ចរាចរណ៍

ជិះម៉ូតូកៀរខឿនផ្លូវដួល ត្រូវរថយន្ដដឹកខ្សាច់កិនស្លាប់ភ្លាមៗ

បានផុស

៣ years មុន

នៅ

ថ្ងៃសុក្រ ២ មេសា ២០២១

ដោយ

នារីម្នាក់ជិះម៉ូតូចុះពីស្ពានព្រែកព្នៅ ខណៈជិះចុះជិតផុត ស្រាប់តែកៀរក្រឡាច់ជាមួយខឿនថ្មើរជើងដួល ត្រូវរថយន្តសណ្ដោងរ៉ឺម៉កដឹកខ្សាច់មកពីក្រោយកិនបណ្តាលស្លាប់ភ្លាមៗ ហើយរថយន្តបង្កត្រូវប្រជាពលរដ្ឋជួយឃាត់បានភ្លាមៗប្រគល់ឲ្យសមត្ថកិច្ចមូលដ្ឋាន។

ហេតុការណ៍គ្រោះថ្នាក់ចរាចរណ៍នេះ កើតឡើងនៅវេលាម៉ោង៩និង៥០នាទីព្រឹកថ្ងៃទី២ ខែមេសា ឆ្នាំ២០២១ នៅចំណុចចុងស្ពាព្រែកព្នៅខាងកើត ស្ថិតក្នុងភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីកន្លែងកើតហេតុបានឱ្យដឹងថា មុនពេលកើតហេតុមាននារីម្នាក់ជិះម៉ូតូម៉ាក ហុងដាប៊ិត ពណ៌ក្រហម លាយស ពាក់ស្លាកលេខភ្នំពេញ 1IB-9509 ធ្វើដំណើរស្របទិសដៅគ្នាជាមួយរថយន្តបង្ក ម៉ាកហ៊ីយ៉ាន់ដាយពណ៌ខៀវ ពាក់ស្លាកលេខ ភ្នំពេញ 3E-7684 ជាប្រភេទរថយន្តសណ្ដោងរ៉ឺម៉កដឹកខ្សាច់ ខណៈមកដល់ចំណុចកើតហេតុជនរងគ្រោះជិះម៉ូតូទៅប៉ះនឹងខឿនថ្មើរជើង ធ្វើឲ្យជនរងគ្រោះដួល ក៏ត្រូវរថយន្តដឹកខ្សាច់ដែលបើកមកពីក្រោយគេចមិនទាន់ កិនជនរងគ្រោះបណ្ដាលឲ្យស្លាប់ភ្លាមៗតែម្ដង។

ក្រោយពីកើតហេតុ រថយន្តបានបើកហួសចេញពីកន្លែងកើតហេតុប្រមាណជាង៥០០ម៉ែត្រ ក៏ត្រូវប្រជាពលរដ្ឋឃាត់បាន រួចរាយការណ៍ប្រាប់សមត្ថកិច្ចមូលដ្ឋាន ឲ្យមកទទួលអ្នកបើកបរយកទៅប៉ុស្តិ៍ដើម្បីប្រគល់ជូននគរបាលចរាចរណ៍នៃស្នងការនគរបាលរាជធានីភ្នំពេញ។

សពនារីរងគ្រោះត្រូវបានសមត្ថកិច្ចមូលដ្ឋាន ទំនាក់ទំនងទៅក្រុមគ្រួសារឲ្យមកទទួលយកទៅធ្វើបុណ្យតាមប្រពៃណី។ ចំណែកឯអ្នកបើកបរព្រមទាំងរថយន្តបង្ក ត្រូវបានប្រគល់ទៅឲ្យជំនាញនគរបាលចរាចរណ៍ជើងគោក នៃស្នងការនគរបាលរាជធានីភ្នំពេញ ដើម្បីអនុវត្តបន្តតាមនីតិវិធីច្បាប់៕

Related Topics:គ្រោះថ្នាក់ចរាចរណ៍