បើតាមការបំភ្លឺពីម្តាយ ឈ្មោះ អុឹម វ៉ាន់ បាននិយាយថា កូនប្រុសរបស់គាត់ឈ្មោះ អុឹម វឿន អាយុ ៣១ ឆ្នាំ មានរោគសសៃប្រសាទ និង ជក់ថ្នាំញៀន រហូតស្ទើរតែបែកថ្នាំទៅហើយ ទើបគាត់ឱ្យរស់នៅខ្ទមតែម្នាក់ឯង ក្បែរផ្ទះដោយសារគាត់ខ្លាចកូនធ្វើបាបដោយប្រការណាទៀត។

ស្ត្រីជាម្តាយបានបន្តថា កន្លងមកកូនប្រុសរបស់គាត់មានបំណងចង់សម្លាត់ខ្លួនប៉ុន្មានដងមកហើយ ដោយមានពេលខ្លះកូនប្រុសនោះបានឡើងទៅលើដំបូលផ្ទះអ្នកជិតខាង និងចង់យកសាំងប្រុងដុតផ្ទះជាដើម ប៉ុន្តែត្រូវបានអ្នកជិតខាងជួយទាន់ពេល។ លុះនៅព្រឹកនេះ បាត់កូនឈឹង សង្ស័យកូនប្រុសលោតចូលទៅក្នុងអណ្តូងទឹកដែលមានជម្រៅរហូតដល់លូ ៨កង់ ទើបគាត់ស្រែកឆោរឡោ ដើម្បីឱ្យគេឯងជួយកូន។

បើទោះបីជាកូនប្រុសធ្លាប់ធ្វើបាបជាច្រើនដង និងធ្លាប់យកដែកសរសៃគំរាមចាក់សម្លាប់គាត់យ៉ាងណាក៏ដោយ ក៏ម្ដាយនៅតែគិតថាជាកូន ទើបគាត់ទទូចអង្វរសមត្ថកិច្ចធ្វើយ៉ាងណាជួយស្រង់កូនប្រុសរបស់គាត់ឡើងមកវិញដើម្បីជួយសង្គ្រោះ ឬបើស្លាប់ ក៏យកធ្វើបុណ្យតាមប្រពៃណី។

ទាំងសមត្ថកិច្ច និងប្រជាពលរដ្ឋ បានស្វះស្វែងរកម៉ូទ័រដើម្បីបូមទឹកអណ្តូង អ្នកខ្លះទៀតបានយកដើមឫស្សីចងទំពក់ ហើយទីបំផុតក៏បានទាក់អាវ ហើយទាញបុរសនោះឡើងមកលើទឹក ប៉ុន្តែបុរសនោះបានបាត់បង់ជីវិតទៅហើយ។

ក្រោយពេលពិនិត្យសាកសព សមត្ថកិច្ចប្រគល់សពទៅឱ្យម្តាយរៀបចំធ្វើបុណ្យ។ នេះគឺជាលទ្ធផលនៃការប្រើប្រាស់សារធាតុញៀន៕

អត្ថបទ៖ សោ និយមរ័ត្ន

The post ទឹកចិត្តម្ដាយ ទោះកូនបែកថ្នាំធ្លាប់ចង់សម្លាប់គាត់ ក៏ស្រែកសុំគេជួយកូនលោតទឹកអណ្ដូង appeared first on Kampuchea Thmey Daily.

ពលរ​ពលរដ្ឋ​និង​សមត្ថកិច្ច​ដែល​បាន​ជួយ​ធ្វើការ​សង្គ្រោះ​ជនជាតិ​ចិន​នោះ​បាន​ប្រាប់​អ្នក​យក​ព័​ត៍​​មាន​​ឲ្យ​ដឹងថា​ នៅពេល​កើតហេតុ​នោះ​ គេ​បាន​ឃើញ​បុរស​ជនជាតិ​ច​ន​ជា​តិចិន​តៃវ៉ាន់​ម្នាក់​ទំនងជា​បែក​ថ្នាំញៀន ​រត់​ចុះឡើង​នៅ​អគារ​ខ្ពស់​មួយ​នៅ កាស៊ីណូ​នាគ​ទិព្វ​ ប្រុង​លោត​ពីលើ​កា​ស៊ីណូ​ សម្លាប់ខ្លួន​ក្រោយពី​ឃើញ​ដូច្នេះ​មាន​ប្រជាពលរដ្ឋ និង សម្ថ​កិច្ច បុគ្គ​លឹក​កាស៊ីណូ​នាគ​ទិព្វ ​បាន​ជួយ​ធ្វើ​អន្តរា​គមន៍​ឡើង​ទៅ​ឃាត់​ចុះ​មក​ដល់​ដី​វិញ ​ដាក់​កន្លែង​សុ​វត្តិ​ភាព​។​

សមត្ថកិច្ច​បា​នបញ្ជាក់​ឲ្យ​ដឹង​បន្ត​ទៀតថា ជនជាតិ​ចិន​នោះ​មានឈ្មោះ ហ្វូ ហ្វាំ​ង​ហ្វី អាយុ​៣៦​ឆ្នាំ ជា​ជនជាតិ​តៃវ៉ាន់​មក​ស្នាក់នៅ​ក្រុង​ប៉ោយប៉ែត ​មក​ទល់ពេលនេះ​បុរស​នេះ​ នៅ​មិន​ទា​ន់មាន​សតិ​គ្រប់​គ្រាន់ និង​និយាយ​អាច​ស្តា​ប់​បាន​នៅឡើយ​ទេ ៕ អត្ថបទ ៖ វ៉ាន់ ណា​ង​

​

The post សង្ស័យ​បែកថ្នាំ​ជន​ជា​តិ​ចិន​ម្នាក់​ ព្យា​យា​ម​លោ​ត​ស​ម្លាប់​ខ្លួន​ពី​លើ​អគារ​កាស៊ីណូ​​ appeared first on Kampuchea Thmey Daily.