អតីតប្រធានក្រុមប្រឹក្សាខេត្តម្នាក់ រងរបួសធ្ងន់ ខណៈថយ រថយន្តចេញពីក្នុងផ្ទះ បុករះរថយន្ត៣គ្រឿង
Connect with us
Helistar Cambodia - Helicopter Charter Services

ចរាចរណ៏

អតីតប្រធានក្រុមប្រឹក្សាខេត្តម្នាក់ រងរបួសធ្ងន់ ខណៈថយ រថយន្តចេញពីក្នុងផ្ទះ បុករះរថយន្ត៣គ្រឿង

Published

on

អតីតប្រធានក្រុមប្រឹក្សាខេត្តបាត់ដំបងម្នាក់ បានរងរបួសយ៉ាងធ្ងន់ធ្ងរ និងត្រូវបានបញ្ជូនទៅកាន់មន្ទីរពេទ្យ ដើម្បីសង្គ្រោះ ខណៈគាត់បានថយ រថយន្តចេញពីក្នុងផ្ទះរបស់ខ្លួន យ៉ាងលឿនបុកទំនងជាស្លន់ក៏បានបុកទំលុះទ្វារផ្ទះអ្នកជីតខាង និងរថយន្ត៣គ្រឿងផ្សេងទៀត។

ហេតុការណ៍នេះបានកើតឡើងនាព្រឹក ថ្ងៃទី១៣ ខែ កុម្ភៈ ឆ្នាំ ២០២១ នៅចំណុចផ្លូវជាតិលេខ៥ កណ្តាលក្រុងបាត់ដំបង។ សមត្ថកិច្ចបានអោយដឹងថា សំណាងហើយ មិនមានអ្នកផ្សេងទៀតរងគ្រោះថ្នាក់ដោយ គ្រាន់តែខូចខាត ទ្រព្យសម្បត្តិប៉ុណ្ណោះ ដោយសារមិនសូវមានអ្នកដំណើរបើកឆ្លងកាត់។

លោក អូន លីវណ្ណដេត មន្រ្តីចរាចរណ៍ខេត្តបាត់ដំបងបានបញ្ជាក់ថា ដើមហេតុដំបូង គឺអ្នកបើកបរឈ្មោះ អ៊ុក វង្ស ជាអតីតប្រធានក្រុមប្រឹក្សាខេត្ត បានឡើងរ៉ឺយ៉ែរថយន្តម៉ាក ឡង់គ្រីស័រ ពាក់ស្លាកលេខ 2B- 3536 ចេញពីក្នុងផ្ទះរបស់ខ្លួន ក្នុងសង្កាត់ស្វាយប៉ោ ជាប់ផ្លូវជាតិលេខ៥ ហើយទំនងជាស្លន់ គាត់បានជាន់ហ្គាយ៉ាងលឿនចេញពីក្នុងផ្ទះ ឆ្លងកាត់ទទឹងផ្លូវទៅបុកទំលុះទ្វាផ្ទះសំណាក់យានយាន និងផ្ទះពលរដ្ឋ និងរថយន្តលុចស៊ីសពីរគ្រឿងក្នុង ផ្ទះសំណាក់ខាងលើ ខូចខាតយ៉ាងដំណំ រួម និងរថយន្តរបស់ខ្លួនមួយគ្រឿងទៀតផងដែរ ។

ក្រោយពេលកើតហេតុ សមត្ថកិច្ចបានចុះត្រួតពិនិត្យ និងធ្វើកំណត់ហេតុលើការខូចខាត ទ្រព្យសម្បត្តិរបស់អ្នកដទែ ដោយឡែកលោក អ៊ុក វង្ស ដែលជាអ្នកបើកបរ បានបញ្ជូនទៅមន្ទីរពេទ្យហើយ ៕

សោ និយមរដ្ឋ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services