ពូល A (A1) រួមមាន បារាំង អ៉ីតាលី ប៊ែលហ្ស៊ិក និង តួកគី។ ពូល B (A2) រួមមាន អាល្លឺម៉ង់ ហូល្លង់ ស៊ែប៊ី និងក្រិច។ ពូល C (A3) មាន អេស្ប៉ាញ ក្រូអាត អង់គ្លេស និង សាធារណរដ្ឋឆេក។ ពូល D (A4) មាន ព័រទុយហ្គាល់ ដាណឺម៉ាក ន័រវែស និង វែលស៍។

ជំនួបរវាងក្រុមតោកំណាច អង់គ្លេស និង អេស្ប៉ាញ ត្រូវបានគេចាត់ទុក ជាគូដែលចាប់អារម្មណ៍ជាងគេ ដោយសារក្រុមទាំង ២ ជាគូសត្រូវចាស់កាលពីវគ្គផ្តាច់ព្រ័ត្រពាន Euro 2024។ នៅពេលនេះ ក្រុមគោជល់ អេស្ប៉ាញ បានយកឈ្នះលើក្រុម អង់គ្លេស យ៉ាងតឹងតែងក្នុងលទ្ធផល ២ ទល់នឹង ១។

គួរឱ្យដឹង ថា ការប្រកួតពាន Nations League 2026/27 នឹងចាប់ផ្តើមពីខែ កញ្ញា ឆ្នាំ ២០២៦ រហូតដល់ខែ មិថុនា ឆ្នាំ ២០២៧៕

អត្ថបទ៖ សេម កុសល

The post គ្រប់ពូលតាងតឹងខ្លាំងក្នុងពាន Nations League 2026-27 ខណៈពូល A និង C ជាពូលមរណៈ appeared first on Kampuchea Thmey Daily.

បន្ទាប់ពី ព័រទុយហ្គាល់ យកឈ្នះលើ អេស្ប៉ាញ ៥-៣ នៅវគ្គបាល់ប៉េណាល់ទីកាត់សេចក្តី ១១ ម៉ែត្រ ក្រោយបញ្ចប់ ១២០ នាទីស្មើគ្នា ២-២ នៅវគ្គផ្តាច់ព្រ័ត្រពាន UEFA Nations League កាលពីយប់មិញ ត្រូវនឹងយប់រំលងអាធ្រាត្រឈានចូល ចន្ទ ទី ៩ ខែ មិថុនា ឆ្នាំ ២០២៥ ស្រាប់តែ Ronaldo បានបង្ហាញទស្សនៈសុទិដ្ឋិនិយមជាខ្លាំងលើអនាគតរបស់ Yamal។ រូប​គេ​បាន​ចាត់ទុកខ្សែប្រយុទ្ធវ័យ ១៧ ឆ្នាំរូបនេះ ជាកីឡាករមានទេពកោសល្យយ៉ាងអស្ចារ្យ ហើយជឿជាក់ថា នាពេលអនាគត Yamal នឹងឈ្នះពានយ៉ាងច្រើននៅក្នុងអាជីពរបស់គេ។

ថ្លែងនៅក្នុងកិច្ចសម្ភាសមួយ ក្រោយបញ្ចប់ការប្រកួត Ronaldo បានលើកឡើងថា៖ «គាត់មានអាយុត្រឹម ១៧ ឆ្នាំប៉ុណ្ណោះ ហើយគាត់កំពុងបង្ហាញនូវទេពកោសល្យសឹងមិនគួរឱ្យជឿរួចទៅហើយ។ គាត់នឹងឈ្នះពានជាច្រើន ទាំងពានលក្ខណៈក្រុម និងឯកត្តជន។ គាត់គឺជាបាតុភូតមួយ ដែលទើបលេចឡើង ប៉ុន្តែយើងត្រូវតែទុកពេលឱ្យគាត់។ នោះជាអ្វីដែលខ្ញុំស្នើសុំ។ គាត់មានអាជីពដ៏វែងឆ្ងាយទៀតនៅចំពោះមុខ។ ខ្ញុំប្រាកដថា គាត់នឹងឈ្នះពាន Nations League ជាច្រើនដង»។

គួរឱ្យដឹងថា ស្ថិតនៅក្នុងវ័យត្រឹម ១៧ ឆ្នាំ Yamal បានបង្ហាញសមត្ថភាពយ៉ាងអស្ចារ្យ​ជាមួយក្រុម Barcelona និងជម្រើសជាតិ អេស្ប៉ាញ។ នៅ Barcelona រដូវកាលនេះ រូបគេបានឈ្នះពាន La Liga ១, Copa del Rey ១ និងពាន Spanish Super Cup ១។ ចំណែកនៅ អេស្ប៉ាញ វិញ កាលពីឆ្នាំ ២០២៤ រូបគេបានរួមចំណែកយ៉ាងសំខាន់ ក្នុងការជួយឱ្យក្រុមគោជល់ឈ្នះ​ជើង​ឯក​ទ្វីប​អឺរ៉ុប Euro ២០២៤៕

ប្រែសម្រួល៖ សេម កុសល
ប្រភព៖ Barca Universal

The post សិស្ស​ចម្បង Ronaldo សរសើរយុវជន Lamine Yamal ជាកីឡាករដ៏អស្ចារ្យ appeared first on Kampuchea Thmey Daily.

ក្រុម ព័រទុយហ្គាល់ ដែលស្ថិតក្រោមការដឹកនាំរបស់លោក Roberto Martinez បានក្លាយជាម្ចាស់ពាន Nations League ២០២៤-២៥ ជាផ្លូវការ ក្រោយយកឈ្នះលើក្រុមគោជល់ អេស្ប៉ាញ នៅវគ្គបាល់ប៉េណាល់ទី​កាត់សេចក្តី ១១ ម៉ែត្រក្នុងលទ្ធផល ៥-៣ បន្ទាប់ពីបញ្ចប់ ១២០ នាទីក្រុមទាំង ២ ស្មើគ្នា ២-២។

អេស្ប៉ាញ បើក​ការ​នាំ​មុខ ១-០ នៅ​នាទី ​២១​ ដោយ​កីឡាករ Martin Zubimendi ប៉ុន្តែ​ត្រូវ​បាន​ ព័រទុយហ្គាល់​ តាម​ស្មើ ១-១ នៅ​នាទី​ទី​ ២៦ ដោយ​កីឡាករ Nuno Mende។ ចុង​វគ្គ​ទី​១ អេស្ប៉ាញ បានបើកការនាំមុខ ព័រទុយហ្គាល់ ជា​ថ្មី​ ដែលជាការស៊ុតបញ្ចូលទីដោយកីឡាករ Mikel Oyarzabal នៅនាទីទី ៤៥ ប៉ុន្តែនៅនាទីទី ៦១ ព័រទុយហ្គាល់ បានតាមស្មើ ២-២ វិញ ដែលរកបានដោយប្រធានក្រុម Ronaldo ហើយគ្រាប់បាល់នេះក៏បានបន្តរហូតដល់ចប់ការប្រកួត ១២០ នាទីពេញ។

ចំពោះជ័យជម្នះដ៏ធំធេងនេះ Ronaldo បច្ចុប្បន្នត្រូវបានគេចាត់ទុកជាវីរបុរសដ៏អស្ចារ្យបំផុតប្រចាំប្រវត្តិសាស្ត្រ ព័រទុយហ្គាល់ ដោយគាត់បាននាំក្រុមរហស្សនាមបញ្ចខែលមួយនេះ ឱ្យទទួលបានភាពជោគជ័យជាច្រើនលើឆាកអន្តរជាតិ។

លោកអ្នកដឹងទេថា ព័រទុយហ្គាល់ មុនពេលមានវត្តមាន Ronaldo នៅក្នុងក្រុម ពោលរាប់ពីឆ្នាំ ២០០៤ ថយក្រោយ ពួកគេបានឡើងដល់ជុំចុងក្រោយ ជើងឯកពិភពលោក (World Cup) បានត្រឹមតែ ៣ លើកគត់ ហើយនៅក្នុង​ជើង​ឯក​អឺរ៉ុប​ Euro វិញ ពួកគេក៏បានឡើងដល់ជុំចុងក្រោយត្រឹមតែ ៣ លើកដែរ និងពុំដែលបានឈ្នះពានអ្វីទាល់តែសោះ។

ប៉ុន្តែចាប់តាំងពីមានវត្តមាន Ronaldo ពួកគេមិនដែលបាត់មុខពីការប្រកួតក្នុងពាន World Cup និង Euro សូម្បីម្តងឡើយ ដោយពួកគេបានឡើងទៅជុំចុងក្រោយពាន World Cup បានចំនួន ៥ ដង, ពាន Euro បានចំនួន ៦ ដង និងឈ្នះពានធំៗ ៣ ដូចជាពាន Euro ១ និងពាន Nations League ២។

គួរបញ្ជាក់ថា បន្ទាប់ពីឈ្នះពាន Nations League កាលពីយប់មិញ Ronaldo បានសាងនូវកំណត់ត្រាមួយទៀតសម្រាប់ខ្លួនឯង ដោយបានក្លាយជាកីឡាករមានវ័យចំណាស់ជាងគេបំផុតបានឈ្នះពានមួយនេះ ពោលគឺស្ថិតក្នុងវ័យ ៤០ ឆ្នាំ៕

អត្ថបទ៖ សេម កុសល

The post ស្ថិតិទាំងនេះបង្ហាញពី ព័រទុយហ្គាល់ ជោគជ័យខ្លាំង ចាប់តាំងពីមាន​វីរបុរស Ronaldo appeared first on Kampuchea Thmey Daily.

អេស្ប៉ាញ បើក​ការ​នាំ​មុខ ១-០ នៅ​នាទី ​២១​ ដោយ​កីឡាករ Martin Zubimendi ប៉ុន្តែ​ត្រូវ​បាន​ ព័រទុយហ្គាល់​ តាម​ស្មើ ១-១ នៅ​នាទី​ទី​ ២៦ ដោយ​កីឡាករ Nuno Mende។ ចុង​វគ្គ​ទី​១ អេស្ប៉ាយ បាន​ទម្លាយ​សំណាញ់​ទី​របស់ ព័រទុយហ្គាល់ ជា​ថ្មី​ដើម្បី​នាំ​មុខ ២-១ នៅ​នាទី​៤៥ ប៉ុន្តែ​​វីរបុរស​ព័រទុយហ្គាល់​វ័យ​ ៤០​ ឆ្នាំ​ដែល​ជា​ប្រធាន​ក្រុម​ Cristiano Ronaldo បាន​ស៊ុត​តាម​ស្មើ ២-២ នៅ​នាទី​ ៦១។

ការ​ប្រកួត​បន្ទាប់​​គ្មាន​គ្រាប់​បាល់​កើត​ឡើងទេ បើ​ទោះ​ជា​បន្ថែម​១៥​នាទី​ពីរ​ដង ដែល​ត្រូវ​ប្រើ​ពេល​១២០​នាទី​ក៏​ដោយ។ ទី​បំផុត ការ​ទាត់​ប៉េណាល់​ទី​កាត់​សេចក្តី​បាន​កើត​មាន​ឡើង ដោយ ព័រទុយហ្គាល់ ធ្វើ​បាន​យ៉ាង​ល្អ​ឥត​ខ្ចោះ​ស៊ុត​ចូល​ទាំង​ ៥​គ្រាប់ ខណៈ អេស្ប៉ាញ​ ស៊ុត​ចូល​តែ ​៣ ​គ្រាប់​ប៉ុណ្ណោះ។

នេះ​ជា​ការ​ឈ្នះ​ជើង​ឯក UEFA Nations League លើក​ទី​ ២ របស់​ក្រុម​បាល់ទាត់​ជម្រើស​ជាតិ ព័រទុយហ្គាល់ បន្ទាប់​ពី​ពួក​គេ​បាន​ឈ្នះ​លើក​ទី១​កាល​ពី​ឆ្នាំ​២០១៩។

ប្រធាន​ក្រុម​ជម្រើស​ជាតិ ព័រទុយហ្គាល់ Ronaldo បាន​​បង្កើត​កំណត់​ត្រា​ថ្មី​មួយ​ទៀត គឺ​ជា​កីឡាករ​អាយុ​ច្រើន​ជាង​គេ​បំផុត​ដែល​បាន​ឈ្នះ​​ពាន​រង្វាន់​នេះ​ក្នុង​វ័យ​៤០​ឆ្នាំ ហើយ​រូប​គេ​បាន​ឈ្នះ​ពីរ​លើក​៕

អត្ថបទ៖ វីរបុត្រ

The post អបអរសាទរ! ព័រទុយហ្គាល់ គ្រង​ជើងឯក UEFA Nations League ជាលើក​ទី​២ appeared first on Kampuchea Thmey Daily.

ជំនួបនេះ រាប់បានជាជំនួបដ៏ធំប្រចាំប្រវត្តិសាស្ត្រពាន Nations League ដោយសារក្រុមទាំង ២ សុទ្ធតែជាក្រុមខ្លាំង និងសម្បូរទៅដោយធនធានកីឡាករល្អ តាំងពីអ្នកចាំទី រហូតដល់ខ្សែប្រយុទ្ធ។

យ៉ាងណា បើ​ចាប់អារម្មណ៍អំពីប្រវត្តិជួបគ្នារវាងក្រុមទាំង ២ កន្លងមក ឃើញថា ក្រុមអេស្ប៉ាញ មាន​កំណត់ត្រា​ល្អជាង។ ការ​ជួប​គ្នារយៈពេល ១៣ ឆ្នាំចុងក្រោយ រាប់ចាប់ពីឆ្នាំ ២០១២ មក គឺ​ ព័រទុយហ្គាល់ មិនធ្លាប់ឈ្នះទៅលើក្រុមរហស្សនាមគោជល់ទាល់តែសោះ។ ក្នុងនោះការជួបគ្នា ៦ លើក ព័រទុយហ្គាល់ ចាញ់ ២ លើក និងស្មើ ៤ លើក។

ខាងក្រោមនេះ គឺជាប្រវត្តិជួបក្រុមទាំង ៦ លើករបស់ក្រុមទាំង ២ ដោយរាប់ចាប់ពីឆ្នាំ ២០១២៖

• ឆ្នាំ ២០១២ ក្នុងពានរង្វាន់ UEFA European Championship វគ្គពាក់កណ្តាលផ្តាច់ព្រ័ត្រ ព័រទុយហ្គាល់ ចាញ់ អេស្ប៉ាញ ៤-២ បន្ទាប់ពីស្មើគ្នា ០-០
• ឆ្នាំ ២០១៨ ក្នុងពាន FIFA World Cup ព័រទុយហ្គាល់ ស្មើ អេស្ប៉ាញ ៣-៣
• ឆ្នាំ ២០២០ ក្នុងការប្រកួតមិត្តភាព ព័រទុយហ្គាល់ ស្មើ អេស្ប៉ាញ ០-០
• ឆ្នាំ ២០២១ ក្នុងការប្រកួតមិត្តភាព ព័រទុយហ្គាល់ ស្មើ អេស្ប៉ាញ ០-០
• ឆ្នាំ ២០២២ ក្នុងពាន UEFA Nations League ព័រទុយហ្គាល់ ស្មើ អេស្ប៉ាញ ១-១
• ឆ្នាំ ២០២២ ក្នុងពាន UEFA Nations League ព័រទុយហ្គាល់ ចាញ់ អេស្ប៉ាញ ១-០

គួរបញ្ជាក់ថា ការប្រកួតវគ្គផ្តាច់ព្រ័ត្រពាន Nations League រវាងក្រុមជម្រើសជាតិ ព័រទុយហ្គាល់ និងអេស្ប៉ាញ នឹងធ្វើឡើងនៅយប់ថ្ងៃ អាទិត្យ ឈានចូលថ្ងៃ ចន្ទ ទី ៩ ខែ មិថុនា ឆ្នាំ ២០២៥៕

អត្ថបទ៖ សេម កុសល

The post មុន​ប៉ះ​គ្នា​ថ្ងៃ​អាទិត្យ​នេះ ប្រវត្តិ ១៣ ឆ្នាំចុងក្រោយ ព័រទុយហ្គាល់ មិនធ្លាប់ឈ្នះ អេស្ប៉ាញ ទាល់​តែ​សោះ appeared first on Kampuchea Thmey Daily.

Yamal ដែលបច្ចុប្បន្នមានវ័យ ១៧ ឆ្នាំ កំពុងបង្ហាញសមត្ថភាពបានយ៉ាងល្អជាមួយក្រុមជម្រើសជាតិ អេស្ប៉ាញ ដោយកាលពីយប់រំលងអាធ្រាត្រឈានចូលថ្ងៃ សុក្រ ទី ៦ ខែ មិថុនា នេះ រូបគេបានរួមចំណែកស៊ុត ២ គ្រាប់ជួយឱ្យ អេស្ប៉ាញ យកឈ្នះ បារាំង ក្នុងលទ្ធផល ៥-៤ និងទទួលបានកៅអីឡើងទៅជួបក្រុមជម្រើសជាតិ ព័រទុយហ្គាល់ ក្នុងវគ្គផ្តាច់ព្រ័ត្រពាន Nations League។

មុនជំនួបដ៏ធំនេះមកដល់ Yamal បាននិយាយខ្លះៗអំពី Ronaldo ដោយគេបានចាត់ទុកខ្សែប្រយុទ្ធវ័យ ៤០ ឆ្នាំរូបនេះ ជាវីរបុរសបាល់ទាត់។ មិនត្រឹមតែប៉ុណ្ណោះ គេក៏បានបង្ហាញក្តីរំភើបផងដែរ ដែលអាចលេងវគ្គផ្តាច់ព្រ័ត្រទល់នឹង ព័រទុយហ្គាល់ និង Ronaldo ហើយជឿជាក់ថា ការប្រកួតនេះ នឹងអាចឱ្យខ្លួនវាស់ស្ទង់ពីសមត្ថភាពរបស់ខ្លួនបាន។

ទាក់ទងនឹងរឿងនេះ Yamal បាននិយាយថា៖ «វាជាការប្រកួតដ៏ពិសេស ដែលវគ្គផ្តាច់ព្រ័ត្រត្រូវលេងទល់នឹងក្រុមមួយ ដែលត្រូវឱ្យយើងមានការបត់បែនខ្ពស់។ នេះជាប្រភេទនៃការប្រកួតមួយ ដែលខ្ញុំចង់លេង ដើម្បីវាស់ស្ទង់ពីខ្លួនឯង ថា ខ្ញុំជានរណា។ គាត់ (Ronaldo) គឺជាវីរបុសបាល់ទាត់។ ខ្ញុំចូលចិត្តកីឡាករទាំងអស់ ហើយមានការគោរពយ៉ាងធំធេងចំពោះ Cristiano។ ខ្ញុំនឹងប្រឹងធ្វើការងាររបស់ខ្ញុំ ដើម្បីអាចទទួលបានជ័យជម្នះក្នុងការប្រកួតនេះ»។

គួរបញ្ជាក់ថា ការប្រកួតវគ្គផ្តាច់ព្រ័ត្រពាន Nations League រវាង អេស្ប៉ាញ និងព័រទុយហ្គាល់ នឹងធ្វើឡើងនៅយប់រំលងអាធ្រាត្រថ្ងៃ អាទិត្យ ឈានចូលថ្ងៃ ចន្ទ ទី ៩ ខែ មិថុនា ឆ្នាំ ២០២៥៕

ប្រែសម្រួល៖ សេម កុសល
ប្រភព៖ Indian Express

The post យុវជន​ឆ្នើម Yamal បានចាត់ទុក Ronaldo ជាវីរបុរស មុនជួបគ្នាវគ្គផ្តាច់ព្រ័ត្រ Nations League appeared first on Kampuchea Thmey Daily.

ការប្រកួតវគ្គ ៨ ក្រុមបានបញ្ចប់ត្រឹមថ្ងៃទី ២៣ ខែ មីនា យប់មិញ ខណៈក្រុម​បានឡើងមកកាន់វគ្គពាក់កណ្តាលផ្តាច់ព្រ័ត្ររួមមាន ជម្រើសជាតិ អេស្ប៉ាញ បារាំង អាល្លឺម៉ង់ និងព័រទុយហ្គាល់។

ក្នុងនោះ អាល្លឺម៉ង់ នឹងត្រូវជួប ព័រទុយហ្គាល់ នៅថ្ងៃទី ៥ ខែ មិថុនា។ ចំណែក អេស្ប៉ាញ វិញ នឹងត្រូវជួប បារាំង នៅថ្ងៃទី ៦ ខែ មិថុនា៕

អត្ថបទ៖ សេម កុសល

The post ទីបំផុតរកឃើញក្រុមត្រូវជួបគ្នានៅវគ្គពាក់កណ្តាលផ្តាច់ព្រ័ត្រពាន Nations League ហើយ appeared first on Kampuchea Thmey Daily.