ចរាចរណ៍
រថយន្តដឹកសំរាមបើកបុកសិស្សសាលាម្នាក់ ហើយបន្តបុករះរថយន្ត៣គ្រឿងទៀត
ផ្តើមចេញដោយសារតែការបើកបរមិនគោរពច្បាប់ចរាចរណ៍នៅលើដងផ្លូវរបស់ភាគីរថយន្តដឹកសំរាមនោះ បានបង្កឲ្យសិស្សសាលាម្នាក់បានស្លាប់យ៉ាងអាណោចអាធ័មនៅក្នុងថ្លុកឈាម ក្នុងហេតុការណ៍គ្រោះថ្នាក់ចរាចរណ៍រថយន្តបុកជាមួយម៉ូតូហើយបន្តបុករះរថយន្តតូចធំចំនួន៣គ្រឿងទៀតក្នុងទិសដៅបញ្ច្រាសគ្នា។
ករណីគ្រោះថ្នាក់ចរាចរណ៍នេះ បានកើតមានឡើង នៅវេលាម៉ោង ១៣:៥០នាទីរសៀល ថ្ងៃទី១៤ ខែវិច្ឆិកា ឆ្នាំ២០២១ លើផ្លូវជាតិលេខ៤ ត្រង់ចំណុចមុខរោងចក្រក្រោន ស្ថិតក្នុងភូមិ១ សង្កាត់លេខ១ ក្រុង ខេត្តព្រះសីហនុ ។
សមត្ថកិច្ចមូលដ្ឋានបាននិយាយថា គ្រោះថ្នាក់ចរាចរណ៍នេះ បង្កឡើងដោយរថយន្តដឹកសំរាម ០១គ្រឿង ម៉ាក DONGFANG (ក្រុមហ៊ុន KSWM) ពណ៌ខៀវ គ្មានផ្លាកលេខ បើកបរដោយឈ្មោះ ធឿន ថិត ភេទស្រី អាយុ ២៥ឆ្នាំ មុខរបរ បើកបររថយន្ត ទីលំនៅបច្ចុប្បន្នភូមិ១ សង្កាត់លេខ១ ក្រុង ខេត្តព្រះសីហនុ បើកក្នុងទិសដៅពីកើតទៅលិច លុះមកដល់ចំណុចខាងលើរថយន្តបានបើកបរបញ្ច្រាស់ទិស ហើយក៏បុករះម៉ូតូ ០១គ្រឿង និងរថយន្តចំនួន ០៣គ្រឿងទៀត។
សមត្ថកិច្ចបានឲ្យដឹងទៀតថា ភាគីរងគ្រោះក្នុងករណីនេះ ១/ម៉ូតូម៉ាក HONDA AIRBLADE ពណ៌ខ្មៅ គ្មានផ្លាកលេខ អ្នកបើកបរឈ្មោះ វ៉ាន់ លី ភេទប្រុស អាយុ ១៨ឆ្នាំ មុខរបរសិស្ស (ស្លាប់នៅកន្លែងកើតហេតុ)ស្នាក់នៅភូមិ១ សង្កាត់លេខ១ ក្រុង/ខេត្តព្រះសីហនុ។ ដោយឡែករថយន្តចំនួន ០៣គ្រឿងទៀត ១/រថយន្តម៉ាក TOYOTA PRIUS ពណ៌ខៀវ ពាក់ផ្លាកលេខ ភ្នំពេញ2BN-9072 អ្នកបើកបរឈ្មោះ សុខ បញ្ញា ភេទប្រុស អាយុ ៤០ឆ្នាំ មុខរបររត់តាក់ស៊ីស្នាក់នៅភូមិកែវផុស ឃុំកែវផុស ស្រុកស្ទឹងហាវ ខេត្តព្រះសីហនុ។ ២ រថយន្តម៉ាក FRONTIER ពណ៌ស គ្មានផ្លាកលេខ អ្នកបើកបរឈ្មោះ ពេជ្រ វិចិត្រ ភេទប្រុស អាយុ ៣៨ឆ្នាំ មុខរបរបើកបររថយន្ត ស្នាក់នៅភូមិ១ សង្កាត់លេខ១ ក្រុងខេត្តព្រះសីហនុ។ ៣ រថយន្តម៉ាក STAREX ពណ៌ទឹកប្រាក់ ពាក់ផ្លាកលេខ ភ្នំពេញ2AN-6973 អ្នកបើកបរឈ្មោះ សឿន តុងលីប ភេទប្រុស អាយុ ៣១ឆ្នាំ មុខរបររត់តាក់ស៊ី ស្នាក់នៅភូមិ១ សង្កាត់លេខ១ ក្រុង/ខេត្តព្រះសីហនុ។មានទិសដៅផ្ទុយគ្នា ។ក្រោយបង្កហេតុរួចអ្នកបើកបររថយន្តដឹកសំរាម បានចុះដីរត់គេចខ្លួនបាត់ស្រមោល។
សមត្ថកិច្ចបានប្រាប់ថា នៅក្នុងករណីនេះដែរ ភាគីម្ចាស់រថយន្តរងគ្រោះម៉ាក Strarix ពណ៌ទឹកប្រាក់ ពាក់ផ្លាកលេខភ្នំពេញ2AN-6973 សុំយករថយន្តទៅជួសជុលខ្លួនឯងនិងពុំមានការប្តឹងផ្ដល់ទេ ។
បច្ចុប្បន្ន វត្ថុតាង រថយន្ត ៣គ្រឿង និងម៉ូតូ ០១គ្រឿង ត្រូវបានសមត្ថកិច្ចយកមករក្សាទុកនៅការិយាល័យនគរបាលចរាចរណ៍ផ្លូវគោកដើម្បីដោះស្រាយទៅតាមផ្លូវច្បាប់៕
អត្ថបទ៖ ស៊ុយ ចាន់ធា
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)