ចរាចរណ៍
លោក ថោង ខុន ដាក់ចេញវិធានការ ៦ចំណុច ដើម្បីសុវត្ថិភាពអាជីវកម្មរមណីយដ្ឋានទេសចរណ៍
ស្របពេលដែលរាជរដ្ឋាភិបាល បាននិងកំពុងអនុវត្តយ៉ាងសកម្មនូវយុទ្ឋនាការជាតិ ចាក់វ៉ាក់សាំងកូវឹង-១៩ និងជំរុញផ្សព្វផ្សាយឱ្យប្រជាពលរដ្ឋទាំងអស់ប្រកាន់ឱ្យបានខ្ជាប់ខ្លួននូវវិធានការ “៣ ការពារ និង ៣កុំ” ដើម្បីចូលរួមទប់ស្កាត់ការរីករាលដាលនៃជំងឺកូវីដ-១៩ ក្នុងសហគមន៍ ក្រសួងទេសចរណ៍ បានធ្វើបច្ចុប្បន្នភាពលក្ខខណ្ឌ នៃការអនុវត្តមួយចំនួនឆ្លើយតបទៅនឹងគន្លងប្រក្រតីភាពថ្មី និងស្ថានភាពនាពេលបច្ចុប្បន្ន។
ជាមួយគ្នានោះ លោក ថោង ខុន រដ្ឋមន្រ្តីក្រសួងទេសចរណ៍ បានធ្វើការណែនាំដល់ម្ចាស់ និងអ្នកគ្រប់គ្រងអាជីវកម្មរមណីយដ្ឋាន ទេសចរណ៍ទាំងអស់ ត្រូវបន្តយកចិត្តទុកដាក់រៀបចំការអនុវត្តឱ្យបានម៉ឺងម៉ាត់នូវខ្លឹមសារប្រកាសលេខ០៨៥ ប្រក ចុះថ្ងៃទី៣១ ខែសីហា ឆ្នាំ២០២១ ស្តីពីការធ្វើបច្ចុប្បន្នភាពវិធានសុវត្ថិភាពទេសចរណ៍សម្រាប់ អាជីវកម្មរមណីយដ្ឋានទេសចរណ៍ ក្នុងនោះរួមមាន៖
ទី១. ត្រូវរៀបចំផែនការកែតម្រូវសម្បទាអាជីវកម្មរបស់ខ្លួនឱ្យស្របនឹងលក្ខខណ្ឌតម្រូវ និងចំណុចណែនាំទាំងឡាយដូចមានកំណត់ក្នុងខ្លឹមសារប្រកាសលេខ០៨៥ ប្រក ចុះថ្ងៃទី៣១ ខែសីហា ឆ្នាំ២០២១។ អាជីវកម្ម ត្រូវចាត់ទុកលក្ខខណ្ឌទាំងនោះជាគោលការណ៍ចម្បងសម្រាប់ការអនុវត្តក្នុងដំណាក់កាលនេះ និងត្រូវអនុវត្តឱ្យបានហ្មត់ចត់ និងដោយស្មារតីទទួលខុសត្រូវ។
ទី២. ត្រូវមានស្មារតីភ្ញាក់រលឹក គិតគូរអំពីបញ្ហាសុវត្ថិភាពភ្ញៀវ សុវត្ថិភាពបុគ្គលិក និងសុវត្ថិភាព សង្គមជាតិជាអាទិភាពចំពោះមុខ។ អាជីវកម្ម ត្រូវហ៊ានលះបង់ធនធាន កម្លាំង និងពេលវេលា ដើម្បីត្រៀមលក្ខណសម្បត្តិ ឱ្យបានសមស្របនឹងលក្ខខណ្ឌតម្រូវ មុននឹងសម្រេចចិត្តធ្វើ ប្រតិបត្តិការអាជីវកម្មរបស់ខ្លួន។ ទន្ទឹមនឹងនេះ ត្រូវខិតខំជំរុញការគ្រប់គ្រង និងអភិវឌ្ឍ រមណីយដ្ឋានទេសចរណ៍ក្នុងបរិបទ “ គន្លងប្រក្រតីភាពថ្មី”។
ទី៣. ត្រូវពង្រឹងការគ្រប់គ្រងរមណីយដ្ឋានទេសចរណ៍ឲ្យបានល្អប្រសើរ ពិសេសត្រូវកំណត់ សមត្ថភាពផ្ទុក (Carrying Capacity អតិបរមា ដែលអាចទទួលភ្ញៀវបានក្នុងពេលតែមួយ អនុលោមតាមស្តង់ដាគម្ចាតសុវត្ថិភាព និងមិនត្រូវទទួលភ្ញៀវលើសពីចំណុះជាដាច់ខាត។
ទី៤. ត្រូវអនុវត្តឲ្យបានយ៉ាងខ្ជាប់ខ្លួន និងម៉ឺងម៉ាត់នូវវិធានការទាំងឡាយ ដែលបានដាក់ចេញ ដោយក្រសួងសុខាភិបាល និងវិធានសុវត្ថិភាពទេសចរណ៍របស់ក្រសួងទេសចរណ៍ ក្នុងការ ទប់ស្កាត់ការរីករាលដាលជំងឺកូវីដ-១៩ ពិសេសវិធានការ “៣ការពារ និង ៣ និងត្រូវរៀបចំឱ្យមានការបណ្តុះបណ្តាលបុគ្គលិករបស់ខ្លួនអំពីវិធានការខាងលើឲ្យបានជាប្រចាំ។
ទី៥. ត្រូវចូលរួមផ្សព្វផ្សាយរាល់វិធានការនានា ដែលបានដាក់ចេញដោយរាជរដ្ឋាភិបាល និងក្រសួង សា្ថប័នមានសមត្ថកិច្ច សំដៅបង្ការ និងទប់ស្កាត់ការរីករាលដាលជំងឺកវីដ-១៩។
ទី៦. ត្រូវអនុវត្ត និងប្រើប្រាស់ឱ្យបានត្រឹមត្រូវនូវគ្រប់ប្រព័ន្ធបច្ចេកវិទ្យា ដែលបានដាក់ឲ្យអនុវត្ត ដោយរាជរដ្ឋាភិបាល និងស្ថាប័នពាក់ព័ន្ឋ ពិសេសការស្កេន QR Code ទប់ស្កាត់កូវីដ-១៩។
ទី៧. ជម្រុញការចូលរួមរបស់រមណីយដ្ឋានទេសចរណ៍ ជាមួយរាជរដ្ឋាភិបាល ក្នុងការអនុវត្តនូវ គោលនយោបាយនានាក្នុងការទប់ស្កាត់ការរីករាលដាលនៃជំងឺកូវីដ-១៩ ពិសេសគាំទ្រដល់គោលនយោបាយចាក់វ៉ាក់សាំងរបស់រាជរដ្ឋាភិបាល តាមរយៈការដាក់ចេញនូវយុទ្ធសាស្ត និងសកម្មភាពជាក់ស្តែង។
គួររំលឹកថា ដើម្បីជួយសម្រួលដល់មូលដ្ឋានអាជីវកម្មទេសចរណ៍ ដែលកំពុងដំណើរការក្នុងការចូលរួមបង្ការ ការពារ និងរក្សាបាននូវសុវត្ថិភាព ទំនុកចិត្ត និងផ្តល់ភាពកក់ក្ដៅជូនភ្ញៀវទេសចរ ក្រសួងទេសចរណ៍បានប្រកាសឱ្យអនុវត្តនូវ “វិធានសុវត្ថិភាពទេសចរណ៍” ចំពោះសេវាកម្មទេសចរណ៍ចំនួន០៦ កាលពីថ្ងៃទី០៤ ខែមិថុនា ឆ្នាំ២០២០ ក្នុងនោះរួមមាន “វិធានសុវត្ថិភាពទេសចរណ៍សម្រាប់អាជីវកម្មរមណីយដ្ឋានទេសចរណ៍” ផងដែរ។ នេះបើតាមការបញ្ជាក់នៅក្នុងសេចក្តីណែនាំរបស់លោក ថោង ខុន រដ្ឋមន្រ្តីក្រសួងទេសចរណ៍។
បើតាមសេចក្តីណែនាំនោះ ជាលទ្ធផល នៃការប្រកាសឱ្យអនុវត្តនូវ “វិធានសុវត្ថិភាពទេសចរណ៍” នោះ រមណីយដ្ឋាន និងគោលដៅទេសចរណ៍ទេសចរណ៍នានា បានចាប់ផ្ដើមបើកដំណើរឡើងវិញជាបណ្តើរៗ។ ចលនាទេសចរណ៍ផ្ទៃក្នុង ទៅកាន់តំបន់រមណីយដ្ឋានទេសចរណ៍នានា បង្កើតបានជាប្រាក់ចំណូលជូនបងប្អូនប្រជាពលរដ្ឋ និងវិស័យឯកជន រួមចំណែកទ្រទ្រងវិស័យទេសចរណ៍មួយផ្នែក កាត់បន្ថយផលប៉ះពាល់ នៃការធ្លាក់ចុះនៃចំនួនភ្ញៀវទេសចរអន្តរជាតិ ពិសេសរួមចំណែកទ្រទ្រង់ដល់ការបន្តសកម្មភាពទេសចរណ៍ និងសេដ្ឋកិច្ចនៅតាមមូលដ្ឋាន៕
អត្ថបទ៖ កោះកែវ
-
ព័ត៌មានអន្ដរជាតិ៥ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៤ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ៥ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
KPT+៤ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍១ សប្តាហ៍ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ៣ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ៣ ថ្ងៃ ago
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ព័ត៌មានជាតិ១០ ម៉ោង ago
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ