Will Smith បានឈ្នះពានរង្វាន់តារាសម្ដែងល្អបំផុតសម្រាប់ការសម្ដែងរបស់គាត់ក្នុងរឿង “Emanci pation” កាលពីយប់ថ្ងៃសៅរ៍ ដែលជាការឈ្នះលើកដំបូងរបស់លោក ចាប់តាំងពីឧប្បត្តិហេតុដ៏អាក្រក់នៅ Oscars 2022 នៅពេលដែលលោកបានទះ Chris Rock នៅលើឆាក។ យោងទៅតាម Variety បានរាយការណ៍ថា Will Smith មិនមានវត្តមាននៅក្នុងពិធីទទួលពានរង្វាន់របស់លោកដោយផ្ទាល់ទេ ។

ការឈ្នះរបស់ Will Smith គឺជាលើកទីមួយបន្ទាប់ពីរឿងអាស្រូវនៅកម្មវិធី Oscar ដ៏ចម្រូងចម្រាស ដែលតារាសម្តែងបានទះកំផ្លៀង Chris Rock បន្ទាប់ពីរឿងកំប្លែងដ៏អាក្រក់អំពីប្រពន្ធរបស់លោកគឺ លោកស្រី Jada Pinkett Smith នៅពេលតារាសម្តែងរូបនេះត្រូវបានគេដាក់ឈ្មោះឱ្យឈ្នះពានរង្វាន់ Academy សម្រាប់តារាសម្តែងល្អបំផុតក្នុងតួនាទីរបស់គាត់នៅក្នុង “King Richard” ។

យ៉ាងណាមិញ បន្ទាប់ពីរឿង “Emancipation” ត្រូវបានពន្យារពេលចូលរួមដណ្តើមពាន Oscars ដោយសាររឿងអាស្រូវ Will Smith ក្រុមហ៊ុន Apple TV+ បានយករឿងភាគប្រវត្តិសាស្ត្រតែងតាំងដណ្តើមពានរង្វាន់ផ្សេងៗដោយប្រព្រឹត្តិនៅក្នុងអំឡុងខែតុលា ៕

ប្រែសម្រួល៖នាងតូច

ចុចអាន៖Jeon Somi ក្លាយជាទូតសុឆន្ទៈម៉ាក Prada ផ្លូវការហើយ

The post Will Smith ឈ្នះពានរង្វាន់ទីមួយ បន្ទាប់ពីរឿងអាស្រូវទះកំផ្លៀងនៅកម្មវិធី Oscar appeared first on Kampuchea Thmey Daily.

កាលពីយប់ថ្ងៃទី១ ខែកញ្ញា កន្លងទៅថ្មីៗនេះ Chris Rock បានផ្ដល់បទសម្ភាសន៍ជាមួយមិត្តរួមអាជីព Dave Chappelle ក្នុងកម្មវិធីរបស់ Liverpool ថា គាត់ពិតជាមានអារម្មណ៍ឈឺចាប់ជាទីបំផុត ដែលត្រូវកំភ្លៀងរបស់ Will Smith។ យប់នោះ​ ជាយប់ដែលគាត់មិនអាចបំភ្លេចបានអស់មួយជីវិត។

មិនតែប៉ុណ្ណោះ គាត់ថែមទាំងឆ្លៀតដៀលទៅកាន់ Will Smith ធ្ងន់ៗថា តារាហូលីវូដរូបនេះក្លែងជាសុភាពអស់រយៈពេល ៣០ឆ្នាំ ដែលការពិតទៅលោកមិនខុសពីជនបាតផ្សារនោះទេ។ ស្របពេលជាមួយគ្នាដែរ Chris Rock ពិតជាសង្ឃឹមថា Will Smith មិនពាក់របាំងមុខនោះតទៅទៀតឡើយ។

យ៉ាងណាមិញ ជុំវិញរឿងអាស្រូវដ៏កក្រើកនេះ Will Smith បានចេញមុខសុំទោសជាសាធារណៈរួចហើយ ប៉ុន្តែកាលទើបកើតរឿងថ្មីៗ Chris មិនបានឆ្លើយតបចំពោះការសុំអភ័យទោសនោះទេ។ ​ដោយឡែកក្រោយពេលកើតរឿង Will Smith ត្រូវបានម្ចាស់ផលិតកម្មលុបចោលកុងត្រាជួលសម្ដែង ចំណែកកម្មវិធីពានរង្វាន់អូស្ការវិញ លោកត្រូវគេហាមប្រាមមិនឱ្យចូលរួមរយៈពេល ១០ឆ្នាំ៕

ប្រែសម្រួល៖ សន្យា

ចុចអាន៖ កើតរឿងយូរហើយ ពេលនេះអតីតភរិយា Will Smith ស្រាប់តែចេញមុខសុំទោសជំនួសលោក

ចុចអាន៖ Madonna សារភាពត្រង់ៗថា នាងងប់ងុលនឹងសិច

The post Chris Rock ទើបទម្លាយអារម្មណ៍ពិតដែលត្រូវទះកំភ្លៀង ថែមទាំងដៀល Will Smith ថា ជាសុភាពបុរសក្លែងក្លាយ appeared first on Kampuchea Thmey Daily.

អ្នកស្រី Sheree Zampino បានចេញមុខជាសាធារណៈធ្វើការសុំទោសជុំវិញរឿងរ៉ាវដែល Will Smith ទះកំផ្លៀងតារាកំប្លែង Chris Rock នៅក្នុងកម្មវិធី Academy Awards កាលពីខែមីនា កន្លងទៅ។

នៅក្នុងបទសម្ភាសន៍ជាមួយសារព័ត៌មាន Daily Mail តារាសម្ដែងវ័យ ៥៤ឆ្នាំរូបនេះ បានអំពាវនាវ និងទទូចហើយទទូចទៀតសុំឱ្យអ្នកគាំទ្រអភ័យទោសឱ្យ Will Smith ករណីហិង្សា​របស់ Will ដែលបានធ្វើទៅលើ Chris ។ អ្នកស្រីពិតជាសង្ឃឹមថា ការលើកលែងទោសម្ដងនេះ គឺជាការផ្ដល់ឱកាសឱ្យ Will Smith បានកែប្រែកំហុស។

គួររំលឹកថា អ្នកស្រី Sheree និងលោក Will បានរៀបការនិងរួមរស់ជាមួយគ្នាកំលុងឆ្នាំ ១៩៩២-១៩៩៥ ហើយក្រោយចែកផ្លូវគ្នា រហូតដល់ពេលនេះ អ្នកទាំងពីរបន្សល់ទុកកូនប្រុសអាយុ ២៩ឆ្នាំម្នាក់ ឈ្មោះ Trey Smith ។

ចំពោះរឿងរ៉ាវទះកំផ្លៀងតារាកំប្លែង Chris Rock កាលពី៥ខែមុន សាមីខ្លួនលោក Will Smith បានធ្វើការសុំទោសជាសាធារណៈទៅកាន់មហាជន និង Chris Rock ម្ដងរូចហើយកាលទើបកើតរឿងភ្លាមៗ។ ទោះជាយ៉ាងនេះ Will Smith ត្រូវបានហាមប្រាមមិនឱ្យចូលរួមកម្មវិធីប្រគល់ពានរង្វាន់អូស្ការរហូតដល់ ១០ឆ្នាំ ហើយក្រុមហ៊ុនផលិតភាពយន្តនានា បានលុបចោលកុងត្រាជាមួយរូបលោក៕

ប្រែសម្រួល៖ សន្យា

ចុចអាន៖ Will Smith ហាមមិនឲ្យចូលក្នុងកម្មវិធីប្រគល់ពានរង្វាន់ Oscar រយៈពេល ១០ ឆ្នាំ ក្រោយទះកំផ្លៀង Chris Rock

ចុចអាន៖ Will Smith ឈប់សម្ដែងឲ្យហូលីវូដ ក្រោយរឿងអាស្រូវទះកំផ្លៀង Chris Rock

The post កើតរឿងយូរហើយ ពេលនេះអតីតភរិយា Will Smith ស្រាប់តែចេញមុខសុំទោសជំនួសលោក appeared first on Kampuchea Thmey Daily.

បើតាមបណ្ឌិត្យសភាចលនាសិល្បៈ និងវិទ្យាសាស្ត្រ (The Academy of Motion Picture & and Sciences) បានឲ្យដឹងថា ការសម្រេចចិត្តហាមឃាត់លោក Smith កើតឡើង បន្ទាប់ពីក្រុមប្រឹក្សាភិបាលនៃបណ្ឌិតសភាបានកោះប្រជុំដើម្បីពិភាក្សាអំពីការឆ្លើយតបរបស់ខ្លួន ។

បន្ថែមពីលើការហាមប្រាមពីពានរង្វាន់ Oscar, លោក Smith ក៏ត្រូវបានហាមឃាត់មិនឲ្យចូលរួមក្នុងព្រឹត្តិការណ៍ Academy ណាមួយក្នុងអំឡុងពេលនោះផងដែរ ។

ប្រធានបណ្ឌិត្យសភាលោក David Rubin និងនាយកប្រតិបត្តិ Dawn Hudson បានលើកឡើងពី “អាកប្បកិរិយាមិនអាចទទួលយកបាន និងបង្កគ្រោះថ្នាក់” របស់ Smith ក្នុងអំឡុងព្រឹត្តិការណ៍ថ្ងៃទី ២៧ ខែមីនា នៅក្នុងសំបុត្របើកចំហទៅកាន់សមាជិក Academy ។

ទន្ទឹមនោះ Smith ក៏បានប្រកាសលាលែងចេញពី Academy កាលពីសប្តាហ៍មុនផងដែរ ចំពេលមានការរិះគន់យ៉ាងខ្លាំងចំពោះការទះកំផ្លៀងទៅលើតារាកំប្លែង Chris Rock ដោយសារតែនិយាយប៉ះពាល់ប្រព័ន្ធរបស់លោក ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ Will Smith ឈប់សម្ដែងឲ្យហូលីវូដ ក្រោយរឿងអាស្រូវទះកំផ្លៀង Chris Rock

The post Will Smith ហាមមិនឲ្យចូលក្នុងកម្មវិធីប្រគល់ពានរង្វាន់ Oscar រយៈពេល ១០ ឆ្នាំ ក្រោយទះកំផ្លៀង Chris Rock appeared first on Kampuchea Thmey Daily.

ទន្ទឹម​នោះ ​ក្រុមហ៊ុនធំៗពីរគឺ Sony និង Netflix បាន​ផ្អាក​រាល់​គម្រោង​ថត​ជាមួយ ​Will Smith បន្ទាប់ពី​តារា​ហូលីវូដ​រូប​នេះ ​ទះ​កំផ្លៀង Chris Rock ក្នុង​អំឡុង​​ពិធី​ប្រគល់​ពានរង្វាន់ Oscar នេះ​បើ​យោង​តាម​អ្នក​រាយការណ៍​របស់​ហូលីវូដ។

អ្នក​កាសែត​នេះ​ បានរាយការណ៍ដោយដកស្រង់ប្រភពពីក្រុមហ៊ុន Netflix ថានាយក David Leitch បាន​ចែក​ផ្លូវ​ពី​គម្រោង “Fast and Loose” ដែល Smith បានដើរតួជា​មេ​ឧក្រិដ្ឋជន​មួយ​រូប។

បន្ទាប់ពី​ឧបទ្ទវហេតុ​នេះ ក្រុមហ៊ុន Netflix បាន​បិទ​ដោយ​ស្ងាត់ស្ងៀម។ ក្នុងពេលជាមួយគ្នានេះ Sony ក៏​ត្រូវ​បាន​គេ​រាយការណ៍​ថា​​ ផ្អាក​រឿង​”Bad Boys 4″ ដែល​កំពុងតែថតដូចគ្នា។ យ៉ាងណាមិញ​ ក្រុមហ៊ុន​មិន​ទាន់ធ្វើ​អត្ថាធិប្បាយ​លើរឿង “Emancipation” របស់ Smith ដែល​បច្ចុប្បន្ន​កំពុង​ដំណើរការ​​ផលិត​ នឹងគ្រោង​ចាក់​បញ្ចាំង​នៅ​ឆ្នាំ​នេះ ប៉ុន្តែ​កាលបរិច្ឆេទ​ មិនទាន់​ត្រូវ​បាន​កំណត់​ទេ។

សូមរំលឹកថា ​បន្ទាប់ពី​មានបញ្ហាភ្លាមៗ Will Smith ក៏​បាន​សុំទោស​ចំពោះ​ឧប្បត្តិហេតុ​នេះ ហើយ​ប្រកាស​​លាលែង​ពី​បណ្ឌិត្យសភា​សិល្បៈ និង​វិទ្យាសាស្ត្រ​ភាពយន្ត​របស់​ហូលីវូដ ។ ទោះបីជា​ការសម្រេចចិត្ត​នេះ ​មិនមានន័យថា​ គាត់ត្រូវបាន​ហាមប្រាម​ពីការតែងតាំង ឬ​ចូលរួម​ក្នុង​កម្មវិធី​ប្រគល់​ពានរង្វាន់​ម្ដង​ទៀត​ក៏ដោយ តែ​គាត់​នឹង​លែង​ជា​សមាជិក​បោះឆ្នោត​ទៀតហើយ៕

ប្រែសម្រួល៖ សាង ស្រីល័ក្ខ

ប្រភព៖sputnik

ចុចអាន៖Will Smith ឈប់សម្ដែងឲ្យហូលីវូដ ក្រោយរឿងអាស្រូវទះកំផ្លៀង Chris Rock

ចុចអាន៖តារាសម្ដែងស្រី ថៃ លំដាប់ជួរមុខ ៦ រូប មានរហស្សនាម ជា Queen នៃពិភពម៉ូដ

The post ក្រុមហ៊ុនល្បីៗចំនួន ២ ផ្អាកគម្រោងថតជាមួយ Will Smith បន្ទាប់ពីរឿងអាស្រូវទះកំផ្លៀង appeared first on Kampuchea Thmey Daily.

លោកបាននិយាយនៅក្នុងសេចក្តីថ្លែងការណ៍មួយថា “ខ្ញុំបានក្បត់ការជឿ​ទុកចិត្តរបស់​បណ្ឌិត​សភា។ ខ្ញុំបានដកបេក្ខភាព​និងអ្នកឈ្នះផ្សេងទៀត​ នៃឱកាសរបស់​ពួកគេ​ដើម្បីអបអរសាទរ និង​ត្រូវ​បានអបអរសាទរចំពោះការងារដ៏អស្ចារ្យរបស់ពួកគេ ខ្ញុំពិតជាខូចចិត្តណាស់។ ​ដូច្នេះ​ខ្ញុំ​លាលែង​ពី​សមាជិកភាព ​ក្នុង​បណ្ឌិត្យសភា​សិល្បៈ​និង​វិទ្យាសាស្ត្រ​ភាពយន្ត ហើយ​នឹង​ទទួល​យក​ផល​វិបាក​បន្ថែម​ទៀត ​ដែល​ក្រុមប្រឹក្សាភិបាល​យល់​ថា​សមរម្យ​ ​”។

លោក David Rubin ប្រធានសាលា​ភាពយន្ត​បាន​និយាយកាលពីថ្ងៃសុក្រថា ក្រុមនេះ​បាន​ទទួល​យក​ការ​លាលែង​ពី​តំណែង​របស់ Smith ប៉ុន្តែ​នឹង​បន្តដំណើរ​ការ​នីតិវិធីវិន័យ ​ដែលអាចនាំឲ្យ​​មាន​ការ​ដាក់ទណ្ឌកម្មបន្ថែម។ បញ្ហា​នេះ​នឹង​ត្រូវ​លើក​យក​មក​ពិភាក្សា​ក្នុង​កិច្ច​ប្រជុំ​​ក្រុមប្រឹក្សាភិបាល ​នៅ​ថ្ងៃ​ទី ១៨ ខែ​មេសា។

គួរ​រំលឹក​ដែរ​ថា​ នៅ​ឯពិធីប្រគល់ពានរង្វាន់អូស្ការ​កាលពីថ្ងៃអាទិត្យមុន លោក​បានឡើងលើឆាក​ភ្លាមៗ និង​​​វាយ Rock មួយដៃ ក្រោយ Rock បាននិយាយលេងសើច អំពីការលេច​មុខ​ភរិយារបស់​លោក ។ ប៉ុន្តែ​មិនដល់មួយម៉ោងក្រោយមក Will Smith បាននិយាយ​ទាំង​ទឹកភ្នែក​នៅ​លើ​ឆាក នៅ​ពេល​ដែល​គាត់​បាន​ទទួល​យក​ពាន​រង្វាន់​តារា​សម្ដែង​ល្អ​បំផុត៕

ប្រែសម្រួល៖ សាង ស្រីល័ក្ខ

ប្រភព៖CNA

ចុចអាន៖រឿងរ៉ាវហួសចិត្តមួយចំនួនធំ និងមិនអាចបំភ្លេចបាន ក្នុងប្រវត្តិសាស្ត្រពានរង្វាន់ Oscars

ចុចអាន៖ភ្ញាក់​ផ្អើល​ តារា​​សម្តែង​ Will Smith​ ទះ​​កំផ្លៀង​ពិធីករ​​​កណ្តាល​​ឆាក​​ពាន​​​ Oscars​ (មាន​វីដេអូ)

The post Will Smith ឈប់សម្ដែងឲ្យហូលីវូដ ក្រោយរឿងអាស្រូវទះកំផ្លៀង Chris Rock appeared first on Kampuchea Thmey Daily.

លោក Will Smith បាន​និយាយ​ក្នុង​សេចក្តី​ថ្លែង​ការណ៍​មួយ​ថា ៖«​ខ្ញុំសូម​ធ្វើ​ការ​​សុំ​ទោស​ជា​សាធារណៈ​​ដល់​លោក Chris។ ខ្ញុំ​ពិត​ជា​ខុស​ឆ្គង និង​ធ្វើ​ខុស​ហើយ»។

ការ​សុំ​ទោស​ជា​សាធារណៈ​នេះ​បាន​កើត​មាន​ឡើង បន្ទាប់​ពី​​អង្គភាព​ពាន​រង្វាន់ Oscars បាន​ថ្កោល​ទោស​ចំពោះ​​ទង្វើ​របស់​លោក Smith និង​បាន​ប្រកាស​ពិនិត្យ​មើល​ផ្លូវការ។

តារា​សម្តែង​បាន​ទះ​កំផ្លៀង​តារា​កំប្លែង Rock នៅ​លើ​ឆាក​នៅ​ពេល​​​ឡើង​ប្រកាស​ពាន​រង្វាន់​ខ្សែ​ភាពយន្ត​ឯកសារ​ល្អ​បំផុត ប៉ុន្តែ​លោក​បាននិយាយ​កំប្លែង​ពី​អ្នក​ស្រី Jada Pinkett ដែល​ជា​ប្រពន្ធ​របស់​លោក Smith ជុំ​វិញ​សក់​ដែល​ជ្រុះ​ដោយសារ​ជំងឺ។

លោក Smith បាន​និយាយ​ក្នុង​សេចក្តី​ថ្លែង​ការណ៍​ដែល​បង្ហោះ​លើ Instagram ថា ៖«អំពើ​ហិង្សាគ្រប់​ទម្រង់​ទាំង​អស់​គឺ​ជា​ថ្នាំ​ពុល និង​បំផ្លិច​បំផ្លាញ»។

«ទង្វើ​របស់​ខ្ញុំ​នៅ​ក្នុង​ពិធី​ប្រគល់​ពាន​រង្វាន់ Academy Awards កាល​ពី​យប់​មិញ​ពិត​ជា​មិន​អាច​ទទួល​យក​បាន និង​មិន​អាច​លើក​លែង​បាន។ ការ​កំប្លែង​សម្រាប់ខ្ញុំ​គឺ​ជា​ចំណែក​មួយ​នៃ​ការងារ តែការ​កំប្លែង​អំពី​លក្ខខណ្ឌវេជ្ជសាស្ត្រ​របស់ Jada គឺ​ហួស​ហេតុ​ពេក​ដែល​ខ្ញុំ​មិន​អាច​ទ្រាំ​បាន និងមាន​ប្រតិកម្ម​ផ្លូវ​ចិត្ត»។

លោក Smith បាន​ធ្វើ​ការ​សុំ​ទោស​ផ្ទាល់​ទៅ​លោក Rock ហើយ​លោក​ក៏​សុំ​ទោស​ទៅអង្គភាព​ Academy និង​ក្រុម​គ្រួសារ​ Williams ផង​ដែរ។

លោក​បាន​សរសេរ​ថា ៖«ខ្ញុំ​ពិត​ជា​សោក​ស្តាយ​ខ្លាំង​ណាស់​ចំពោះ​ទង្វើ​របស់​ខ្ញុំ​​ដែល​បាន​ធ្វើ​ឲ្យ​ប្រឡាក់​នូវ​អ្វី​ដែល​ជា​ដំណើរ​ដ៏​ស្រស់​ស្អាត​សម្រាប់​យើង​ទាំង​អស់​គ្នា»។

នៅ​ក្នុង​ពិធី​ប្រចាំ​ឆ្នាំ​នេះ​ដែរ លោក Smith ក៏​ទទួល​បាន​ពាន​រង្វាន់​តារា​សម្តែង​ប្រុស​ឆ្នើម​ប្រចាំ​ឆ្នាំ​ក្នុង​រឿង King Richard៕

ប្រែ​សម្រួល៖ វីរបុត្រ

ប្រភព៖ CNN

The post តារា​សម្តែង​ Will​ Smith ​សុំ​ទោស​ Chris​ Rock​ ជា​សាធារណៈ​​ រឿង​​ទះ​កំផ្លៀងលើ​ឆាក Oscars (វីដេអូ) appeared first on Kampuchea Thmey Daily.

លោក​​ប្រៀប​ធៀប​សក់​​របស់តារា​ស្រី Jada Pinkett Smith ដែល​ជា​ប្រពន្ធ​របស់​ Will Smith ទៅ​នឹង​ការលេច​​មុខ​សម្តែង​របស់តារា​ស្រី Demi Moore ក្នុង​ខ្សែ​ភាព​យន្ត​រឿង “G.I. Jane” និង​បាន​ស្នើ​ឲ្យ​នាង​បង្ហាញ​ខ្លួន​សម្តែង​ក្នុង​វគ្គ​បន្ត។

តើលោកស្រី Jada Pinkett Smith មានជំងឺអ្វី ហើយមានដំណើររឿងបែបណាជាមួយជំងឺនេះ?

លោកស្រី Pinkett Smith បាន​បើក​ចំហ​ជា​លើក​ដំបូង​អំពី​បញ្ហា​ស្បែក​ក្បាល​ក្នុងអំឡុង​ឆ្នាំ២០១៨ នៃលើកម្មវិធី Red Table Talk។

លោកស្រីបានចែករំលែកនៅក្នុងកម្មវិធីនោះថា “វាពិតជា​គួរឲ្យ​រន្ធត់ណាស់ ​នៅ​ពេល​រឿងហេតុ​បាន​ចាប់​ផ្តើ​ម​ដំបូង​។ ថ្ងៃមួយខ្ញុំកំពុងងូតទឹក ហើយមានសក់មួយក្តាប់តូចនៅក្នុងដៃរបស់ខ្ញុំ អូព្រះអើយ តើខ្ញុំកំពុងទំពែកមែនទេ?”។

លោកស្រី​បន្ថែម​ថា លោកស្រី​បាន​រក​ឃើញ​វិធី​ព្យាបាល​ដើម្បី​ពន្យឺត​ការ​ជ្រុះ​សក់ ប៉ុន្តែ​​ថា នាង​បានរកគំនិត​ផ្សេង​ទៀត។ ខ្ញុំចាក់ថ្នាំស្តេរ៉ូអ៊ីតតិចតួច ហើយវាហាក់ដូចជាជួយបាន ប៉ុន្តែមិនអាចព្យាបាលជាទេ ទើបខ្ញុំរកវិធីផ្សេង។

“ខ្ញុំ​គ្រាន់តែ​ចង់​ថ្លែង​អំណរគុណ​សម្រាប់ការជួយពី​អ្នក​រាល់​គ្នា ពី​វេជ្ជបណ្ឌិត​ទាំងអស់ និង​អ្នកផ្សេងទៀត ខ្ញុំ​ពិតជា​ដឹងគុណ​ខ្លាំង​ណាស់​”។

លោកស្រី Pinkett Smith បានសម្រេចចិត្តកោរសក់ក្នុងខែកក្កដា ឆ្នាំ ២០២១ ដោយចែករំលែករូបថតលើ Instagram ជាមួយកូនស្រីឈ្មោះ Willow ដែលបានបំផុសគំនិតដោយការកាត់សក់ខ្លី។

Alopecia គឺជាជំងឺបណ្តាលឲ្យជ្រុះសក់ ដោយសារតែប្រព័ន្ធភាពស៊ាំក្នុងរាងកាយ ដំណើរការខុសប្រក្រតី។

Marilyn Sherlock ប្រធានវិទ្យាស្ថាន Trichologists និយាយថា ជាធម្មតា សក់ចាប់ផ្តើមជ្រុះដុំៗ ហើយលេចឡើងភាពឆកនៅលើស្បែកក្បាល។ សក់​អាច​ចាប់​ផ្ដើម​ដុះ​ឡើង​វិញ​នៅ​កន្លែង​មួយ ប៉ុន្តែនៅតែជ្រុះនៅកន្លែងផ្សេង។ សក់អាចចាប់ផ្តើមស្តើងពេញក្បាល។ 

ហេតុផលខ្លះ ប្រព័ន្ធភាពស៊ាំរបស់រាងកាយ ចាប់ផ្តើមវាយប្រហារឫសសក់។ កោសិកាឈាម.សពិសេសនៅក្នុងរាងកាយដែលត្រូវបានគេស្គាល់ថា T-lymphocytes ធ្វើឲ្យសក់ឈប់លូតលាស់។

មានភ័ស្តុតាងរឹងមាំ បង្ហាញថា Alopecia ជាជំងឺ​តំណពូជ​។ ប្រហែល ២៥%នៃអ្នកជំងឺ មានប្រវត្តិគ្រួសារជួបជំងឺនេះដែរ។

ជំងឺ Alopecia ជាធម្មតាប៉ះពាល់ដល់ក្មេងជំទង់ ប៉ុន្តែវាក៏អាចប៉ះពាល់ដល់មនុស្សគ្រប់វ័យផងដែរ។

មិនមានវិធីព្យាបាលដែលគេដឹងច្បាស់នោះទេ ថ្វីមានវិធីព្យាបាលផ្សេងៗដែលអាចមានប្រសិទ្ធភាពសម្រាប់មនុស្សមួយចំនួនក៏ដោយ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ភ្ញាក់ផ្អើលតារាសម្តែង Will Smith ទះកំផ្លៀងពិធីករ កណ្តាលឆាកពាន Oscars (មានវីដេអូ)

The post មកដឹងដំណើររឿង និងជំងឺដែលធ្វើឲ្យភរិយាលោក Will Smith ជ្រុះសក់អស់ពីក្បាល appeared first on Kampuchea Thmey Daily.