អង្គការសហប្រជាជាតិបានអំពាវនាវឱ្យ FIFA និង UEFA ព្យួរអ៉ីស្រាអែលពីបាល់ទាត់អន្តរជាតិមុនការប្រកួតបាល់ទាត់ពិភពលោកឆ្នាំ ២០២៦ ដោយលើកឡើងពីការរកឃើញពីគណៈកម្មការអង្គការសហប្រជាជាតិ ដែលចោទ ថា អ៉ីស្រាអែល កំពុងប្រព្រឹត្តអំពើប្រល័យពូជសាសន៍នៅតំបន់ហ្គាហ្សា។

អ្នកជំនាញរបស់អង្គការសហប្រជាជាតិបាននិយាយ ថា ស្ថាប័នកីឡាមិនត្រូវ “បិទភ្នែក” ចំពោះការរំលោភសិទ្ធិមនុស្សធ្ងន់ធ្ងរ ហើយប្រៀបធៀបស្ថានភាពទៅនឹងការព្យួររដ្ឋកាលពីអតីតកាលជុំវិញការរំលោភបំពាន។ សម្ពាធលើ FIFA និង UEFA កំពុងតែកើនឡើង ដោយប្រទេស អេស្ប៉ាញ ត្រូវបានគេរាយការណ៍ថានឹងធ្វើពហិការចូលរួមការប្រកួត World Cup ២០២៦ ប្រសិនបើ អ៉ីស្រាអែល នៅតែមានវត្តមានប្រកួតទៀត។

ទោះ​បីជាយ៉ាងណា អ៉ីស្រាអែល​បាន​ច្រាន​ចោល​ការ​រក​ឃើញ​របស់​អង្គការ​សហ​ប្រជាជាតិ​ថា​ជា «ការ​បំភ្លៃ និង​មិន​ពិត»។ យោងតាមក្រសួងសុខាភិបាលរបស់ហ្គាហ្សា មនុស្សជាង ៦៥.០០០ នាក់ត្រូវបានសម្លាប់នៅហ្គាហ្សា៕

ប្រែសម្រួល៖ សេម កុសល
ប្រភព៖ Sportbible

The post អ៊ីស្រាអែល កំពុងប្រឈម​ខ្លាំង​ ពី​ការ​ដកចេញពី UEFA និង FIFA appeared first on Kampuchea Thmey Daily.

រឿងរ៉ាវដ៏ចម្រូងចម្រាស់នេះបានកើតឡើង​ បន្ទាប់ពីកីឡាករ Real Madrid ទាំង ៣ នាក់ខាងលើ បង្ហាញកាយវិការអបអរជ័យជម្នះលក្ខណៈឌឺដងទៅកាន់ក្រុម At Madrid ក្រោយពួកគេទម្លាក់ក្រុមរួមលីគមួយនេះចេញពីពាន UCL ត្រឹមវគ្គ ១៦ ក្រុមចុងក្រោយ បន្ទាប់ពីយកឈ្នះនៅវគ្គបាល់កាត់សេចក្តី ១១ ម៉ែត្រក្នុងលទ្ធផល ៤-២។

យ៉ាងណាមិញ ក្រោយការពិនិត្យយ៉ាងល្អិតល្អន់ UEFA បានចេញសេចក្តីសម្រេចជាផ្លូវការ ដោយបានពិន័យលើ Rudiger ជាទឹកប្រាក់ចំនួន ៤៤,០០០ ដុល្លារអាមេរិក, Mbappe ចំនួន ៣៣,០០០ ដុល្លារអាមេរិក និង Ceballos ចំនួន ២២,០០០ ដុល្លារអាមេរិក។ ទោះបីជាយ៉ាងណាក៏ដោយ អាចថាជាដំណឹងល្អផងដែរ ដែលអ្នកទាំង ៣ មិនត្រូវពិន័យព្យួរការប្រកួតនៅក្នុងពាន UCL ឡើយ។

ដោយឡែក Vinicius Jr. វិញ ក៏បានចូលរួមក្នុងការអបអរនេះផងដែរ ប៉ុន្តែគិតត្រឹមពេលនេះ UEFA មិនទាន់ចេញសេចក្តីសម្រេចដាក់ពិន័យលើរូបគេនៅឡើយទេ ដោយពេលនេះកីឡាករសញ្ជាតិ ប្រេស៊ីល វ័យ ២៤ ឆ្នាំ កំពុងស្ថិតនៅក្នុងការស៊ើបអង្កេតបន្តទៀតសិន៕

អត្ថបទ៖ សេម កុសល
ប្រភព៖ AP

The post ទីបំផុត UEFA ប្រកាសពីការដាក់ពិន័យលើ Rudiger, Mbappe, Ceballos ហើយ appeared first on Kampuchea Thmey Daily.

លោក Florentino Perez បាននិយាយនៅក្នុងកិច្ចប្រជុំទូទៅប្រចាំឆ្នាំរបស់ក្លិប​ Real Madrid ថា ៖«Rodri សមនឹងទទួលបាន Ballon d’Or ប៉ុន្តែមិនមែនឆ្នាំនេះទេ។ ឆ្នាំនេះ វាគួរ​បាន​ទៅ​កីឡាករ Real Madrid។ ដូចជា Vinicius ​ដែល​មាន​អ្នកគាំទ្រទូទាំងពិភពលោកចាប់អារម្មណ៍ខ្លាំង សូម្បីប្រធានក្រុមរបស់យើង Dani Carvajal។ ​បើសង្កត់ធ្ងន់លើការបង្ហាញខ្លួន Euro របស់គាត់ សូម្បីតែ Jude Bellingham ក៏ស័ក្តិ​សមដែរ។ វាពិបាកក្នុងការពន្យល់ថាហេតុអ្វីបានជាគ្មានកីឡាករយើងឈ្នះ»។

ឆ្នាំ​២០២៤នេះ សហព័ន្ធបាល់ទាត់ទ្វីបអឺរ៉ុប (UEFA) បាន​ចុះកិច្ចព្រមព្រៀងជាមួយក្រុមហ៊ុន Group Amaury ជាម្ចាស់ក្រុមហ៊ុនប្រព័ន្ធផ្សព្វផ្សាយ France Football និងកាសែតបារាំង L’Équipe ដើម្បីសហការរៀបចំពានរង្វាន់នេះ ក្នុងគោលបំណងបង្កើនភាពរឹងមាំ និងការឈានទៅដល់ការទទួលស្គាល់ពានរង្វាន់នេះជាសកល។

Rodri បានឈ្នះពានរង្វាន់ជាមួយពិន្ទុចំនួន១,១៧០ពិន្ទុ ច្រើនជាង Vinicius ចំនួន៤១ពិន្ទុ ហើយមានគម្លាតពីគ្នាត្រឹមតែ៣.៦%ប៉ុណ្ណោះ។ ចំណាត់ថ្នាក់លេខ៣ បានទៅលើ Jude Bellingham ទទួនបាន​៩១៧ពិន្ទុ​ ខណៈ Carvajal ឈរនៅលេខ៤ ទទួល​បាន​៥៥០ពិន្ទុ។

កាសែតអេស្ប៉ាញ Marca កាល​ពី​ចុងខែកញ្ញា បាន​ផ្សាយថា កីឡាករ Vinicius នឹងឈ្នះ Ballon d’Or ឆ្នាំ២០២៤ ប៉ុន្តែមុនពេលពិធីប្រគល់ពានរង្វាន់នៅទីក្រុងប៉ារីស ថ្ងៃទី២៨ ខែតុលា ចាប់ផ្ដើម ក្លិប Real Madrid បានទទួលដំណឹងថា ខ្សែប្រយុទ្ធប្រេស៊ីល​មិនមែនជា​អ្នក​ឈ្នះទេ។ ភ្លាមៗ​នោះ​ថ្នាក់ដឹកនាំរបស់ក្លិប​បាន​ខឹងសម្បារយ៉ាងខ្លាំង។ ពួកគេបានលុបចោលការធ្វើដំណើរទៅកាន់ទីក្រុងប៉ារីស​ទាំង​អស់​គ្នា​ដែល​មាន​​ប្រតិភូ​៥០នាក់ រួមទាំងអ្នកដឹកនាំ គ្រូបង្វឹក ក្រុមគ្រួសារ និងមិត្តភក្តិរបស់កីឡាករ។

លោក Perez បានបន្ថែមថា ៖«ពួកគេបានផ្លាស់ប្តូរប្រព័ន្ធបោះឆ្នោត។ វាគួរឲ្យភ្ញាក់ផ្អើល អ្នកសារព័ត៌មានមកពីប្រទេសមានប្រជាជនតិចជាងមួយលាននាក់អាចបោះឆ្នោតបាន។ អ្នកសារព័ត៌មានដែលគ្មានអ្នកស្គាល់ ហើយពួកគេបានទៅបោះឆ្នោតនៅឆ្នាំនេះ។ ហើយបែរជាគ្មានអ្នកសារព័ត៌មានមកពីប្រទេសទាំង៤នេះដូចជា អ៊ូហ្គង់ដា ណាមីប៊ី អាល់បានី និងហ្វាំងឡង់ ចូលរួមបោះឆ្នោតទៅវិញ។ ប្រសិនបើ​​មាន​​ពួក​គេ​ចូលរួម នោះ Vinicius នឹងឈ្នះ Ballon d’Or»៕

ប្រែសម្រួល៖ ផា រតនា

The post ប្រធាន​ក្លិប Real Madrid ថា Rodri សម​ឈ្នះ​ពាន​ Ballon d’Or ប៉ុន្តែមិនមែនឆ្នាំនេះ appeared first on Kampuchea Thmey Daily.

មូលហេតុ​ក្រុមទាំង២ត្រូវលេងនៅទឹកដីកណ្ដាលបែបនេះ ដោយសារ​អំពើហិង្សានៅទីក្រុង Amsterdam កាលពីសប្តាហ៍មុន នៅពេល​ក្រុម Maccabi Tel Aviv លេងជាមួយក្រុម Ajax ក្នុងក្របខ័ណ្ឌ Europa League។ ក្នុងនោះមន្ត្រីអុីស្រាអែលបាននិយាយថា ពលរដ្ឋ១០នាក់បានរងរបួស​ក្នុងការវាយប្រហារ បន្ទាប់ពីការប្រកួតនោះ។ ចំពោះអ្នកប្រព្រឹត្តគឺជាក្រុមក្មេងទំនើងអារ៉ាប់ និងក្រុមមូស្លីមក្នុងតំបន់។ ពេលនោះជនជាតិអុីស្រាអែលរាប់រយនាក់ទៀតបានប្រមូលផ្តុំគ្នានៅក្នុងសណ្ឋាគារដែលពួកគេស្នាក់នៅអស់ជាច្រើនម៉ោងដោយភ័យខ្លាច​ពី​ពួកគេអាចត្រូវបានវាយប្រហារ។ មនុស្ស​ជា​ច្រើន​បាន​និយាយ​ថា កម្លាំង​សន្តិសុខ​ហូឡង់​មិន​ត្រូវ​បាន​រក​ឃើញ​នៅ​កន្លែង​ណា​ទេ។

ក្រោយកើតរឿងរ៉ាវបែបនេះ សហព័ន្ធ​កីឡា​បាល់ទាត់ទ្វីបអឺរ៉ុប (UEFA) បាននិយាយកាលពីថ្ងៃចន្ទថា ការប្រកួត Europa League រវាងក្លិបតួកគី Besiktas ជាមួយក្លិប Maccabi Tel-Aviv របស់អុីស្រាអែល នៅថ្ងៃទី២៩ ខែវិច្ឆិកា នឹងត្រូវប្រកួតក្នុងទឹកដីអព្យាក្រឹតក្នុងប្រទេសហុងគ្រី។

ការប្រកួតនេះដើមឡើយនឹងត្រូវធ្វើការប្រកួតក្នុងទឹកដីក្រុម Besiktas ដែលមានមូលដ្ឋាននៅទីក្រុងអុីស្តង់ប៊ុល ប៉ុន្តែមុននេះរដ្ឋាភិបាលទួកគីបានសម្រេចចិត្តមិនធ្វើជាម្ចាស់ផ្ទះ។ ការសម្រេចចុងក្រោយគឺការប្រកួតនេះត្រូវលេងនៅកីឡដ្ឋាន Nagyerdei ក្នុងទីក្រុង Debrecen ប្រទេសហុងគ្រី ហើយការ​ប្រកួត​​បិទ​ទ្វារ​គ្មាន​អ្នក​គាំទ្រ​ចូលមើល៕

ប្រែសម្រួល៖ ផា រតនា

The post មូលហេតុ​ការប្រកួត Besiktas និង​ Maccabi Tel-Aviv លេងនៅទឹកដីកណ្ដាល appeared first on Kampuchea Thmey Daily.

ការ​លើក​ឡើង​របស់ Son បន្ទាប់ពីកីឡាករ Manuel Akanji និង Rodri របស់ក្លិប Manchester City ក៏​ដូច​ជា​អ្នកចាំទី Allison របស់ Liverpool​បាន​ប្រតិកម្ម​ ចំពោះ​ការសម្រេចចិត្ត​ក្នុង​ការផ្លាស់ប្តូររូបមន្ដថ្មី។

កីឡាករ Son បាននិយាយថា៖«យើងមិនមែនជាមនុស្សយន្តទេ។ ខ្ញុំគិតថា យើងត្រូវតែ​ពិចារណា​ឡើងវិញ ហើយត្រូវតែកាត់បន្ថយការប្រកួតខ្លះ ហើយបង្កើនគុណភាពនៃការប្រកួត​ជាងមុន។ នេះជាអ្វីដែលគួរគិតឡើងវិញ។ វាពិតជាការមានប្រកួតច្រើន ការធ្វើដំណើរច្រើន ពី​ព្រោះ​យើងត្រូវការពេល​ថែ​រក្សា​ខ្លួន ពេលខ្លះ​​របួស​ ពេលខ្លះ​មាន​បញ្ហាផ្លូវចិត្ត ពេលអ្នកមិនទាន់ត្រៀមខ្លួនរួចរាល់ ​តើ​អ្នក​បង្ហាញ​ខ្លួន​នៅ​លើ​ទី​លាន​ដោយ​មាន​គុណភាព​បែប​ណា»។

ការលើកឡើងបែបនេះរបស់ កីឡាករ Son Heung-min ក្រោយកីឡាករជាច្រើនបាន​របួស។ ពួក​គេ​មិន​មាន​ពេល​សម្រាក​គ្រប់​គ្រាន់ ហើយ​​ត្រូវ​មាន​ភារកិច្ច​ជាមួយ​ជម្រើសជាតិ​ថែម​​ទៀត។

Son Heung-min បានបន្ថែមថា៖«ក្នុងនាមជាអ្នកគាំទ្របាល់ទាត់ អ្នកចង់ឃើញការប្រកួតដែលមានគុណភាព មិនមែនជាការប្រកួតច្រើន​នោះ​ទេ​ ហើយអ្នកក៏មិនចង់ឃើញមនុស្ស ឬកីឡាករជួបបញ្ហារបួសនោះទេ»៕

ប្រែសម្រួល៖ ផា រតនា

The post Son រិះគន់ការបង្កើនចំនួនការប្រកួតច្រើនហើយថាកីឡាករមិនមែនមនុស្សយន្ត appeared first on Kampuchea Thmey Daily.

ខ្សែ​ប្រយុទ្ធ​កូរ៉េ​ខាង​ត្បូងកីឡាករ Hwang Hee-chan ត្រូវបាន​រាយការណ៍​បានទទួលនូវការរើសអើងជាតិសាសន៍​អំឡុង​ពេល​ប្រកួត​មិត្តភាព​ជាមួយក្លិបអុីតាលី Como 1907 នៅទីក្រុង Marbella ប្រទេស​អេស្ប៉ាញ។

ក្លិប Como 1907 បាន​កត់​សំគាល់​ដោយ​គ្មាន​ការរើសអើងជាតិសាសន៍​ទេ។ វាគ្រាន់តែជាប្រតិកម្មរបស់កីឡាករ Wolves មួយចំនួនបានឃើញឧបទ្ទវហេតុនេះផ្ទុះឡើង ប៉ុន្តែយ៉ាងមិញក្រុម Wolves និងកីឡាករ Hwang ទទូចថា វាជារឿងរើសអើងជាតិសាសន៍ ហើយកំពុងធ្វើការជាមួយសមាគមបាល់ទាត់អង់គ្លេស ដើម្បីដោះស្រាយពាក្យបណ្តឹងរបស់ពួកគេជាផ្លូវការ និង​​ត្រូវបញ្ជូនរឿងនេះទៅសហព័ន្ធបាល់ទាត់ទ្វីបអឺរ៉ុប (UEFA) និងសហព័ន្ធបាល់ទាត់អុីតាលី។

ប៉ុន្ដែស្ថាប័នគ្រប់គ្រងបាល់ទាត់អឺរ៉ុប ធ្លាប់បានអះអាងថា ខ្លួនមិនមានអំណាចស៊ើបអង្កេតទេ ព្រោះវាមិនមែនជាការប្រកួតរបស់ក្នុង UEFA។ ក្រោយការលើឡើងបែបនេះ សហព័ន្ធបាល់ទាត់កូរ៉េខាងត្បូងបានសម្រេចបញ្ចូនរឿងនេះទៅសហព័ន្ធបាល់ទាត់ពិភពលោក។

សហព័ន្ធបាល់ទាត់កូរ៉េខាងត្បូងបានសរសេរលិខិតផ្ញើទៅសហព័ន្ធបាល់ទាត់ពិភពលោក ដោយសម្តែងការព្រួយបារម្ភយ៉ាងខ្លាំងអំពីអាកប្បកិរិយារើសអើងជាតិសាសន៍ដែលបានកើតឡើងលើកីឡាករ Hwang Hee-chan ក្នុងអំឡុងពេលការប្រកួតត្រៀមបើករដូវកាលនាពេលថ្មីៗនេះ។

ក្លិប Wolves បាននិយាយថា ឧបទ្ទវហេតុនេះបានកើតឡើងនៅពាក់កណ្តាល​វគ្គ​ទី២ ដោយខ្សែប្រយុទ្ធ Daniel Podence របស់ Wolves ត្រូវបានបណ្តេញចេញទីលាន ​បន្ទាប់​ពី​វាយកីឡាកររបស់ក្លិប Como 1907 ក្រោយមាន​ការ​រើសរើងលើមិត្តរួម​ក្រុម Hwang Hee-chan។

គ្រូបង្វឹក Gary O’Neil បានសួទៅរ Hwang ថា តើគាត់ចង់បោះបង់ការប្រកួតនេះ ឬអត់ បន្ទាប់ពីរឿងនេះកើតឡើង ប៉ុន្តែកីឡាករវ័យ២៨ឆ្នាំរូបនេះបានបដិសេធ។

កីឡាករ Hwang បានបង្ហោះនៅលើ Instagram ថា ៖«ការរើសអើងជាតិសាសន៍គឺមិនអាចអត់ឱនបានក្នុងកីឡា និងគ្រប់ទិដ្ឋភាពនៃជីវិត។ បន្ទាប់ពីកើតហេតុ បុគ្គលិក គ្រូបង្វឹក និងមិត្តរួមក្រុមរបស់ខ្ញុំបានប្រាប់ខ្ញុំភ្លាមៗថា ពួកគេនឹងចាកចេញពីទីលានជាមួយខ្ញុំ ប្រសិនបើចាំបាច់»៕

ប្រែសម្រួល៖ ផា រតនា

The post បាល់ទាត់​កូរ៉េ​ខាង​ត្បូង ប្តឹង​ទៅ FIFA ករណីរើសអើងជាតិសាសន៍ appeared first on Kampuchea Thmey Daily.

ប្រទេសស្វីសទទួលបានសិទ្ធិរៀបចំព្រឹត្តិការណ៍ EURO នារី ឆ្នាំ២០២៥ ដែល​ត្រូវ​បាន​គេ​រំពឹង​ថា នៅ​ទីនោះនឹងក្លាយជាកន្លែងធ្វើឲ្យអ្នកចូលរួមទស្សនាទទួលអារម្មណ៍ប្លែក​មិនធ្លាប់មាន។ ស្វីស​​ជាប់ឈ្មោះជាប្រទេស​មានសុវត្ថិភាពហើយជាពិសេសមាន​ទេសភាព និងបរិស្ថានស្រស់ស្អាត​បំផុត។

សំបុត្រ​ជាង៧២០,០០០សន្លឹកនឹងត្រូវបានដាក់លក់នៅថ្ងៃទី១ ខែតុលា ខាងមុខនេះនៅ​ភ្នំ​ Jungfraujoch ដែល​តំបន់​ទេសចរណ៍​ដ៏​ល្បីល្បាញបំផុតមួយរបស់ប្រទេសស្វីស និងមានស្ថានីយ៍រថភ្លើង​ខ្ពស់បំផុតនៅអឺរ៉ុប​គឺ​​មាន​កម្ពស់​៣,៤៥៤​ម៉ែត្រ​ពី​នីវ៉ូទឹកសមុទ្រ។

លោក Aleksander Čeferin ប្រធានសហព័ន្ធបាល់ទ្វីបអឺរ៉ុបបាននិយាយថា ៖«យើងមានគោលបំណងដើម្បីអភិវឌ្ឍការប្រកួតកីឡាផ្នែកនារីបន្ថែមទៀតសម្រាប់ក្រុមជម្រើសជាតិ ហើយ EURO នារី នាពេលខាងមុខនឹងក្លាយជាជំហានដ៏អស្ចារ្យ។ យើងរំពឹងថា នឹងមានការប្រកួតដ៏អស្ចារ្យដើម្បី​បង្កើតកេរ្តិ៍ដំណែលយូរអង្វែងនៅក្នុងប្រទេសស្វីស»។

លោកស្រី Dominique Blanc ប្រធាន​សមាគម​កីឡាបាល់ទាត់​ស្វីស បាននិយាយថា​ ៖«EURO នារី ឆ្នាំ២០២៥ កាន់តែខិតជិតមកដល់។ ឥឡូវនេះយើងនៅសល់តែមួយឆ្នាំទៀតប៉ុណ្ណោះ។ យើងត្រៀមរួចរាល់ជាមួយផែនការសម្រាប់ទីក្រុងត្រូវធ្វើការប្រកួត ហើយ​អាជ្ញាធរក្នុងតំបន់ យើងនឹងធានាថា ផ្តល់ជូនអ្នកគាំទ្រនូវ​ឆ្នាំ​ដ៏​​ដ៏អស្ចារ្យ»៕

ប្រែសម្រួល៖ ផា រតនា

The post ប្រធាន UEFA ថា EURO នារី ឆ្នាំ២០២៥ នឹងក្លាយជាព្រឹត្ដិការណ៍ធំបំផុត appeared first on Kampuchea Thmey Daily.

កីឡាករ Marco Reus និង Mats Hummels ជាកីឡាករដំបូងបង្អស់ ក្នុងប្រវត្តិសាស្រ្ដក្លិប Borussia Dortmund ដែល​បានជួយឲ្យក្រុមឡើងទៅវគ្គផ្ដាច់ព្រ័ត្រ២លើក។ ពួក​គេ​បាន​ជួយ​ក្រុម​ឡើងវគ្គផ្ដាច់ព្រ័ត្រ UEFA Champions League កាល​ពី​ឆ្នាំ២០១៣ ប៉ុន្តែពួក​គេ​បានត្រឹមជើងឯករងក្រោយចាញ់ក្រុម Bayern Munich។ រយៈ​ពេល​​១១ឆ្នាំក្រោយមក សមាជិកក្រុម​កាល​ពី​ពេល​នោះ សល់​តែ​​២​រូប​ប៉ុណ្ណោះ​គឺ​ Marco Reus និង Mats Hummels ដែល​បន្ត​បន្ត​នៅ​ជា​មួយ​ Dortmund ​ ហើយ​បាន​ជួយ​ក្រុម​ឡើង​វគ្គ​ផ្តាច់​ព្រ័ត្រ UEFA Champions League ម្តង​ទៀត។

បើនិយាយពីប្រវត្តិក្នុងការឡើងទៅវគ្គផ្ដាច់ព្រ័ត្រ​ UEFA Champions League របស់ក្រុម Dortmund ធ្លាប់ឡើង​៣​ដង​គឺ​​ឆ្នាំ១៩៩៧​, ២០១៣ និងឆ្នាំ២០២៤។ នៅ​ឆ្នាំ​ដែល​បាន​ឡើង​វគ្គ​ផ្តាច់​ព្រ័ត្រ​ជា​លើក​ដំបូង ពួក​គេ​បាន​ឈ្នះ​ជើង​ឯក បន្ទាប់​ពី​បាន​យក​ឈ្នះក្រុម​ខ្លាំង​អ៉ីតាលី Juventus ដោយ​លទ្ធផល ៣-១។

រឿងដែលមិនគួរឲ្យជឿសម្រាប់កីឡាករ Marco Reus និង Mats Hummels មួយ​ទៀត​នោះ​គឺ​ពួក​គេ​នឹងត្រូវលេងវគ្គ​ផ្តាច់​ព្រ័ត្រ​នៅកីឡដ្ឋាន Wembley ប្រទេសអង់គ្លេស ជា​កន្លែង​ដែល​ពួក​គេ​បាន​ចាញ់ Bayern Munich ដោយ​លទ្ធផល ១-២​ កាល​ពី​ឆ្នាំ​២០១៣។

ប្រែសម្រួល៖ ផា រតនា

The post Reus និង Hummels ជាកីឡាករដំបូងជួយ Dortmund ឡើងវគ្គផ្ដាច់ព្រ័ត្រ UCL ២លើក appeared first on Kampuchea Thmey Daily.