Connect with us

បច្ចេកវិទ្យា

BENTAYGA S រថយន្ដ​ដែលមាន​លក្ខណៈ​ស្ព័​រ​បំផុត​របស់ BENTAYGA S

បានផុស

នៅ

​ ​Bentayga S ម៉ូ​ដែល​ថ្មី​ផ្ដល់នូវ​ភាពរហ័សរហួន និង​ភាព​លេចធ្លោ​

​ ​ប្រព័ន្ធ​បូម​បង្គុំ​ឡើង​តាម​លក្ខណៈ​រថយន្ដ​ស្ព័​រ​ជាពិសេស​គ្មាន​ពីរ​ដែល​ផ្ដល់នូវ​សមត្ថភាព​បើកបរ​ជាមួយនឹង​ភាព​រហ័ស​បំផុត

​ ​ម៉ូត​រចនា​រូបរាង​មាំ​បង្ហាញ​នូវ​សមត្ថភាព​បើកបរ​ជា​លក្ខណៈ​ស្ព័​រ​ពិតៗ​

​ ​ចង្កៀង​មុខ​ពណ៌​ខ្មៅ​ប្រឿងៗ និមិត្តសញ្ញា Bentayga ‘S’ កង់​ទំហំ 22 អ៊ិ​ន្ឈ៍ និង​បំពង់ផ្សែង​ព្រែ​ករាង V8 ថ្មី បង្ហាញ​នូវ​សក្ដានុពលភាព​ក្នុងការ​បើកបរ​។

​ ​ផ្នែក​ខាងក្នុង​ប្រកបដោយ​ភាព​ប្រណិត​រួមមាន​ពណ៌​ឆ្លាស់​ថ្មី​ជាមួយនឹង​ធាតុ Alcantara®

​ ​សម្ភារៈ​ពណ៌​ខ្មៅ​ភ្លឺ តួ​ពណ៌​ខ្មៅ និង​កញ្ចក់​ទ្វារ​ពណ៌​ខ្មៅ​

​ ​ម៉ាស៊ីន V8 4.0-​លីត្រ ទែ​រ​បូ​ភ្លោះ ផ្ដល់នូវ​កម្លាំង 542 bhp (550 PS),568 lb.ft. (770 Nm)

​ ​0-60 mph (0–100 km/h) ក្នុង 4.4 (4.5) secs ល្បឿន​ខ្ពស់បំផុត 180 mph (290 km/h)

​ ​Bentayga S មាន​កាប៊ីន​បួន​កៅអី ប្រាំ​កៅអី ឬ​ប្រាំពីរ​កៅអី​

​ ​ម៉ូ​ដែល​ថ្មី​ផ្សំ​បញ្ចូល​គ្នា​នូវ​ប្រភេទ​ហៃ​ប្រី​ត ម៉ាស៊ីន V8 និង​ល្បឿន​លឿន​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

(Crewe ថ្ងៃទី 25 ខែឧសភា ឆ្នាំ 2021) ថ្ងៃនេះ Bentley បានប្រកាស​ព័ត៌មាន​អំពី Bentayga Sម៉ូ​ដែល​ថ្មី ដែល​ផ្ដល់នូវ​សមត្ថភាព​ស្ព័​រ​បន្ថែមទៀត​ដល់​ប្រភេទ​រថយន្ដ Bentaga S។ ជាមួយនឹង​ម៉ូត​រចនា​ស្រស់​ឆើត នៅ​គ្រប់​ចំណុច Bentayga S គឺជា​ម៉ូ​ដែល​រថយន្ដ SUV ប្រណិត​ចុងក្រោយ​បំផុត​របស់ Bentley ដែល​បាន រចនា​ម៉ូត និង​វិស្វកម្ម​នៅក្នុង​ចក្រភព​អង់គ្លេស និង​ផលិត​ក្នុង​រោងចក្រ​គ្មាន​បញ្ចេញ​កាបូន​របស់ Bentley នៅ Crewe​។​

​ម៉ូ​ដែល S ត្រូវបាន​ដាក់លក់​ជា​លើកទីមួយ​ចាប់តាំងពី​ដាក់លក់ Bentayga S នៅក្នុង​ឆ្នាំ 2015 ដែលជា​ការ ឆ្លើយតប​ទៅនឹង​ព័ត៌មាន​ត្រឡប់​ពី​អតិថិជន​ជាច្រើន​នាក់​ដែល​ពេញ​ចិត្តនឹង​សមត្ថភាព​ខ្ពស់​នៃ Bentayga S ប្រភេទ on-road របស់​ពួកគេ​។ ផ្អែកទៅលើ​ម៉ាក​សញ្ញា ‘S’ របស់ Bentley រថយន្ដ Bentayga S ស្ព័​រ​ថ្មី​នេះ​កាន់តែ​ផ្ដល់នូវ​ផាសុកភាព​ក្នុងការ​បើកបរ ដោយមាន​ប្រព័ន្ធ​រក្សា​លំនឹង​សកម្ម Bentley Dynamic Ride បំពាក់​ជា​ស្ដង់ដារ​ជាមួយនឹង​សាក់​ស៊ី​ប្រភេទ​ស្ព័​រ​កាន់តែ​រឹងមាំ​។ បង្កើន 15 ភាគរយ​នៅក្នុង​ការពង្រឹង​សាក់​ស៊ី និង​ផ្ដល់នូវ​គ្រោង​សម្រាប់​បង្កើន​សមត្ថភាព​ស្ព័​រ ESC tune​។​

Bentayga S ក៏មាន​ការកែសម្រួល​សោ​ភណ្ឌ​ភាពជា​ពិសេស​ផងដែរ​តាមរយៈ​ការបន្ថែម​លក្ខណៈ​ពណ៌​ខ្មៅ​ប្លែក និង​កាន់​តែមាន​សំឡេង​បែប​រថយន្ដ​ស្ព័​រ​តាម​ការ​រចនា​ម៉ូត​បំពង់ផ្សែង​ថ្មី​ដែល​ធ្វើ​ឲ្យ​វត្តមាន​របស់ Bentayga S នៅលើ​ផ្លូវថ្នល់​កាន់​តែមាន​ភាពលេច​ធ្លោ​។​

Bentayga S មាន​ភាពស្រស់​ប្លែក​នៅ​ផ្នែក​ខាងក្រៅ​ដែល​រួមមាន កង់​ទំហំ 22” ជាពិសេស​រួមជាមួយ​នឹង​ទឹក​ថ្នាំ​បី​ពណ៌ និមិត្តសញ្ញា ‘S’ ថ្មី​នៅ​គែម​ខាងក្រោម​ទ្វារ​មុខ និង Blackline Specification ជា​ស្ដង់ដារ​។ ភាពលេច​ធ្លោ​ត្រូវបាន​បង្កើន​តាមរយៈ​កាង​កន្ទុយ​ត្រី​ខាងក្រោយ​ធំ​ជាង​មុន គែម​សៀ​ល​ចំហៀង​ពណ៌​ខ្មៅ​សុទ្ធ និង​កាង​កាន់តែ​ទាប ទាំង​ខាងមុខ និង​ខាងក្រោយ​។ ចង្កៀង​មុខ និង​ក្រោយ​ឡង់​ទី​ពណ៌​ប្រឿងៗ កញ្ចក់ទ្វារ​ពណ៌​ខ្មៅ និង​បំពង់​ផ្សេង​ព្រែ​ករាង​ពងក្រពើ​ពណ៌​ខ្មៅ​ដែល​ធ្វើ​ឲ្យ​ផ្នែក​ខាងក្រៅ​កាន់​តែមាន​ភាពលេច​ធ្លោ​។​

​នៅ​ខាងក្នុង​កាប៊ីន​ដ៏​ប្រណិត រថយន្ដ Bentayga S មានប្រើ​កៅអី​ថ្មី​ប៉ាក់​ជាពិសេស​គ្មាន​ពីរ ពណ៌​ឆ្លាស់​ថ្មី និង Alcantara® ស្របទៅនឹង​ផ្នែក​ខាងក្រៅ​ដ៏​ឥតខ្ចោះ និង​បង្កើន​សមត្ថភាព​ក្នុងការ​បើកបរ​។ ពណ៌​លាតសន្ធឹង​ដល់​លើ​តា​ប្លូ​មុខ កុង​សូល​កណ្ដាល ដៃ​ទ្វារ និង​ទ្រនាប់​កៅអី​ក៏ដូចជា Alcantara® រហូតដល់​ខ្នើយ​កល់​កៅអី និង​ខ្នង ដៃចង្កូត និង​ចង្កឹះ​លេខ ធ្វើ​ឲ្យ Bentayga S មាន​ភាពស្រស់​សង្ហា និង​ទំនើប​។ និមិត្តសញ្ញា ‘S’ មាននៅ​ផ្ទៃ​ខាងមុខ​អ្នករួមដំណើរ ក៏ដូចជា ក្រាហ្វិក​ថ្មី​នៅក្នុង​តា​ប្លូ​មុខ​អ្នកបើកបរ និង​ទ្រនាប់​បាត​ដែល​បង្ហាញ​លក្ខណៈ​នៃ​ម៉ូ​ដែល​នេះ​។​ ​

​លក្ខណៈ SUV ប្រណិត​នាំមុខគេ​ក្នុង​ទីផ្សារ​របស់ Bentley មាន​បួន ប្រាំ ឬ​ប្រាំពីរ​កៅអី ហើយ​តាំងពី​បានដាក់​បញ្ចូល​ក្នុង​ទីផ្សារ​នៅ​ឆ្នាំ 2016 មក មាន​អតិថិជន​ជាង 25,000 នាក់​បានទទួល Bentayga S។ ម៉ូ​ដែល​ទី​បួន​នៃ​ប្រភេទ Bentayga S មាន​បំពាក់​ប្រព័ន្ធ​ហៃ​ប្រី​ត​សន្សំសំចៃ​ដែលជា​ប្រភេទ​ម៉ាស៊ីន V8 ទែ​រ​បូ​ចំណុះ 4.0 លីត្រ និង​ល្បឿន​ស៊ីឡាំង 12 ចំណុះ 6.0-​លីត្រ ដ៏​ខ្លាំង​។ Bentayga S Hybrid ថ្មី​គឺ​ត្រៀម​ដាក់លក់​នៅ​ចក្រភព​អង់គ្លេស និង​ទ្វីបអឺរ៉ុប ដោយមាន​ការចូល​ក្នុង​ទីផ្សារ​សកម្ម​របស់​សហ​រដ្ឋ​អាមេរិក និង​ប្រទេស​ចិន​រួចហើយ ហើយ​ថ្មីៗ​នេះ Bentayga S Hybrid បាន​ក្លាយជា​រថយន្ដ Bentley រចនា​ដោយ​ដៃ​ទី 200,000 ក្នុង​ប្រវត្តិសាស្ដ្រ​របស់​ក្រុមហ៊ុន​។​

ថាមពល និង​សមត្ថភាព​ពិសេស​

Bentayga S បំពាក់​ដោយ​ម៉ាស៊ីន​សាំង V8 ទែ​រ​បូ​ភ្លោះ​ចំណុះ 4.0 លីត្រ​ដ៏​ល្បីល្បាញ​របស់ Bentley ដែល​ផ្ដល់នូវ​កម្លាំង​ដ៏​ខ្លាំង​រួមជាមួយ​នឹង​ការ​សន្សំសំចៃ​សាំង​ដ៏​ច្រើន​។ ម៉ាស៊ីន​ជំនាន់​ចុងក្រោយ​បំផុត​ដែល​ផ្ដល់​កម្លាំង 542 bhp (550 PS) និង​កម្លាំង​បង្វិល 568 lb.ft. (770 Nm) ជាមួយនឹង 0-60 mph (0–100 km) ដង​ក្នុង 4.4 (4.5) វិនាទី និង​ល្បឿន​ខ្ពស់បំផុត 180 mph (290 km/h)​។ សមត្ថភាព​នាំមុខគេ​នេះ​បន្ថែម​ទៅដោយ​ការបើកបរ​ចម្ងាយ 406 ម៉ែ​ល៍ (654 km) ដោយមាន​ការ​បំ​ភាយ​ឧស្ម័ន CO2 ត្រឹម 294 g/km​។

​តាមរយៈ​ការប្រើប្រាស់​ថាមពល​ប្រកបដោយ​ប្រសិទ្ធភាព​បំផុត​តាម​ដែល​អាច​ធ្វើបាន​នេះ Bentley Dynamic Ride ត្រូវបាន​បំពាក់​ជា​ស្ដង់ដារ និង​ជា​បច្ចេកវិទ្យា​គ្រប់គ្រង​កម្លាំង​វិល​កង់​អគ្គិសនី​សកម្ម​ទីមួយ​ក្នុង​ពិភពលោក​ដែល​ប្រើប្រាស់​ប្រព័ន្ធ 48V​។ ប្រព័ន្ធ​នេះ​អាចឆ្លើយតប​ក្នុង​រវាង 0.3s ជាមួយ នឹង​កម្លាំង​បង្វិល​រហូតដល់ 1,300 Nm ក្នុងការ​ទប់​នឹង​កម្លាំង​វិល​កង់​នៅពេល​បត់ ដែល​ធានាបាន​នូវ កម្រិត​កកិត​អតិបរមា​រវាង​កង់​នឹង​ផ្លូវ នាំមក​នូវ​លំនឹង​ខ្ពស់ ផាសុកភាព​ក្នុងការ​បើកបរ និង​សមត្ថភាព ខ្ពស់​ក្នុងការ​គ្រប់គ្រង​។

​ស្រដៀង​គ្នា​នឹង​ប្រភេទ Continuental GT Speed ដែល​ទើប​បញ្ចូល​ក្នុង​ទីផ្សារ​នាពេល​ថ្មីៗ​នេះដែរ ដែល​ក្នុងនោះ​កម្រិត​ផាសុកភាព​ក្នុងការ​គ្រប់គ្រង​ការបើកបរ និង​សមត្ថភាព​បើកបរ​ត្រូវបាន​ពង្រីក​តាមរយៈ​ការជ្រើសរើស​ប្រភេទ​សាក់​ស៊ី ពេលនេះ Bentayga S ផ្ដល់ជូន​នូវ​សមត្ថភាព​កាន់តែ​ខ្ពស់​តាមរយៈ​ប្រភេទ​សាក​ស៊ី​ស្ព័​រ​ជាជាង​ប្រភេទ Bentayga S ស្ដង់ដារ​។

​នៅក្នុង​ប្រភេទ​ស្ព័​រ ការគ្រប់គ្រង​ចង្កូត​កាន់តែ​ល្អ ការឆ្លើយតប​ទៅនឹង​ការបត់​កាន់តែ​ប្រសើរ និង​ការគ្រប់គ្រង​បាន​កាន់តែ​ខ្ពស់​លើ​ការ​ក្រឡាប់​ដោយសារ​ការបង្កើន​បន្ថែ​ម 15 ភាគរយ​នៅក្នុង​បូម​ខ្យល់ និង​ប្រព័ន្ធ​រក្សា​លំនឹង​អេឡិចត្រូនិក (Electronic Stability Control)​និង Bentley Dynamic Ride​។

​ការ​បង្គុំ​ឡើងវិញ​នូវ Torque Vectoring របស់ Bentley តាមរយៈ​ប្រព័ន្ធ​ហ្វ្រាំង ដែល​ក្នុងនោះ​រថយន្ដ​ចាប់​ហ្វ្រាំង​តិចៗ​នៅ​ខាងក្នុង​កង់​ខាងក្រោយ​នៅពេល​បត់​ដើម្បី​បង្កើន​សមត្ថភាព​ក្នុង​ការបត់​របស់​ភ្លៅ​មុខ បានធ្វើ Bentaga S កាន់​តែមាន​សមត្ថភាព​ឆ្លើយតប​ទៅនឹង​ការបើកបរ​។​

​បំពង់ផ្សែង​បែប​ស្ព័​រ​ថ្មី​ត្រូវបាន​បំពាក់​ជា​ស្ដង់ដារ​ដោយមាន​បំពង់​មេ និង​បំពង់​រង​កែលម្អ​នូវ​លំហូរ​ផ្សែង និង​ការ​ផ្សំ​បញ្ចូល​គ្នា​ជាមួយនឹង​បាន​កាត់បន្ថយ​ប្រហោង​នៅក្នុង​សំបុក​ស៊ី​ម៉ាំង​ផ្ដល់នូវ​សំឡេង​កាន់តែ​ណែន ដែល​បញ្ជាក់​អំពី​សមត្ថ​ភាព​ខ្ព​ស់ពិតៗ​របស់​រថយន្ដ​។​

​សមត្ថភាព​បើកបរ off-road ទាំងអស់​របស់ Bentayga S រក្សា​នៅ​ដដែល ជាមួយនឹង​មុខងារ All-Terrain Specification តាម​ជម្រើស​សម្រាប់​មុខងារ​បើកបរ​ប្រភេទ​ផ្លូវ off-road ដោយ​កង់​បួន​ទាំងស្រុង (​ព្រិល និង​ស្មៅ​សើម ដី និង​គ្រួស ភក់ និង​ផ្លូវលំ និង​ខ្សាច់​) ក្នុង​ជម្រៅ 500 mm​។

ភាពលេច​ធ្លោ​ពិតៗ​របស់ Bentayga ‘S’

​ម៉ូត​រចនា​ខាងក្រៅ​ដ៏​មាំ​យ៉ាង​ស្រស់​សង្ហារ​របស់ Bentayga S ថ្មី​ឆ្លុះបញ្ចាំង​ឲ្យ​ឃើញ​ពី​សមត្ថភាព​បើកបរ​ដ៏​ខ្លាំង​ពិតៗ​របស់​វា​។ ក្បាច់ក្បូរ​នៅ​គ្រប់​ចំណុច លក្ខណៈ​ស្ព័​រ​របស់ Bentayga S ត្រូវបាន​មើលឃើញ​យ៉ាងច្បាស់​ពី​គ្រប់​ជ្រុង និង​ធ្វើ​ឲ្យ​មាន​លក្ខណៈ​កាន់តែ​ពិសេស​ជាមួយនឹង​ការកែប្រែ​ដែល​ផ្លាស់ប្ដូរ​នូវ​លក្ខណៈ​របស់​រថយន្ដ​នេះ​ទាំង​ផ្នែក​ខាងក្នុង និង​ខាងក្រៅ​។​

​ភាពលេច​ធ្លោ​របស់ Bentayga S រឹតតែ​ត្រូវបាន​បង្កើន​ឡើង​ជាមួយនឹង​ការប្រើ​ពណ៌​ខ្មៅ​នៅលើ​ផ្នែក​ខាងក្រៅ​ទាំងអស់ ស្រប​ជាមួយនឹង​កញ្ចក់ទ្វារ​ព​ណ៌​ខ្មៅ និង​គែម​សៀ​ល​ចំហៀង​ពណ៌​ខ្មៅ​សុទ្ធ​។ លក្ខណៈពិសេស​ទាំងនេះ​ត្រូវបាន​បង្កើន​តាមរយៈ​ចង្កៀង​មុខ និង​ចង្កៀង​ក្រោយ​ពណ៌​ខ្មៅ រួមជាមួយ​នឹង​ប៉ា​ណា​ក្រោម​ពណ៌​ខ្មៅ​សុទ្ធ​។ កាង​កន្ទុយ​ត្រី​កាន់តែ​ធំ​នៅ​ខាងក្រោយ​របស់ Bentayga S ដែល​លាតសន្ធឹង​ដល់​ទ្រនុង​ដំបូល និង​ផ្ដល់នូវ​លំនឹង​ខ្ពស់​ក្នុងពេល​បើកបរ​លឿន ត្រូវបាន​បំពេញបន្ថែម​ទៅដោយ​បំពង់ផ្សែង​ព្រែក​លក្ខណៈ​ស្ព័​រ​រាង​ពងក្រពើ​ពណ៌​ខ្មៅ និង​និមិត្តសញ្ញា​ពិសេស​គ្មាន​ពីរ​នៅ​ខាងក្រៅ​។

​កង់​ទំហំ 22” ថ្មី​គឺមាន​ភាពស្រស់ស្អាត និង​ឆ្លុះ​គ្នា​ពី​បន្ទាត់​កណ្ដាល​របស់​រថ​យន្ដ ដែល​ធានាថា​កាំ (​មើលទៅ​ដូចជា ‘​កាំបិត​ខ្វែវ​) ចង្អុល​ទៅ​ទិសដៅ​តែមួយ​នៅ​ចំហៀង​សងខាង​របស់​រថយន្ដ​។ មាន​ផ្ដល់ជូន​ចំនួន​បី​ពណ៌ ពណ៌​ប្រាក់​គឺជា​ស្ដង់ដារ រួមជាមួយ​នឹង​ពណ៌​ខ្មៅ​សុទ្ធ និង​ពណ៌​ខ្មៅ​ភ្លឺ ទៅតាម​ជម្រើស​។ កង់​ពណ៌​ខ្មៅ​ភ្លឺ​ត្រូវ​ការប្រើ​កម្លាំង​ពលកម្ម​ខ្លាំង – ទីមួយ​គឺ​ហាម​កង់​ត្រូវបាន​ប៉ូ​លា​សេ​រ៉ា​មិច មុននឹង​ប៉ូ​លា​ឲ្យ​ភ្លឺ​ដើម្បី​អាច​ប្រើ​ថ្នាំ​ពណ៌​ខ្មៅ​សុទ្ធ នៅមុន​ពេល​ប៉ូ​លា​បញ្ចប់​ដោយ​ដៃ​។​

​កាប៊ីន​ល្អ​គ្មាន​ពីរ​- បំពាក់​ទៅដោយ​ភាព​ង​ប្រណិត

​ពណ៌​ឆ្លាស់ ‘S’ ត្រូវបាន​ប្រើ Alcantara® ទៅលើ​ផ្នែក​កាប៊ីន​របស់ Bentayga S ម៉ាស៊ីន V8 លាតសន្ធឹង​រហូតដល់​ខ្នើយ​កល់​កៅអី និង​ខ្នង កុង​សូល​កណ្ដាល ចង្កឹះ​លេខ និង​ដៃចង្កូត ទ្រនុង​ខាងលើ និង​ពិ​ដាន​ដំបូល បង្កើតបាន​នូវ​ផ្នែក​ខាងក្នុង​ដ៏​ប្រណិត​សម្រាប់​រថយន្ដ​ដែលមាន​សមត្ថភាព​ខ្ពស់​មួយ​នេះ​។​ ​

​ម៉ូត​កៅអី​ថ្មី​មាន​ចំនួន​បួន ប្រាំ និង​ប្រាំពីរ​កៅអី​។ ការបញ្ចូល​ម៉ូត​រចនា​កៅអី​ថ្មី ពិសេស​គ្មាន​ពីរ និង​ទំនើប​ផ្ដល់នូវ​សោ​ភណ្ឌ​ភាព​បែប​ស្ព័​រ​កាន់តែខ្លាំង រួម​ជាមួយនឹង​ខ្សែបន្ទាត់​ប៉ាក់​យ៉ាង​សាមញ្ញ​នៅតាម​តំបន់​ស្មា​។ ម៉ូត​ប៉ាក់​ថ្មី​មាន​ផ្ដល់ជូន​ស្របទៅតាម​ពណ៌​ចម្បង ឬ​បន្ទាប់បន្សំ និង​រួមបញ្ចូល​ជាមួយនឹង​ធាតុ Alcantara® ដើម្បី​បង្កើត​នូវ​សោ​ភណ្ឌ​ភាព​ថ្មី​។ ផ្នែក​ផ្អែក​របស់​កៅអី​ត្រូវបាន​បញ្ចប់​ទៅដោយ​ក្បាច់​ប៉ាក់​រាង​អក្សរ ‘S’​។​ ​

​រូប​សញ្ញា​ដ៏​ស្រស់ស្អាត​លំអ​លើ​តា​ប្លូ​នៅ​ពីមុខ​អ្នករួមដំណើរ មាន​លក្ខណៈ​ស្រដៀង​គ្នា​ទៅនឹង​ទ្រនាប់​បាត​របស់ Bentayga S ដែល​លំអ​នៅពេល​ចុះ ឬ​ឡើង​រថយន្ដ​។​

Bentayga S មាន​តា​ប្លូ​ព័ត៌មាន​ឌីជីថល​ទាំងស្រុង​ដូចគ្នា​ទៅនឹង Bentayga Speed [​ល្បឿន​/​ល្បឿន​], ជាមួយនឹង​ក្រាហ្វិក​កុង​ទ័​រដែ​លយ​ក​លំនាំ​តាម​នាឡិកា​ម៉ោង​ដ៏​ទំនើប​។ អេក្រង់​ផ្ដល់នូវ​សម្រស់​ថ្មី​ដល់​កាប៊ីន​មុខ អាច​កែសម្រួល​ស្របទៅតាម​តម្រូវការ​របស់​អ្នកបើកបរ ព្រមទាំង​មាន​រូបភាព​អេ​នី​មេ​សិន​យ៉ាង​ស្រស់ស្អាត​។​ ​

​អេក្រង់​មា​នរេសូ​លូ​សិន​ខ្ពស់​អាច​ទស្សនា​បាន​ក្នុង​ទម្រង់​ធម្មតា (Classic) ឬ​ពង្រីក (Enpanded)​។ នៅក្នុង​ទម្រង់​ធម្មតា អេក្រង់​បង្ហាញ​ក្នុង​ទម្រង់​ជា​ទ្រនិច​ធម្មតា​ចំនួន​ពីរ​គឺ​កុង​ទ័​រ​ល្បឿន​បើកបរ (speedometer) និង​កុង​ទ័​រ​ល្បឿនរ​ង្វិ​ល​របស់​ម៉ាស៊ីន (tachometer)​។ នៅក្នុង​ទម្រង់​ពង្រីក ទម្រង់​ទ្រនិច​ខាងស្ដាំ​ប្ដូរ​ដោយ​ផ្ទៃ​សម្រាប់​បង្ហាញ​ផែនទី និង​ប្រព័ន្ធ​ព័ត៌មាន​៕​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ចំនួនអ្នកស្លាប់នៅភាគខាងត្បូងប្រទេសហ្វីលីពីនកើនឡើង ដោសារគ្រោះទឹកជំនន់ និងបាក់ដី

ព័ត៌មានអន្ដរជាតិ៤ ម៉ោង មុន

តុលាការ អង់គ្លេស ទាត់ចោលបទចោទលើសកម្មជនវ័យក្មេង Greta Thunberg ជុំវិញការតវ៉ាឆ្នាំមុន

ព័ត៌មានជាតិ៥ ម៉ោង មុន

សម្តេចតេជោ និងគ្រួសារ និមន្តព្រះសង្ឃ ៦៧ អង្គ ឧទ្ទិសកុសល បុណ្យខួប ១ឆ្នាំ ប្អូនថ្លៃ

ព័ត៌មានអន្ដរជាតិ៦ ម៉ោង មុន

អាមេរិក ផលិតមីស៊ីល ៥០ គ្រាប់ក្នុងតម្លៃ ៦៨.៤ លានដុល្លារឲ្យ តៃវ៉ាន់ ដើម្បីផ្គាប់ចិត្តមេដឹកនាំថ្មី

ព័ត៌មានជាតិ៦ ម៉ោង មុន

បណ្ឌិតអប់រំជប៉ុន ​មានឆន្ទៈ​បន្ត​​ពង្រឹង​កិច្ចសហប្រតិបត្តិការ​ ជាមួយ​ ក្រសួងអប់រំកម្ពុជា

សន្តិសុខសង្គម២ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

បច្ចេកវិទ្យា៥ ថ្ងៃ មុន

វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា

ជីវិតកម្សាន្ដ៤ ថ្ងៃ មុន

តួកាច Benz ទម្លាយថា នាងធ្លាប់វាយរឹកដាក់អ្នកគាំទ្រ ពេលកេរ្តិ៍ឈ្មោះល្បីល្បាញខ្លាំងកាលវ័យជំទង់

ព័ត៌មានជាតិ៣ ថ្ងៃ មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

ព័ត៌មានជាតិ៦ ថ្ងៃ មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

Sokha Hotels

ព័ត៌មានពេញនិយម