ចរាចរណ៍
មន្ទីរទេសចរណ៍ស្ទឹងត្រែង រៀបចំបណ្ណាល័យតម្កល់ឆ្អឹងសត្វផ្សោត ដើម្បីបង្វែរទិសដៅទេសចរ
សត្វផ្សោតមេគង្គនៅ អន្លង់ឈើទាល នៃរមណីយដ្ឋានទេសចរណ៍សត្វផ្សោតព្រះរំកិល ខេត្តស្ទឹងត្រែង បានស្លាប់ម្តងមួយៗ មកដល់បច្ចុប្បន្ននេះនៅសល់តែមួយក្បាលប៉ុណ្ណោះ ហើយមន្ទីរទេសចរណ៍បានរៀបចំឱ្យមានបណ្ណាល័យសម្រាប់ តម្កល់ទុកឆ្អឹងសត្វផ្សោត ដើម្បីបង្វែរទិសភ្ញៀវទេសចរទស្សនាសំណាកឆ្អឹងសត្វផ្សោតជំនួសវិញ។
ក្នុងឱកាសចុះពិនិត្យសំណាកឆ្អឹងសត្វផ្សោតនៅ រមណីយដ្ឋានអេកូទេចរណ៍សត្វផ្សោតឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង កាលពីថ្ងៃទី១៤ តុលា២០២១ លោក អ៊ន ប៉ោសឿន ប្រធានមន្ទីរទេសចរណ៍ខេត្តបានបញ្ជាក់ថា បើយើងមិនថែរក្សា និងអភិរក្សសំណាកឆ្អឹងសត្វផ្សោតនេះទេ រមណីយដ្ឋានទេសចរណ៍មួយនេះ នឹងឈានទៅបាត់បង់នៅថ្ងៃអនាគត។
លោកបន្តថា៖ “មន្ទីរគ្រោងថវិការបស់មន្ទីរ និងថវិកាដែលទទួលបានពីអង្គការដៃគូ និងសប្បុរសជននានា រៀបចំជាបណ្ណាល័យមួយទុកដាក់ឆ្អឹងសត្វផ្សោត សម្រាប់គាំទ្រដល់វិស័យទេចរណ៍ ដើម្បីថែរក្សានៅរមណីយដ្ឋានអេកូទេសចរណ៍មួយនេះឱ្យឋិតនៅគង់វង្សក្នុងការបម្រើជីវភាពដល់បងប្អូនប្រជាពលរដ្ឋរស់នៅតំបន់នេះ”។
លោក ផយ វណ្ណា សមាជិកសហគមន៍ រមណីយដ្ឋានទេសចរណ៍សត្វផ្សោតព្រះរំកិល បានគាំទ្រគំនិតផ្ដួចផ្ដើមនេះ ដោយលោកលើកឡើងថា នឹងប្រឹងប្រែងអនុវត្តតាមការណែនាំ និងអំពាវនាវបន្ថែមទៅដល់បងប្អូនប្រជាពលរដ្ឋ និងប្រជាសហគមន៍នៅក្នុងឃុំដើម្បីបរិច្ចាគថវិកាខ្លះៗសម្រាប់យកមកទិញសម្ភារ ដូចជាកញ្ចក់សម្រាប់ដាក់ឆ្អឹងផ្សោតជាដើម។
លោកបន្តថា៖ “នេះជាសមិទ្ធផលថ្មីផ្ដល់ផលប្រយោជន៍រួមទាំងអស់គ្នា នៅពេលយើងរក្សាបាននូវសំណាកឆ្អឹងសត្វផ្សោត វាជាចំណែកមួយជួយទាក់ទាញភ្ញៀវទេសចរឱ្យមកលេងកម្សាន្ត នៅតំបន់នេះបាន ក្នុងពេលដែលសត្វផ្សោតក្នុងទឹក ត្រូវស្លាប់បាត់បង់អស់”។
លោក កញ្ញា ថងបាង អាជីវករ លក់ចំណីអាហារនៅតំបន់រមណីយដ្ឋាន បានឱ្យដឹងថា កាលពីដើមឆ្នាំ ២០២១ សត្វផ្សោតធំៗបានស្លាប់ចំនួនពីរក្បាល បច្ចុប្បន្ននៅតែមួយក្បាលប៉ុណ្ណោះ។
កញ្ញាបន្តថា៖ “ប្រជាសហគមន៍ និងអាជ្ញាធរនៅតំបន់នេះ មានការព្រួយបារម្ភខ្លាចសត្វផ្សោតមួយក្បាលនេះស្លាប់បាត់បង់ទៀត ព្រោះនៅតំបន់ខាងលើអន្លង់ផ្សោត មានអ្នកនេសាទឡាវ មកដាក់មងសន្ទូច ជិតអន្លង់អភិរក្សសត្វផ្សោត”។
កញ្ញាស្នើសុំអាជ្ញាធរពាក់ព័ន្ធជួយមានវិធានការចំពោះអ្នកនេសាទផ្សេងៗដែលលួចលាក់ធ្វើនេសាទបង្កផលប៉ះពាល់ការរស់នៅដល់សត្វផ្សោត ជាពិសេសកន្លងមក កូនផ្សោតតូចៗកើតមករស់មិនបានយូរទេ មានអាយុកាលតែ ១ខែ ឬ២ខែប៉ុណ្ណោះ ស្លាប់ទៅវិញ។
សូមបញ្ជាក់ថា ការរៀបចំឱ្យមានបណ្ណាល័យអភិរក្ស ឆ្អឹងសត្វផ្សោតនេះ ជាចំណែកមួយជួយថែរក្សានៅតំបន់អេកូទេចរណ៍សត្វផ្សោតព្រះរំកិល ឱ្យមាននិរន្តរភាព ដើម្បីបម្រើឱ្យវិស័យទេសចរណ៍នៅក្នុងឃុំព្រះរំកិលនេះកុំឱ្យបាត់បង់។ តំបន់អេកូទេចរណ៍មួយនេះបានបង្កើតឡើងជាង ២០ឆ្នាំមកហើយ ក្រោមការជួយឧបត្ថម្ភគាំទ្រពីអង្គការម្លប់បៃតង អង្គការសេប៉ា និងអាជ្ញាធរមូលដ្ឋានដែលបានផ្តួចផ្ដើមឡើង ក្រោមការជូយគាំទ្រពីមន្ទីរទេសចរណ៍ខេត្តស្ទឹងត្រែង៕
អត្ថបទ៖ ឧត្តរ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ