ក្នុងនាមជាអ្នកនិយមកីឡាគុនចម្រុះក៏ដូចជាកីឡាកាស លោក ត្រាំ បានបង្ហាញគម្រោងនេះក្នុងសុន្ទរកថាមួយនៅឯរដ្ឋ Iowa គ្រាន់តែមិនទាន់ប្រាប់ច្បាស់ប៉ុណ្ណោះថានឹងរៀបចំនៅផ្នែកខាងណានៃសេតវិមាន ប៉ុន្តែព័ត៌មាននេះក៏មានការបញ្ជាក់ពីអ្នកនាំពាក្យ UFC ប្រាប់ទៅសារព័ត៌មាន CBS News កាលពីថ្ងៃព្រហស្បតិ៍ទី៣ខែកក្កដា ផងដែរ។

លោកត្រាំនិយាយថា «យើងនឹងមានព្រឹត្តិការណ៍អស្ចារ្យមួយចំនួន។ ព្រឹត្តិការណ៍អាជីពខ្លះ និងព្រឹត្តិការណ៍ស្ម័គ្រចិត្តខ្លះ ប៉ុន្តែការប្រកួត UFC នឹងក្លាយជាព្រឹត្តិការណ៍ដ៏ធំផងដែរ។ វានឹងជាការប្រកួតដណ្តើមជើងឯក ការប្រយុទ្ធដ៏ធំជាមួយអ្នកទស្សនា ២០ ០០០ឬ ២៥ ០០០នាក់»។ 

សូមជម្រាបថា សហរដ្ឋអាមេរិកបានប្រកាសឯករាជ្យរបស់ខ្លួនពីចក្រភពអង់គ្លេសនៅឆ្នាំ១៧៧៦។ ជារៀងរាល់ឆ្នាំ សហរដ្ឋអាមេរិក បានអបអរទិវានេះដោយការបាញ់កាំជ្រួចនៅទូទាំងទីក្រុង និងទីប្រជុំជននានា។

លើសពីនេះ ក៏មានការដង្ហែក្បួនធំៗ ដែលចូលរួមដោយក្រុមតន្ត្រីផងដែរ ហើយមនុស្សម្នាក់មកពីសហគមន៍ផ្សេងៗបាននាំគ្នាអបអរ និងបង្ហាញពីនិមិត្តសញ្ញាជាតិ។

តាមផ្ទះនិងអាជីវកម្មជាច្រើន ត្រូវបានតុបតែងដោយទង់ជាតិអាមេរិក និងរបស់របរដែលមានពណ៌ក្រហម ស និងខៀវ ចំណែកកន្លែងខ្លះ អ្នកនយោបាយ និងមន្ត្រីសាធារណៈបានថ្លែងសុន្ទរកថាដើម្បីរំលឹកពីប្រវត្តិសាស្ត្រ និងឧត្តមគតិរបស់ជាតិ៕

អត្ថបទ៖ សុខ សុវណ្ណ

ចុចអាន៖ លោក ត្រាំ ប្រាប់ថា ជំនួប​តាម​ទូរសព្ទ​ជាមួយ ពូទីន «គ្មាន​បាន​សាច់ការ​អី​ទេ»

The post ត្រាំ នឹងរៀបចំការប្រកួត UFC នៅសេតវិមាន  appeared first on Kampuchea Thmey Daily.

ទាក់ទងនឹងរឿងខាងលើ សែន ចន្ទរិទ្ធីគុន បានបង្ហោះសំណេរនៅលើបណ្តាញសង្គមកាលពីពេលថ្មីៗនេះថា៖ «ខ្ញុំបានត្រឡប់មកដល់ប្រទេស ប្រេស៊ីល វិញហើយ ដើម្បីហ្វឹកហាត់ជាមួយក្រុមដ៏ល្អបំផុតក្នុងពិភពលោក Fight Nerd ជាមួយនឹងអ្នកប្រយុទ្ធដ៏ខ្លាំងបំផុតបច្ចុប្បន្ន។ នេះវាជាការត្រៀមខ្លួនរបស់ខ្ញុំ ដើម្បីលើកកិត្តិយសជូនកម្ពុជា។ ខ្ញុំនឹងប្រឹងឱ្យអស់ពីសមត្ថភាព ដោយគ្មានការរុញរាឡើយ»។

គួរដឹងថា សែន ចន្ទរិទ្ធីគុន គឺជាអ្នកប្រដាល់តំណាងឱ្យគុនខ្មែរ ហើយគាត់ គឺមានសមត្ថភាពប្រកួត ទាំងលក្ខណៈក្បាច់គុនចម្រុះ (MMA) និងគុនខ្មែរ៕

អត្ថបទ៖ សេម កុសល

The post Thiago ដាក់គោលដៅពាក់ទង់ជាតិកម្ពុជា ប្រកួតនៅ UFC ដោយ​សម្ងំហាត់​នៅ​ប្រេស៊ីល appeared first on Kampuchea Thmey Daily.

ព័ត៌មាននៃការស្លាប់របស់គាត់ត្រូវបានចែករំលែក ដោយមិត្តភក្តិនៅលើប្រព័ន្ធផ្សព្វផ្សាយសង្គមរួមទាំងគ្រូបង្វឹក Cristiano Lazzarini និង Vinicius Magalhaes។ ចំពោះមូលហេតុ​នៃ​ការ​ស្លាប់​មិន​ត្រូវ​បាន​គេ​បង្ហាញឲ្យ​ដឹង​ឡើយ។

Guilherme Bomba បានចាប់ផ្តើមអាជីព MMA ដំបូងនៅក្នុងការប្រកួតនៅទីក្រុង Rio de Janeiro ប្រទេសប្រេស៊ីលជាមួយនឹងជ័យជម្នះលើកីឡាករជើងចាស់ Wendell Oliveira។ រូបគេត្រូវអ្នកគាំទ្រកាន់តែស្គាល់ខ្លាំងនៅក្នុង​ឆ្នាំ២០១៤ បន្ទាប់ពីយកឈ្នះកីឡាករ Elizeu Zaleski។ ក្រោយ​មក​កីឡាករ​ទាំង​ពីរ​បាន​ទៅ​ប្រកួត​នៅ​សង្វៀន UFC ។

គ្រូ​បង្វឹករបស់កីឡាករ Guilherme Bomba លោក Lazzarini បាន​សរសេរលើ​បណ្ដាញ​សង្គម​ថា ៖«ក្នុង​ចំណោម​សិស្ស​ទាំង​អស់​ដែល​ខ្ញុំ​មាន អ្នក​គឺ​ជា​អ្នក​ក្លាហាន​បំផុត។ ជាពិសេសគ្មានការភ័យខ្លាចនិងមិនខ្លាច​បរាជ័យ។ អ្នកប្រៀបដូចជាម៉ាស៊ីនដែលយកឈ្នះអ្វីៗគ្រប់យ៉ាង។ ក្នុងការប្រកួត MMA ដំបូងរបស់អ្នកគឺបានយកឈ្នះកីឡាករដែលប្រកួតឈ្នះ១០លើកជាប់គ្នា និងធ្លាប់ប្រកួត១៩លើក។ គ្រាដ៏រីករាយបំផុតក្នុងជីវិតរបស់ខ្ញុំក្នុងវិស័យកីឡាគឺ​យើងមានដំណើរកម្សាន្តជាមួយ​គ្នា ផ្ដើមពីប្រកួតពីខ្សែក្រវាត់ពណ៌ខៀវដល់ខ្សែក្រវាត់ខ្មៅ។ ខ្ញុំស្រលាញ់អ្នកខ្លាំងណាស់»។

ក្រៅពីអាជីព​ប្រដាល់ កីឡាករ Vasconcelos ទទួលបានការចាប់អារម្មណ៍ពី​ទំនាក់ទំនងស្នេហា​ជាមួយតារាចម្រៀង Demi Lovato ក្នុងឆ្នាំ២០១៧។ លោក​បានបញ្ចប់អាជីព MMA នៅឆ្នាំ២០១៩ ជាមួយនឹងកំណត់ត្រាឈ្នះ៣ដងក្នុងការប្រកួតនៅសង្វៀន Bellator ចំនួន៦លើក៕

ប្រែសម្រួល៖ ផា រតនា

The post កីឡាករគុនចម្រុះប្រេស៊ីល Bomba ទទួល​មរណភាព​ក្នុងវ័យ៣៨ឆ្នាំ appeared first on Kampuchea Thmey Daily.

១. កីឡាករ Conor McGregor

កំពូល​អ្នក​ប្រយុទ្ធ​ក្នុង​ទ្រុង Conor McGregor មានទ្រព្យសម្បត្តិច្រើនជាងគេបំផុតនៅលើពិភពលោក។ កីឡាករជនជាតិអៀរឡង់​​​​ជាអតីតជើងឯក UFC បានបង្កើតប្រវត្តិសាស្ត្រជាអ្នកប្រដាល់នៅសង្វៀន UFC លើកដំបូង​ ដែល​បាន​​គ្រង​ខ្សែក្រវាត់២ប្រភេទទម្ងន់​ផ្សេង​គ្នាក្នុងពេលតែមួយ។ លោក​ត្រូវបានគេប៉ាន់ស្មាន​មាន​ប្រាក់​រហូត​២០០លានដុល្លារ។

២. កីឡាករ Khabib Nurmagomedov

Khabib Nurmagomedov ជាអតីតអ្នកប្រដាល់គុនចម្រុះអាជីពដែលបាន​ចូលនិវត្តន៍កាលពីឆ្នាំ២០២០។ លោក​​បានប្រកួត​ក្នុង​ទម្ងន់ស្រាលនៅ​ UFC ដែល​គ្រប់​គ្រង​ខ្សែក្រវាត់ទម្ងន់​ Lightweight ​បានយូរបំផុត។ តាមការប៉ាន់ស្មានទ្រព្យសម្បត្តិរបស់ Khabib មានប្រមាណ៤០លានដុល្លារ។

៣. កីឡាករ Georges St-Pierre

Georges St-Pierre ជាតារាសម្តែង និងជាអតីតកីឡាករ​គុនចម្រុះអាជីពល្បីនៅស្ថាប័ន UFC ។ មនុស្ស​ជា​ច្រើន​ចាត់​ទុក​លោក​​ជា​អ្នក​ប្រយុទ្ធ​ដ៏​អស្ចារ្យ​ម្នាក់​ក្នុង​ប្រវត្តិសាស្ត្រ​​គុន​ចម្រុះ។ លោក​ត្រូវបានគេស្គាល់ជាទូទៅ​ជា GSP នៅក្នុងពិភពកីឡា។ តាមប៉ាន់ស្មានទ្រព្យសម្បត្តិរបស់​លោក​​មាន​ប្រមាណ៣០លានដុល្លារ។

៤. កីឡាករ Brock Lesnar

Brock Edward Lesnar ជាបុរសពហុជំនាញ​ដែល​ធ្លាប់ជាអ្នកចំបាប់ ​កីឡាករ​គុនចម្រុះ ជា​អ្នក​កីឡាកាស និង​ជា​កីឡាករបាល់អោប​របស់អាមេរិក។ ទោះបីជា​លោក​ទទួល​បាន​ជោគជ័យទាំង​កីឡា​បាល់អោប និង UFC ប៉ុន្តែ​លោក​ត្រូវបានគេស្គាល់​ខ្លាង​ពាក់​ព័ន្ធ​នឹង​​អាជីព​កីឡាកាសនៅសង្វៀន WWE ។ ទ្រព្យសម្បត្តិរបស់ Brock ត្រូវគេប៉ាន់ស្មានថា​មាន​ប្រមាណ២៨លានដុល្លារ។

៥. កីឡាករ Anderson Silva

Anderson Silva ជាកីឡាករជោគជ័យបំផុតមួយរូបក្នុងការប្រកួត​គុនចម្រុះ។ លោក​ត្រូវបានគេស្គាល់​ជាបុរសពីងពាង នៅក្នុងពិភពកីឡា។ លោក​មានកំណត់ត្រាល្អបំផុតក្នុងអាជីព ក្រោយគ្រប់គ្រងខ្សែក្រវាត់ទម្ងន់​ Middleweight ​បាន​យូរជាងគេ។ ទ្រព្យសម្បត្តិរបស់​លោក​មានប្រមាណ១៨លានដុល្លារ៕

ប្រែសម្រួល៖ ផា រតនា​

The post កីឡាករគុនចម្រុះ៥រូបមានទ្រព្យសម្បត្តិច្រើនបំផុតក្នុងលោក appeared first on Kampuchea Thmey Daily.

ឆ្នាំ​២០១៧ ជា​ពេល​វេលា​ ដែលកីឡាករ Conor McGregor រកប្រាក់ចំណូលបានច្រើនបំផុត។ ពេលនោះ​លោក​រកបាន​ប្រាក់ចំនួន ១០លានដុល្លារ ពីការប្រកួតប្រភេទ Crossover ជាមួយកីឡាករប្រដាល់​សកល​ Floyd Mayweather។ ទោះបីជាយ៉ាងនេះក្តី​ក្នុង​រយៈពេលជាង២ឆ្នាំហើយ​ដែល​រូបនេះ​មិន​បាន​ប្រកួត​ដើម្បីរកប្រាក់ចំណូលប្រជែងក្នុងបញ្ជីជាអត្តពលិកមាន​ទ្រព្យ​សម្បត្តិច្រើន​បំផុត​នៅលើពិភពលោក។ មុនការវិលត្រឡប់ចូលសង្វៀន​សាជាថ្មី ទ្រព្យសម្បត្តិ​សរុប​របស់ McGregor ត្រូវបានគេប៉ាន់ស្មានថាមានប្រហែល២០០លានផោន។

ឆ្នាំ២០២១ McGregor បានជាប់ចំណាត់ថ្នាក់កំពូលក្នុងបញ្ជីអត្តពលិកអ្នកមាន​ទ្រព្យ​ច្រើន​បំផុត​របស់ទស្សនាវដ្ដី Forbes។ ប្រភព​ចំណូល​សំខាន់​គឺ​​អាជីវកម្មស្រាវីស្គីដ៏ជោគជ័យរបស់ខ្លួនទៅឱ្យ Proximo Spirits ក្នុងតម្លៃ​៦០០​លានដុល្លារ។ ទោះបីជាយ៉ាងណា ការ​របួស​ពេល​ប្រកួត​ UFC 264 ក្នុងខែកក្កដា ឆ្នាំ២០២១ កីឡាករវ័យ៣៥ឆ្នាំរូបនេះមិនអាចរក​ចំណូល​ពី​ការ​ឡើង​សង្វៀន​ទេ ហើយបានធ្លាក់មក​លេខ​៣៣ក្នុងបញ្ជីទស្សនាវដ្ដី Forbes។

ការវិលត្រឡប់​វិលចូលសង្វៀនវិញ McGregor ប្តេជ្ញាថា នឹងប្រជែងជាមួយ​អត្តពលិកមានទ្រព្យសម្បត្តិច្រើនបំផុតគឺលោក Michael Jordan។ លោក Jordan ត្រូវបានគេចាត់ទុក​ជាអ្នកលេងបាល់បោះដ៏អស្ចារ្យបំផុតរក​ចំណូល​បានប្រមាណ​១០០លានដុល្លារ ក្នុងអាជីព​រយៈ​ពេល​១៩ឆ្នាំ។ បុរសវ័យ៦០ឆ្នាំរូបនេះបានរកចំណូលច្រើនបំផុតតាមរយៈការសហការជាមួយក្រុមហ៊ុន Air Jordan របស់​លោក​ជាមួយក្រុមហ៊ុន Nike ហើយត្រូវបានគេជឿថា មានទ្រព្យសម្បត្តិសរុប​២ពាន់លានដុល្លារ។

កីឡាករ Conor McGregor បាននិយាយ​ក្នុងបទសម្ភាស​មួយ​ថា ៖«វាជាការជំរុញ​ទឹក​ចិត្តមួយដោយមើលឃើញ លោក Michael Jordan ស្ថិតនៅលំដាប់កំពូលក្នុងតារាង​អត្តពលិកជាទ្រព្យសម្បត្តិច្រើន។ គាត់​មាន​ស្បែក​ជើង​ម៉ាក​ Jordan ដែល​មាន​តម្លៃរាប់ពាន់លានដុល្លារ។ ខ្ញុំ​គិត​ថា​ វា​មានប្រហែល​ជា ៣.៣​ពាន់​លាន​ដុល្លារ​ដែល​គាត់​រកបាន»។

កីឡាករ​​គុន​ចម្រុះ​បន្ត​រៀប​រាប់​ថា ៖«ខ្ញុំ​កំពុងខិត​​ជិត​ទៅ​រក​ទឹកប្រាក់១ពាន់លានដុល្លារ។ ខ្ញុំ​គិត​ថា​ ខ្ញុំ​មាន​ប្រហែល៦៥០​លាន​ដុល្លារ​តាម​​អ្វី​ដែល​ខ្ញុំ​​អាច​ធ្វើបាន។ ខ្ញុំគិតថា ពួកគេក៏កំពុង​គិត​រឿងនេះ។ ខ្ញុំប្រហែលជាត្រូវធ្វើការត្រួតពិនិត្យផ្ទាល់ខ្លួនអំពីរឿងនោះដែរ។ ខ្ញុំក៏រំពឹងថា ខ្ញុំនឹងមាន​ឱកាស​រំកិលខ្លួនក្នុងតារាងបញ្ជីនោះ។ វាពិតជារឿងដែលរីករាយដែលមើលឃើញគោលដៅ​ខ្លនឯងក្នុងទស្សនាវដ្ដី Forbes ជាអត្តពលិក​មាន​ទ្រព្យ​សម្បត្តិ​ច្រើន​ជាងគេបំផុតប្រចាំឆ្នាំ»៕

ប្រែសម្រួល៖ ផា រតនា
ប្រភព៖ Talksport

The post McGregor ដាក់គោលដៅផ្តួល Jordan ក្នុងបញ្ជីអត្តពលិកមានទ្រព្យច្រើនបំផុត appeared first on Kampuchea Thmey Daily.

ចំពោះការរួមបញ្ជូលនេះ ក្រុមហ៊ុន Endeavor នឹងកាន់កាប់ភាគហ៊ុន ៥១ ភាគរយនៅក្នុងក្រុមហ៊ុនកីឡាប្រយុទ្ធ និងការកម្សាន្តថ្មី ខណៈដែលភាគហ៊ុននៅដែលសល់ចំនួន ៤៩ ភាគរយគឺ WWE ជាអ្នកក្ដោបក្ដាប់ ។

តាមរយៈកិច្ចព្រមព្រៀង​នេះ ភាគហ៊ុនក្រុមហ៊ុនពាណិជ្ជកម្មសាធារណៈថ្មីមួយនេះ មានចំនួន ២១ ពាន់លានដុល្លារ ដោយក្នុងនោះ WWE និង UFC មានតម្លៃ ៩.៣ ពាន់លានដុល្លារ ខណៈ​កម្មសិទ្ធិរបស់ Endeavor មានចំនួន ១២.១ ពាន់លានដុល្លារ ។

ពាក់ព័ន្ធជាមួយក្រុមហ៊ុនថ្មីនេះ លោក Ari Emanuel នឹងកាន់កាប់ជានាយកប្រតិបត្តិ ខណៈលោក McMahon ដែលជាប្រធានប្រតិបត្តិស្ថាប័ន WWE ក៏មាន​តួនាទី​ដូច​គ្នា​ផងដែរក្នុង​ក្រុមហ៊ុន​ថ្មី​នេះ ។ ចំណែកលោក Dana White នឹងនៅតែជាប្រធាន UFC ដដែល ហើយចំពោះឈ្មោះនៃក្រុមហ៊ុនវិញ នឹងត្រូវប្រកាសនៅពេលក្រោយ ។

គួរឲ្យដឹងថា កន្លងមកស្ថាប័ន WWE មានតម្លៃទីផ្សារប្រហែល ៦.៥ ពាន់លានដុល្លារ ឯក្រុមហ៊ុន Endeavor មានទីផ្សារមូលប័ត្រប្រហែល ១០ ពាន់លានដុល្លារ ៕​

ប្រែសម្រួលដោយ ៖ នាង រតនៈ

ប្រភព ៖ CNBC

The post WWE និង UFC រួមបញ្ចូលគ្នាបង្កើតក្រុមហ៊ុនកីឡាថ្មីមួយ appeared first on Kampuchea Thmey Daily.

​ការ​បង្ហោះ​លើ​បណ្តាញ​ទំនាក់ទំនង​សង្គម​ផ្លូវការ​របស់ ONE នេះ​បានធ្វើ​ឲ្យ​មានការ​ចាប់អារម្មណ៍ និង​បញ្ចេញ​មតិយោបល់​ច្រើន ពីព្រោះ​បុរស​ទាំងពីរ​នេះ​ជា​កំពូល​មនុស្ស​ ដែល​បង្កើត​ស្ថាប័ន​ប្រដាល់​ធំ​បំផុត​លំដាប់​ពិភពលោក​ ដើម្បី​ក្លាយជា​សមរភូមិ​អ្នក​គុន​និយម​គ្រប់រូប​មកពី​ទូទាំង​ពិភពលោក​។​

​លោក Dana White ជា​នរណា​?

​លោក Dana White កើត​នៅ​ឆ្នាំ​ ១៩៦៩​ នៅ​ប្រទេស​អង់គ្លេស ជា​សហគ្រិន​អាមេរិក និង​ជា​ប្រធាន​ស្ថាប័ន​ប្រដាល់​គុន​ចម្រុះ​កំពូល​នៅ​អាមេរិក​ក៏ដូចជា​ទូទាំង​ពិភពលោក​គឺ Ultimate Fighting Championship ដែល​ត្រូវបាន​គេ​ស្គាល់​ថា UFC​។​

​ស្ថិតក្រោម​ការដឹកនាំរ​ប​ស់លោក Dana White ស្ថាប័ន​ប្រដាល់​ក្នុង​ទ្រុង UFC បាន​រីក​ធំធាត់ និង​ល្បីល្បាញ​ទូទាំង​ពិភពលោក​។ បង្កើតជា​ផ្លូវការ​នៅ​ឆ្នាំ​ ១៩៩៣ ស្ថាប័ន​នេះ​មាន​ទុនវិនិយោគ​រាប់ពាន់​លាន​ដុល្លារ​អាមេរិក​។​

​កាលពី​ឆ្នាំ​ ២០១៩ លោក Dana White ត្រូវបាន​គេ​ប៉ាន់ស្មាន​មានទ្រព្យ​សម្បត្តិ​ប្រមាណ​ ៥០០​ លាន​ដុល្លារ​អាមេរិក​។ លោក​ធ្លាប់​ហាត់​ប្រដាល់សកល​តាំងពី​អាយុ​ ១៧ ​ឆ្នាំ ហើយ​បន្ទាប់មក​ធ្វើជា​គ្រូបង្ហាត់​ប្រដាល់សកល​ដើម្បី​សុខភាព​។ ក្រៅពី​លេចធ្លោ និង​ជោគជ័យ​នៅ​ស្ថាប័ន​គុន​ចម្រុះ UFC លោក​ក៏​ពាក់ព័ន្ធ​នឹង​ការផ្គូផ្គង​ឲ្យ​មានការ​ប្រកួត​រវាង​ជើងឯក​ប្រដាល់សកល Floyd Mayweather ជាមួយ​កំពូល​អ្នកលេង​គុន​ចម្រុះ Conor McGregor ផងដែរ​។

​លោក Chatri Sityodtong ជា​នរណា​?

​លោក Chatri ជា​ជនជាតិ​ថៃ​កើត​នៅ​ឆ្នាំ​១៩៧១​ជា​សហគ្រិន និង​ជា​អតីត​កីឡាករ​ប្រដាល់​មួយរូប​។ លោក​ត្រូវបាន​គេ​ស្គាល់ និង​ល្បីល្បាញ​តាមរយៈ​ស្ថាប័ន​ប្រដាល់​ធំ​បំផុត​នៅ​អាស៊ី ក៏ដូចជា​ទូទាំង​ពិភពលោក ONE Championship ដែលមាន​ទឹកប្រាក់​វិនិយោគ​រាប់ពាន់​លាន​ដុល្លារ​អាមេរិក​។​

​ទើបតែ​បង្កើត​នៅ​ឆ្នាំ ​២០១១ ​ពោលគឺ​ ១០​ ឆ្នាំ​ប៉ុណ្ណោះ ស្ថិតក្រោម​ការដឹកនាំរ​ប​ស់លោក Sityodtong ស្ថាប័ន ONE រីកចម្រើន​ធំធាត់​យ៉ាង​ឆាប់រហ័ស​រហូត​ជាប់​ក្នុងចំណោម​កំពូល​ស្ថាប័ន​កីឡា​ទាំង​ ១០​លើ​លោក​។ នេះ​បើ​យោងតាម Forbes

​លោក Chatri បាន​ជាប់​ឈ្មោះ​ជា​មនុស្ស​មាន​ឥទ្ធិពល​បំផុត​លំដាប់​ទី​ ២ ​ក្នុង​វិស័យ​កីឡា​នៅ​ទ្វីបអាស៊ី​របស់ FOX Sports​។ ក្រៅពី​បង្កើត​ស្ថាប័ន ONE បុរស​ជនជាតិ​ថៃ​រូបនេះ​ ក៏​ជា​អ្នកបង្កើត​កម្មវិធី​កម្សាន្ត​ប្រើ​ប្រាជ្ញា The Apprentic: ONE Championship Edition ផងដែរ​។​

​កាលពី​ក្មេង លោក Chatri ហ្វឹកហាត់​កីឡាប្រដាល់​មួយ​ថៃ និង​មាន​បទពិសោធ​ប្រដាល់​ ៣៥ ​ឆ្នាំ​។ ក្រៅពីនេះ​លោក​បាន​ហ្វឹកហាត់​ជំនាញ​ជឺ​ជី​តស៊ូ​របស់​ទទួលបាន​ខ្សែក្រវាត់​ប្រផេះ​ទៀតផង​៕

​

The post ញាក់សាច់! មានការផ្គូផ្គងឲ្យមេ ONE ប្រកួតជាមួយមេ UFC appeared first on Kampuchea Thmey Daily.