ចរាចរណ៍
ខេត្តព្រះសីហនុឈរលំដាប់ថ្នាក់លេខ១ ទទួលបានទេសចរផ្ទៃក្នុងច្រើនជាងគេ
នៅក្នុងចុងសប្តាហ៍ទី១ នៃខែវិច្ឆិកានេះ ខេត្តព្រះសីហនុបានឈរលំដាប់ថ្នាក់លេខ១ ទទួលបានទេសចរផ្ទៃក្នុងច្រើនជាងគេ ទោះបីពុំមានថ្ងៃឈប់សម្រាកជាបុណ្យជាតិក៏ដោយ។ លោក ថោង ខុន រដ្ឋមន្ត្រីក្រសួងទេសចរណ៍ បានឱ្យដឹងថា ចាប់ពីថ្ងៃទី៦-៧ ខែវិច្ឆិកា កម្ពុជាទទួលបានភ្ញៀវសរុបជាង ១៧ ម៉ឺននាក់ ក្នុងនោះភ្ញៀវទេសចរជាតិ ១៦៩ ៥៣២ នាក់ និងភ្ញៀវបរទេសផ្ទៃក្នុងជាង ៥ ម៉ឺននាក់។
លោករដ្ឋមន្ត្រី បានបញ្ជាក់ថា ភ្ញៀវទេសចរទាំងនោះបានទៅកម្សាន្តនៅខេត្តព្រះសីហនុចំនួន ៣៧ ៦៤១ នាក់ នៅក្នុងរាជធានីភ្នំពេញ ៣៥ ២១០ នាក់ ខេត្តកំពតជាង ១ ម៉ឺន ៦ ពាន់នាក់ ខេត្តសៀមរាបជាង ១ ម៉ឺន ៥ ពាន់នាក់ និងខេត្តពោធិ៍សាត់ជាង១ម៉ឺននាក់។
លោករដ្ឋមន្ត្រីបន្តថា៖ ចរន្តភ្ញៀវទេសចរផ្ទៃក្នុងនៅតែមានភាពសកម្មនៅរៀងរាល់ចុងសប្តាហ៍ បើទោះបីពុំមានថ្ងៃឈប់សម្រាកជាបុណ្យជាតិ”។
លោករដ្ឋមន្ត្រីបានបន្តទៀតថា ចំពោះមូលដ្ឋានអាជីវកម្មទេសចរណ៍ដែលបានផ្អាកសកម្មភាពកន្លងមក ក៏បានរៀបចំដើម្បីទទួលភ្ញៀវទេសចរ ក៏ដូចជាត្រៀមខ្លួនទទួលភ្ញៀវទេសចរនាពេលថ្ងៃឈប់សម្រាកព្រះរាជពិធីបុណ្យអុំទូក ខាងមុខនេះផងដែរ”។
លោក រដ្ឋមន្ត្រី កត់សម្គាល់ថា ទាំងម្ចាស់មូលដ្ឋានអាជីវកម្ម និងភ្ញៀវទេសចរមានការយល់ដឹងកាន់តែប្រសើរ និងបានចូលរួមអនុវត្តវិធានការនានាកាន់តែសកម្ម ក្នុងការទប់ស្កាត់ការរីករាលដាលជំងឺកូវីដ-១៩ ស្របពេលដែលរដ្ឋបាលរាជធានី-ខេត្ត មន្ទីរទេសចរណ៍ បានបន្តជំរុញការអនុវត្តវិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដាអប្បបរមាឱ្យបានគ្រប់មូលដ្ឋានអាជីវកម្ម។
គួរបញ្ជាក់ថា រាជរដ្ឋាលកម្ពុជា រំពឹងថាលំហូរភ្ញៀវទេសចរផ្ទៃក្នុងនឹងងើបឡើងវិញប្រមាណ ១១ លាននាក់ នៅឆ្នាំ ២០២៣ បន្ទាប់ពីការបើកទទួលភ្ញៀវទេសចរបរទេសវ៉ាក់សាំងក្នុងក្របខ័ណ្ឌនៅទូទាំងប្រទេស ក្រោយគម្រោងសាកល្បងទៅលើខេត្តព្រះសីហនុ និងតំបន់តារាសាគរនៃខេត្តកោះកុងនៅចុងខែវិច្ឆិកាខាងមុខនេះ និងខេត្តសៀមរាបនៅខែមករា ឆ្នាំ ២០២២ ខាងមុខ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង