សម្រាប់ស្រាបៀរ ​ថៃហ្គ័រ ភាពឆ្ពោះទៅមុខជាមួយគ្នា មិនមែនជាសកម្មភាពទោលទេ។ ភាពជាដៃគូនេះមានគោលបំណងនាំយកសិល្បករដែលពោពេញដោយសមត្ថភាពបំផុតរបស់ប្រទេសកម្ពុជាទៅកាន់ឆាកអន្តរជាតិដោយឆ្លុះបញ្ចាំងពីការប្តេជ្ញាចិត្តរបស់ស្រាបៀរ ​ថៃហ្គ័រ ក្នុងការគាំទ្រតន្ត្រីខ្មែរ។ លោក VannDa បាន​បំបែក​កំណត់​ត្រា​ដោយ​ក្លាយ​ជា​តារា​រ៉េបនៅតំបន់​អាស៊ី​អាគ្នេយ៍​ដំបូង​គេ​ដែល​​បាន​ចូល​រួម​សម្ដែង​ក្នុងកម្មវិធីបិទកីឡា​អូឡាំពិក​នៅទីក្រុង​ប៉ារីស ហើយ​លោកមាន​បំណងឆ្ពោះ​ទៅមុខ​កាន់​តែ​ខ្លាំង​ថែម​ទៀត។

តាមរយៈភាពជាដៃគូតន្ត្រីដែលមានរយៈពេលមួយឆ្នាំនេះ ស្រាបៀរថៃហ្គ័រ នឹងជំរុញឱ្យលោក VannDa បន្ថែមជាមួយនឹងការប្រគុំតន្រ្តី Super Concert លើកដំបូងបង្អស់ក្នុងប្រទេសកម្ពុជាដោយនឹងកំណត់ស្តង់ដាថ្មីសម្រាប់ការសម្តែងនៅក្នុងប្រទេស។ ក្រៅពីប្រទេសកម្ពុជា លោក VannDa នឹងនាំយកតន្ត្រីរបស់លោកទៅកាន់ឆាកអន្តរជាតិ ជាមួយនឹងការសម្តែងជាសកលធំៗ ដោយណែនាំពិភពលោកឱ្យស្គាល់ពីថាមពល សមត្ថភាព និងទេពកោសល្យរបស់ហ៊ីបហបនៅកម្ពុជា។

ថ្លែងក្នុងសន្និសីទសារព័ត៌មានប្រារព្ធពិធីសម្ពោធនេះ លោក VannDa បានមានប្រសាសន៍ថា «ខ្ញុំពិតមានជាមានកិត្តិយស និងរីករាយមែនទែន ដែលក្រុមហ៊ុន Tiger បានមើលឃើញពីឆន្ទៈតន្ត្រីរបស់ខ្ញុំ និងផលិតកម្មបារមី ហើយចូលរួមដំណើរជាមួយពួកយើង ក្នុងនាមជាដៃគូសហការដើម្បីធ្វើឱ្យវិស័យតន្ត្រីកាន់តែឈានទៅមុខ ហើយបន្តឡើងកាន់តែខ្ពស់លើឆាកអន្ត្រជាតិ ហើយក៏សូមអរគុណដែលចូលរួមជាចំណែកធំមួយដើម្បីធ្វើឱ្យអាល់ប៊ុមទី ៣ របស់ខ្ញុំ “ត្រីវិស័យ” កាន់តែពិសេសឡើង។ អាល់ប៊ុម ត្រីវិស័យ ខ្ញុំបានចំណាយពេលវេលាជាច្រើនឆ្នាំ ទាំងកម្លាំងកាយ និងកម្លាំងចិត្ត នៅក្នុងអាល់ប៊ុមនេះ ខ្ញុំបានបញ្ចូលរសជាតិ អារម្មណ៍​និងចង្វាក់ថ្មីៗ សម្រាប់អ្នកគាំទ្ររបស់ខ្ញុំ​។ អរគុណទៅកាន់ Tiger ដែលបានគាំទ្រចក្ខុវិស័យ មួយនេះ ហើយជឿជាក់មកលើខ្ញុំ និងផលិតកម្មបារមី។ យើងសង្ឃឹមថាអ្វីដែលយើងនឹងធ្វើជាមួយគ្នាជួយជំរុញមនុស្សជំនាន់ក្រោយឱ្យហ៊ានសុបិនកាន់តែធំ និងធ្វើរឿងអស្ចារ្យបន្តទៀត ដើម្បីវិស័យតន្ត្រីយើង»។

កិច្ចសហការរបស់ Tiger Beer និង Baramey មានគោលបំណងទាញយកថាមពលតន្ត្រីមកបង្រួបបង្រួមមនុស្ស ជំរុញក្តីសុបិន និងជំរុញការរីកចំរើនក្នុងប្រទេសកម្ពុជា និងក្រៅប្រទេស។ លោក Willem van den Wijngaart នាយកទីផ្សារ ហ៊ិននីគែន ខេមបូឌា បានមានប្រសាសន៍ថា «យើងជឿជាក់លើថាមពលតន្ត្រីដើម្បីភ្ជាប់ទំនាក់ទំនងមនុស្ស និងជំរុញលើកទឹកចិត្តទេពកោសល្យអ្នកជំនាន់ក្រោយ។ លោក VannDa គឺជាតំណាងដ៏ល្អឥតខ្ចោះនៃផ្នត់គំនិត «Uncage Your Tiger» ដែលជាសិល្បករដែលជំនះឧបសគ្គ តំណាងឱ្យស្មារតីក្លាហាន និងមិនចេះខ្លាចដែលនេះជាសកម្មភាពដែលយើងគាំទ្រ។ កិច្ចសហការរបស់ស្រាបៀរថៃហ្គ័រ ជាមួយផលិតកម្ម បារមី ផ្តល់ជាវេទិការដើម្បីស្វែងរក និងរៀបចំទេពកោសល្យកម្ពុជាឆ្ពោះទៅកាន់ឆាកអន្តរជាតិ»។

The Rapper ដែលជាកម្មវិធីប្រកួតប្រជែងតន្ត្រីដែលគ្រប់គ្នាទន្ទឹងរង់ចាំបំផុតរបស់កម្ពុជាក៏នឹងក្លាយជាផ្នែកសំខាន់នៃភាពជាដៃគូនេះផងដែរ។ ស្រាបៀរ Tiger® មានមោទកភាពក្នុងការក្លាយជាអ្នកឧបត្ថម្ភធំសម្រាប់រដូវកាលទី២ និងទី៣ ដោយជួយលើកតម្កើងទេពកោសល្យសិល្បករខ្មែរជំនាន់ក្រោយ។ ជាមួយនឹងរដូវកាលថ្មីនីមួយៗ ការប្រកួតប្រជែងនឹងនាំមកនូវថាមពលថ្មីដល់វិស័យនេះដោយផ្តោតលើតារាដែលកំពុងរះ និងជួយពួកគេឱ្យបន្តក្តីសុបិនរបស់ពួកគេនៅលើឆាកអន្តរជាតិ។

កញ្ញា ឡរា ម៉ម ជានាយិកាប្រតិបត្តិ និងសហស្ថាបនិកនៃផលិតកម្មបារមី បានមានប្រសាសន៍បន្ថែមថា «នាងខ្ញុំជំរាបជូនដំណឹង អំពីមូលហេតុ ដែលយើងបានសម្រេចចិត្ត មិនធ្វើជាទូតសុឆន្ទៈ តែបែជាជ្រើសយក ភាពជាដៃគូសហការ (partnership) ដើម្បីរួមសហការគ្នា រវាង ផលិតកម្ម បារមី វណ្ណដា និងក្រុមហ៊ុនTiger។ នាងខ្ញុំបានមើលឃើញ ភាពជោគជ័យរបស់ វណ្ណដា បានរីកចម្រើនឡើង គួជាទីពេញចិត្ត ក៏ដោយសារបានទទួល ការគាំទ្រខ្លាំងក្លាពី អ្នកគាំទ្រ»។  

កញ្ញាបានបន្តថា «អ្នកគាំទ្ររបស់ VannDa បានកើនឡើងយ៉ាងឆាប់រហ័ស ហើយមានគ្រប់អាយុ គ្រប់ជំនាន់ គ្រប់ភេទ ហើយយើងចង់ធានាថា សិល្បៈរបស់គាត់  អ្នកគាំទ្រគ្រប់គ្នា អាចទទួលយក ទៅកំសាន្តបាន។  នោះហើយ ជាមូលហេតុដែលយើងសម្រេចចិត្តធ្វើជាដៃគូសហការ ជាមួយ Tiger រាល់គ្រប់សកម្មភាព ប្រកបដោយទំនួលខុសត្រូវ និងបង្កើតរសជាតិថ្មី បទពិសោធថ្មី មានដូចជាការប្រគំតន្ត្រី និង ផលិតវីដេអូតន្ត្រី ជាដើម។ នាងខ្ញុំសូមអរគុណដល់ Tiger ដែលជាក្រុមហ៊ុន មានចក្ខុវិស័យ រួមធ្វើការ ជាមួយយើង ដើម្បីបង្កើន សិល្បៈតន្ត្រី អោយ បានដល់កំរិត ស្ដង់ដា អន្តរជាតិ។ នាងខ្ញុំសូមកោតសរសើរ ដែល Tiger មានភាពច្នៃប្រឌិត ភាពស្មោះត្រង់ និងបំណងប្រាថ្នាល្អ ពិតប្រាកដ ក្នុងការគាំទ្រ និងជំរុញវិស័យ តន្ត្រីខ្មែរឱ្យកាន់តែរីកចម្រើនឡើង»។

នៅឆ្នាំ ២០២៥ ស្រាបៀរថៃហ្គ័រនឹងបង្កើតវេទិកាកាន់តែច្រើនឡើងសម្រាប់ប្រជាជនកម្ពុជាក្នុងការបំផុស និងពង្រីកក្តីសុបិន ពួកគេ។ ម៉ាកយីហោនេះក៏បានប្រកាសពីត្រលប់មកវិញរបស់កម្មវិធី Tiger Street Football ដែលជាយុទ្ធនាការមួយដែលនឹងបំផុសថាមពល និងចំណង់ចំណូលចិត្តផ្នែកកីឡា ដែលជាប្រជាប្រិយបំផុតជុំវិញពិភពលោក។ អ្នកឈ្នះនឹងមានឱកាសដើម្បីធ្វើដំណើរទៅមើល Manchester United ដោយផ្ទាល់ ហើយស្រែកហូរកាន់តែខ្លាំង រួមជាមួយអ្នកគាំទ្រ Tiger មកពីជុំវិញពិភពលោក។

មិនថាជាម៉ោងបាល់ទាត់ ឬតន្ត្រីទេ ពេលវេលាទាំង២នេះ គឺជា Tiger Time (ពេលវេលា Tiger)។ ស្រាបៀរថៃហ្គ័រ គឺសម្តៅលើការនាំមនុស្សមករួមគ្នាដើម្បីបំផុសនូវចំណង់ចំណូលចិត្តដ៏ក្លាហានសម្រាប់ការឆ្ពោះទៅមុខរួមគ្នា។ សូមរង់ចាំតាមដានបន្ថែមទៀតនៅទំព័រប្រព័ន្ធផ្សព្វផ្សាយសង្គមរបស់ស្រាបៀរថៃហ្គ័រ។

អំពីស្រាបៀរ Tiger

Tiger® ត្រូវបានផលិតឡើងនៅក្នុងប្រទេសសិង្ហបុរីនាឆ្នាំ ១៩៣២។ បច្ចុប្បន្ននេះ Tiger® គឺជាស្រាបៀរលំដាប់ថ្នាក់អន្តរជាតិមួយនៅតំបន់អាស៊ី ហើយមានវត្តមាននៅលើទីផ្សារជាង៦០ប្រទេស ទូទាំងពិភពលោក។ ស្រាបៀរថៃហ្គ័របានពុះពាររាល់ឧបសគ្គ ដើម្បីនាំយកនូវរសជាតិស្រាបៀរដ៏ស្រស់ស្រាយ និងគុណភាពដ៏ល្អឥតខ្ចោះ រាប់ទសវត្សរ៍មកហើយ។ Tiger® ជឿជាក់ថាមនុស្សគ្រប់រូប គឺតែងតែមានញាណសត្វខ្លា (ភាពអង់អាច) នៅក្នុងខ្លួន ដែលសាកសមក្នុងការបង្ហាញមនុស្សជុំវិញខ្លួន។ យើងឆ្ពោះទៅមុខជាមួយគ្នា ដោយការបញ្ចេញភាពអង់អាចទៅកាន់អ្នកជុំវិញខ្លួន នឹងជម្រុញអោយយើងអាចធ្វើទៅបានគ្រប់រឿងទាំងអស់៕

សម្រាប់ព័ត៌មានបន្ថែម សូមចូលទៅកាន់គេហទំព័រ៖ www.tigerbeer.comFor more information, please visit www.tigerbeer.com

The post បង្ហាញទេពកោសល្យតន្ត្រីរបស់អ្នក It’s Tiger Time! VannDa នាំយកតន្ត្រីខ្មែរទៅកាន់ឆាកអន្តរជាតិ! appeared first on Kampuchea Thmey Daily.

ដោយមិនចង់មើលឃើញសង្គ្រាម Disstrack គ្នារវាងតារារ៉េបឆ្នើមរបស់កម្ពុជាទាំង ២ដួង អ្នកច្នៃម៉ូដល្បីឈ្មោះ ណុប ដាណេ បានបង្ហាញរូបថតខ្លួនជាមួយ G-Devith និង Vannda ភ្ជាប់ជាមួយនឹងខ្លឹមសារ “ទំពាំងដ៏ល្អរបស់កម្ពុជា ក្នុងវិស័យរ៉េប ព្រះអាទិត្យ ព្រះច័ន្ទ” ដែលហាក់បង្កប់ន័យដ៏ជ្រាលជ្រៅ ប្រដូចតារារ៉េបទាំងពីរទៅនឹងព្រះអាទិត្យ-ព្រះចន្ទ។

ក្នុងន័យនេះ មហាជនយល់ថា គាត់ទំនងជាចង់សំដៅដល់ការដែលមហាជន បានទទួលស្គាល់សមត្ថភាពនិងទេពកោសល្យរបស់អ្នកទាំងពីរ ក្នុងវិស័យតន្ត្រីរ៉េប ដោយចាត់ទុកថា អ្នកទាំងពីរ ជាយុវជនជំនាន់ក្រោយដ៏ឆ្នើមដូចគ្នា ហើយមានគុណតម្លៃរៀងៗខ្លួនបីដូចព្រះអាទិ្យ និងព្រះចន្ទ ដែលពិភពនៃចម្រៀងរ៉េបមួយនេះ មិនអាចខ្វះនរណាម្នាក់បាន។

បើនិយាយពីសមត្ថភាព និងទេពកោសល្យរបស់តារារ៉េបល្បីឈ្មោះរបស់កម្ពុជាទាំងពីរ អ្នកផលិតមាតិកាដ៏មានប្រជាប្រិយ Doctor Sem Ratana ទទួលស្គាល់ថា ខ្លាំងដូចគ្នា និងអាចរក្សាឈ្មោះក្នុងប្រវត្តិសាស្ត្រចម្រៀងរ៉េប។ ជាក់ស្តែង តារារ៉េបទាំងពីរ សុទ្ធតែជាអ្នកជួយជ្រោងឱ្យពិភពលោកបានស្គាល់ភាពខ្លាំងរបស់កម្ពុជា តាមរយៈចម្រៀងដែលខ្លួនបង្ហាញចេញទៅ ពិសេសបទមហានគរ របស់ G-Devith និងបទ Time to Rise របស់ Vannda ជាដើម។

ពិតណាស់ បណ្តាអ្នកគាំទ្រក៏ដូចជាអ្នកសិល្បៈមួយចំនួន ហាក់មិនចង់មើលសង្គ្រាម Disstrack គ្នារវាងតារារ៉េបទាំងពីរកើតឡើងវិញក៏ពិតមែន ប៉ុន្តែអ្នកមួយចំនួនបែរជាយល់ថា រាល់ពេលមានសង្គ្រាម Disstrack រវាងអ្នកទាំងពីរកើតឡើង ធ្វើឱ្យបទចម្រៀងដែលចេញមក រន្ថើនដល់អារម្មណ៍អ្នកគាំទ្រ ក៏ព្រោះតែម្នាក់ៗប្រឹងបង្ហាញសក្តានុពលអស់ពីខ្លួន៕

The post ណុប ដាណេ ៖ ទំពាំងដ៏ល្អរបស់កម្ពុជា ក្នុងវិស័យរ៉េប “ព្រះអាទិត្យ ព្រះចន្ទ” appeared first on Kampuchea Thmey Daily.

តាមការកត់សម្គាល់កាលពីប៉ុន្មានថ្ងៃមុននេះមានការចាប់អារម្មណ៍ជាខ្លាំងដោយតារាចម្រៀងរ៉េបលោក G -Devithបានបញ្ចេញចំណងជើងបទចម្រៀងថ្មីរបស់ ខ្លួនមានចំណងជើងថា«ថីអ្ហែងថី» ចំថ្ងៃដែល វណ្ណដា ប្រគំតន្ត្រីខ្នាតធំរបស់ខ្លួនផងដែរ។ការបញ្ចេញចំណ ងជើងបទចម្រៀងពីសំណាក់ ដេវីត បែបនេះក៏ស្រា ប់តែធ្វើអោយហ្វេនៗរបស់ វណ្ណដា ចោទថាចាំតែធ្វើ តាមក្រោយគេរហូតមានការវែកញែកពេញបណ្ដាញសង្គមតែម្ដង។

ទោះបីជាយ៉ាងណាបទចម្រៀងត្រៀមនឹងបញ្ចេញចែកជូនអ្នកគាំទ្រនោះគេពុំទាន់ដឹងទេថា មានអត្ថន័យបែបណានៅឡើយ ដោយជាការសន្មត់ប្រហែលជាមានកំដៅខ្លាំងប្រៀបបាននឹងចំណងជើងថា «ថីអ្ហែងថី» នោះឯង។ ចំណែកតារាចម្រៀងរ៉េប វណ្ណដា ឯណោះវិញ នៅថ្ងៃប្រគំតន្ត្រីដ៏ធំរបស់ខ្លួនកាលពីពេលថ្មីៗនេះ បានបញ្ចេញបទចម្រៀងដ៏គួរឱ្យចាប់អារម្មណ៍មួយបទរួចមកហើយ និងបានប្រកាសត្រៀមបញ្ចេញអាល់ប៊ុមទី៣ នៅខែ៣ ខាងមុខបន្ថែមទៀត។

គេនៅចាំបានថា រវាងកំពូលតារាចម្រៀងរ៉បេដ៏ល្បីប្រចាំស្រុកខ្មែរទាំងពីរនាក់ខាងលើនេះកន្លងមកបានធ្វើ ឱ្យអ្នកគាំទ្រនិងទស្សនិកជននាំគ្នាតាមដានជាបន្តបន្ទាប់នូវរឿងរ៉ាវរបស់ពួកគេ ពិសេសក្រុមអ្នកគាំទ្រទាំងសងខាងតែម្ដង។ បន្ទាប់មកទៀត កាលពីថ្ងៃទី២៨ ខែមីនា ឆ្នាំ២០២៤ ដែលជាថ្ងៃមង្គលការ Influencer ដ៏ល្បីឈ្មោះ ហេង វិសាល និង ស្រីនា តារារ៉េបទាំងពីររូបបានចាប់ដៃគ្នាដោយទឹកមុខញញឹម ធ្វើឱ្យមហាជនអ្នកគាំទ្រស្រឡាំងកាំងគ្រប់គ្នា។

ទោះយ៉ាងណា ការចាប់ដៃគ្នានេះត្រូវបានមតិមួយចំនួនយល់ថា អ្នកទាំងពីរអាចនឹងមានថ្ងៃណាមួយចាប់ដៃគ្នាម្តងទៀតក្នុងលក្ខណៈដៃគូចម្រៀងដោយច្រៀងរួមគ្នានៅលើឆាកដ៏អស្ចារ្យណាមួយ ប៉ុន្តែការស្រមៃរបស់ហ្វេនៗនោះ គឺទំនងជាមិនអាចទៅរួចទេ ខណៈប៉ុន្មានថ្ងៃនេះមានការផ្លែផ្កាគ្នាជាថ្មីយ៉ាងក្ដៅគគុក៕ អត្ថបទ៖ ចាន់រ៉ា

The post អ្នកគាំទ្រតារាចម្រៀងរ៉េប G-Devith និង វណ្ណដា ផ្ទុះការផ្លែផ្កាឌឺដងដាក់គ្នាព្រោះតែរឿងនេះ appeared first on Kampuchea Thmey Daily.

អ្នកនាង ឱក សុគន្ធកញ្ញា ត្រូវបានគេស្គាល់ថាជាតារាចាស់វស្សាដែលពេញទៅដោយសមត្ថភាព និងទេពកោសល្យ លើសពីនេះទៅទៀតអ្នកនាង ឱក សុគន្ធកញ្ញា បានបញ្ចប់ការសិក្សាពីសកលវិទ្យាល័យភូមិន្ទវិចិត្រសិល្បៈ។ បើនិយាយពីវិស័យសិល្បៈចម្រៀងវិញ អ្នកនាង ឱក សុគន្ធកញ្ញា បានចាប់ផ្ដើមអាជីពជាអ្នកចម្រៀងតាំងពីឆ្នាំ ១៩៩៩ មកម្ល៉េះ ដោយធ្លាប់ឆ្លងកាត់ផលិតកម្មចំនួន ៤ គឺ រស្មីស្ទឹងសង្កែ U2 Rock Sunday និងចុងក្រោយ ហង្សមាស។ ក្រោយចូលផលិតកម្មហង្សមាស អ្នកនាង ឱក សុគន្ធកញ្ញា ត្រូវបានគេកត់សម្គាល់ថាសន្ទុះនៃការគាំទ្រ និងប្រជាប្រិយភាពកាន់តែខ្លាំងឡើងរហូត ត្រូវបានជ្រើសរើសជាគ្រូបង្វឹកក្នុងកម្មវិធីលំដាប់ពិភពលោកជាច្រើន ព្រមទាំងមានហ្វេនៗដាក់រហ័សនាមថា ជារាជនីពាណិជ្ជកម្ម។

លោក ងួន ចាន់ដេវីត G-Devith ត្រូវបានគេស្គាល់ថាជាតារាចម្រៀងរ៉េបមានល្បឿនលឿនជាងគេ ដែលភាគច្រើនគេស្គាល់លោកតាមរយៈបទ “Live Fast Die Young” នៅអំឡុងឆ្នាំ ២០១៤។ ដោយសារតែសមត្ថភាព និងការខិតខំប្រឹងប្រែង បូករួមជាមួយទេពកោសល្យនៃការផលិតសាច់ភ្លេង និពន្ធ និងការច្រៀង នៅក្នុងឆ្នាំ២០១៤-២០១៥ លោកក៏បានហក់ចូលផលិតកម្មហង្សមាស ដែលធ្វើឲ្យលោកកាន់តែផ្ទុះប្រជាប្រិយភាពកាន់តែខ្លាំងឡើង។ ទន្ទឹមនិងភាពល្បីល្បាយនោះ នៅឆ្នាំ ២០១៩ លោកក៏បានចាកចេញពីផលិតកម្មហង្សមាសមកធ្វើជាតារាចម្រៀងឯករាជ្យ ហើយក៏បានបង្កើតផលិតកម្មមួយដោយខ្លួនឯង ដែលមានឈ្មោះថា Dit-Way Dation។ លើសពីនោះលោក ងួន ចាន់ដេវីត ក៏ជាអ្នកនៅពីក្រោយភាពជោគជ័យរបស់អ្នកនាង ទេព បូព្រឹក្ស គឺបទ “Top of The Lady” ដែលលោកជាអ្នកផ្ដល់គំនិត (Concept) និងការច្នៃប្រឌិត (Creative) ផ្សេងៗ ហើយលោកក៏បានបង្កើតការប្រគំតន្ដ្រីផ្ទាល់ខ្លួនជាលើកដំបូងកាលពីពេលថ្មីៗនេះផងដែរ។

លោក ម៉ាន វណ្ណដា ហៅ Vannda ដែលជាតារារ៉េបជំនាន់ក្រោយ ប៉ុន្តែទទួលបានការគាំទ្រគ្រប់ស្រទាប់វណ្ណៈមិនថាក្នុងប្រទេស ឬក្រៅប្រទេសជាពិសេសទៀតនោះ គឺប្រទេសថៃ។ វណ្ណដា បានចាប់ផ្ដើលចូលវិស័យសិល្បៈនៅឆ្នាំ ២០១៦ ជាមួយនឹងបទ “ជាអ្នកណា” ដែលធ្វើឲ្យផ្ទុះការចាប់អារម្មណ៍ពីសមត្ថភាពច្រៀង និងការរ៉េប។ បន្ទប់មកតារ៉េបវ័យ ២៥ ឆ្នាំរូបនេះ បានធ្វើឲ្យផ្ទុះកក្រើកស្រទាប់យុវវ័យជាថ្មីម្ដងទៀត គឺបទ J+O ហើយនិងមានបទជាច្រើនទៀតដែលទទួលបានការគាំទ្រពីសំណាក់ហ្វេនៗក្រោយចូលផលិតកម្មបារមី ជាពិសេសនោះវណ្ណដា បាននាំប្រទេសកម្ពុជាឲ្យបរទេសកាន់តែស្គាល់ច្បាស់ តាមរយៈបទ “Time To Rise” ដែលមានអ្នកចូលទស្សនារហូតដល់ ១០០លានដង។ អ្វីដែលកាន់តែរំភើបទៀតនោះ វណ្ណដា ក៏បានពាំនាំចាប៉ីដងវែងព្រមជាមួយព្រឹត្តិចារ្យ គង់ ណៃ រំលេចនៅក្នុងបទចម្រៀង។ បើទោះជានៅក្មេងខ្ចីបន្ដិចនៅក្នុងវិស័យសិល្បៈតែវណ្ណដា បានធ្វើឲ្យប្រទេសថៃគោរព និងកោតសរសើរពីសមត្ថភាពរបស់ខ្លួនតាមរយៈទេពកោសល្យជាច្រើន៕

អត្ថបទ៖ ផានិត

The post ហេតុផលធ្វើឲ្យតារា ៣ដួងនេះ ឡើងច្រៀងក្នុងព្រឹត្តិការណ៍ជាតិ រហូតផ្ទុះពេញបណ្ដាញសង្គម appeared first on Kampuchea Thmey Daily.