ពិព័រណ៍ការសិក្សានេះបានប្រព្រឹត្តិទៅក្រោមអធិបតីភាព ឯកឧត្តម Derek YIP ឯកអគ្គរដ្ឋទូតអូស្ត្រាលីប្រចាំព្រះរាជាណាចក្រកម្ពុជា និងលោក ម៉ៅ ស្រេង ប្រធានក្រុមប្រឹក្សាភិបាល និងជានាយកប្រចាំប្រទេសនៃ IDP Education និងសាលា ACE ។

ជាមួយគ្នានេះដែរIDP Education នឹងរៀបចំពិព័រណ៍នេះ នៅសណ្ឋាគារ សុខា អង្គរ រីសត ខេត្តសៀមរាបនៅថ្ងៃទី១២ ខែកក្កដា ឆ្នាំ២០២៦ ។

ពិព័រណ៍នេះរៀបចំឡើងក្នុងគោលបំណងដើម្បីលើកកម្ពស់ការយល់ដឹងអំពីឱកាសសិក្សានៅប្រទេសអូស្ត្រាលី ពង្រឹងទំនាក់ទំនងរវាងប្រជាជននៃប្រទេសទាំងពីរ និងជួយសិស្សនិស្សិតកម្ពុជាទទួលបានព័ត៌មានគ្រប់ជ្រុងជ្រោយ ដើម្បីធ្វើការសម្រេចចិត្តប្រកបដោយទំនុកចិត្តលើការសិក្សាអន្តរជាតិ។ស្របពេលដែលកម្ពុជាកំពុងឆ្ពោះទៅរកសេដ្ឋកិច្ចផ្អែកលើចំណេះដឹង និងនវានុវត្តន៍ ការទទួលបានការអប់រំដែលមានគុណភាពខ្ពស់ និងជំនាញស្របតាមតម្រូវការសកល មានសារៈសំខាន់ក្នុងការរៀបចំធនធានមនុស្សប្រកបដោយសមត្ថភាព ដើម្បីចូលរួមអភិវឌ្ឍសេដ្ឋកិច្ច និងសង្គមជាតិ។
ចំណុចពិសេសនៃពិព័រណ៍ គឺការផ្តល់ឱកាសឱ្យសិស្សនិស្សិត និងមាតាបិតា បានជួបផ្ទាល់ជាមួយតំណាងសាលា សាកលវិទ្យាល័យរបស់អូស្ត្រាលី អាហារូបករណ៍ Australia Awards និងអតីតនិស្សិត ដើម្បីស្វែងយល់ពីបទពិសោធន៍ពិតអំពីការសិក្សា ការរស់នៅ និងឱកាសការងារនៅប្រទេសអូស្ត្រាលី។

សិស្សនិស្សិត និង មាតាបិតាអាចចូលរួមពិព័រណ៍ដោយឥតគិតថ្លៃ និងទទួលបានការប្រឹក្សាពីអ្នកជំនាញរបស់ IDP Education។ ឬជួបប្រឹក្សាផ្ទាល់នៅការិយាល័យ IDP នៅគ្រប់សាខាទាំង៦ របស់ ACE ក្នុងរាជធានីភ្នំពេញ និងខេត្តសៀមរាប។

ឯកឧត្តម Derek YIP បានមានប្រសាសន៍ថា អូស្ត្រាលីនៅតែជាដៃគូអប់រំដ៏សំខាន់របស់កម្ពុជា ហើយសាកលវិទ្យាល័យលំដាប់ពិភពលោករបស់អូស្ត្រាលី បានបណ្តុះបណ្តាលធនធានមនុស្សកម្ពុជាជាច្រើនជំនាន់ ដែលបច្ចុប្បន្នបានក្លាយជាថ្នាក់ដឹកនាំ មន្ត្រីរាជការ សហគ្រិន និងអ្នកជំរុញការផ្លាស់ប្តូរក្នុងសង្គម។

ឯកឧត្តមបានបន្ថែមថា ក្រៅពីគុណភាពអប់រំដ៏ល្អឥតខ្ចោះ អូស្ត្រាលីក៏មានទីតាំងនៅជិតកម្ពុជា មានទីក្រុងទំនើប និងសហគមន៍ដែលស្វាគមន៍និស្សិតអន្តរជាតិយ៉ាងកក់ក្តៅ ដែលធ្វើឱ្យប្រទេសនេះក្លាយជាគោលដៅសិក្សាដ៏ពេញនិយមសម្រាប់សិស្សនិស្សិតកម្ពុជា។

លោក ស្រេង ម៉ៅ បានមានប្រសាសន៍ថា៖ «ការអប់រំអន្តរជាតិ មិនត្រឹមតែផ្តល់នូវចំណេះដឹង និងសញ្ញាបត្រប៉ុណ្ណោះទេ ប៉ុន្តែថែមទាំងជួយកសាងទំនុកចិត្ត សមត្ថភាពភាពជាអ្នកដឹកនាំ និងបណ្តាញទំនាក់ទំនងអន្តរជាតិ ដែលអាចឱ្យយុវជនបង្កើតផលវិជ្ជមានសម្រាប់សង្គម និងប្រទេសជាតិ។»

លោកបានបន្ថែមថា តាមរយៈពិព័រណ៍នេះ IDP Education បាននាំមកនូវសាកលវិទ្យាល័យលំដាប់ពិភពលោក ព័ត៌មានអាហារូបករណ៍ ការចែករំលែកបទពិសោធន៍ពីអតីតនិស្សិត និងការប្រឹក្សាពីអ្នកជំនាញ ដើម្បីជួយសិស្សនិស្សិត និងមាតាបិតា ស្វែងរកជម្រើសសិក្សាដែលឆ្លើយតបតាមតម្រូវការ។

គួរបញ្ជាក់ថាIDP Education ដែលត្រូវបានបង្កើតឡើងដោយរដ្ឋាភិបាលអូស្ត្រាលីក្នុងឆ្នាំ១៩៦៩ បច្ចុប្បន្នភ្ជាប់សិស្ស និស្សិតទៅសិក្សាជាង ១,៣០០ ស្ថាប័ននៅទូទាំងពិភពលោក ក្នុងនោះមានជាង ២៧០ គ្រឹះស្ថាននៅប្រទេសអូស្ត្រាលី ដើម្បីជួយសិស្សនិស្សិតជ្រើសរើសការសិក្សាដែលសមស្រប និងរៀបចំផែនការអនាគតប្រកបដោយភាពជឿជាក់។ជាមួយគ្នានេះ ACE ដែលជាផ្នែកមួយនៃ IDP Education បានប្រារព្ធខួប៣៤ឆ្នាំនៃសេវាអប់រំកម្រិតពិភលោក នៅកម្ពុជា និងជាមួយបណ្តាញសិស្សនិស្សិតជាងមួយលាននាក់៕

The post IDP Education បើកពិព័រណ៍ការសិក្សានៅអូស្ត្រាលីឆ្នាំ២០២៦ដើម្បីពង្រីកឱកាសសិក្សាសម្រាប់យុវជនកម្ពុជានៅអូស្ត្រាលីកាន់តែច្រើន appeared first on Kampuchea Thmey Daily.

នេះជាកិច្ចសហការលើកទី៣ រវាង វីតាល់ និងផលិតកម្មហូលីវូដ Sony Pictures ដែលលើកដំបូងនៅឆ្នាំ ២០១៩ ជាមួយខ្សែភាពយន្ត «មនុស្សពីងពាង៖ ឆ្ងាយពីផ្ទះ ឬ Spider-Man: Far from Home» និងលើកទី២ នៅឆ្នាំ ២០២១ ជាមួយស្រឡាយបន្តនៃខ្សែភាពយន្តនេះគឺ «មនុស្សពីងពាង៖ មកផ្ទះលែងកើត ឬ Spider-Man: No Way Home» ដែលទទួលបានការ គាំទ្រយ៉ាងខ្លាំងកុះករពីសំណាក់អ្នកប្រើប្រាស់វីតាល់ និងអ្នកនិយមទស្សនាកុន ទូទាំងប្រទេសកម្ពុជា។

លោក ហុង សុវណ្ណ ប្រធានធុរកិច្ចក្រុមហ៊ុន វ័ន ម៉រ គ្រុប (វីតាល់) បានមានប្រសាសន៍ថា៖ “វីតាល់មានសេចក្តីសោមនស្សរីករាយយ៉ាងខ្លាំង ដែលបានបន្តកិច្ចសហការជាមួយ Sony Pictures ជាលើកទី៣ តាមរយៈខ្សែភាពយន្ត Spider-Man: Brand New Day។ កិច្ចសហការនេះ មិនត្រឹមតែជាការចាប់ដៃគូផ្នែកទីផ្សារប៉ុណ្ណោះទេ ប៉ុន្តែជាការនាំយកបទពិសោធន៍ថ្មី ប្រកបដោយភាពច្នៃប្រឌិត និងភាពរំភើបជូនដល់អ្នកប្រើប្រាស់នៅកម្ពុជា”។ លោកបានបន្តថា៖ “ថ្ងៃនេះគឺជាសក្ខីភាពថ្មីមួយ ដែលបង្ហាញពីការជឿជាក់ និងទំនុកចិត្តលើ វីតាល់ ក្នុងនាមជាផលិតផលជាតិខ្មែរ និងជាម៉ាកទឹកពិសាឈានមុខមួយនៅកម្ពុជា។

ក្នុងន័យនេះ កិច្ចសហការជាមួយខ្សែភាពយន្ត «មនុស្សពីងពាង៖ ថ្ងៃថ្មីសន្លាង» មិនមែនគ្រាន់តែជាការចាប់ដៃគូផ្នែកទីផ្សារប៉ុណ្ណោះទេ ប៉ុន្តែជាការរួមបញ្ចូលគ្នារវាងម៉ាកទឹកពិសាដែលមានគុណភាព និងស្តង់ដារអន្តរជាតិ ជាមួយនឹងខ្សែភាពយន្តលំដាប់ពិភពលោក។ វីតាល់ ជឿជាក់ថា មិនត្រឹមតែផ្តល់ជូន អតិថិជននូវទឹកពិសា ដែលមានគុណភាពខ្ពស់នោះទេ តែយើងបត់បែនខ្លួនជាមួយនិន្នាការសង្គម និងនវានុវត្តន៍ផលិតផល ដោយបន្តបង្កើតនូវបទពិសោធន៍ថ្មីៗ ប្រកបដោយភាពច្នៃប្រឌិតជាទីចាប់អារម្មណ៍ ដើម្បីភ្ជាប់ទំនាក់ទំនងយ៉ាងជិតស្និទ្ធ ជាមួយអ្នកប្រើប្រាស់ ឆ្លើយតបទៅនឹងតម្រូវការ និងបរិបទសង្គមស្របតាមសកលភាវូបនីយកម្មនាពេល បច្ចុប្បន្ន។ ផ្សាភ្ជាប់នឹងសកម្មភាពថ្មីៗនេះ ដែល វីតាល់ បានបើកទំព័រប្រវត្តិសាស្ត្រថ្មីនៃផលិតខ្មែរ ដែលទឹកពិសា វីតាល់ ត្រូវបានទទួលស្គាល់ជាសកល ជាផលិតផលគុណភាពខ្ពស់ មានគុណភាព និងសុវត្ថិភាពចំណីអាហារពិសោធន៍ដោយស្ថាប័ន NSF ពីសហរដ្ឋអាម៉េរិក និងសហភាពអឺរ៉ុប។

លោក ហាយ ប៊ុនម៉េង ប្រធានតំណាងស្ទូឌីយោផលិតកម្ម Sony Pictures ប្រចាំប្រទេសកម្ពុជា នៃក្រុមហ៊ុន វេស្ទិចមេឌាលីមីតធីត (Westec Media Limited) បានចូលរួម៖ “កោតសរសើរ និងវាយតម្លៃខ្ពស់ចំពោះថ្នាក់ដឹកនាំ និងក្រុមការងាររបស់ក្រុមហ៊ុន វ័ន ម៉រ គ្រុប (វីតាល់) ដែលតែងតែផ្តល់នូវទំនុកចិត្ត និងបន្តកិច្ចសហការដ៏ល្អជាមួយ ខ្សែភាពយន្តលំដាប់ពិភពលោក មនុស្សពីងពាង តាំងពីឆ្នាំ២០១៩ មក”។ លោកបន្តថា “អ្វីដែលធ្វើឱ្យលោកកាន់តែមានមោទនភាពទៀតនោះ គឺ វីតាល់ ជាក្រុមហ៊ុន និងផលិតផលខ្មែរ តែមួយគត់ ដែលបានសហការផ្សព្វផ្សាយដោយបោះពុម្ពការវេចខ្ចប់ផលិតផលទឹកពិសារបស់ខ្លួន ជាមួយនឹងរូបភាពនៃកំពូលខ្សែភាពយន្តហូលីវូដដ៏ល្បីល្បាញប្រចាំឆ្នាំ២០២៦ ប្រកបដោយភាពច្នៃប្រឌិត ជូនអ្នកប្រើប្រាស់”។

ក្នុងឱកាសនេះ វីតាល់បានបង្ហាញជាផ្លូវការនូវ ផលិតផលទឹកពិសាវីតាល់ ចំណុះ ៥០០មល រូបរាងថ្មី ដែលមានការរចនាពិសេសជាមួយ និងខ្សែភាពយន្ត «មនុស្សពីងពាង៖ ថ្ងៃថ្មីសន្លាង» ចំនួន ៦ តួអង្គ និងរចនាបថ ទាំងដប និងកេសទឹកពិសាវីតាល់។ វីតាល់ «មនុស្សពីងពាង៖ ថ្ងៃថ្មីសន្លាង» នឹងចេញលក់ជាផ្លូវការលើទីផ្សារទូទាំងប្រទេសកម្ពុជា ចាប់ពីថ្ងៃទី១៧ ខែកក្កដា ឆ្នាំ២០២៦ នេះតទៅ។ បន្ថែមលើសពីរចនាបថមនុស្សពីងពាង យើងបានដាក់ថែមបញ្ចូលវត្ថុអនុស្សាវរីយ៍ ចំនួនមានកំណត់ ដោយត្រូវចៃដន្យជាច្រើនសន្ធឹកសន្ធាប់នៅក្នុងកេសផ្សេងៗគ្នាអាចមាន៖
• កាតាបស្ពាយមនុស្សពីងពាង (Vital x SMBND Drawstring Bag)
• កាបូបប៊ិចមនុស្សពីងពាង (Vital x SMBND Pencil Bag)
• សៀវភៅផាត់ពណ៌ និងស្ទីគ័រមនុស្សពីងពាង (Vital x SMBND Coloring Book)

The post វីតាល់ ចាប់ដៃគ្នាជាមួយផលិតកម្មហូលីវូដ Sony Pictures នាំយកបទពិសោធន៍ថ្មីនៃផលិតផលខ្មែរ ជាមួយខ្សែភាពយន្តខ្នាតអន្តរជាតិ «មនុស្សពីងពាង៖ ថ្ងៃថ្មីសន្លាង | Spider-Man: Brand New Day» appeared first on Kampuchea Thmey Daily.

លោក Tony Fernandes, សហស្ថាបនិកនៃក្រុមហ៊ុន AirAsia បានមានប្រសាសន៍ថា៖ “យើងខ្ញុំពិតជាមាន អារម្មណ៍ ធូរស្រាលក្នុងចិត្តជាខ្លាំង នៅពេលបានទទួលដំណឹងអំពីបទឈប់បាញ់នេះ។ ចំពោះ AirAsia យើងតែងតែផ្តោតសំខាន់លើ ការតភ្ជាប់ទំនាក់ទំនងរវាងមនុស្សជាតិ —  ដែលនេះ គឺជាបេសកកម្ម ដែលបានបង្កើតក្រុមហ៊ុនអាកាសចរណ៍នេះឡើង។ ក្នុង រយៈពេល ២៥ ឆ្នាំកន្លងមកនេះ យើងបានធ្វើឱ្យពិភពលោកកាន់តែមានភាពជិតស្និទ្ធិជាងមុន តាមរយៈការផ្សារភ្ជាប់ សហគមន៍ បង្កើតចំណងមិត្តភាពឆ្លងកាត់ព្រំដែន និងជំរុញឱ្យមនុស្សគ្រប់រូបបានជួបជុំមនុស្សជាទីស្រឡាញ់។ នាពេលនេះ បេសកកម្ម មួយនេះ រឹតតែមានអត្ថន័យជ្រាលជ្រៅជាងពេលណាៗទាំងអស់។ ជាការពិត សន្តិភាពគឺជាអ្វីដែលយើងគ្រប់គ្នា ប្រាថ្នាចង់បាន មិនថាជាសន្តិភាពរវាងបុគ្គល និងសហគមន៍ ឬគ្រាន់តែជាសន្តិភាពផ្លូវចិត្តនៃជីវិតរស់នៅរៀងៗខ្លួននោះទេ។ ហើយការធ្វើដំណើរ គឺជាមធ្យោបាយដ៏ល្អបំផុតដើម្បីបង្កើតនូវសន្តិភាពទាំងនេះ ដោយអនុញ្ញាតឱ្យយើងស្វែងរកនូវបទ ពិសោធន៍ថ្មីៗ និងការផ្ដល់ ពេលវេលាឱ្យខ្លួនឯងបានសម្រាក ដែលក្នុងនោះយើង បានរៀបចំកៅអីរហូតដល់ ១ លានកៅអី ដែលផ្ដល់ឱកាសឱ្យមនុស្ស គ្រប់រូបអាចផ្សារភ្ជាប់ទំនាក់ទំនងឡើងវិញ ស្វែងរកបទពិសោធន៍ថ្មីៗ និងមានពេលវេលាសម្រាប់ សម្រាកលំហែកាយ និងស្ដារថាមពលជីវិតឡើងវិញផងដែរ។ ការជួបមុខគ្នាដោយផ្ទាល់ និងការស្វែងយល់ពីគ្នាទៅវិញទៅមក គឺជាគន្លឹះក្នុងការ បង្កើតសាមគ្គីភាព និងលុបបំបាត់រាល់ការរើសអើង។ នេះជាមូលហេតុដែលយើងជឿជាក់ថា ការផ្សារភ្ជាប់ទំនាក់ទំនងមិនមែន ជាជម្រើសសម្រាប់តែអ្នកមានធនធាននោះទេ ហើយយើងនឹងបន្តបេសកកម្មដើម្បីតភ្ជាប់ពិភពលោក និងផ្តល់ឱកាសឱ្យ សន្តិភាពកើតមានគ្រប់ទីកន្លែង។

ដើម្បីនាំយកបេសកកម្មនេះមកកាន់ព្រះរាជាណាចក្រកម្ពុជា AirAsia Cambodia ផ្តល់ជូននូវសេវាកម្មតភ្ជាប់ ជើងហោះហើរ (Fly-thru) យ៉ាងងាយស្រួលបំផុតចេញពីរាជធានីភ្នំពេញ និងខេត្តសៀមរាប ឆ្ពោះទៅកាន់ជាង  ១៥០ គោលដៅនៅទូទាំង ពិភពលោក។ តាមរយៈការចុះឈ្មោះ (check-in)តែមួយលើកគត់ នោះអីវ៉ាន់ ឬ វ៉ាលីរបស់លោកអ្នក នឹងត្រូវបញ្ជូនដោយ ស្វ័យប្រវត្តិទៅកាន់គោលដៅចុងក្រោយ ហើយនេះយើងកំពុងធ្វើឱ្យការធ្វើដំណើរទៅក្រៅប្រទេសរបស់ប្រជាជនកម្ពុជា កាន់តែ មានភាពងាយស្រួលនិងមានតម្លៃសមរម្យជាងពេលណាៗទាំងអស់។  អ្នកដំណើរអាចស្វែងរកគោលដៅធ្វើដំណើរដ៏សម្បូរបែបតាមបណ្តាណហោះហើរដ៏ទូលំទូលាយរបស់ក្រុមហ៊ុន AirAsia ជាមួយនឹងតម្លៃពិសេសចាប់ពី 89 ដុល្លារ រួមបញ្ជូលទាំងការធ្វើដំណើររយៈចំងាយផ្លូវឆ្ងាយ និងជិត។ ជម្រើសទិសដៅ ហោះហើររយៈចំងាយផ្លូវជិត (Short-haul) ដូចជា ទីក្រុង ចូហរ បារូ (Johor Bahru),  ទីក្រុងប៉េណាំង (Penang), កោះភូកេត (Phuket), ទីក្រុងហូជីមិញ (Ho Chi Minh), ទីក្រុងស៊ិនជិន (Shenzhen), ទីក្រុងអ៊ូហាន (Wuhan) និងទីក្រុងទ្រីវ៉ាន់ដ្រម (Trivandrum) រួមជាមួយជម្រើសជាច្រើនទៀតនៅបណ្តាប្រទេសក្នុងតំបន់អាស៊ាន និងតំបន់ដទៃទៀត។

សម្រាប់លោកអ្នកដែលមានគម្រោងធ្វើដំណើរទៅកាន់ទិសដៅមានរយៈចំងាយផ្លូវឆ្ងាយ (Long-haul) យុទ្ធនាការនេះ ក៏បាន ផ្តល់ជូនជម្រើសគោលដៅពិសេសទៅលើទីក្រុងដ៏ពេញនិយមមួយចំនួនផងដែរ រួមមានដូចជា ទីក្រុងតៃប៉ិ (Taipei), ទីក្រុងអូសាកា (Osaka), ទីក្រុងសេអ៊ូល (Seoul), ទីក្រុងឆាងសា (Changsha), ទីក្រុងឆឹងទូ (Chengdu), ទីក្រុងញូវដេលី (New Delhi), ទីក្រុងមែលប៊ន (Melbourne) និងទីក្រុងស៊ីដនី (Sydney) ដែលធ្វើឱ្យ ការរៀបចំគម្រោងវិស្សមកាលរបស់អ្នកកាន់តែមានភាពងាយស្រួល ដោយទទួលបាននូវជម្រើសរវាងការធ្វើដំណើរកម្សាន្តក្នុង តំបន់រយៈពេលខ្លី និងការសម្រាកលំហែកាយនៅប្រទេសឆ្ងាយៗរយៈពេលវែង។ 

លោកអ្នកអាចធ្វើការកក់ចាប់ពីពេលនេះ រហូតដល់ថ្ងៃទី១៤ ខែមេសា ឆ្នាំ២០២៦សម្រាប់ការធ្វើដំណើរពីថ្ងៃទី២០ ខែមេសា ឆ្នាំ២០២៦ ដល់ថ្ងៃទី២៧ ខែមីនា ឆ្នាំ២០២៧ ដែលនឹងមានពេលវេលាគ្រប់គ្រាន់សម្រាប់ដំណើរកម្សាន្តនាពេលខាងមុខ ការជួបជុំគ្រួសារ ឬការធ្វើដំណើរកម្សាន្តផ្សេងៗ។

ដើម្បីទទួលបានអត្ថប្រយោជន៍បន្ថែម អ្នកដំណើរដែលធ្វើការកក់តាមរយៈកម្មវិធី AirAsia MOVE អាចរីករាយជាមួយ ការបញ្ចុះតម្លៃបន្ថែម 30% លើសេវាកម្ម Value Pack ដែលជួយសន្សំសំចៃលើតម្រូវការចាំបាច់ក្នុងការធ្វើដំណើរ និង ផ្តល់នូវបទពិសោធន៍ធ្វើដំណើរឱ្យកាន់តែរលូនជាងមុន។

សម្រាប់ការកក់សំបុត្រ សូមចូលទៅកាន់គេហទំព័រ airasia.com ឬតាមរយៈកម្មវិធី AirAsia MOVE ដើម្បីចាប់ផ្តើម រៀបចំគម្រោងវិស្សមកាលបន្ទាប់របស់លោកអ្នកក្នុងតម្លៃដ៏សមរម្យ។

*តម្លៃសរុបនេះអនុវត្តសម្រាប់ការធ្វើដំណើរតែមួយជើងប៉ុណ្ណោះ រួមបញ្ចូលទាំងថ្លៃសេវាអ្នកដំណើរ, កម្រៃសេវាកំណត់ដោយអាជ្ញាធរ, កម្រៃសេវាប្រេងឥន្ធនៈ និងកម្រៃសេវាផ្សេងៗទៀតដែលត្រូវអនុវត្ត។

The post ក្រុមហ៊ុនអាកាសចរណ៍ AirAsia  បានប្រកាសបើកសម្ពោធ នូវយុទ្ធនាការថ្មីរបស់ខ្លួនក្រោមបរិបទ “ហោះហើរដើម្បីសន្តិភាព ” (Give Peace a Chance) appeared first on Kampuchea Thmey Daily.

The post អ្នកឧកញ៉ា ឃុន សៀ គោរពជូនពរ បុត្រាបុត្រីទាំង ៥ របស់សម្តេចតេជោ ហ៊ុន សែន និងសម្ដេចកិត្តិព្រឹទ្ទបណ្ឌិត ក្នុងឱកាសបុណ្យចូលឆ្នាំថ្មីប្រពៃណីជាតិ appeared first on Kampuchea Thmey Daily.

The post អ្នកឧកញ៉ា ឃុន សៀ គោរពជូនពរ សម្ដេចទាំង ៧ ក្នុងឱកាសបុណ្យចូលឆ្នាំថ្មីប្រពៃណីជាតិ appeared first on Kampuchea Thmey Daily.

The post អ្នកឧកញ៉ា ឃុន សៀ គោរពជូនពរ សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ក្នុងឱកាសបុណ្យចូលឆ្នាំថ្មីប្រពៃណីជាតិ appeared first on Kampuchea Thmey Daily.

The post អ្នកឧកញ៉ា ឃុន សៀ គោរពជូនពរ សម្តេចតេជោ ហ៊ុន សែន និងសម្ដេចកិត្តិព្រឹទ្ទបណ្ឌិត ក្នុងឱកាសបុណ្យចូលឆ្នាំថ្មីប្រពៃណីជាតិ appeared first on Kampuchea Thmey Daily.

1. តើត្រូវការទំហំអប្បបរមាប៉ុន្មាន ដើម្បីដំឡើងជណ្តើរយន្តខ្នាតតូចសម្រាប់គេហដ្ឋាន?

បច្ចេកវិទ្យាជណ្តើរយន្តទាំង 3ប្រភេទ ដែលគេតែងតែពិចារណាសម្រាប់ការប្រើប្រាស់ក្នុងផ្ទះ មានដូចជា ជណ្តើរយន្តខ្សែបកាប, ជណ្តើរយន្តបូមប្រេង, និង ជណ្តើរយន្តប្រើប្រាស់បច្ចេកវិទ្យវីសស្ពឺ។ ជម្រើសនីមួយៗមានតម្រូវការខុសគ្នាទាក់ទងនឹងទំហំ ការងារសំណង់ និងលក្ខខណ្ឌបច្ចេកទេស។

ជាទូទៅ ទំហំអប្បបរមាដែលត្រូវការអាចខុសគ្នាតាមបច្ចេកវិទ្យា៖

• ជណ្តើរយន្តខ្សែកាប: ជាទូទៅត្រូវការទំហំគ្រោងបេតុងអប្បបរមាប្រហែល 1300 x 1000 mm
• ជណ្តើរយន្តបូមប្រេង: ជាទូទៅត្រូវការប្រហែល 1200 x 1200 mm
• ជណ្តើរយន្តវីសស្ពឺ: មានទំហំតូចជាង ហើយអាចចាប់ផ្តើមពីប្រហែល 940 x 1070 mm

ក្រៅពីទំហំគ្រោងច្បាស់លាស់ហើយ ជណ្តើរយន្តខ្សែកាប និងជណ្តើរយន្តបូមប្រេង ក៏អាចត្រូវការកន្លែងបច្ចេកទេសបន្ថែមផងដែរដូចជា បន្ទប់ម៉ាស៊ីន, រណ្តៅជ្រៅ, ឬ កន្លែងបន្ថែមសម្រាប់ដាក់ឧបករណ៍។ បើប្រៀបធៀបគ្នា ជណ្តើរយន្តវីសស្ពឺ តែងតែត្រូវបានជ្រើសរើសសម្រាប់ផ្ទះតូចៗ ព្រោះមិនត្រូវការបន្ទប់ម៉ាស៊ីន ហើយអាចដំណើរការជាមួយបាតរណ្តៅទាបៗបាន ដែលជាទូទៅប្រហែល 0 ទៅ 120 mm អាស្រ័យលើម៉ូឌែល និងលក្ខខណ្ឌនៃការដំឡើង។

ជាទូទៅ ជណ្តើរយន្តខ្សែកាបត្រូវការទំហំគ្រោងបេតុង និងកន្លែងបច្ចេកទេសច្រើនជាង ខណៈដែល ជណ្តើរយន្តបូមប្រេងក៏អាចត្រូវការកន្លែងសម្រាប់ឧបករណ៍ផ្សេងៗ និងប្រព័ន្ធប្រេង។ ចំណែកឯជណ្តើរយន្តវីសស្ពឺ ជាធម្មតាសមស្របជាងសម្រាប់ផ្ទះតូច ព្រោះមិនត្រូវការបន្ទប់ម៉ាស៊ីន និងអាចដំឡើងជាមួយបាតរណ្តៅទាបបាន។

2. ជណ្តើរយន្តខ្នាតតូចសម្រាប់គេហដ្ឋានមានតម្លៃប៉ុន្មាន?

នៅក្នុងទីផ្សារប្រទេសកម្ពុជា តម្លៃជណ្តើរយន្តតូចសម្រាប់គេហដ្ឋាន ជាទូទៅត្រូវបានបែងចែកជា ២ ប្រភេទធំៗទៅតាមប្រភពផលិត៖

• ជណ្តើរយន្តគេហដ្ឋាននាំចូល: ការវិនិយោគជាទូទៅចាប់ផ្តើមពីប្រហែល 37,900 ដុល្លារអាមេរិក ហើយអាចឡើងដល់ប្រហែល 75,900 ដុល្លារអាមេរិក អាស្រ័យលើការកំណត់រចនាសម្ព័ន្ធ ការឌីសាញ និងតម្រូវការគម្រោងជាក់ស្តែង។
• ជណ្តើរយន្តគេហដ្ឋានផលិត និងដំឡើងក្នុងស្រុក: តម្លៃជាទូទៅស្ថិតនៅចន្លោះប្រហែល 15,200 ដុល្លារអាមេរិក ដល់ 37,900 ដុល្លារអាមេរិក អាស្រ័យលើប្រភេទផលិតផល និងវិធីសាស្ត្រក្នុងការដំឡើង។

ចំណាំ: តម្លៃខាងលើគ្រាន់តែជាតម្លៃយោងប៉ុណ្ណោះ ហើយអាចប្រែប្រួលទៅតាមតម្រូវការគម្រោង និងលក្ខខណ្ឌដំឡើងជាក់ស្តែង។

តាមផ្នែកបច្ចេកវិទ្យា ជណ្តើរយន្តវីសស្ពឺត្រូវការការវិនិយោគដំបូងខ្ពស់ជាងគេបន្តិច បើប្រៀបធៀបជាមួយជណ្តើរយន្តខ្សែកាប ឬជណ្តើរយន្តបូមប្រេងមួយចំនួន ព្រោះជាទូទៅវាជាផលិតផលនាំចូលទាំងស្រុង និងមានបច្ចេកវិទ្យាទំនើប។ ទោះបីជាយ៉ាងណាក៏ដោយ វាតែងតែត្រូវបានជ្រើសរើសសម្រាប់ផ្ទះដែលមានទីតាំងចង្អៀត ព្រោះវាអាចកាត់បន្ថយភាពស្មុគស្មាញនៃការសំណង់ និងធ្វើឱ្យការដំឡើងកាន់តែងាយស្រួលក្នុងកន្លែងតូចៗ។

3. តើអ្នកត្រូវដឹងអ្វីខ្លះនៅពេលដំឡើងជណ្តើរយន្តខ្នាតតូចសម្រាប់គេហដ្ឋាន?

មុនពេលដំឡើង ជណ្តើរយន្តខ្នាតតូច សម្រាប់គេហដ្ឋាន ម្ចាស់ផ្ទះគួរតែយកចិត្តទុកដាក់លើកត្តា ៦ យ៉ាងខាងក្រោម៖

• ទីតាំងដំឡើង: សម្រាប់ផ្ទះដែលកំពុងកែលម្អ ឬផ្ទះដែលសាងសង់រួចហើយគួរពិចារណាទីតាំងចន្លោះជណ្តើរជើង ព្រោះជាទូទៅវាមានភាពងាយស្រួលក្នុងការរៀបចំ និងត្រូវការកែប្រែរចនាសម្ព័ន្ធតិចជាងទីតាំងផ្សេងៗ។
• រចនាសម្ព័ន្ធអគារ: ជាពិសេសសម្រាប់គម្រោងកែលម្អ ត្រូវពិនិត្យយ៉ាងម៉ត់ចត់លើលទ្ធភាពរៀបចំ គ្រោងជណ្តើរយន្ត ប្រព័ន្ធខ្សែភ្លើង រណ្តៅ និងហេដ្ឋារចនាសម្ព័ន្ធទាំងអស់សម្រាប់ការដំឡើង។
• សុវត្ថិភាពក្នុងការប្រើប្រាស់: គួរផ្តល់អាទិភាពដល់ជណ្តើរយន្តដែលមាន ប្រព័ន្ធសេនស័រ សុវត្ថិភាពសម្រាប់ទ្វារ ប៊ូតុងបញ្ឈប់បន្ទាន់ ទូរស័ព្ទ ឬប្រព័ន្ធទំនាក់ទំនង និងវិញ្ញាបនបត្រសុវត្ថិភាពពីស្ថាប័នដែលអាចទុកចិត្តបាន។
• តម្លៃ និងការថែទាំ: កុំមើលតែតម្លៃទិញដំបូងប៉ុណ្ណោះ ជណ្តើរយន្តខ្លះអាចមានតម្លៃទិញទាបជាង ប៉ុន្តែមានថ្លៃថែទាំខ្ពស់ជាង អាយុកាលប្រើប្រាស់ទាប និងអាចមានចំណាយមិនបានរំពឹងទុកច្រើនជាងនៅពេលប្រើប្រាស់។
• អ្នកផ្គត់ផ្គង់ និងអ្នកដំឡើងជណ្តើរយន្ត: គួរជ្រើសរើសក្រុមហ៊ុនដែលមានក្រុមបច្ចេកទេសផ្ទាល់ខ្លួន មានដំណើរការដំឡើងច្បាស់លាស់ ផ្តល់ជំនួយបានរហ័ស និងមានសេវាកម្មក្រោយការលក់ដែលច្បាស់លាស់ និងមានតម្លាភាព។
• ចំណាំបន្ថែមអំពីទំហំរទេះរុញ: ប្រសិនបើគ្រួសារត្រូវការប្រើរទេះរុញជាមួយមនុស្សម្នាក់អមដំណើរ គួរតែគិតគូរពីដំបូង ដើម្បីជ្រើសរើសជណ្តើរយន្តដែលមានទំហំទូរកាប៊ីនប្រហែល 1100 x 1400 mm ឬធំជាងនេះ និងមានសមត្ថភាពផ្ទុកសមរម្យ។

4. Cibes ជាម៉ាកជណ្តើរយន្តសម្រា់គេហដ្ឋានពីស៊ុយអែត ដែលសមស្របសម្រាប់កន្លែងតូច

ម៉ាកពីស៊ុយអែតដែលមានប្រវត្តិអភិវឌ្ឍយូរអង្វែង

Cibes Lift គឺជាម៉ាកជណ្តើរយន្តមកពីប្រទេសស៊ុយអែតដែលបង្កើតឡើងនៅឆ្នាំ 1947។ បន្ទាប់ពីការអភិវឌ្ឍជិត 70 ឆ្នាំ ម៉ាកនេះមានវត្តមាននៅជាង 80 ប្រទេស ហើយត្រូវបានគ្រួសារជាច្រើនស្គាល់ ហើយមានទំនុកចិត្តលើគុណភាព ការផលិតល្អ និងសេវាកម្មក្រោយការលក់ច្បាស់លាស់។

នៅប្រទេសកម្ពុជា Cibes Lift Cambodia បានបង្ហាញខ្លួនថាជាសាខាបុត្រសម្ព័ន្ធផ្ទាល់របស់ Cibes Lift Group ហើយបានចាប់ផ្តើមសកម្មភាពនៅទីផ្សារកម្ពុជាតាំងពីឆ្នាំ 2021។ ក្រុមហ៊ុនក៏បានបញ្ជាក់ផងដែរថា បានបើក showroom នៅចុងឆ្នាំ 2022 ជិតផ្សារទំនើប Chip Mong 271 Mega Mall, ផ្ទះលេខ 261, ផ្លូវពាណិជ្ជកម្ម, ភ្នំពេញ, កម្ពុជា។

សន្សំកន្លែង និងអាចដំឡើងបានចាប់ពីត្រឹម 1 ម៉ែត្រការ៉េ

ដោយសារប្រើបច្ចេកវិទ្យា វីសស្ពឺ ដែលមិនត្រូវការបន្ទប់ម៉ាស៊ីន និងត្រូវការមានរណ្តៅជ្រៅត្រឹមតែ 0 – 120 mm ប៉ុណ្ណោះ Cibes សមស្របខ្លាំងសម្រាប់ផ្ទះល្វែង និងវីឡាទាបៗ ហើយអាចដំឡើងបានក្នុងកន្លែងចាប់ពីត្រឹម 1 ម៉ែត្រការ៉េ។

ដោយសារការរចនាបែប ម៉ូឌុល (modular) ជណ្តើរយន្តអាចដំឡើងបាននៅទីតាំងចន្លោះជណ្តើរជើង កន្លែងដែលមានពន្លឺល្អ (skylight) ឬជ្រុងមួយនៅក្នុងផ្ទះ ដោយចំណាយពេលដំឡើងត្រឹមតែ 10 – 15 ថ្ងៃ ប៉ុណ្ណោះ ដែលជួយកាត់បន្ថយការរំខានដល់ជីវភាពរស់នៅប្រចាំថ្ងៃរបស់គ្រួសារ។

ស្តង់ដារសុវត្ថិភាពច្បាស់លាស់

ម៉ូឌែលជណ្តើរយន្តទាំងអស់របស់ Cibes ទទួលបានវិញ្ញាបនបត្រ EC certified, អនុលោមតាម Machinery Directive 2006/42/EC, និងអនុវត្តតាមស្តង់ដារ EN 81-41:2010 របស់សហភាពអឺរ៉ុប។

សេចក្តីសន្និដ្ឋាន

ជណ្តើរយន្តខ្នាតតូចសម្រាប់គេហដ្ឋាន មិនមែនមានសម្រាប់តែវីឡាធំៗ ឬផ្ទះសាងសង់ថ្មីប៉ុណ្ណោះទេ។ នៅប្រទេសកម្ពុជា ផ្ទះតូចៗជាច្រើនក៏អាចពិចារណាជាមួយការដាក់ជណ្តើរយន្តបានដែរ ប្រសិនបើបច្ចេកវិទ្យា ទំហំ និងលក្ខខណ្ឌដំឡើង ត្រូវបានវាយតម្លៃយ៉ាងត្រឹមត្រូវតាំងពីដំបូង។ ចំណុចសំខាន់មិនមែនមានតែតម្លៃពេលទិញប៉ុណ្ណោះទេ ប៉ុន្តែជាការសមស្របរវាងប្រព័ន្ធជណ្តើរយន្ត និងប្លង់ផ្ទះជាក់ស្តែង លក្ខខណ្ឌសំណង់ និងតម្រូវការប្រើប្រាស់រយៈពេលវែងផងដែរ។

សម្រាប់ម្ចាស់ផ្ទះដែលចង់បានដំណោះស្រាយសម្រាប់កន្លែងតូច គួរប្រៀបធៀបទំហំគ្រោង ដែលត្រូវការ ជម្រៅរណ្តៅ លក្ខខណ្ឌបច្ចេកទេស មុខងារសុវត្ថិភាព និងសេវាកម្មក្រោយការលក់ មុននឹងសម្រេចចិត្តចុងក្រោយ។

ប្រសិនបើអ្នកកំពុងពិចារណាដំឡើងជណ្តើរយន្តសម្រាប់គេហដ្ឋាននៅកម្ពុជា សូមទាក់ទង Cibes home lifts ថ្ងៃនេះ ដើម្បីទទួលបានការប្រឹក្សា និងការចុះពិនិត្យទីតាំង។

The post តើជណ្តើរយន្តខ្នាតតូចមានតម្លៃប៉ុន្មាននៅកម្ពុជា? appeared first on Kampuchea Thmey Daily.