ចរាចរណ៍
មនុស្ស៥នាក់រងរបួសធ្ងន់ក្នុងហេតុការណ៍ដ៏គួរឲ្យរន្ធត់
ជនរងគ្រោះប្រុសស្រីចំនួន៥នាក់ត្រូវបានដឹងបញ្ជូនទៅសង្គ្រោះនៅមន្ទីរពេទ្យភ្លាមៗ ខណៈដែលជិះម៉ូតូពីរគ្រឿងបុកគ្នាពីក្រោយ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលវេលាម៉ោង១៨និង៣០នាទី ថ្ងៃទី២៤ ខែមករា ឆ្នាំ២០២១ នៅតាមបណ្តោយផ្លូវជាតិលេខ៧៨ ត្រង់ចំណុចមុខចម្ការ រម៉ាមយាម ស្ថិតនៅក្នុងភូមិអ៊ុន ឃុំលំជ័រ ស្រុកអូរយ៉ាដាវ។
យោងតាមរបាយការណ៍ពីនគរបាលស្រុកអូរយ៉ាដាវបានឲ្យដឹងថា ជនរងគ្រោះក្នុងករណីគ្រោះថ្នាក់ចរាចរណ៍នេះ មានចំនួន៥នាក់ ដោយភាគីខាងម៉ាក វីនអ៊ិច ពណ៌ក្រហមលាយខ្មៅ អត់ស្លាកលេខមានគ្នា៣នាក់ រងរបួសធ្ងន់ ហើយជនរងគ្រោះទាំង៣នាក់ មានទីលំនៅភូមិកាតែ ឃុំលំជ័រ ស្រុកអូរយ៉ាដាវ ខេត្តរតនគិរី។
រីឯភាគីម្ខាងទៀតជាប្ដីប្រពន្ធនឹងគ្នា ជិះម៉ូតូម៉ាកសង់កូរ៉េពណ៌ក្រហម អត់ស្លាកលេខ រងរបួសធ្ងន់ទាំងពីរនាក់ មានទីលំនៅភូមិអរ ឃុំប៉ាតេ ស្រុកអូរយ៉ាដាវ ខេត្តរតនគិរី។
របាយការណ៍បានបញ្ជាក់ថា ករណីនេះបង្កឡើងដោយការបើកបរខ្វះការប្រុងប្រយ័ត្នរបស់ភាគីខាងម៉ាក វីនអ៊ិច ដែលរេចង្កូតជ្រុលទៅបុកម៉ូតូម៉ាកសង់កូរ៉េពីក្រោយ។
ក្រោយកើតហេតុសមត្ថកិច្ចមូលដ្ឋានចុះមកអន្តរាគមន៍ដឹកបញ្ជូនអ្នករបួសធ្ងន់ទាំង៥នាក់ទៅមណ្ឌលសុខភាពស្រុកបរកែវដើម្បីព្យាបាលរបួស។
ដោយឡែកមធ្យោបាយទាំងពីរគ្រឿង ត្រូវបានសមត្ថកិច្ចធ្វើការវាស់វែងយកមករក្សាទុកនៅអធិការដ្ឋាននគរបាលស្រុកអូរយ៉ាដាវ ដើម្បីរង់ចាំធ្វើការដោះស្រាយគ្នានៅពេលក្រោយ៕
អត្ថបទ ៖ វុទ្ធឦសាន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត