខ្សែក្រវាត់ WBC ក្នុងឆ្នាំ២០២០៕

ប្រែសម្រួល៖ ផា រតនា

The post ជើង​ខ្លាំង​ទម្ងន់​ធ្ងន់ Tyson Fury ប្រកាសចូលនិវត្តន៍ពី​អាជីព​ប្រដាល់​ជា​ថ្មី appeared first on Kampuchea Thmey Daily.

ការប្រកួតលើកដំបូងរបស់ពួកគេ​កាល​ពី​ខែឧសភា Fury បានចាញ់ Usyk ដោយពិន្ទុមិនឯកច្ឆន្ទ ក្រោយបញ្ចប់ការប្រកួត១២ទឹក។ កីឡាករ Fury បានរបូតខ្សែក្រវាត់​ទម្ងន់​ធ្ងន់​ WBC របស់ខ្លួនក្រោយចាញ់ការប្រកួតនោះ។ ការ​ប្រកួត​សងសឹក​​របស់​លោក​គ្រោងនឹង​ធ្វើ​នៅ​ថ្ងៃ​ទី២១ ខែ​ធ្នូ នៅ​រាជ​ធានីរីយ៉ាត ព្រះ​រាជាណា​ចក្រ​​អារ៉ាប៊ីសាអ៊ូឌីត​ ដោយ​មានការដាក់​ខ្សែ​ក្រវាត់ចំនូន៣​ស្ថាប័ន​ផ្សេង​គ្នា​ឲ្យដណ្ដើម​គឺ​ខ្សែក្រវាត់ទម្ងន់​យក្ស​ WBC, WBO និង WBA។

កីឡាករ Tyson Fury បានប្រាប់ TNT Sports ថា ៖«ខ្ញុំនឹង​ឡើង​កាន់​សង្វៀន​ជាមួយការស្រែកឃ្លានជ័យជម្នះយ៉ាងខ្លាំង។ និយាយការពិត ខ្ញុំបានជួបជាមួយកីឡាករជាច្រើនដូចដែលយើងបានឃើញនៅក្នុងការប្រកួតទម្ងន់ធ្ងន់ ប៉ុន្តែលើកនេះខ្ញុំមិនចង់ឈ្នះចាញ់ត្រឹមពិន្ទុទេ»។

គិត​ចាប់​តាំង​ពី​ឆ្នាំ​២០០៨​មក កីឡាករ Tyson Fury ​ប្រកួតបាន៣៦លើក ក្នុងនោះឈ្នះ៣៤ ស្មើ១ និងចាញ់១ ហើយអ្នកដែលធ្វើឲ្យរូបគេស្គាល់បរាជ័យលើកដំបូងនោះគឺកីឡាករជើងខ្លាំងអ៊ុយក្រែន Oleksandr Usyk។

បើនិយាយពីកីឡាករ Usyk វិញគិតតាំងឆ្នាំ២០១៣ មកដល់ពេលបច្ចុប្បន្នប្រកួតបាន២២លើក មិនធ្លាប់ចាញ់​ឡើយ និង​កំពុង​គ្រប់​គ្រង​ខ្សែក្រវាត់ទម្ងន់ធ្ងន់ពិភពលោក៥ស្ថាប័ន​ផ្សេង​គ្នា។

ការប្រកួតនៅចុងឆ្នាំនេះនឹងក្លាយជាជំនួបដ៏កក្រើកម្ដងទៀត ក្នុងពិភពប្រដាល់​ទម្ងន់​ធ្ងន់​ពិភពលោក ដោយជើងខ្លាំង២រូបគឺ​ម្នាក់​ឡើង​ការពារ​ខ្សែ​ក្រវាត់ ហើយ​ម្នាក់​ទៀត​ឡើង​ដណ្តើម​​ជា​មួយ​នឹង​ការ​ជម្រះ​បញ្ជី​ចាស់៕

ប្រែសម្រួល៖ ផា រតនា​

The post Tyson Fury បេ្ដជ្ញា​ផ្ដួល Usyk ក្នុងជំនួបសងសឹក​ដណ្តើម​ខ្សែ​ក្រវាត់​៣​ស្ថាប័ន​ចុងឆ្នាំនេះ appeared first on Kampuchea Thmey Daily.