រថយន្តកូរ៉េបុករថយន្តកាមរីឆ្លាមឈប់ភ្លើងស្តុប ខ្ទេចគូទក្រោយ

រថយន្តកូរ៉េមួយគ្រឿងបើកជ្រុលទៅបុករថយន្តកាមរីឆ្លាមកំពុងឈប់ភ្លើងស្តុបពីក្រោយពេញទំហឹងបណ្ដាលឱ្យរងការខូចខាតយ៉ាងដំណំសំណាងល្អមិនបង្កឱ្យមានអ្នករងរបួស។

ហេតុការណ៍នេះកើតឡើងកាលពីវេលាម៉ោង០៩៖៤០ នាទីយប់ថ្ងៃទី ២៩ ខែសីហាឆ្នាំ ២០២១ នៅចំណុចស្តុប៩២ តាមបណ្តោយផ្លូវភ្នំពេញហាណូយ កែងនឹងផ្លូវ ៩២ ក្នុងសង្កាត់ភ្នំពេញថ្មី ខណ្ឌសែនសុខរាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តកាមរីឆ្លាមមួយគ្រឿងធ្វើដំណើរតាមបណ្តោយផ្លូវភ្នំពេញហាណូយ មកដល់ចំណុចកើតហេតុ បានឈប់រងចាំភ្លើងស្តុបខណ:នោះក៏មានរថយន្តកូរ៉េមួយគ្រឿងពណ៌សគ្មានស្លាកលេខធ្វើដំណើរមកពីក្រោយចាប់ហ្វ្រាំងមិនទាន់ជ្រុលបុកគូទរថយន្តឆ្លាមពេញទំហឹងបណ្ដាលខូចខាតយ៉ាងដំណំ។

ក្រោយកើតហេតុសមត្ថកិច្ចមូលដ្ឋានបានចុះដល់បានទំនាក់ទំនងទៅសមត្ថកិច្ចចុះមកដល់ចំណុចទីតាំងកើតហេតុដោយភាគីទាំងពីរសុំធ្វើការសម្របសម្រួលគ្នាដើម្បីបញ្ចប់រឿងនៅនឹងកន្លែងកើតហេតុ៕

អត្ថបទ៖ សុខា