បច្ចេកវិទ្យា
ក្រុមហ៊ុនW&Kនាំបច្ចេកវិទ្យា Block Chain ចូលរួមអភិវឌ្ឍវិស័យបច្ចេកវិទ្យាឌីជីថល នៅកម្ពុជា
ក្រុមហ៊ុនW&Kដែលវិយោគដោយជនជាតិកូរ៉េបាននាំមកនូវបច្ចេកវិទ្យា Block Chain និងបច្ចេកវិទ្យាថ្មីៗមកកម្ពុជា ដើម្បីចូលរួមអភិវឌ្ឍវិស័យបច្ចេកវិទ្យាឌីជីថល នៅប្រទេសកម្ពុជាឱ្យមានភាពរីកចម្រើន និងផ្សារភ្ជាប់កម្ពុជាទៅកាន់ពិភពលោក។
ថ្លែងនៅក្នុងសន្និសីទសារព័ត៌មានកាលពីពេលថ្មីៗនេះនៅសណ្ឋាគារសូហ្វីតែល ភូគីត្រា លោក កាង ចេហូ អគ្គនាយកក្រុមហ៊ុន W&K បានមានប្រសាសន៍ថា ការបង្កើតក្រុមហ៊ុន W&K ក្នុងគោលបំណង ដើម្បីផ្ដល់ជូននូវសេវាកម្មបែបបច្ចេកវិទ្យាសម័យទំនើប ជាពិសេស គឺបច្ចេកវិទ្យាប្លុកឆែន និងសេវាកម្មដែលពាក់ព័ន្ធផ្សេងៗទៀតដល់ប្រជាពលរដ្ឋកម្ពុជា ដើម្បីបង្កើនចំណេះដឹង និងជីវភាពប្រចាំថ្ងៃរបស់គាត់។
លោកអគ្គនាយកក្រុមហ៊ុនបានបន្តថា ក្រុមហ៊ុនមានបេសកកម្មស្នូលចំនួន ៣ សំខាន់ៗគឺ ១. ផ្ដល់នូវផលិតផល និងសេវាកម្មដ៏ល្អបំផុត ដើម្បីបំពេញតម្រូវការរបស់អតិថិជនឱ្យបានទាន់ពេលវេលា, ២. ផ្តោតលើការអភិវឌ្ឍន៍ចំណេះដឹង ដើម្បីរួមចំណែកអភិវឌ្ឍបច្ចេកវិទ្យាជំនាន់ថ្មី (ប្លុកឆែន) តាមរយៈការសិក្សាស្រាវជ្រាវ ចងក្រង និងផ្សព្វផ្សាយ ចែករំលែកដល់ប្រជាជនកម្ពុជា សម្រាប់សហគមន៍ឱ្យមានជីវភាពប្រសើរឡើង និងកាត់បន្ថយវិសមភាពសង្គម និងទី៣. សមាហរណកម្មបច្ចេកវិទ្យា ចូលរួមជាមួយរាជរដ្ឋាភិបាល ក្នុងការអភិវឌ្ឍវិស័យបច្ចេកវិទ្យាឌីជីថល នៅកម្ពុជាឱ្យមានភាពរីកចម្រើន និងផ្សារភ្ជាប់កម្ពុជាទៅកាន់ពិភពលោក តាមរយៈការផ្សព្វផ្សាយ និងការធ្វើសមាហរណកម្មបច្ចេកវិទ្យានាយុគសម័យឌីជីថល ៤.០ លើឆាកអន្ដរជាតិ។
លោក កាង ចេហូ បានអះអាងថា ជាងនេះទៀត W&K មិនត្រឹមតែជាការវិនិយោគបែប ក្រុមហ៊ុនប៉ុណ្ណោះទេ ប៉ុន្ដែគឺចង់ជំរុញវិស័យបច្ចេកវិទ្យាប្លុកឆែនដល់កម្ពុជា និងធ្វើឱ្យកម្ពុជាក្លាយជាប្រទេសឈានមុខ មានសេដ្ឋកិច្ចបែបឌីជីថល និងជាអ្នកផ្គត់ផ្គង់ផ្នែកបច្ចេកវិទ្យាដល់បណ្ដាប្រទេសនានាក្នុងតំបន់ ឬក៏ទៅដល់ពិភពលោកតែម្ដង។
លោក ណា ចុងស៊ិក ប្រធានសមាគមប្លុកឆែនរបស់ប្រទេសកូរ៉េ និងជាប្រធានផ្នែកបច្ចេកវិទ្យានៃក្រុមហ៊ុន W&K បានឱ្យដឹងដែរថា ថ្វីដ្បិតតែកម្ពុជា កំពុងមានភាពជឿនលឿនផ្នែកបច្ចេកវិទ្យាព័ត៌មានវិទ្យាព័ត៌មានក៏ដោយ ប៉ុន្តែពុំទាន់មានបច្ចេកវិទ្យា Block Chain នៅឡើយនោះទេ។
លោកបានបន្តថា«ហេតុនេះ ក្នុងការចូលរួមក្នុងដំណើរការបដិវត្តន៍ឧស្សាហកម្ម ៤.០ នេះ ប្រសិនណាបើយើងអាចចាប់ផ្ដើមមុនគេ គេការចាប់យកបច្ចេកវិទ្យាទាំងនេះ ជាពិសេសបច្ចេកវិទ្យាBlock Chain នោះយើងនឹងមានឱកាសទទួលបាននូវចំណែកទីផ្សារដ៏ធំចំពោះបច្ចេកវិទ្យាដ៏ទំនើបមួយនេះ»។
លោកបានពន្យល់ថា បច្ចេកវិទ្យា Blockchain មិនត្រឹមតែជាបច្ចេកវិទ្យាបង្កើតឡើងដំបូងដើម្បីដោះដូរ និងបញ្ជាក់ភាពពិតប្រាកដរបស់រូបិយប័ណ្ណឌីជីថល Bitcoin ជាមូលដ្ឋានក្នុងការធ្វើបញ្ជីគណនេយ្យមួយ ដែលមានទម្រង់ជាប្រព័ន្ធសំណុំកុំព្យូទ័រមិនអាចកែប្រែបាននោះទេ ប៉ុន្ដែជាខ្សែស្រឡាយបណ្តុំព័ត៌មាន ប្រទាក់ក្រឡាគ្នា នៅក្នុងសំណុំកុំព្យូទ័រ ដែលអនុញ្ញាតឱ្យមានការត្រួតពិនិត្យបញ្ជីទិន្នន័យនៃកុំព្យូទ័រ ដោយអ្នកប្រើប្រាស់ពីម្នាក់ទៅម្នាក់ ដែលអាចផ្ទុកទិន្នន័យបានធំ និងមានសុវត្ថិភាពខ្ពស់។
លោកបានបញ្ជាក់ទៀតថាលើសពីនេះទៀតបច្ចេកវិទ្យា Blockchain អាចប្រើដើម្បីបញ្ជាក់លម្អិតការធ្វើបញ្ជីគណនេយ្យនៅគ្រប់ទម្រង់ណាមួយ ដែលមានលើសពីរូបិយប័ណ្ណឌីជីថលទៅទៀត៕
បក្សប្រឆាំង ឥណ្ឌូណេស៊ី ស្នើបោះឆ្នោតម្ដងទៀត និងដកឈ្មោះកូនប្រុសលោក Widodo ចេញពីសន្លឹកឆ្នោត
តម្លៃប្រេងសាំងហក់ឡើងវិញ ១០០ រៀល ក្នុង១ លីត្រ
រសៀលនេះក្រុមខ្លាំងប៉ះគ្នាដណ្ដើមពិន្ទុ ជើងឯកនារីស្វាយរៀងខាប់
ឡាវ ត្រូវប៉ាន់ពីការនាំចេញដំឡូងមីទៅកាន់ទីផ្សារ ចិន នៅដើមឆ្នាំនេះ
សមាគមទម្លាក់ការព្យាករណ៍ ទិន្នផលផលិតកម្មអំបិលក្រោម ១០ ម៉ឺនតោន ដោយសារអាកាសធាតុ
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ