Connect with us

ចរាចរណ៍

រថយន្ត​​ចតចោល​នឹង​ចិញ្ចើម​ផ្លូវ​ ក៏​ត្រូវ​រថយន្ត​១​គ្រឿង​ទៀត​បុក​ពីក្រោយ​ បណ្តាល​ឲ្យ​មនុស្ស​របួស​២​នាក់​

បានផុស

នៅ

​រថយន្ត​ធុន​ធ្ងន់​ដឹកទំនិញ​១​គ្រឿង​ បាន​ចត​ស្ងៀម​នឹង​ចិញ្ចើម​ផ្លូវ​សុខៗ​ក៏​ស្រាប់​តែ​មាន​រថយន្ត​ធុន​ស្រាល​បុក​ពីក្រោយ​ពេញទំហឹង​ បណ្តាល​ឲ្យ​រង​របួស​អ្នកបើកបរ​និង​អ្នក​រួមដំណើរ​ចំនួន​២​នាក់​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក​វរសេនីយ៍ឯក ​សេង លុច ​អធិការនគរបាល​ស្រុក​ថ្មគោល​ បាន​ប្រាប់​ឲ្យ​ដឹងថា ករណី​គ្រោះថ្នាក់​ចរាចរណ៍ ​ដែល​បើកបរ​ក្នុង​ទិសដៅ​ស្រប​ទិស​គ្នា​នេះ ​បាន​កើតឡើង​នៅ​វេលា​ទៀបភ្លឺ​ថ្ងៃទី​២០ ​ខែកក្កដា ​ឆ្នាំ​២០២១ ​តាម​កំណាត់​ផ្លូវជាតិ​លេខ​៥​ត្រង់​ចំណុច​ផ្លូវ​កំពុង​ស្ថាបនា ​ក្នុង​ក្រុមទី​១៧ ​ភូមិ​គោក​ត្រប់​ ឃុំ​តា​ម៉ឺន ​ស្រុក​ថ្មគោល​ ខេត្ត​បាត់ដំបង​។

​ប្រភព​ខាងលើ​បន្ថែមថា ​គ្រោះថ្នាក់​ចរាចរណ៍​នេះ​បង្កឡើង​ដោយ​រថយន្ត​ម៉ាក​ស្តា​រិ​ក​(Starex)​ពណ៌​ទឹកប្រាក់​ពាក់​ស្លាក​លេខ​ភ្នំពេញ​២A.៣២៧៩​ បាន​បើកបរ​ក្នុង​ទិសដៅ​ពី​ជើង​ទៅ​ត្បូង​លុះដល់​ចំណុច​កើត​ហេតុ​បាន​បុក​រថយន្ត​ម៉ាក​ហ៊ីយ៉ាន់ដាយ​(HYUNDAI)​ពណ៌​ស​ពាក់​ស្លាក​លេខ​កំពង់ចាម​៣A.៥៧៤៦​ពីក្រោយ​ ដែល​ចត​នៅ​ស្ងៀម​នឹង​ចិញ្ចើម​ផ្លូវ​ខាងលិច ​បណ្តាលឱ្យ​រថយន្ត​ស្តា​រិ​ក​គាប​ជាប់​នឹង​កន្ទុយ​រថយន្ត​ហ៊ីយ៉ាន់ដាយ ​បង្ក​ឲ្យ​អ្នកបើកបរ​ម្នាក់​និង​អ្នករួមដំណើរ​ម្នាក់​ទៀត​ រងរបួស​ធ្ងន់​និង​ស្រាល​ ដែល​ករណីនេះ​គេ​ដាក់​ការសន្និដ្ឋាន​ថា ​រថយន្ត​បង្ក​ដោយ​អ្នកបើកបរ​ងងុយដេក​មួយ​ផាំង​ទើប​រេ​ចង្កូត​បុក​តែ​ម្តង​។

​អ្នកបើកបរ​រថយន្ត​(​ស្តា​រិ​ក​)​ដែល​របួសស្រាល​មានឈ្មោះ​ ម៉ែន យ៉ុ​ន​ ភេទ​ប្រុស ​អាយុ​៣២​ឆ្នាំ ​និង​អ្នក​រួមដំណើរ​ម្នាក់​ទៀត ​រងរបួស​ធ្ងន់​ឈ្មោះ ​ទឹម ឈឿន ​ភេទ​ប្រុស​ អាយុ​៣៩​ឆ្នាំ​ ទាំងពីរ​នាក់​រស់នៅក្នុង​ភូមិ​អូរ​កណ្តោល​ ឃុំ​ទទុង ​ស្រុក​ដងទង់ ​ខេត្តកំពត​ ចំណែក​ឯ​អ្នកបើកបរ​រថយន្ត​ហ៊ីយ៉ាន់ដាយ​ឈ្មោះ​វ៉ាង​.​សារឿ​ត​ភេទ​ប្រុស​អាយុ​៤២​ឆ្នាំ​រស់នៅ​ភូមិ​គោក​ត្រប់​ឃុំ​តា​ម៉ឺន​ស្រុក​ថ្មគោល​ខេត្តបាត់ដំបង ​មិនមាន​របួស​នោះទេ​។

​លោក​អធិការ​បញ្ជាក់​បន្តថា ករណី​គ្រោះថ្នាក់​ចរាចរណ៍​ខាងលើនេះ ​ក្រោយពី​កម្លាំង​នគរបាល​ស្រុក​ថ្មគោល​បាន​ចុះ​វាស់វែង​ធ្វើ​កំណត់​ហើយ ក៏​បាន​ប្រគល់​សំណុំរឿង​ទៅកាន់​ការិយាល័យ​ជំនាញ​នៃ​ស្នងការ​នគរបាល​ខេត្ត​បាត់ដំបង​បន្ត​ ដើម្បី​ដោះស្រាយ​បញ្ចប់​រឿង​តាម​នីតិវិធី​៕

អត្ថបទ៖ ​សៅ សារិទ្ធ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៧ នាទី មុន

លោក​បណ្ឌិត លី ធុជ ដឹកនាំ​កិច្ចប្រជុំ​តាម​ប្រព័ន្ធ​អន​ឡាញ ដើម្បី​ជំរុញ​កិច្ចសហប្រតិបត្តិការ និង​ពង្រឹង​អនុលោមភាព​នៃ​អនុសញ្ញា​អូ​តា​វ៉ា​ក្នុងចំណោម​រដ្ឋ​ភាគី​

ព័ត៌មានជាតិ២៩ នាទី មុន

កុំ​ភ្លេច​ត្រៀម CV! ស្អែក​នេះ ឱកាស​ការងារ​ថ្មី​បន្ថែមទៀត​ជិត ៥០០ កន្លែង​ក្នុង​វេទិកា​ការងារ​របស់ NEA

ព័ត៌មានជាតិ៥១ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​ស្តីពី​សុវត្ថិភាព​អគ្គិភ័យ​នៅតាម​សហគ្រាស គ្រឹះស្ថាន

ព័ត៌មានជាតិ៣ ម៉ោង មុន

រដ្ឋមន្ត្រីពាណិជ្ជកម្មកូរ៉េ សរសើរថាកម្ពុជារីកចម្រើនឆាប់រហ័ស និងបង្ហាញបំណងពង្រីក បណ្តាក់ទុនវិនិយោគបន្ថែម

បច្ចេកវិទ្យា៤ ម៉ោង មុន

អ្នកជំនាញនិយាយថា “យុគមាសរបស់ Apple នៅក្នុងប្រទេសចិនបានបញ្ចប់ហើយ”

Sokha Hotels

ព័ត៌មានពេញនិយម