ព័ត៌មានអន្ដរជាតិ

ការរំលាយសភាថៃចូលជាធរមាននៅម៉ោង១២អធ្រាត្រយប់ថ្ងៃទី១១ធ្នូ ខណៈក្រុមបក្សប្រជាជនខកចិត្តខ្លាំង

បានផុស

៧ ខែ មុន

នៅ

ថ្ងៃសុក្រ ១២ ធ្នូ ២០២៥

ដោយ

ប្រធានសភាលោក Wan Muhammad Nor Matha បានជូនដំណឹងទៅសភាថា ព្រះរាជក្រឹត្យរំលាយសភា នឹងចូលជាធរមានក្នុងរយៈពេលមួយម៉ោង។ នេះជាការលើកឡើងរបស់សមាជិកសភាដែលស្នើឲ្យសភាជូនដំណឹងទៅខុទ្ទកាល័យធ្វើប្រជាមតិលើកដំបូងដើម្បីវាយតម្លៃមតិសាធារណៈលើការតាក់តែងរដ្ឋធម្មនុញ្ញថ្មី។

ក្រុមតំណាងរាស្រ្តមកពីគណបក្សប្រជាជន។ The Standard

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សភាបានបោះឆ្នោតបញ្ជូនសំណួរប្រជាមតិទៅខុទ្ទកាល័យដោយសំឡេងគាំទ្រ ៤៩៤ សំឡេងប្រឆាំង ១ សំឡេងអនុប្បវាទ ៩ និងមិនបោះ ១ សំឡេង នៅមុនព្រះរាជសាររំលាយសភាបានបញ្ជូនទៅដល់រដ្ឋសភា។

បន្ទាប់មក លោកប្រធានរដ្ឋសភាថៃ បានថ្លែងអំណរគុណដល់សមាជិកទាំងអស់ មុននឹងក្រោយឈរទទួល ស្គាល់ព្រះរាជក្រឹត្យបិទសម័យប្រជុំវិសាមញ្ញ នៅវេលាម៉ោង ១១៖១៥នាទីយប់ថ្ងៃទី១១ខែធ្នូឆ្នាំ២០២៥។

យោងតាការចេញផ្សាយរបស់ The Standard អ្នកសារព័ត៌មានសង្កេតឃើញថា សមាជិកសភា ជាពិសេសសមាជិកសភាមកពីគណបក្សនយោបាយនានា បានប្រមូលផ្តុំគ្នាថតរូបអនុស្សាវរីយ៍ មុននឹងចាកចេញពីបន្ទប់ប្រជុំបន្តិចម្តងៗ។

ការប្រការរំលាយសភានេះនឹងនាំឱ្យអសមត្ថភាពក្នុងការកោះប្រជុំសភាជាថ្មីក្នុងអាណត្តិនេះ ហើយនឹងត្រួសត្រាយផ្លូវសម្រាប់ការបោះឆ្នោតសកលថ្មីសម្រាប់សមាជិកសភា។

នៅក្នុងរុបភាពនោះ គេសង្កេតឃើញសមាជិកសភាមកពីគណបក្សប្រជាជនដែលតែងតែទាមទារឲ្យមានការកែប្រែរដ្ឋធម្មនុញ្ញនោះ មានទឹកមុខស្រងូតស្រងាត់ជាខ្លាំង ព្រោះបំណាងកែប្រែរដ្ឋធម្មនុញ្ញជិតបានសម្រេចទៅហើយ បែជាត្រូវទុកជាមោឃទៅវិញ៕

រ៉ាន់ រើយ