ចរាចរណ៍
បុរស៣នាក់ បើកម៉ូតូបុកគោដើរឆ្លងផ្លូវ បណ្ដាលឲ្យស្លាប់ម្នាក់ របួសធ្ងន់២នាក់
រតនគិរី ៖ យុវជន៣នាក់បានរងរបួសធ្ងន់ ខណៈជិះម៉ូតូ១គ្រឿងបោះពួយយ៉ាងលឿន ស្រាប់តែគោ១ក្បាលបានដើរឆ្លងកាត់ផ្លូវ ក៏ម៉ូតូមកដល់បុកយ៉ាងពេញទំហឹង បណ្តាលឲ្យយុវជន៣នាក់ ផ្លោងនៅចិញ្ចើមផ្លូវជាតិ ហើយគោក៏បានប្រកាច់ងាប់នៅនិងកន្លែងកើតហេតុ។
ហេតុការណ៍នេះបានកើតឡើង នៅវេលាម៉ោង១៥និង៣០នាទី ថ្ងៃទី៧ ខែធ្នូ ឆ្នាំ២០២១ តាមបណ្តោយផ្លូវជាតិលេខ៧៨ ត្រង់ចំណុចអូសាប ស្ថិតនៅក្នុងភូមិ៤ ឃុំត្រពាំងច្រេសស្រុកកូនមុំ។
លោកវរសេនីយ៍ត្រី រស់ វណ្ណា មេបញ្ជាការអាវុធហត្ថស្រុកកូនមុំ កម្ពុជាថ្មី ដឹងថា អ្នកបើកបរម៉ូតូឈ្មោះ ឃួន ពីភេទប្រុស អាយុ១៨ឆ្នាំ ជនជាតិខ្មែរ មានទីលំនៅភូមិ-ឃុំកើតហេតុខាងលើ មិនមានពាក់មួកសុវត្ថិភាព បន្ទាប់ពីដឹកបញ្ជូនទៅមន្ទីរពេទ្យបង្អែកខេត្តស្លាប់តាមផ្លូវ។
អ្នករួមដំណើរ២នាក់ ១-ឈ្មោះ ប្រាក់ ថាវ ភេទប្រុស អាយុ២៤ឆ្នាំ ជនជាតិខ្មែរ មុខរបរជាងម៉ូតូ
រងរបួសធ្ងន មិនមានពាក់មួកសុវត្ថិភាព។ ២-ឈ្មោះ ប្រាក់ ថេរ ភេទប្រុស អាយុ១៨ឆ្នាំ
ជនជាតិខ្មែរ រងរបួសធ្ងន់ ទាំង៣នាក់ មានទីលំនៅភូមិ-ឃុំជាមួយគ្នា មិនមានពាក់មួកសុវត្ថិភាព។
លោកថា ខណៈទទួលបានព័ត៌មានភ្លាម បានចុះទៅដល់កន្លែងកើតហេតុ ឃើញយុវជនទាំង៣នាក់នោះ ដេករដូករណែលរបួសធ្ងន់ ក៏យករថយន្តផ្ទាល់ខ្លួនរបស់លោក ដឹកបញ្ជូនយុវជនទាំង៣នាក់នេះ ទៅមន្ទីរពេទ្យបង្អែកខេត្តដើម្បីជួយសង្គ្រោះ ប៉ុន្តែអ្នកបើកបរម៉ូតូបានស្លាប់បាត់បង់ជីវិតទៅហើយ ចំណែក២នាក់ទៀត របួសធ្ងន់សម្រាកនៅមន្ទីរពេទ្យខេត្ត។ រីឯសពត្រូវបានសមត្ថកិច្ចធ្វើកំណត់ហេតុ ប្រគល់ទៅឲ្យសាច់ញាតិទទួលយកទៅធ្វើបុណ្យតាមប្រពៃណី។
បច្ចុប្បន្នម្ចាស់គោត្រូវបានសមត្ថកិច្ចកំពុងស្រាវជ្រាវរក ដើម្បីឲ្យទទួលខុសត្រូវចំពោះមុខច្បាប់៕
ដោយ ៖ វុទ្ធឦសាន
-
ព័ត៌មានអន្ដរជាតិ១ សប្តាហ៍ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៦ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍២ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ចរាចរណ៍៧ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៥ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ សប្តាហ៍ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៤ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៤ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?