UEFA Euro 2024 Archives - Kampuchea Thmey Daily

ស្តេចអេស្ប៉ាញ-បុត្រីដ៏ស្រស់ស្អាត ទទួលក្រុមអេស្ប៉ាញ ក្រោយឈ្នះជើងឯក Euro

chean virakbot — Wed, 17 Jul 2024 07:17:06 +0000

មហាក្សត្រនៃប្រទេសអេស្ប៉ាញ ព្រះអង្គ Felipe និងអគ្គមហេសី Letizia ព្រមទាំងបុត្រីទាំងពីរអង្គបានទទួលស្វាគមន៍ក្រុមបាល់ទាត់ជម្រើសជាតិអេស្ប៉ាញ នៅព្រះបរមរាជវាំង Zarzuela ក្នុងទីក្រុង Madrid កាលពីថ្ងៃទី១៦ ខែកក្កដា ឆ្នាំ២០២៤ ដើម្បីអបអរសាទរដែលពួកគេបានឈ្នះជើងឯកទ្វីបអឺរ៉ុប UEFA EURO 2024 ជាលើកទី៤ក្នុងប្រវត្តិសាស្ត្រ។

ព្រះមហាក្សត្រ អគ្គមហេសី និងព្រះរាជបុត្រី Leonor និង Infanta Sofía ស្វាគមន៍ដោយចាប់ដៃកីឡាករ ក្រុមគ្រូបង្វឹក ហើយពួកព្រះអង្គក៏បានទទួលពានរង្វាន់ Euro និងទទទួលអាវយឺតដែលចុះហត្ថលេខាដោយកីឡាករជម្រើសជាតិអេស្ប៉ាញដែលប្រធានក្រុម Álvaro Morata ជាអ្នកថ្វាយដល់ព្រះអង្គ។ ក្នុងនោះទាំងព្រះអង្គ និងព្រះរាជបុត្រក៏បានថតរូបជាមួយពានរង្វាន់ទៀតផង៕

ប្រែសម្រួល៖ វីរបុត្រ
រូបថត៖ ESPN

The post ស្តេចអេស្ប៉ាញ-បុត្រីដ៏ស្រស់ស្អាត ទទួលក្រុមអេស្ប៉ាញ ក្រោយឈ្នះជើងឯក Euro appeared first on Kampuchea Thmey Daily.

Barcelona ឈានមុខគេក្នុងការនាំយកតារាកំពុងរះ William

Pha Rothana — Tue, 16 Jul 2024 03:13:28 +0000

ខ្សែបម្រើប្រយុទ្ធ Nico William ទទួលបានការចាប់អារម្មណ៍ខ្លាំងពីក្លិបធំៗនៅតំបន់អឺរ៉ុប ក្រោយរូបគេបង្ហាញសមត្ថភាពយ៉ាងល្អដែលបានជួយក្រុមជម្រើសជាតិអេស្ប៉ាញឈ្នះពានរង្វាន់ EURO ឆ្នាំ២០២៤។

កីឡាករវ័យក្មេង Nico William ត្រូវបានក្លិប Barcelona, Chelsea, Paris Saint-Germain និង Arsenal កំពុងចាប់អារម្មណ៍ក្នុងការនាំយករូបគេចូលរួមនៅរដូវកាលថ្មី។ បេក្ខភាពឈានមុខគេគឺក្លិប Barcelona។ ពួកគេពិតជាចង់បាន Williams ដើម្បីចាប់ដៃជាមួយកីឡាករ Lamine Yamal នៅកីឡដ្ឋាន Nou Camp បន្ទាប់ពីឃើញពួកគេទាំង២សហការគ្នាយ៉ាងល្អក្នុងព្រឹត្តិការណ៍ EURO។

យ៉ាងណាមិញ ក្លិប Athletic Bilbao បានប្តេជ្ញារក្សា Nico Williams ឲ្យស្នាក់នៅបន្ដជាមួយខ្លួនទៀត។ ដើម្បីរក្សាទុកបន្តទៅទៀត ពួកគេត្រូវផ្ដល់តម្លៃពលកម្មខ្ពស់ បើពុំនោះទេពិតជាពិបាកក្នុងការចងជើងរូបគេណាស់។

ចំពោះតម្លៃផ្ទេររបស់ Williams ត្រូវបានគេប៉ាន់ស្មានថា ប្រមាណ៦៣លានអឺរ៉ូឡើង។ រូបគេជាយុវជនរបស់ក្លិប Bilbao ដែលបានបង្ហាញខ្លួនលើទីលានជាមួយក្រុមធំ១២២ប្រកួត និងស៊ុតបាន២០គ្រាប់៕

ប្រែសម្រួល៖ ផា រតនា

The post Barcelona ឈានមុខគេក្នុងការនាំយកតារាកំពុងរះ William appeared first on Kampuchea Thmey Daily.

Messi ធ្លាប់ងូតទឹកឲ្យទារក Yamal ត្រូវលេងប៉ះគ្នាក្នុងពាន Finalissima

chean virakbot — Mon, 15 Jul 2024 06:56:54 +0000

យុវជនឆ្នើមជម្រើសជាតិអេស្ប៉ាញ Lamine Yamal នឹងលេងតទល់ជាមួយរៀមចម្បង Lionel Messi ក្នុងពានរង្វាន់ Finalissima ឆ្នាំ២០២៥ បន្ទាប់ពីអ្នកទាំងពីរបានជួយឲ្យជម្រើសជាតិរបស់ខ្លួនឈ្នះពានរង្វាន់ប្រចាំទ្វីបរៀងៗខ្លួន។

យុវជន Lamine Yamal អាយុ១៧ឆ្នាំបានជួយក្រុមជម្រើសជាតិ អេស្ប៉ាញ ឈ្នះពានរង្វាន់ Euro 2024 បន្ទាប់ពីបានយកឈ្នះក្រុមជម្រើសជាតិអង់គ្លេសដោយលទ្ធផល ២-១។ រូបគេបានឈ្នះពានរង្វាន់កីឡាករវ័យក្មេងឆ្នើមបំផុតប្រចាំព្រឹត្តិការណ៍។

នៅថ្ងៃជាមួយគ្នានេះ Lionel Messi បានជួយក្រុមជម្រើសជាតិ អាហ្សង់ទីន ឈ្នះជើងឯក Copa America 2024 បន្ទាប់ពីបានយកឈ្នះក្រុមជម្រើសជាតិ កូឡុំប៊ី ដោយលទ្ធផល ១-០ ក្នុងការរប្រកួតដែលប្រើពេលរហូតដល់១២០នាទី។

ម្ចាស់ជើងឯកទ្វីបអឺរ៉ុប និងម្ចាស់ជើងឯកទ្វីបអាមេរិក ប្រចាំឆ្នាំ២០២៤ ត្រូវប៉ះគ្នាដណ្តើមពានរង្វាន់ Finalissima នៅឆ្នាំ២០២៥។ ម្ចាស់ជើងឯកពីរទ្វីបប៉ះគ្នានេះបានធ្វើឲ្យអ្នកគាំទ្រទូទាំងពិភពលោកចាប់អារម្មណ៍ខ្លាំងមែនទែនតាមរយៈកីឡាករឆ្នើមពីររូបដែលមានអនុស្សាវរីយ៍ដ៏អស្ចារ្យជាមួយគ្នា។

កាលពី១៦ឆ្នាំមុនពោលគឺឆ្នាំ២០០៧ ទារក Lamine Yamal ត្រូវបានយកទៅក្នុងកម្មវិធីមួយនៅកីឡដ្ឋាន Cam Nou របស់ក្លិបបាល់ទាត់ Barcelona ដែលជាកន្លែង Messi ទទួលបានជោគជ័យបំផុតក្នុងអាជីពបាល់ទាត់របស់ខ្លួននៅអេស្ប៉ាញ។ ក្នុងកម្មវិធីនេះប្រធានក្រុមជម្រើសជាតិអាហ្សង់ទីន បានងួតទឹកឲ្យទារក Yamal ដែលធ្វើឲ្យរូបគេមានវ័យវឌ្ឍនាកាធំឡើងចាត់ទុក Messi ជាតារានិម្មិតរូបរបស់ខ្លួន។ យុវជនរូបនេះបានរៀនសូត្រ និងអភិវឌ្ឍខ្លួនតាមបាល់ទាត់តារាក្នុងដួងចិត្តរបស់ខ្លួននៅក្នុងក្រុមយុវជនរបស់ Barcelona រហូតដល់ក្រុមធំ និងជាប់ជម្រើសជាតិអេស្ប៉ាញ។

សម្រាប់ការប្រកួតពានរង្វាន់ Finalissima នៅឆ្នាំ២០២៥មានន័យថា យុវជនវ័យឆ្នើម Lamine Yamal ត្រូវលេងតទល់នឹងនិម្មិតរូបឆ្នើមរបស់ខ្លួនដែលជារឿងដ៏កម្រនៅក្នុងពិភពបាល់ទាត់។

យុវជន Yamal បានប្រាប់សារព័ត៌មាន RAC1 មុនពេលក្រុមជម្រើសជាតិទាំងពីរឈ្នះជើងឯកថា រូបគេសង្ឃឹមបានជួប និងលេងតទល់ជាមួយ Idol របស់ខ្លួនគឺ Messi។

ពេលនេះ ក្រុមទាំងពីរឈ្នះជើងឯកហើយ ដូច្នេះបើគ្មានការប្រែប្រួលទេ Messi នឹងដឹកនាំ អាហ្សង់ទីន តទល់ជាមួយ អេស្ប៉ាញ ដែលមានខ្សែប្រយុទ្ធឆ្នើមវ័យក្មេង Yamal។

កាលពីឆ្នាំ២០២២ ពានរង្វាន់ Finalissima លេងនៅថ្ងៃទី១ ខែមិថុនា ដូច្នេះសម្រាប់ឆ្នាំ២០២៥ទំនងជាលេងនៅរដូវក្តៅ បន្ទាប់ពីការប្រកួតលីគចប់៕

ក្រុមអាហ្សង់ទីន

អត្ថបទ៖ វីរបុត្រ

The post Messi ធ្លាប់ងូតទឹកឲ្យទារក Yamal ត្រូវលេងប៉ះគ្នាក្នុងពាន Finalissima appeared first on Kampuchea Thmey Daily.

កំណត់ត្រាឥតខ្ចោះរបស់អេស្ប៉ាញក្នុងព្រឹត្តិការណ៍ Euro 2024

chean virakbot — Mon, 15 Jul 2024 02:04:32 +0000

ក្រុមបាល់ទាត់ជម្រើសជាតិអេស្ប៉ាញបានគ្រងពានរង្វាន់ទ្វីបអឺរ៉ុប (Euro) ឆ្នាំ២០២៤ បន្ទាប់ពីបានយកឈ្នះអង់គ្លេស ២-១ ក្នុងវគ្គផ្តាច់ព្រ័ត្រ។

ការប្រកួតវគ្គទី១ អេស្ប៉ាញ វាយសម្រុកយ៉ាងខ្លាំង ប៉ុន្តែគ្មានគ្រាប់បាល់កើតឡើងទេ ដោយសារអង់គ្លេសបានព្យាយាមការពារយ៉ាងខ្លាំង។ នៅវគ្គទី២បានត្រឹមតែពីរនាទីប៉ុណ្ណោះ ខ្សែបម្រើប្រយុទ្ធ Williams ស៊ុតចូលជួយអេស្ប៉ាញ ១-០ ដើម្បីបង្កើតភាពសប្បាយរីករាយយ៉ាងខ្លាំងដល់ក្រុម និងអ្នកគាំទ្ររបស់ខ្លួន។ យ៉ាងណា ខ្សែប្រើប្រយុទ្ធ Cole Palmer បានស៊ុតជួយអង់គ្លេសតាមស្មើ ១-១ នៅនាទី៧៣ មុនពេលគ្រាប់បាល់ជ័យជម្នះ ២-១ នៅនាទីទី៨៦ដោយខ្សែប្រយុទ្ធ Olyrzabal ជួយឲ្យ អេស្ប៉ាញ គ្រងជើងឯកឆ្នាំ២០២៤។

អេស្ប៉ាញ ស័ក្តិសមជាម្ចាស់ជើងឯក Euro ឆ្នាំនេះ តាមរយៈកំណត់ត្រាដ៏ល្អឥតខ្ចោះសម្រាប់ការប្រកួត៧លើកដោយមិនស្គាល់ពាក្យ«ចាញ់» ឬ«ស្មើ» សោះ ប៉ុន្តែទទួលបាន«ជ័យជម្នះ»ទាំងអស់។ វគ្គសន្សំពិន្ទុក្នុងពូល ឈ្នះ ក្រូអាត ៣-០, ឈ្នះ អ៉ីតាលី ១-០, ឈ្នះ អាល់ប៉ានី ១-០។ វគ្គ១៦ក្រុមចុងក្រោយ អេស្ប៉ាញ ឈ្នះ ហ្សក់ហ្ស៊ី ៤-១, វគ្គ៨ក្រុមចុងក្រោយ ឈ្នះ អាល្លឺម៉ង់ ២-១, វគ្គពាក់កណ្តាលផ្តាច់ព្រ័ត្រ ឈ្នះ បារាំង ២-១ និងវគ្គផ្តាច់ព្រ័ត្រ ឈ្នះ អង់គ្លេស ២-១។

រហូតដល់ពេលនេះនៅក្នុងប្រវត្តិសាស្ត្រពានរង្វាន់អឺរ៉ូ អេស្ប៉ាញ ជាក្រុមទទួលបានជោគជ័យបំផុតដោយបានឈ្នះជើងឯកច្រើនជាងគេបំផុតគឺ៤ដង ក្នុងនោះឈ្នះនៅឆ្នាំ១៩៦៤ ២០០៨ ២០១២ និងថ្មីបំផុត២០២៤ ខណៈ អាល្លឺម៉ង់ ធ្លាប់ឈ្នះ៣ដង អ៉ីតាលី២ដង បារាំង២ដង រុស្ស៊ី១ដង ឆេក១ដង ព័រទុយហ្គាល់១ដង ស្កូវ៉ាគី១ដង ហូឡង់១ដង ដាណឺម៉ាក១ដង និងក្រិក១ដង។

ជ័យលាភីពានរង្វាន់ Euro 2024

អេស្ប៉ាញ ជាម្ចាស់ជើងឯក Euro ប្រចាំឆ្នាំ២០២៤
អង់គ្លេស ជាជើងឯករង Euro ប្រចាំឆ្នាំ២០២៤
កីឡាករ Rodri ជាម្ចាស់ពានកីឡាករឆ្នើមប្រចាំព្រឹត្តិការណ៍ ឆ្នាំ២០២៤
កីឡាករ Lamine Yamal ជាម្ចាស់ពានកីឡាករវ័យក្មេងឆ្នើមប្រចាំ២០២៤
កីឡាករ Dani Olmo ជាម្ចាស់ពាន អ្នកស៊ុតបញ្ចូលទីច្រើនជាងគេ(៣គ្រាប់)

អត្ថបទ៖ វីរបុត្រ
រូបថត៖ BBC & Euro 2024

The post កំណត់ត្រាឥតខ្ចោះរបស់អេស្ប៉ាញក្នុងព្រឹត្តិការណ៍ Euro 2024 appeared first on Kampuchea Thmey Daily.

អបអរសាទរ! អេស្ប៉ាញ បានក្លាយជាក្រុមឈ្នះជើងឯក Euro ច្រើនជាងគេ

chean virakbot — Sun, 14 Jul 2024 21:28:47 +0000

ក្រុមបាល់ទាត់ជម្រើសជាតិអេស្ប៉ាញ បានក្លាយជាក្រុមជម្រើសជាតិតែមួយគត់ដែលបានឈ្នះពានរង្វាន់ទ្វីបអឺរ៉ុប (Euro) ច្រើនជាងគេបំផុត បន្ទាប់ពីបានយកឈ្នះឈ្នះអង់គ្លេស ២-១ ក្នុងវគ្គផ្តាច់ព្រ័ត្រ នៅឆ្នាំ២០២៤។

ការប្រកួតវគ្គទី១ អេស្ប៉ាញ វាយសម្រុកយ៉ាងខ្លាំង ប៉ុន្តែគ្មានគ្រាប់បាល់កើតឡើងទេ ដោយសារអង់គ្លេសព្យាយាមការពារយ៉ាងខ្លាំង។ នៅវគ្គទី២បានត្រឹមតែពីរនាទីប៉ុណ្ណោះ ខ្សែបម្រើប្រយុទ្ធ Williams ស៊ុតចូលជួយអេស្ប៉ាញ ១-០ ដើម្បីបង្កើតភាពសប្បាយរីករាយយ៉ាងខ្លាំង។ យ៉ាងណា ខ្សែប្រើប្រយុទ្ធ Cole Palmer បានស៊ុតជួយអង់គ្លេសតាមស្មើ ១-១ នៅនាទី៧៣ មុនពេលគ្រាប់បាល់ជ័យជម្នះ ២-១ នៅនាទីទី៨៦ដោយខ្សែប្រយុទ្ធ Olyrzabal ជួយឲ្យ អេស្ប៉ាញ គ្រងជើងឯកឆ្នាំ២០២៤។

អង់គ្លេស បានត្រឹមជើងឯករងជាលើកទី២ បន្ទាប់ពីបានត្រឹមជើងឯករងដូចគ្នាកាលពីឆ្នាំ២០២០។

ជ័យលាភី

អេស្ប៉ាញ ជាម្ចាស់ជើងឯក Euro ប្រចាំឆ្នាំ២០២៤
អង់គ្លេស ជាជើងឯករង Euro ប្រចាំឆ្នាំ២០២៤
កីឡាករ Rodri ជាម្ចាស់ពានកីឡាករឆ្នើមប្រចាំព្រឹត្តិការណ៍ ឆ្នាំ២០២៤
កីឡាករ Lamine Yamal ជាម្ចាស់ពានកីឡាករវ័យក្មេងឆ្នើមប្រចាំ២០២៤
កីឡាករ Dani Olmo ជាម្ចាស់ពាន អ្នកស៊ុតបញ្ចូលទីច្រើនជាងគេ(៣គ្រាប់)

គិតរហូតដល់ពេលនេះ អេស្ប៉ាញ បានក្លាយជាក្រុមនៅអឺរ៉ុបតែមួយគត់បានឈ្នះជើងឯកច្រើនជាងគេគឺ៤ដង ក្នុងនោះឈ្នះនៅឆ្នាំ១៩៦៤ ២០០៨ ២០១២ និងថ្មីបំផុត២០២៤ ខណៈ អាល្លឺម៉ង់ ធ្លាប់ឈ្នះ៣ដង អ៉ីតាលី២ដង បារាំង២ដង រុស្ស៊ី១ដង ឆេក១ដង ព័រទុយហ្គាល់១ដង ស្កូវ៉ាគី១ដង ហូឡង់១ដង ដាណឺម៉ាក១ដង និងក្រិក១ដង៕

អត្ថបទ៖ វីរបុត្រ
ប្រភពរូបថត៖ BBC

The post អបអរសាទរ! អេស្ប៉ាញ បានក្លាយជាក្រុមឈ្នះជើងឯក Euro ច្រើនជាងគេ appeared first on Kampuchea Thmey Daily.

យុទ្ធសាស្រ្ត ៣យ៉ាង អង់គ្លេស អាចឈ្នះអេស្ប៉ាញ លើកពានយូរ៉ូ

Sok Sovann — Sun, 14 Jul 2024 06:54:12 +0000

រាត្រីនេះ ក្រុមតោកំណាចអង់គ្លេស នឹងត្រូវតទល់ជាមួយគោលជល់អេស្ប៉ាញ ក្នុងការប្រកួតវគ្គផ្តាច់ព្រ័ត្រពានរង្វាន់ទ្វីបអឺរ៉ុប ឬគេហៅថា យូរ៉ូ២០២៤។

(រូបថត៖ AP)

អ្នកគាំទ្រទាំងសងខាង សុទ្ធតែមានជំនឿចិត្តរៀងៗខ្លួនថា ជម្រើសជាតិរបស់ពួកគេ នឹងអាចនាំពានរង្វាន់មកទឹកដីកំណើត ប៉ុន្តែការប្រកួតនេះ ច្បាស់ជាតានតឹងខ្លាំងណាស់។

ទោះបីជាយ៉ាងណាក៏ដោយ ថ្ងៃនេះអ្នកវិភាគប្រចាំគេហទំព័រ Goal.com បានបង្ហាញយុទ្ធសាស្រ្ត៣យ៉ាងដែលអង់គ្លេស មានភាគរយខ្ពស់អាចយកឈ្នះអេស្ប៉ាញបាន៖

១. បិទ Yamal ឲ្យជាប់

កីឡាករវ័យក្មេងរូបនេះ បានក្លាយជាគ្រាប់ពេជ្រចែងចាំងចិញ្ចាច ក្នុងព្រឹត្តិការណ៍យូរ៉ូ ដោយបង្ហាញទម្រង់លេងយ៉ាងល្អឥតខ្ចោះ។ Yamal គឺជាសុបិនអាក្រក់របស់ខ្សែការពារគ្រប់រូប ពេលដែលលេងតទល់ជាមួយអេស្ប៉ាញ។

អ្នកវិភាគលើកឡើងថា ទម្រង់លេង ៣-៤-៣ របស់លោក Southgate ទំនងបង្កជាចន្លោះប្រហោងឲ្យ Yamal ទម្លុះបាន ដូច្នេះគ្រូអង់គ្លេស ធ្វើយ៉ាងណា ត្រូវដាក់ខ្សែការពារមានគុណភាពទាំងល្បឿននិងកាយសម្បទា ដើម្បីបិទ Yamal ឲ្យជាប់។

យ៉ាងណា អង់គ្លេស ក៏កុំប្រហែសជាមួយយុវជនកំពូលល្បឿន Williams ដែរ!

(រូបថត៖ Getty)

២. ប្រើកីឡាករបម្រុង

អង់គ្លេស សម្បូរទៅដោយកីឡាករល្អៗ សូម្បីតែឈុតបម្រុងក៏មិនណយដែរ។ ប៉ុន្មានប្រកួតមកនេះ អង់គ្លេស តែងវាយបកគូប្រកួត ជាពិសេសនៅចុងម៉ោងតែម្តង ជាក់ស្តែងការប្រកួតវគ្គ Semi ជាមួយហូឡង់តែម្តងដែល Cole Palmer និង Ollie Watkins ត្រូវបានប្តូរចូល ហើយអ្នកទាំងពីរ គឺជាអ្នករកជ័យជម្នះឲ្យអង់គ្លេស បានឡើងផ្តាច់ព្រ័ត្រ។

យុទ្ធសាស្រ្តរបស់លោក Southgate គឺបែបនេះ! គាត់តែងប្តូរកម្លាំងសំខាន់ចូលចុងម៉ោង ដើម្បីក្រឡុកទីលាន ហើយទទួលបានលទ្ធផលគាប់ប្រសើរ។

(រូបថត៖ Goal)

៣. ទប់យកប៉េណាល់ទី

អង់គ្លេសឥឡូវ មិនមែនដូចអង់គ្លេសពីមុនទេ ដែលតែងចាញ់បាល់ប៉េណាល់ទីគេ។ អង់គ្លេសឥឡូវ ស៊ុតប៉េណាល់ទីល្អជាងមុន ជាក់ស្តែងក្រោមការដឹកនាំរបស់លោក Southgate អង់គ្លេសឈ្នះបាល់ប៉េណាល់ទីដល់ទៅ៣ដង ក្នុងចំណោម៤ដង។

នេះមានន័យថា បើការប្រកួតវគ្គផ្តាច់ព្រ័ត្រនេះ អូសបន្លាយដល់ការស៊ុតបាល់ប៉េណាល់ទីមែននោះ អង់គ្លេស ប្រហែលមានទឹកមាត់លេប ខណៈដែលអេស្ប៉ាញ ធ្វើមិនបានល្អទេចំពោះការស៊ុតបាល់ប៉េណាល់ទីប៉ុន្មានលើកចុងក្រោយ៕

(រូបថត៖ PA)

អត្ថបទ៖ សុខ សុវណ្ណ

ចុចអាន៖ តើ Kane អាចដោះបណ្តាសា ឈ្នះពានលើកដំបូងក្នុងអាជីពរបស់ខ្លួន បានទេ?

The post យុទ្ធសាស្រ្ត ៣យ៉ាង អង់គ្លេស អាចឈ្នះអេស្ប៉ាញ លើកពានយូរ៉ូ appeared first on Kampuchea Thmey Daily.

តើ Kane អាចដោះបណ្តាសា ឈ្នះពានលើកដំបូងក្នុងអាជីពរបស់ខ្លួន បានទេ?

Sok Sovann — Sun, 14 Jul 2024 03:21:56 +0000

អ្នកតាមដានកីឡាបាល់ទាត់ប្រាកដជាដឹងច្បាស់អំពីរឿងរ៉ាវរបស់កំពូលខ្សែប្រយុទ្ធ Harry Kane ហើយ។

កីឡាករជម្រើសជាតិអង់គ្លេសរូបនេះ ត្រូវបានអ្នកស្នេហាកីឡាបាល់ទាត់ឲ្យងារថា ជាកីឡាករជាប់បណ្តាសា ព្រោះថា រូបគេមិនធ្លាប់ឈ្នះពានរង្វាន់ណាមួយសោះឡើយជាមួយក្លិបនិងជម្រើសជាតិ។

Harry Kane (រូបថត៖ Getty)

តួយ៉ាងគឺថា ដើម្បីឈ្នះពានលើកដំបូងក្នុងអាជីពរបស់ខ្លួន Kane ក៏សម្រេចផ្ទេរចេញពី Spur ទៅ Bayern Munich ប៉ុន្តែមិនដូចអ្វីគិតឡើយ, Bayern ធ្លាប់តែឈ្នះពានច្រើនឆ្នាំជាប់គ្នា បែរជាមិនឈ្នះសូម្បីមួយពាន ពេលដែលមានវត្តមានរបស់ខ្សែប្រយុទ្ធរូបនេះ។

រាត្រីនេះ Kane ត្រូវបន្តដំណើរស្វែងរកពានរបស់ខ្លួនជាមួយជម្រើសជាតិអង់គ្លេស ក្នុងវគ្គផ្តាច់ព្រ័ត្រទល់នឹងអេស្ប៉ាញ នៃពានរង្វាន់យូរ៉ូឆ្នាំ២០២៤ លើទឹកដីអាល្លឺម៉ង់ ដែលជាកន្លែងខ្លួនកំពុងប្រកបអាជីពស្រាប់។

Harry Kane (រូបថត៖ Getty)

ក្រុមទាំងពីរកំពុងឡើងជើងដូចគ្នា ជាពិសេសសម្បូរទៅដោយយុវជនដែលមានទេពកោសល្យ ហើយការប្រកួតនេះ ធានាថា នឹងជក់ចិត្តជាក់ជាមិនខានឡើយ។

ការប្រកួតនឹងធ្វើឡើងនៅម៉ោង២រំលងអធ្រាត្រថ្ងៃអាទិត្យឈានចូលថ្ងៃចន្ទ នៅពហុកីឡដ្ឋាន Olympiastadion នៃទីក្រុង បែរឡាំង។

ដូច្នេះ ហ្វេនៗកំពុងតាមមើលហើយថា តើ Kane អាចដោះបណ្តាសា ហើយឈ្នះពានលើកដំបូងក្នុងអាជីពរបស់ខ្លួនបានដែរឬទេ?

អត្ថបទ៖ សុខ សុវណ្ណ

ចុចអាន៖ Kane ថា Bayern បាត់បង់ម្ចាស់ការ ក្រោយបានកាតក្រហមយប់មិញ

The post តើ Kane អាចដោះបណ្តាសា ឈ្នះពានលើកដំបូងក្នុងអាជីពរបស់ខ្លួន បានទេ? appeared first on Kampuchea Thmey Daily.

Watkins ប្រាប់អារម្មណ៍ ក្រោយស៊ុតចូលចុងម៉ោងយកឈ្នះ ហុល្លង់

Pha Rothana — Thu, 11 Jul 2024 03:43:12 +0000

ខ្សែប្រយុទ្ធ Ollie Watkins បានក្លាយជាតួឯកជួយអង់គ្លេសបានឡើងដល់វគ្គផ្ដាច់ព្រ័ត្រពានរង្វាន់ EURO ក្រោយស៊ុតគ្រាប់បាល់ជ័យជម្នះនៅចុងម៉ោងយកឈ្នះ ហុល្លង់ ២-១ ក្រោយដូរលេងបាន១០នាទី។

ក្រោយការស៊ុតបញ្ចូលទី១គ្រាប់នៅនាទី៩០ បានធ្វើឲ្យកីឡាករ Ollie Watkins ឈ្នះពានរង្វាន់កីឡាករល្អប្រចាំការប្រកួត។ នេះជារឿងមួយនឹកស្មានមិនដល់ ហើយសូម្បីរូបគេផ្ទាល់ស្ទើរមិនជឿលើខ្លួនឯងធ្វើបានល្អដូចនេះ។ ស្ថិតិកីឡាករ Watkins ក្នុងពានរង្វាន់ EURO បង្ហាញខ្លួនបាន២ប្រកួត លេងបាន៣០នាទី ស៊ុតបញ្ចូលទី១គ្រាប់។

កីឡាករ Ollie Watkins បាននិយាយថា ៖«និយាយឲ្យត្រង់ទៅ ខ្ញុំមិននឹកស្រមៃថា ខ្ញុំអាចធ្វើរឿងនេះបាន។ ការស៊ុតបញ្ចូលទីឲ្យក្រុមអង់គ្លេសគឺអស្ចារ្យ ប៉ុន្តែខ្ញុំមិនធ្លាប់គិតថា ខ្ញុំអាចធ្វើបានរឿងនេះទេនៅ EURO»។

មុនពេលផ្លាស់ប្ដូរចូលក្នុងទីលាន Ollie Watkins បានប្រាប់អ្នកចាំទីបម្រុង Dean Henderson ថា រូបគេអាចធ្វើឲ្យមានភាពខុសប្លែក។ ទីបំផុតរូបគេស៊ុតគ្រាប់បាល់ជ័យជម្នះ ជួយឲ្យអង់គេ្លសឡើងដល់វគ្គផ្តាច់ព្រ័ត្រ៕