ចរាចរណ៍
រថយន្តមួយគ្រឿងជ្រុលចង្កូតចូលតូបលក់ឥវ៉ាន់ បុកស្ដ្រីម្នាក់ស្លាប់ភ្លាមៗ នៅស្រុកសូទ្រនិគម
ស្ដ្រីម្នាក់បានស្លាប់ភ្លាមៗនៅក្នុងថ្លុកឈាម ដោយសាររថយន្តបើកលឿនដូចហោះ ហើយគេចពីគោយន្តកន្ត្រៃ ជ្រុលទៅបុកមនុស្សអង្គុយនៅមុខតូបលក់ឥវ៉ាន់ស្លាប់ភ្លាមៗ។
ករណីគ្រោះថ្នាក់ចរាចរណ៍នេះ បានកើតឡើងនៅវេលាម៉ោង១៤និង០០នាទី កាលពីថ្ងៃទី៥ ខែសីហា ឆ្នាំ២០២១ នៅត្រង់ចំណុចផ្លូវក្រាលគ្រួសក្រហមភូមិដាក់ផ្កា ឃុំតាយ៉ែក ស្រុកសូទ្រនិគម ខេត្តសៀមរាប។
រថយន្តម៉ាកTOYOTA PICK UP ពណ៌ស ពាក់ស្លាកលេខ សៀមរាប 2C.0409 ឆ្នាំផលិត១៩៩៩ បើកបរដោយឈ្មោះ ណាំង សេត ភេទប្រុស អាយុ៤៥ឆ្នាំ មានទីលំនៅបច្ចុប្បន្នភូមិរើល ឃុំរើល ស្រុកពួក ខេត្តសៀមរាប បើកបរទិសដៅពីត្បូងទៅជើងក្នុងល្បឿនលឿន បានរេចង្កូតធ្លាក់ផ្លូវ ទៅបុកមនុស្សដែលកំពុងនៅក្នុងតូបមុខផ្ទះ ជនរងគ្រោះឈ្មោះ អ៊ុល ហាន ភេទស្រី អាយុ៣៨ឆ្នាំ មានទីលំនៅភូមិដាក់ផ្កា ឃុំតាយ៉ែកស្រុកសូទ្រនិគម ខេត្តសៀមរាបណ្ដាលឱ្យស្លាប់ រីឯម្ចាស់តូប ឈ្មោះអ៊ុល ហាន ពុំមានរងរបួសនោះទេ គ្រាន់តែខូចខាតតូបទាំងស្រុងនិងខូចខាតរថយន្ត។
មន្ត្រីប៉ូលិសចរាចររូបនេះបានបញ្ចាក់ទៀតថា មូលហេតុដែលបង្កឲ្យមានគ្រោះថ្នាក់នេះឡើង ព្រោះរថយន្តបើកក្នុងល្បឿនលឿន និងផ្លូវរអិលដោយមានមេឃភ្លៀងធ្លាក់ខ្លាំង។ ក្រោយពេលកើតហេតុ យើងបានស្ទូចយកវត្ថុតាងមករក្សាទុកនៅអធិការរដ្ឋាននគរបាលស្រុកសូនិគម និងបានឃាត់ខ្លួនអ្នកបើកបររថយន្តដើម្បីបន្តតាមនីតិវិធីច្បាប់៕
អត្ថបទ៖ គឿនវេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង