Connect with us

ចរាចរណ៍

រថយន្ត​ព្រូស ព្រលះ​របាំង​ថ្ម​ពុះ​ចែក​ទ្រូងផ្លូវ​រង​ការខូចខាត​យ៉ាង​ដំណំ

បានផុស

នៅ

ភ្នំពេញ ៖ បុរស​ម្នាក់​សង្ស័យ​ស្រវឹង​ស្រា​បើក​រថយន្ត toyota prius មួយ​គ្រឿង​ជ្រុល​ទៅ​បុក​របាំង​ថ្ម​ពុះ​ចែក​ទ្រូងផ្លូវ​បណ្ដាលឱ្យ​បាក់​អស់​មូ​យក​ង់ ឯ​រថយន្ត​ដាច់​កា​ឡេ​កង់​ខាងមុខ​ទៅរួច​សំណាងល្អ​មិន​បង្កឱ្យមាន​អ្នករងរបួស​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍​នេះ​ កើតឡើង​កាលពី​វេលា​ម៉ោង​៨​និង៣០នាទី​យប់ ​ថ្ងៃ​ទី៣០ ខែវិច្ឆិកា ​ឆ្នាំ២០២១ នៅ​ចំណុច​មុខ​សាលាបឋមសិក្សា​ទួលគោក​តាម​បណ្ដោយ​ផ្លូវ ២៨៩​កែង ​ផ្លូវ៥៦៦ ស្ថិត​នៅ​ក្នុង​សង្កាត់​បឹងកក់​ទី​១ ខណ្ឌទួលគោក រាជធានី​ភ្នំពេញ​។

តាម​ប្រភព​ព័ត៌មាន​ពី​កន្លែង​កើតហេតុ​បានឱ្យដឹងថា​ មុន​កើតហេតុ​គេ​ឃើញ​បុរស​ម្នាក់​បើករថយន្ត toyota prius មួយគ្រឿង​ពណ៌​ស្ករ​ពាក់​ស្លាក​លេខ​ភ្នំពេញ​2BA-7529 ធ្វើដំណើរ​តាម​បណ្តោយ​ផ្លូវ​២៨៩ ទិសដៅ​ពី​ត្បូង​ទៅ​ជើង​ក្នុង​ល្បឿន​លឿន​លុះដល់​ចំណុចកើតហេតុ​ខាងលើ​កែង​នឹង​ផ្លូវ ៥៦៦ បាន​រេ​ចង្កូត​មក​ខាងឆ្វេង​ដៃ​ជ្រុល​ទៅ​បុក​របាំង​ថ្ម​ពុះ​ចែក​ទ្រូងផ្លូវ​ពេញទំហឹង​បណ្ដាលឱ្យ​បាក់​ចេញពី​កន្លង​ជួរ​អស់​មួយ​កង់ ឯ​រថយន្ត​បង្ក​រង​ការខូចខាត​ផ្នែក​ខាងមុខ​ខាងឆ្វេង​និង​ដាច់​កាឡេ​កង់​ទៅមុខ​លែងរួច​។

ក្រោយ​កើតហេតុ​សមត្ថកិច្ច​មូល​ដ្ឋា​ន​ បាន​ចុះ​មក​ដល់​បាន​ទំនាក់ទំនង​ទៅ​សមត្ថកិច្ច​ជំនាញ​ជាប់​មក​ធ្វើការ​វាស់វែង​យក​រថយន្ត​បង្ក​ទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក​នៃ​ស្នងការដ្ឋាន​នគរបាល​រាជធានី​ភ្នំពេញ​រង់ចាំ​ធ្វើការ​ដោះស្រាយ​គ្នា​តាមផ្លូវ​ច្បាប់​៕

ដោយ​ ៖​ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម