វិលមកអាជីពវិញ តួចិន Yang Yang នៅតែសង្ហានិងកាន់តែក្មេងជាងមុន

សាង ស្រីល័ក្ខ — Mon, 17 Mar 2025 04:48:54 +0000

កាលពីពេលថ្មីៗនេះ Bottega Veneta បានបន្តបើកហាងថ្មីមួយនៅសៀងហៃ នេះមិនត្រឹមតែជាព្រឹត្តិការណ៍បើកហាងប៉ុណ្ណោះទេ ប៉ុន្តែក៏ជាឱកាសសម្រាប់ម៉ាកយីហោអ៊ីតាលី ក្នុងការនាំយកបទពិសោធន៍ពិសេសៗ រួមជាមួយនឹងឱកាសក្នុងការធ្វើជាម្ចាស់ស្ទីគ័រដែលមានកំណត់សម្រាប់អ្នកចូលចិត្តម៉ូដ។

ព្រឹត្តិការណ៍នេះបានប្រមូលផ្តុំតារាល្បីៗជាច្រើនដែលក្នុងនោះការបង្ហាញខ្លួនរបស់ Yang Yang, Sunny Sun, Manh Meng Ziyi និង Jiang Xin បានក្លាយជាចំណុចកណ្តាលនៃការចាប់អារម្មណ៍។ ភ្ញៀវទាំងអស់បានជ្រើសរើសសំលៀកបំពាក់ពីបណ្តុំ Spring Summer 2025 របស់ Bottega Veneta ដែលនីមួយៗមានស្ទីលផ្ទាល់ខ្លួនរបស់ពួកគេ ប៉ុន្តែទាំងអស់បង្ហាញពីស្មារតីម៉ូដបែបសាមញ្ញ ប្រណិត និងអាចអនុវត្តបានខ្ពស់។

Ynag Yang បានបង្ហាញខ្លួននៅក្នុងព្រឹត្តិការណ៍បង្ហាញម៉ូដជាមួយនឹងសម្លៀកបំពាក់នៅក្នុងបណ្តុំ Spring Summer 2025 របស់ Bottega Veneta ។ ជំនួសឲ្យការស្លៀកអាវយឺតដៃវែងដូចតារាបង្ហាញម៉ូដលើវិថីសិល្បៈ របស់តារាចិនបានជ្រើសរើសអាវឆ្នូតពណ៌ខៀវ និងស ដែលមានដៃអាវរមូរបន្តិចអមដោយក្រវ៉ាត់កពណ៌ខ្មៅ ខណៈពេលដែលនៅតែរក្សាបាននូវអារម្មណ៍ទំនើប។ គាត់បានបញ្ចូលវាជាមួយនឹងខោខ្មៅ និងអាវកាក់រោមចៀមពីក្រៅ។

ស្ទីលម៉ូដដ៏ឡូយបែបនេះធ្វើឲ្យនឹកឃើញរូបរាងរបស់លោកពេលសម្ដែងក្នុងរឿង Love O2O នៅពេលនោះ តួអង្គប្រុសសម្ដែងដោយ Yang Yang គឺជាតួប្រុសសំណព្វចិត្តបំផុតរបស់យុវវ័យនៅលើអេក្រង់តូចរបស់ចិន។ យ៉ាងណា នាពេលនេះលោកត្រៀមវិលចូលអេក្រង់តូចវិញជាមួយរឿងភាគទូរទស្សន៍ Mortal Cultivation។ នៅក្នុងរូបភាព Teaser ដែលទើបនឹងចេញថ្មីនេះ តារាប្រុសបានចាប់អារម្មណ៍ម្តងទៀត ជាមួយនឹងភាពសង្ហានិងកាន់តែក្មេងជាងមុន៕

អត្ថបទ៖ សាង ស្រីល័ក្ខ

ចុចអាន៖ធ្លាយពាក្យចចាមអារ៉ាមថា Liu Yifei លួចទាក់ទងជាមួយអ្នកជំនួញចាស់ជាងនាង១៨ឆ្នាំ

The post វិលមកអាជីពវិញ តួចិន Yang Yang នៅតែសង្ហានិងកាន់តែក្មេងជាងមុន appeared first on Kampuchea Thmey Daily.

Chompoo សរសើរតារាចិន Yang Yang ថាសង្ហាខ្លាំងដូចគេល្បី ក្រោយប៉ះគ្នាក្នុងកម្មវិធីធំ

សាង ស្រីល័ក្ខ — Thu, 08 Jun 2023 09:48:03 +0000

អ្នកម្ដាយកូនបី Chompoo Araya ធ្វើឲ្យនារីវ័យក្មេងជាច្រើច្រណែនខ្លាំង ជាមួយនឹងរូបភាពរបស់តារាស្រីរូបនេះថតកៀកស្មានឹងតារាចិន Yang Yang ដែលជាកំពូលប្រុសស្អាតឈរនៅលំដាប់ក្នុងប្រទេសចិន។

បន្ទាប់ពីក្លាយជាអតិថិជនសំខាន់របស់ម៉ាកយីហោ Bvlgari តារាសម្ដែង Chompoo Araya ត្រូវអញ្ជើញឲ្យរួមកម្មវិធីសម្ពោធគ្រឿងអលង្ការលំដាប់ខ្ពស់នេះនៅទីក្រុង Venice ប្រទេសអ៊ីតាលី ខណៈនាងមានឱកាសបានថតកៀកស្មាជាមួយតារាប្រុសនៃទឹកដីនាគ Yang Yang។ ក្នុងព្រឹត្តិការណ៍នេះ ធ្វើឲ្យអ្នកគាំទ្រជាច្រើន ជាពិសេសស្រីៗទប់អារម្មណ៍សឹងមិនជាប់ ក្រោយនាងថតជាមួយតួប្រុសសំណព្វចិត្តរបស់ពួកគេ។

យ៉ាងណាមិញ កាលពីពេលថ្មីៗនេះ Chompoo ទើបតែហ៊ានទម្លាយប្រាប់ពីព្រឹត្តិការណ៍ដែលនាងជួប Yang Yang នៅថ្ងៃនោះថាគាត់ស្អាត គាត់មានស្បែកស និងសង្ហាខ្លាំងហើយមានសុជីវធម៌ក្នុងពេលនិយាយស្ដីណាស់។ យ៉ាងណាមិញ ក្រោយចប់កម្មវិធី ទើបនាងមានឱកាសសួរសុខទុក្ខនិងនិយាយគ្នាទូទៅ មុននឹងថតរូបជុំគ្នាដូចដែលទស្សនិកជនបានឃើញផងដែរ៕

ប្រែសម្រួល៖ សាង ស្រីល័ក្ខ

ចុចអាន៖Mai Davika ប្រតិកម្មតបវិញ ក្រោយត្រូវអ្នកលេង អ៊ីនធឺណិតជេរប្រមាថលើរាងកាយរបស់នាង

The post Chompoo សរសើរតារាចិន Yang Yang ថាសង្ហាខ្លាំងដូចគេល្បី ក្រោយប៉ះគ្នាក្នុងកម្មវិធីធំ appeared first on Kampuchea Thmey Daily.

Yang Yang Archives - Kampuchea Thmey Daily

វិលមកអាជីពវិញ តួចិន Yang Yang នៅតែសង្ហានិងកាន់តែក្មេងជាងមុន

Chompoo សរសើរតារាចិន Yang Yang ថាសង្ហាខ្លាំងដូចគេល្បី ក្រោយប៉ះគ្នាក្នុងកម្មវិធីធំ