បច្ចេកវិទ្យា
ក្រុមហ៊ុនធំៗចំនួន៤ សហការគ្នាប្រឆាំងនឹងការប្រើប្រាស់កម្មវិធីរបស់ប្រទេសកាហ្សាក់ស្ថាន
កាលពីម្សិលមិញនេះក្រុមហ៊ុនបង្កើតកម្មវិធី Web Browser ល្បីៗមានដូចជា Apple, Google, Microsoft និង Mozilla បានបិទកម្មវិធី Root Certificate របស់ប្រទេសកាហ្សាក់ស្ថាន ប្រើសម្រាប់ស្ទាក់ចាប់និងឌីគ្រីបទិន្នន័យ ដែលបានផ្ញើឬទទួលតាមរយៈគេហទំព័រដែលមានប្រព័ន្ធសុវត្ថិភាព HTTP ទៅលើប្រជាពលរដ្ឋនៅទីក្រុង Nur-Sultan។
កម្មវិធីតាមដាននេះ ត្រូវបានតម្រូវឲ្យប្រើប្រាស់កាលពីថ្ងៃទី៦ ខែធ្នូ តាមរយៈក្រុមហ៊ុនផ្ដល់សេវាកម្មអ៊ីនធឺណិត ដោយបិទមិនឱ្យអ្នកប្រើប្រាស់ចូលទៅក្នុងគេហទំព័រក្រៅប្រទេស ជាពិសេសចូលទៅក្នុងគេហទំព័រល្បីៗដូចជា Google, Twitter, YouTube, Facebook, Instagram និង Netflix ប្រសិនបើពួកគេមិនបញ្ចូលកម្មវិធីរបស់រដ្ឋាភិបាលនេះទេ។
ទោះបីជារដ្ឋាភិបាលបានអះអាងថា កម្មវិធីនេះគឺសម្រាប់ការហ្វឹកហាត់ក្នុងការប្រយុទ្ធប្រឆាំងនឹងបទល្មើសបច្ចេកវិទ្យាក្ដី ក៏អ្នកឃ្លាំមើលផ្នែកសន្តិសុខបច្ចេកវិទ្យាមិនឯកភាពទៅលើការអះអាងរបស់រដ្ឋាភិបាល ព្រោះថាកម្មវិធីនេះនឹងមិនអាចជួយអ្វីបានធំដុំនោះទេនៅពេលដែលមានការវាយប្រហារ។
គោលបំណងរបស់ក្រុមហ៊ុនទាំង៤សហការគ្នា ដើម្បីប្រឆាំងនឹងការប្រើប្រាស់កម្មវិធីនេះគឺ វានឹងរាំងខ្ទប់មិនឱ្យអ្នកប្រើប្រាស់ប្រើកម្មវិធី Web Browser ចូលទៅក្នុងគេហទំព័របានប្រសិនបើពួកគេបានដំឡើងកម្មវិធីរបស់រដ្ឋាភិបាលនេះ។ គួរបញ្ជាក់ផងដែរថា នេះមិនមែនជាលើកទីមួយនោះទេដែលក្រុមហ៊ុនទាំង៤ បានបិទការប្រើប្រាស់នៅក្នុងប្រទេសកាហ្សាក់ស្ថាន។ កាលពីខែសីហា ឆ្នាំ២០១៩ ពួកគេបានបិទម្ដងរួចមកហើយទាក់ទងនឹងប្រទេសនេះ ដែលបានប្រើប្រាស់កម្មវិធីដើម្បីតាមដានគេហទំព័រទំនាក់ទំនងសង្គមដែលមានភាសារុស្ស៊ី ឬភាសាអង់គ្លេស៕
-
ចរាចរណ៍៥ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៤ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ៥ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៣ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានអន្ដរជាតិ៤ ថ្ងៃ ago
ក្រុមហ៊ុន Toyota នៅ ជប៉ុន ប្រមូលរថយន្ត Prius ជុំវិញពិភពលោក ចាប់ពីសេរ៊ីឆ្នាំ ២០២២ ឡើងទៅចូលរោងចក្រវិញ
-
សន្តិសុខសង្គម៤ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
ព័ត៌មានអន្ដរជាតិ៤ ថ្ងៃ ago
ថៃ ខឹងចិត្ត ក្រោយម្ហូបរបស់ខ្លួនជាប់ឈ្មោះលេខ ១ ជាអាហារអន់បំផុតលើលោក
-
ព័ត៌មានជាតិ១០ ម៉ោង ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ