គុណសម្បត្តិទាំង ៨ នៃនាឡិកាឆ្លាតវៃដែលអាចប្រើជំនួសស្មាតហ្វូនបាន
Connect with us
Helistar Cambodia - Helicopter Charter Services

បច្ចេកវិទ្យា

គុណសម្បត្តិទាំង ៨ នៃនាឡិកាឆ្លាតវៃដែលអាចប្រើជំនួសស្មាតហ្វូនបាន

បានផុស

នៅ

មនុស្សជាច្រើននិយមពាក់នាឡិកាដៃក្នុងគោលបំណងគ្រាន់តែមើលម៉ោង ឬប្រើជាគ្រឿងអលង្ការដើម្បីលម្អប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញបច្ចុប្បន្ន ការពាក់នាឡិកាដៃបានធ្លាក់ប្រជាប្រិយភាពកាន់តែតិចទៅៗ ដោយសារតែការមកដល់នៃសម័យកាលស្មាតហ្វូន។ ទោះយ៉ាងណា នាឡិកាដៃនៅតែមានប្រយោជន៍ ហើយកាន់តែវិវត្តជឿនលឿនក្លាយជា smartwatch ដែលផ្ដល់គុណសម្បត្តិលើសពីការមើលម៉ោង និងមើលប្រតិទិនទៅទៀត។

Huawei smartwatch with blood pressure measurement coming in H2 -  GSMArena.com news

ខាងក្រោមជាលក្ខណៈពិសេសនៃនាឡិកាឆ្លាតវៃ ដែលអាចប្រើជំនួសស្មាតហ្វូនបាន៖

. ជាអ្នកប្រាប់ទិសដៅធ្វើដំណើរ

នាឡិកាឆ្លាតវៃអាចបញ្ជូនរំញ័រផ្សេងៗទៅកដៃ ដើម្បីប្រាប់ទិសដៅថាគួរតែបត់ស្តាំឬឆ្វេងនៅពេលធ្វើដំណើរ។ ជំនួសឱ្យការមើលស្មាតហ្វូន អ្នកអាចធ្វើតាមការណែនាំដោយរំញ័រនៅលើកដៃពីកន្លែងដែលត្រូវទៅ។ ដូច្នេះអ្នកអាចទស្សនាទេសភាពជុំវិញខ្លួន ដោយមិនខ្វល់តែសំឡឹងផែនទីដូចពីមុនទៀត។

២. ជាឧបករណ៍ស្វែងរកទូរសព្ទឬកូនសោរដែលបាត់

I'm Giving up on Smartwatches, for Now

ដូចដែលដឹងស្រាប់ហើយ ការបាត់ទូរសព្ទឬកូនសោគឺជារឿងគួរឱ្យធុញទ្រាន់ណាស់។ ប៉ុន្តែនាឡិកាវៃឆ្លាតអាចដោះស្រាយបញ្ហានេះបាន។ ពួកវាភាគច្រើនមានមុខងារ “ស្វែងរកទូរសព្ទ” ។ អ្នកអាចភ្ជាប់ទូរសព្ទឬឧបករណ៍ណាមួយជាមួយនាឡិកាវៃឆ្លាត នោះវានឹងរោទិ៍នៅពេលណាដែលអ្នកចង់ស្វែងរកវត្ថុដែលបាត់នោះ ក្នុងរយៈពេលប៉ុន្មានវិនាទីប៉ុណ្ណោះ។

. ជាអ្នកតាមដានសុខភាពរាងកាយ

នាឡិកាវៃឆ្លាតជាច្រើនមានមុខងារតាមដានសុខភាពដែលជាមុខងារស្នូលរបស់វា។ វាអាចរាប់ជំហាន កាឡូរី ចង្វាក់បេះដូង ជីពចរ ការគេង និងរឿងផ្សេងទៀតលើសពីនេះ ដើម្បីវាស់សុខភាពសំខាន់ៗដែលអ្នកត្រូវការ។

៤. ឆ្លើយតបសារនិងទទួលការហៅទូរសព្ទភ្លាមៗ

ប្រសិនបើមាននាឡិកាវៃឆ្លាតលើកដៃ អ្នកមិនចាំបាច់ដកទូរសព្ទចេញពីហោប៉ៅទៀតទេ។ អ្នកអាចទទួលការហៅទូរសព្ទឬឆ្លើយតបសារពេលធ្វើដំណើរយ៉ាងរហ័សនិងងាយស្រួល។ ដែលនេះមានប្រយោជន៍ពេលកំពុងធ្វើលំហាត់ប្រាណ ឬស្ថិតនៅក្នុងលក្ខខណ្ឌដែលពិបាកដកទូរសព្ទប្រើ។

៥. ទទួលការជូនដំណឹង(Notifications)ពីប្រព័ន្ធផ្សព្វផ្សាយសង្គម

What Is a Smartwatch and What Do They Do?

អ្នកនឹងទទួលការជូនដំណឹងសង្គមលើកដៃដូចជា Facebook, Twitter, Instagram, WhatsApp, SnapChat ជាដើម។

នាឡិកាខ្លះបង្ហាញតែសារនិងសកម្មភាពប្រព័ន្ធផ្សព្វផ្សាយសង្គម ប៉ុន្តែនាឡិកាទំនើបបំផុតនឹងអនុញ្ញាតឱ្យអ្នកភ្ជាប់ទំនាក់ទំនងជាមួយកម្មវិធីទាំងនោះ។ ទាំងអស់នេះនឹងជួយបានច្រើននៅពេលដែលអ្នកកំពុងរត់ ឬធ្វើអ្វីផ្សេង។

. អាចភ្ជាប់ទំនាក់ទំនងគ្នានៅពេលធ្វើសកម្មភាព

នៅពេលកំពុងរត់ ជិះកង់ ហែលទឹក ឬហាត់ប្រាណ អ្នកប្រហែលជាចង់មើលសារ ការហៅទូរសព្ទ ឬការជូនដំណឹងផ្សេងៗពីបណ្ដាញសង្គម។ ពេលខ្លះអ្នកមិនអាចទុកទូរសព្ទជាមួយគ្រប់សកម្មភាពនោះទេ ហើយនេះគឺជាអ្វីដែលនាឡិកាឆ្លាតវៃអាចជំនួសបាន សូម្បីតែអ្នកនៅក្រោមទឹក ក៏គ្មានបញ្ហាអ្វីទាំងអស់!

៧. ថ្មប្រើបានយូរជាងទូរសព្ទ

How Fitness Has Changed in 2020 - Glofox Blog

អ្នកប្រហែលជាកំពុងគិតថា ហេតុអ្វីត្រូវការនាឡិកាវៃឆ្លាត ខណៈពេលមានស្មាតហ្វូនល្អរួចទៅហើយ? ពីព្រោះនាឡិកាឆ្លាតវៃមួយចំនួនផ្ទុកថ្មមានថាមពលខ្លាំងដែលទូរសព្ទមិនអាចប្រៀបធៀបបានឡើយ។ ត្រូវធ្វើដំណើរឆ្ងាយ? នាឡិកានឹងនៅតែអាចរក្សាទំនាក់ទំនងបានរហូតដល់ ១០ ថ្ងៃឯណោះ។

. អាចទទួលការកម្សាន្តតាមរយៈកដៃ

ឧបមាថាកំពុងធ្វើដំណើរ ហើយចង់មើលវីដេអូ YouTube អ្នកគ្រាន់តែចុចមួយឬពីរដងលើអេក្រង់ នោះអាចមើលវីដេអូបានភ្លាមៗ។ ត្បិតថាវាមិនអាចជំនួសគុណភាពអេក្រង់ធំនៃទូរសព្ទបាន ប៉ុន្តែសម្រាប់ភាពបន្ទាន់ក្នុងពេលដ៏ខ្លី វាជាជម្រើសល្អបំផុត៕

ប្រែសម្រួល៖ សន្យា

ប្រភព៖ Smart Geek Wrist

ចុចអាន៖ ប្រយ័ត្ន ៥ ​ចំណុចនេះបាន ទើបអាចការពារទូរសព្ទដៃពីមេរោគឬពួក Hacker

ចុចអាន៖ ៣ វិធីឆែកឱ្យដឹងថា ប្រភពព័ត៌មានណាអាចទុកចិត្តបាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services