បច្ចុប្បន្នបទចម្រៀងបន្ទាប់របស់ Jungkook ដែលមានចំណងជើង “3D” ជាមួយតារាចម្រៀងរ៉េបអាមេរិក Jack Harlow មិនទាន់ទម្លាក់ជាផ្លូវការនៅឡើយ ស្រាប់តែល្បីថា លោកកំពុងរួមគ្នាជាមួយអតីត​សមាជិក One Direction លោក Zayn Malik ដើម្បីផលិតបទថ្មី។

តាមពិតអ្នកគាំទ្រប្រាថ្នាចង់ឱ្យ Jungkook និង Zayn Malik សហការគ្នាជាយូរណាស់មកហើយ និងរំពឹងថាពួកគេអាចបានស្ដាប់បទចម្រៀងរួមគ្នារវាងតារាទាំងពីរ។ តាម​ព័ត៌មានចចាមអារ៉ាមបាននិយាយថា Zayn Malik កំពុង​សហការ​គ្នា​លើ​បទ​ចម្រៀង​ថ្មី​មួយ​មាន​ចំណង​ជើង​ថា “Backseat Kiss” ជាមួយនឹង Jungkook ដែលបទ​ចម្រៀង​នេះ ​នឹង​ចេញផ្សាយ​នៅ​ថ្ងៃ​ទី១ ខែ​ធ្នូ ខាងមុខ។

យ៉ាងណាក៏ដោយ ព័ត៌មានច្បាស់ការពីសិល្បករទាំងពីរ ឬពីក្រុមហ៊ុនរបស់ពួកគេ ពុំទាន់ធ្វើការប្រកាសជាផ្លូវការណាមួយឡើយ៕

ប្រែសម្រួល៖ សន្យា

ចុចអាន៖ តួអង្គនាយកសាលាក្នុងរឿង Harry Potter ទទួលមរណភាពនៅអាយុ ៨២ ឆ្នាំ

The post Jungkook និង Zayn Malik ទំនងសហការគ្នាក្នុងបទចម្រៀងថ្មី appeared first on Kampuchea Thmey Daily.

លោកភ្ជាប់ពាក្យសម្ដីជាមួយរូបថតថា “រីករាយខួបកំណើតកូនស្រី កូនជាមនុស្សអស្ចារ្យបំផុតដែលប៉ាធ្លាប់ជួប ។ ជារៀងរាល់ថ្ងៃដែលប៉ាបាននៅក្បែរកូន ពិតជាសប្បាយរីករាយមិនអាចបរិយាយបានឡើយ ។ កូនអាយុ ៣ ឆ្នាំហើយ! ពេលវេលាដើរលឿនណាស់ ។”

Zayn បន្តថា “កូនស្រីដ៏ស្រស់ស្អាតរបស់ខ្ញុំ ខ្ញុំមិនអាចររស់នៅដោយគ្មានអ្នកបានទេ ។ អរគុណសម្រាប់ការផ្ដល់ក្ដីស្រលាញ់មកក្នុងជីវិតខ្ញុំ ។”

នៅក្នុងរូបថតយើងឃើញមុខ Khai បន្តិចប៉ុណ្ណោះ ព្រោះ Gigi និង Zayn ចង់រក្សាភាពឯកជនរបស់នាង រហូតដល់ធំទើបអាចសម្រេចចិត្តថាចង់ធ្វើជាតារាឬយ៉ាងណាបន្ទាប់ ។

គួរបញ្ជាក់ថា Gigi និង Zayn មានស្នេហារយៈពេល ៥ ឆ្នាំ ពួកគេបែកគ្នានៅឆ្នាំ ២០២១ ដោយសារម្ដាយ Gigi គឺអ្នកស្រី Yolanda Hadid ចោទប្រកាន់ Zayn ថាបានវាយខ្លួនអំឡុងពេលឈ្លោះគ្នា ។

ដោយឡែក ខាង Zayn លោកបានចេញមកបដិសេធការចោទប្រកាន់នេះ ដោយបានឆ្លើយតបនៅលើគណនី Twitter របស់លោកថា ការចោទប្រកាន់របស់អ្នកស្រី Yolanda Hadid សុទ្ធតែជារឿងមិនពិត ៕

ប្រែសម្រួល៖ វារី

ប្រភព៖ pagesix

ចុចអាន៖ ពិតទេ? Zayn ប្រើអំពើហិង្សាលើម្តាយ Gigi ទើបធ្វើឲ្យអ្នកទាំងពីរចែកផ្លូវគ្នា

The post Zayn Malik បង្ហោះរូបថតពិធីខួបកំណើតកូនស្រី ៣ ឆ្នាំដ៏កម្រ ក្នុង Instagram appeared first on Kampuchea Thmey Daily.

ជាពិសេស តារាចម្រៀងស្រីរូបនេះបានបង្ហោះវីដេអូខ្លួនឯងនៅលើគេហទំព័រ Tik Tok ហើយបានបង្ហាញថានាងនៅលីវ។ Selena បាននិយាយបែបលេងសើច ខណៈដែលនាងស្រែកលេងលើសើច នៅទីលានបាល់ទាត់នៅក្នុងវីដេអូថា ”ខ្ញុំនៅលីវ។ អ្នកពិបាកផ្គាប់ចិត្តបន្តិច ប៉ុន្តែខ្ញុំនឹងស្រឡាញ់អ្នកខ្លាំងណាស់” ។

តាំងពីដើមឆ្នាំមក អតីតតារា Disney ត្រូវបានគេចាប់បានក្នុងពាក្យចចាមអារ៉ាមណាត់ជួបគ្នា ២ ដងពាក្យចចាមអារ៉ាមដំបូងបានកើតឡើងនៅក្នុងខែមករា បន្ទាប់ពីនាងត្រូវបានគេឃើញឱបនិងថើបជាមួយ Drew Taggart នៃសមាជិកក្រុម The Chainsmokers ។ ក្រោយមក ប្រភពជាច្រើនក៏បាននិយាយថានាងនិងសមាជិកក្រុម Chainsmokers នៅតែស្ថិតក្នុងដំណាក់កាលនៃការស្គាល់គ្នានៅឡើយ មិនទាន់មានទំនាក់ទំនងស្នេហានៅឡើយទេ ។

ទន្ទឹងនឹងនោះ កាលពីខែមីនា Selena Gomez ត្រូវបានគេនិយាយថាបានញ៉ាំអាហារពេលល្ងាចយ៉ាងស្និទ្ធស្នាលជាមួយ Zayn ដែលជាអតីតមិត្តប្រុសរបស់កំពូលតារាម៉ូដែល Gigi Hadid ។ ក្រោយមក ម្ចាស់ភោជនីយដ្ឋាននេះបានអះអាងថាបានឃើញគូស្នេហ៍កំពុងថើបគ្នានៅទីនោះ។

យ៉ាងណាមិញ នៅមិនទាន់មានរូបភាពបញ្ជាក់ពីព័ត៌មាននេះដែរ ទោះយ៉ាងណាបន្ទាប់ពីផ្ទុះពាក្យចចាមអារ៉ាមភ្លាមៗ តារាចម្រៀងទាំងពីរបាននៅតែរក្សាស្ងៀមចំពោះពាក្យចចាមអារ៉ាមនេះ ប៉ុន្តែនៅបច្ចុប្បន្ន Selena Gomez បញ្ចាក់ថានាងនៅលីវមិនមានទំនាក់ទំនងស្នេហាជាអ្នកណានៅឡើយទេ ៕

ប្រែសម្រួល៖នាងតូច

ចុចអាន៖Irina Shayk បដិសេធពាក្យចចាមអារ៉ាម រឿងឲ្យដៃ Tom Brady

The post Selena Gomez បដិសេធពាក្យចចាមអារ៉ាមថាមានស្នេហាជាមួយ Zayn appeared first on Kampuchea Thmey Daily.

ថ្មីៗនេះ ប្រព័ន្ធផ្សព្វផ្សាយបរទេសបានរាយការណ៍ឲ្យដឹងថា Zayn Malik តារាប៉ុបអង់គ្លេសនិងជាអតីតសមាជិក One Direction កំពុងនៅទីក្រុងញូវយ៉ក ដើម្បីធ្វើការលើអាល់ប៊ុមនាពេលខាងមុខរបស់លោក។ ចៃដន្យ Rosé សមាជិក BLACKPINK ត្រូវបានគេរាយការណ៍ថាបានប្រទះឃើញនៅស្ទូឌីយ៉ូថតសំឡេងក្នុងទីក្រុងតែមួយដែលបង្កើនការរំពឹងទុកអំពីការសហការរវាងអ្នកទាំងពីរដែលអាចកើតមាន ។

លើលពីនេះទៅទៀត គួរកត់សម្គាល់ថាអ្នកគ្រប់គ្រងបច្ចុប្បន្នរបស់ Zayn Malik គឺលោក Cola Carson បានចាប់ផ្តើម follow គណនី Instagram ផ្ទាល់ខ្លួនរបស់ Rosé ដែលបង្កឱ្យមានការសង្ស័យបន្ថែមទៀត។ ជាលទ្ធផល អ្នកនិយមលេងអ៊ីនធឺណិតជាច្រើន ជាពិសេសនៅលើប្រព័ន្ធផ្សព្វផ្សា​យសង្គម Twitter បានសម្តែងការរំភើបចិត្តចំពោះកិច្ចសហការដែលអាចធ្វើទៅបាន ។

ទន្ទឹមនឹងនេះ ទាំងភាគីតារាចម្រៀងប៉ុបអង់គ្លេស Zayn Malik មិនបាននិយាយអំពីពាក្យចចាមអារ៉ាមអំពីការសហការនេះទេ ក៏ដូចជាទីផ្នែកងាររបស់ Rosé គឺផលិតកម្ម YG Entertainment ចេញមកបកស្រាយចំពោះរឿងមួយនេះផងដែរ ៕

ប្រែសម្រួល៖នាងតូច

ចុចអាន៖សហគមន៍អ្នកស្រឡាញ់ភេទដូចគ្នា ខឹងសំបារឪពុករបស់ Justin Bieber ចំពោះការរើសអើង

The post Rosé និង Zayn Malik អាចនឹងសហការចេញបទចម្រៀងរួមគ្នា appeared first on Kampuchea Thmey Daily.

នៅក្នុងបញ្ជី following របស់ Zayn អតីតសមាជិកក្រុម One Direction មាននារី ៥ នាក់ បុរស ៣ នាក់ ហើយក្នុងចំណោមនារី ៥ នាក់នោះមាន Selena Gomez, Ingrid Michaelson, SYD, SIA, និង Doniya Malik ដែលជាបងស្រី Zayn ។

ចំណុចនេះហើយធ្វើឲ្យអ្នកគាំទ្រចាប់ផ្ដើមគិតសង្ស័យលើទំនាក់ទំនងអ្នកទាំងពីរកាន់តែខ្លាំងឡើង ព្រោះគេចាត់ទុកថាវាជាទង្វើផ្ដល់ភាពសំខាន់ទៅឲ្យ Selena Gomez ជាពិសេស ។

ពាក់ព័ន្ធនឹងបញ្ហាខាងលើមានសារព័ត៌មានជាច្រើនបានចុះថាពួកគេកំពុងទាក់ទងគ្នាពិតប្រាកដ ១០០ ភាគរយ តាមពិតយ៉ាងណានោះសាមីខ្លួនមិនទាន់ចេញមុខបកស្រាយ ឬបញ្ជាក់ប្រាប់អ្នកតាមដាននៅឡើយទេ ។

ចំណែក Gigi Hadid អតីតមិត្តស្រី Zayn នាងនៅតែយកចិត្តទុកដាក់មើលថែកូនស្រី Kai ជាធម្មតាដោយមិនខ្វាយខ្វល់ពិបាកចិត្តនឹងពាក្យចចាមអារ៉ាមសូម្បីបន្តិច ណាមួយអ្នកទាំងពីរនៅតែរួមគ្នាចិញ្ចឹមកូនដូចដើមដដែល ៕

អត្ថបទ ៖ វារី

ចុចអាន ៖ ធ្លាយពាក្យចចាមអារ៉ាមថា Selena Gomez កំពុងណាត់ជួប Zayn Malik

The post Selena ជាមនុស្សស្រីគួរឲ្យសង្ស័យជាងគេ ក្នុងបញ្ជី following នៃគណនី IG របស់ Zayn Malik appeared first on Kampuchea Thmey Daily.

Zayn និង Selena Gomez បានផ្ទុះចចាមអារ៉ាមដោយភាគីនោះអះអាងថា ឃើញគូស្នេហ៍មួយគូនេះកាន់ដៃគ្នាឱបនៅតំបន់ផ្លូវ SoHo ក្នុងទីក្រុងញូវយ៉កកាលពីចុងសប្តាហ៍ ទោះយ៉ាងណាក៏នៅមិនទាន់មានរូបភាពបញ្ជាក់ពីព័ត៌មាននេះដែរ។

នេះធ្វើឱ្យទស្សនិកជនមានចម្ងល់ថាតើតារាបង្ហាញម៉ូដ Gigi Hadid នឹងមានអារម្មណ៍យ៉ាងណានៅពេលដែលអតីតមិត្តប្រុស Zayn ណាត់ជួបមិត្តរបស់នាងគឺ Selena ។ ទន្ទឹមនឹងនេះប្រភពពី Us Weekly បានចែករំលែកថា តារាបង្ហាញម៉ូដ Gigi មិនខ្វល់ថា Zayn ណាត់អ្នកណាទេ ព្រោះតែនាងលែងមានអារម្មណ៍ចំពោះ Zayn ទៀតហើយ។ ទោះបីជាបែបនេះក៏ដោយអ្នកទាំងពីរនៅតែរក្សា ទំនាក់ទំនង “មិត្តភាព” ដើម្បីចិញ្ចឹមកូនស្រីរបស់ពួកគេជាមួយគ្នា។

យ៉ាងណាមិញ តារាបង្ហាញម៉ូដ Gigi Hadid ថ្មីៗនេះត្រូវបានគេរាយការណ៍ថាកំពុងទាក់ទងជាមួយតារាសម្តែង ហូលីវូដ Leonardo DiCaprio បន្ទាប់ពីត្រូវបានគេប្រទះឃើញរួមគ្នាកាលពីខែ កញ្ញា ឆ្នាំ ២០២២ នៅឯកម្មវិធី New York Fashion Week ៕

ប្រែសម្រួល៖នាងតូច

The post ធ្លាយពាក្យចចាមអារ៉ាមថា Selena Gomez កំពុងណាត់ជួប Zayn Malik appeared first on Kampuchea Thmey Daily.

ដំណឹងបឋមបានឱ្យដឹងថា មូលហេតុដែលនាំឱ្យឈានដល់ផ្លូវបំបែករវាងគូស្នេហ៍កូនមួយនេះដែរ ដោយសារលោក Zayn ត្រូវបានចោទប្រកាន់ពីការប្រើអំពើហិង្សាទៅលើម្តាយរបស់ Gigi អំឡុងពេលឈ្លោះគ្នា។

រឿងរ៉ាវបែកបាក់នេះ បានកើតឡើងនៅពេលដែលម្តាយរបស់តារាម៉ូឌែល Gigi ទម្លាយថា លោក Zayn បានវាយគាត់ កំលុងពេលឈ្លោះប្រកែកគ្នា។ ពេលនេះអ្នកស្រី Yolanda Hadid ដែលជាម្ដាយ Gigi កំពុងពិចារណាដាក់ពាក្យបណ្ដឹងទៅខាងប៉ូលិស ដើម្បីចាត់ការតាមផ្លូវច្បាប់។

ដោយឡែក ខាង Zayn លោកបានចេញមកបដិសេធការចោទប្រកាន់នេះ ដោយបានឆ្លើយតបនៅលើគណនី Twitter របស់លោកថា ការចោទប្រកាន់របស់អ្នកស្រី Yolanda Hadid សុទ្ធតែជារឿងមិនពិត។ តាមរយៈសារបង្ហោះដដែលរបស់តារាប្រុសរូបនេះ ទំនងជាលោកមានបញ្ហាឈ្លោះប្រកែកគ្នាពិតមែន ប៉ុន្តែលោកបានសុំទោសរួចអស់ហើយ។

ងាកទៅ​ខាងកំពូលតារាបង្ហាញម៉ូដ Gigi Hadid វិញ បន្ទាប់ពីមានរឿងផ្ទុះឡើង នាងមិនបានចេញមុខបកស្រាយអ្វីឡើយ។ យ៉ាងណាមិញ អ្នកតំណាងរបស់តារាស្រីរូបនេះ បានចេញសេចក្តីថ្លែងការណ៍មួយ ដោយបញ្ជាក់ថា ពេលនេះ Gigi គិតតែពីរឿងកូនប៉ុណ្ណោះ ហើយសុំមិនឆ្លើយតបអ្វីទេ ដោយចង់រក្សា​ឯកជន​ភាពមួយរយៈសិន៕

ប្រែសម្រួល៖ សន្យា

ចុចអាន៖ អ្នកគាំទ្ររង់ចាំ Lisa ច្រៀងឆ្លងឆ្នាំនៅថៃ ត្រូវខកចិត្ត

The post ពិតទេ? Zayn ប្រើអំពើហិង្សាលើម្តាយ Gigi ទើបធ្វើឲ្យអ្នកទាំងពីរចែកផ្លូវគ្នា appeared first on Kampuchea Thmey Daily.