ចរាចរណ៍
៣ថ្ងៃនៃចុងសប្ដាហ៍ ខេត្តព្រះសីហនុ ទទួលបានភ្ញៀវទេសចរច្រើនជាងគេ
ក្នុងរយៈពេល៣ថ្ងៃនៃចុងសប្ដាហ៍នេះ ខេត្តព្រះសីហនុ ទទួលបានភ្ញៀវទេសចរទៅកម្សាន្តច្រើនជាងគេ ប្រមាណជិត ៣ម៉ឺននាក់ ក្នុងចំណោមភ្ញៀវទេសចរសរុបជាង ១៣ម៉ឺននាក់ ក្នុងនោះភ្ញៀវបរទេសផ្ទៃក្នុងជាង ៣ពាន់នាក់។
បើតាម លោក ថោង ខុន រដ្ឋមន្ត្រីក្រសួងទេសចរណ៍ បានឱ្យដឹងថា បើទោះបីថ្ងៃឈប់សម្រាករយៈពេលយូរនៃពិធិបុណ្យភ្ជុំបិណ្ឌបានកន្លងផុតក្តី ក៏ចរន្តភ្ញៀវទេសចរផ្ទៃក្នុងទៅកាន់គោលដៅទេសចរណ៍នានានៅតែមានសកម្មភាពគួរកត់សម្គាល់។
លោករដ្ឋមន្ត្រីបានមានប្រសាសន៍បន្តថា គោលដៅទេសចរណ៍សំខាន់ៗដែលភ្ញៀវទេសចរទៅកម្សាន្ត រួមមាន ខេត្តព្រះសីហនុ ២៨.៧២៨ នាក់ រាជធានីភ្នំពេញ ២៥.៦៩៨ នាក់ ខេត្តកំពត ១៨.៤៣៧ នាក់ ខេត្តកំពង់ស្ពឺ ៨.៥៥៥ នាក់ ខេត្តសៀមរាប ៧.៦៨៧ នាក់ ខេត្តពោធិ៍សាត់ ៧.៤៥៩ នាក់ ខេត្តកែប ៧,១៣៦ នាក់។
ជាមួយគ្នានេះដែរ លោករដ្ឋមន្ត្រីបាន ក្រើនរំឭកដល់មន្ទីរទេសចរណ៍រាជធានី-ខេត្ត បន្តខិតខំផ្សព្វផ្សាយ និងចុះវាយតម្លៃមូលដ្ឋានអាជីវកម្មស្របតាមវិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដាអប្បបរមា សម្រាប់សេវានានាដែលក្រសួងទេសចរណ៍បានដាក់ចេញកន្លងមក ខណៈដែលការចូលរួម និងយល់ដឹងរបស់ភ្ញៀវទេសចរក្នុងការទប់ស្កាត់ការរាលដាលជំងឺកូវីដ-១៩ កាន់តែមានភាពល្អប្រសើរ ពិសេសតាមរយៈការបង្ហាញកាតចាក់វ៉ាក់សាំងនៅពេលចូលរមណីយដ្ឋានជាដើម។
លោក ថោង ខុន បានបញ្ជាក់ថា ក្រសួងទេសចរណ៍ បាន និងកំពុងរៀបចំផែនការអភិវឌ្ឍន៍ទេសចរណ៍ ការគ្រប់គ្រងទិន្នន័យទេសចរណ៍ ការកក់សេវាកម្ម និងការទូទាត់ចំណាយរបស់ទេសចរ និងបច្ចេកទេសនៃការគ្រប់គ្រងព្រឹត្តិការណ៍ទេសចរណ៍ តាមប្រព័ន្ធបច្ចេកវិទ្យាឌីជីថល ព្រមទាំងសម្រួលដំណើរទេសចរ និងការផ្សព្វផ្សាយទេសចរណ៍ឌីជីថលរូបនីយកម្មនៅក្នុង និងក្រៅប្រទេស ក៏ដូចជារៀបចំព្រឹត្តិការណ៍ទេសចរណ៍ និងកីឡាទេសចរណ៍កម្រិតជាតិ និងអន្តរជាតិនានា សំដៅទាក់ទាញទេសចរអន្តរជាតិឱ្យចូលមកទស្សនាកម្ពុជា ខណៈកម្ពុជាគ្រោងបើកទទួលភ្ញៀវទេសចរអន្តរជាតិដែលចាក់វ៉ាក់សាំងរួចរាល់ ឱ្យចូលមកទស្សនាកម្ពុជា នៅចុងឆ្នាំនេះ តម្រូវឱ្យធ្វើចត្តាឡីស័កតែរយៈពេល៧ថ្ងៃប៉ុណ្ណោះ៕
អត្ថបទ៖ សំអឿន
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៦ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៤ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន