បទ​នេះ​មាន​ចំណងជើង​ថា “​ឱ​! ផ្ទៃ​ស្រុក​ខ្មែរ​” ដែល​ច្រៀង​ដោយ​កញ្ញា ចំរើន សុភា មាន​ការ​រួម​បញ្ចូល​ឧបករណ៍​បុរាណ​រនាត និង​ឧបករណ៍​សម័យ​ព្យាណូ​ផង​ដែរ។

ក្នុង​នោះ ចំរើន សុភា ក៏បាន​លើក​ជា​សំនួរ​ថា តាមរយៈ​ការ​រៀបរាប់​អំពី​អត្ថន័យ នៃ​សាច់​រឿង​ក្នុង​បទ​ចម្រៀង តើ​អ្នក​តាំង​ខ្លួន​ឯង​ជា​តួអង្គ​អ្វី​ដែរ?។ ខ្ញុំ​តាំងពី​ចេះ​សម្ដែង​របាំ​នេះ​មក គឺ​តែងតែ​ជា​តួអង្គ ស្រឹត​ស្ទៃអង្ក។

បន្ទាប់ពី​ការ​ទស្សនា​នូវ​ចម្រៀង​យ៉ាង​ពីរោះ​លន្លង់លន្លោច​នេះ​ហើយ មាន​អ្នកគាំទ្រ​មួយ​ចំនួន​ធំ​បាន​បន្ត​ការ​ស៊ែរ​ចែករំលែក និង​សរសើរ​គ្រប់គ្នា​ថា ពិតជា​ពីរោះ​ណាស់។ ម្ចាស់​គណនី​ឈ្មោះ Dane Sam​បាន​លើក​ឡើង​ថា ជា​បទ​ដែល​ខ្ញុំ​ស្រឡាញ់​តាំងពីក្មេង “ឱ ! ផ្ទៃ​ស្រុក​ខ្មែរ” ពីរោះ​ណាស់។ ចំណែក​ម្ចាស់​គណនី​ឈ្មោះ Srun Sruoy បាន​និយាយ​ដែរ​ថា ពីរោះ​ណាស់ ពិសេស​ឧបករណ៍​ភ្លេងខ្មែរ​រនាត ខ្ញុំ​ចូលចិត្ត​ស្ដាប់​…តែ​សុំ​ការ​អធ្យាស្រ័យ​បើ​សិន​អ្នក​ច្រៀង​គ្រង​ជា​របៀប​បុរាណ​ទៀត ស្ដាប់​ហើយ​ហាក់​ធ្មេច​ភ្នែក​ស្រមៃ​មើល​ទៅ​គួរ​ឲ្យ​មោទនៈ​ណាស់។

ដោយឡែក​ផ្ទុយ​ពី​ការ​សរសើរ​ខាងលើ ស្រាប់តែ​មាន​ម្ចាស់​ហ្វេសប៊ុក​មួយ​បែរជា​បញ្ចេញមតិ​ផ្ទុយ​ស្រឡះ​ពី​គេ ដោយ​ធ្វើការ​រិះគន់​ថា បទ​នេះ​ចម្លង​ពី​ប្រទេស​ជិត​ខាង​ទៅវិញ(Khmer Copy Thai Song)។

ឆ្លើយតប​ការ​រិះគន់​នេះ សាមីខ្លួន​កញ្ញា ចំរើន សុភា បាន​សម្ដែង​ការ​ហួសចិត្ត​លើ​ការរិះគន់​ដោយ​គ្មាន​មូលដ្ឋាន​នេះ។

តារា​ស្រី​កញ្ញា ចំរើន សុភា បាន​បញ្ជាក់​ថា «នឹក​ក្នុង​ចិត្ត​អើស! បើ​ជ្រុល​ជា​អ៊ីចឹង​សុំ​ស្ដាប់​បទ​គេ​ហ្នឹង​តិច​មើល។ មាន​អី​គេ​ទម្លាក់​លីង​ឲ្យ​មែន។ បល់​យ៊​គេ​ច្រៀង​បទ​ផ្ទៃ​ស្រុក​ខ្មែរ បែរជា​ទម្លាក់​បទ​ឡាវ​សរសើរ​ព្រះចន្ទ(ឡាវ​ចោម​ចន្ទ​)មក។ ព្រះអង្គ​អើយ អត់​ស្គាល់ អត់​ដឹង​អី​សោះ​ហ្មង​អ្ហី​? ចេះតែ​ចង់​យ៉ាងម៉េច​? ជា​រឿយៗ ឲ្យ​តែ​បង្ហោះ​បទ​មហោរី​ដឹង​តែ​មក​ជា​ហូរហែ»៕

អត្ថបទ ៖ ចាន់រ៉ា

The post ចំរើន សុភា បញ្ជាក់ច្បាស់ៗ ខណៈ​មាន​ការ​រិះគន់​ថា បទ”ឱ!ផ្ទៃស្រុកខ្មែរ” ចម្លងប្រទេសជិតខាង appeared first on Kampuchea Thmey Daily.