ចរាចរណ៍
យុវជន ៣ នាក់ ជិះម៉ូតូឆ្លងផ្លូវបំបែកជាបួនត្រូវរថយន្តបុកស្លាប់ម្នាក់ និងរបួសធ្ងន់ ២ នាក់
យុវជន ៣ នាក់ ជិះម៉ូតូដឹកគ្នាដើរលេង លុះមកដល់ផ្លូវបំបែកជាបួន ត្រូវរថយន្តមួយគ្រឿង បើកក្នុងល្បឿនលឿនឆ្លងផ្លូវបំបែកបានបុកម៉ូតូជនរងគ្រោះបណ្ដាលឲ្យស្លាប់ម្នាក់ និង ២ នាក់ទៀត រងរបួសធ្ងន់។ ចំណែករថយន្តបើកគេចខ្លួនបាត់ស្រមោល។
ហេតុការណ៍នេះកើតឡើងកាលពីវេលាម៉ោង ១២ និង ២០ នាទី រំលងអធ្រាត្រ ឈានចូលថ្ងៃទី ១២ ខែវិច្ឆិកា ឆ្នាំ ២០២៤ នៅចំណុចស្តុបសាលាព្រះយុគន្ធរ ស្ថិតតាមបណ្ដោយផ្លូវព្រះសីហនុ កែងនឹងផ្លូវ ១០៥ សង្កាត់បឹងព្រលឹត ខណ្ឌ ៧ មករា រាជធានីភ្នំពេញ។
បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជន ៣ នាក់ ជិះម៉ូតូមួយគ្រឿង ម៉ាក Honda Dream ឆ្នាំ ២០២៣ ពាក់ផ្លាកលេខកំពង់ធំ 1T-0084 ជិះតាមបណ្ដោយផ្លូវព្រះសីហនុ ទិសដៅពីកើតទៅលិច លុះមកដល់ចំណុចកើតហេតុត្រូវរថយន្តមួយគ្រឿង Toyota Prius មិនចាំស្លាកលេខ បើកមកបុកម៉ូតូជនរងគ្រោះពេញទំហឹងបណ្ដាលឲ្យស្លាប់ភ្លាមៗ នៅនឹងកន្លែងកើតហេតុ ចំណែករថយន្តបង្កបានបើករត់គេចខ្លួនបាត់ស្រមោល។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃអធិការដ្ឋាននគរបាលខណ្ឌ ៧ មករា ធ្វើការវាស់វែងយកម៉ូតូទៅរក្សាទុក។ បន្ទាប់មក ភ្លាមនោះ សមត្ថកិច្ចបានយកសពដឹកទៅតម្កល់នៅវត្តទឹកថ្លា ដើម្បីគ្រួសារយកទៅធ្វើបុណ្យតាមប្រពៃណី។ ចំណែករថយន្តបង្ក សមត្ថកិច្ច នឹងធ្វើការស្រាវជ្រាវតាមរកនៅពេលក្រោយ ដើម្បីឃាត់យកមកចាត់ការតាមនីតិវិធីច្បាប់៕
អត្ថបទ ៖ ម៉េង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ