ចរាចរណ៍
របូតកង់រថយន្ដរត់ទៅបុកប្ដីប្រពន្ធមួយគូកំពុងអង្គុយលេងស្លាប់ម្នាក់
រថយន្ដធុនធំដឹកទំនិញមួយ ខណៈកំពុងបើកបរសុខៗក៏របូតកង់មួយគូចេញពីរថយន្ដរត់ទៅបុកប្ដីប្រពន្ធពីរនាក់ដែលកំពុងអង្គុយលេងនៅមុខផ្ទះបណ្ដាលស្លាប់បុរសជាប្ដីម្នាក់ ចំណែកប្រពន្ធរងរបួសស្រាល និងខូចខាតសម្ភារៈក្នុងផ្ទះមួយចំនួនទៀត។
ករណីគ្រោះថ្នាក់ដ៏កម្រនេះ បានកើតឡើងកាលពីវេលាម៉ោង១១និង២៧នាទី ថ្ងៃទី៥ ខែមករា ឆ្នាំ២០២២ នៅលើផ្លូវជាតិលេខ៤៤ ចន្លោះគីឡូម៉ែត្រលេខ៧២-៧៣ ស្ថិតក្នុងភូមិផ្លោច ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
តាមសមត្ថកិច្ចបានអោយដឹងថា មុនពេលកើតហេតុមានរថយន្ត០១គ្រឿង ម៉ាកហ៊ីណូ ក្បាលពណ៌ ត្រួយចេក ទ្រុងពណ៌ខៀវ ពាក់ផ្លាកលេខ ភ្នំពេញ 3B-1259 អ្នកបើកបរមិនស្គាល់អត្តសញ្ញាណ (រត់គេចខ្លួន) បើកបរក្នុងទិសដៅពីកើតទៅលិច លុះបើកដល់ចំណុចកើតហេតុ ក៏បានរបូតកង់ក្រោយខាងឆ្វេង(កង់១គូ)រត់ទៅបុកមនុស្ស២នាក់ ដែលកំពុងអង្គុយលេងខាងមុខផ្ទះបណ្ដាលឲ្យស្លាប់ម្នាក់ និងរបួសស្រាលម្នាក់ ហើយកង់រថយន្ដបានបន្តរត់ចូលដល់ក្នុងផ្ទះបុកសម្ភារៈខូចខាតមួយចំនួនធំទៀត។
ជនរងគ្រោះក្នុងករណីនេះមានឈ្មោះ សុខ សឿន ភេទប្រុស អាយុ៧៩ឆ្នាំ ស្លាប់ (ប្តី) និងឈ្មោះ អិន អឿន ភេទស្រី អាយុ៦៥ឆ្នាំ របួស(ប្រពន្ធ) ទាំង០២នាក់ រស់នៅភូមិផ្លោច ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។ ចំណែកអ្នកបើកបរ និងរថយន្តបង្កបានបើករត់ទៅដល់គីឡូម៉ែត្រ(៦៤-៦៥) ស្ថិតក្នុងភូមិច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ទើបអ្នកបើកបរឈប់រថយន្ដរួចចុះរត់គេចខ្លួនបាត់។
ក្រោយកើតហេតុកម្លាំងសមត្ថកិច្ចបានចុះទៅត្រួតពិនិត្យ វាស់វែងកន្លែងកើតហេតុ ធ្វើកំណត់ហេតុប្រគល់សាកសពជូនសាច់ញាតិយកទៅធ្វើបុណ្យតាមប្រពៃណី និងចាប់យកវត្ថុតាងរថយន្ត០១គ្រឿង យកមករក្សាទុកនៅអធិការដ្ឋាននគរបាលស្រុកឱរ៉ាល់ ដើម្បីកសាងសំណុំរឿងតាមនីតិវិធី ៕
អត្ថបទ៖ សុខុម
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?