ប្រធានសភាលោក Wan Muhammad Nor Matha បានជូនដំណឹងទៅសភាថា ព្រះរាជក្រឹត្យរំលាយសភា នឹងចូលជាធរមានក្នុងរយៈពេលមួយម៉ោង។ នេះជាការលើកឡើងរបស់សមាជិកសភាដែលស្នើឲ្យសភាជូនដំណឹងទៅខុទ្ទកាល័យធ្វើប្រជាមតិលើកដំបូងដើម្បីវាយតម្លៃមតិសាធារណៈលើការតាក់តែងរដ្ឋធម្មនុញ្ញថ្មី។ សភាបានបោះឆ្នោតបញ្ជូនសំណួរប្រជាមតិទៅខុទ្ទកាល័យដោយសំឡេងគាំទ្រ ៤៩៤ សំឡេងប្រឆាំង ១ សំឡេងអនុប្បវាទ ៩ និងមិនបោះ ១ សំឡេង នៅមុនព្រះរាជសាររំលាយសភាបានបញ្ជូនទៅដល់រដ្ឋសភា។ បន្ទាប់មក លោកប្រធានរដ្ឋសភាថៃ បានថ្លែងអំណរគុណដល់សមាជិកទាំងអស់ មុននឹងក្រោយឈរទទួល ស្គាល់ព្រះរាជក្រឹត្យបិទសម័យប្រជុំវិសាមញ្ញ នៅវេលាម៉ោង ១១៖១៥នាទីយប់ថ្ងៃទី១១ខែធ្នូឆ្នាំ២០២៥។ យោងតាការចេញផ្សាយរបស់ The Standard អ្នកសារព័ត៌មានសង្កេតឃើញថា សមាជិកសភា ជាពិសេសសមាជិកសភាមកពីគណបក្សនយោបាយនានា បានប្រមូលផ្តុំគ្នាថតរូបអនុស្សាវរីយ៍ មុននឹងចាកចេញពីបន្ទប់ប្រជុំបន្តិចម្តងៗ។ ការប្រការរំលាយសភានេះនឹងនាំឱ្យអសមត្ថភាពក្នុងការកោះប្រជុំសភាជាថ្មីក្នុងអាណត្តិនេះ ហើយនឹងត្រួសត្រាយផ្លូវសម្រាប់ការបោះឆ្នោតសកលថ្មីសម្រាប់សមាជិកសភា។ នៅក្នុងរុបភាពនោះ គេសង្កេតឃើញសមាជិកសភាមកពីគណបក្សប្រជាជនដែលតែងតែទាមទារឲ្យមានការកែប្រែរដ្ឋធម្មនុញ្ញនោះ មានទឹកមុខស្រងូតស្រងាត់ជាខ្លាំង ព្រោះបំណាងកែប្រែរដ្ឋធម្មនុញ្ញជិតបានសម្រេចទៅហើយ បែជាត្រូវទុកជាមោឃទៅវិញ៕ រ៉ាន់ រើយ
