Connect with us

សន្តិសុខសង្គម

ទឹកចិត្តម្ដាយ ទោះកូនបែកថ្នាំធ្លាប់ចង់សម្លាប់គាត់ ក៏ស្រែកសុំគេជួយកូនលោតទឹកអណ្ដូង

បានផុស

នៅ

ម្ដាយបានស្រែកឆោឡោឱ្យគេជួយកូនប្រុសរបស់ខ្លួន ខណៈកូននោះបានលោតចូលទៅក្នុងអណ្តូងទឹក ធ្វើអត្តឃាត ដោយសារឥទ្ធិពលនៃការប្រើប្រាស់គ្រឿងញៀន។ ហេតុការណ៍នេះបានកើតឡើងនៅព្រឹកថ្ងៃទី៩ ខែឧសភា ឆ្នាំ២០២២ នៅចំណុចភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបំភ្លឺពីម្តាយ ឈ្មោះ អុឹម វ៉ាន់ បាននិយាយថា កូនប្រុសរបស់គាត់ឈ្មោះ អុឹម វឿន អាយុ ៣១ ឆ្នាំ មានរោគសសៃប្រសាទ និង ជក់ថ្នាំញៀន រហូតស្ទើរតែបែកថ្នាំទៅហើយ ទើបគាត់ឱ្យរស់នៅខ្ទមតែម្នាក់ឯង ក្បែរផ្ទះដោយសារគាត់ខ្លាចកូនធ្វើបាបដោយប្រការណាទៀត។

ស្ត្រីជាម្តាយបានបន្តថា កន្លងមកកូនប្រុសរបស់គាត់មានបំណងចង់សម្លាត់ខ្លួនប៉ុន្មានដងមកហើយ ដោយមានពេលខ្លះកូនប្រុសនោះបានឡើងទៅលើដំបូលផ្ទះអ្នកជិតខាង និងចង់យកសាំងប្រុងដុតផ្ទះជាដើម ប៉ុន្តែត្រូវបានអ្នកជិតខាងជួយទាន់ពេល។ លុះនៅព្រឹកនេះ បាត់កូនឈឹង សង្ស័យកូនប្រុសលោតចូលទៅក្នុងអណ្តូងទឹកដែលមានជម្រៅរហូតដល់លូ ៨កង់ ទើបគាត់ស្រែកឆោរឡោ ដើម្បីឱ្យគេឯងជួយកូន។

បើទោះបីជាកូនប្រុសធ្លាប់ធ្វើបាបជាច្រើនដង និងធ្លាប់យកដែកសរសៃគំរាមចាក់សម្លាប់គាត់យ៉ាងណាក៏ដោយ ក៏ម្ដាយនៅតែគិតថាជាកូន ទើបគាត់ទទូចអង្វរសមត្ថកិច្ចធ្វើយ៉ាងណាជួយស្រង់កូនប្រុសរបស់គាត់ឡើងមកវិញដើម្បីជួយសង្គ្រោះ ឬបើស្លាប់ ក៏យកធ្វើបុណ្យតាមប្រពៃណី។

ទាំងសមត្ថកិច្ច និងប្រជាពលរដ្ឋ បានស្វះស្វែងរកម៉ូទ័រដើម្បីបូមទឹកអណ្តូង អ្នកខ្លះទៀតបានយកដើមឫស្សីចងទំពក់ ហើយទីបំផុតក៏បានទាក់អាវ ហើយទាញបុរសនោះឡើងមកលើទឹក ប៉ុន្តែបុរសនោះបានបាត់បង់ជីវិតទៅហើយ។

ក្រោយពេលពិនិត្យសាកសព សមត្ថកិច្ចប្រគល់សពទៅឱ្យម្តាយរៀបចំធ្វើបុណ្យ។ នេះគឺជាលទ្ធផលនៃការប្រើប្រាស់សារធាតុញៀន៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

ស្ថាប័នបីចាប់ដៃបង្កើតឱកាសរួមគ្នារវាងកម្ពុជា-ជប៉ុន ផ្អែកលើទស្សនវិជ្ជាធុរកិច្ចរបស់លោក Inamori

សន្តិសុខសង្គម៧ ម៉ោង មុន

ជះ​ទឹក​អាស៊ីត​ដាក់​ប្តី​នៅ​ភ្នំពេញ រត់​មក​ខេត្តរតនគិរី ត្រូវ​សមត្ថកិច្ច​ស្រាវជ្រាវ​ឃាត់ខ្លួន

ព័ត៌មានអន្ដរជាតិ៨ ម៉ោង មុន

គណបក្សភឿថៃ បង្ហាញបេក្ខជនតំណាងរាស្ត្រថ្មីសម្រាប់ការបោះឆ្នោតសមាជិកសភាអាណត្តិក្រោយ

ព័ត៌មានជាតិ៩ ម៉ោង មុន

លោក​ឡុង ឌី​ម៉​ង់ លើកឡើង​អំពី​សក្តានុពល ខេត្ត​ព្រះសីហនុ ក្នុង​វេទិកា​អភិបាលក្រុង​អាស៊ាន AMF និង​កិច្ចប្រជុំ​អភិបាល​រាជធានី រដ្ឋធានី​អាស៊ាន MGMAC ឆ្នាំ​២០២២

KPT+៩ ម៉ោង មុន

ទាយាទស្ថាបនិក Red Bull ក្លាយជាមហាសេដ្ឋីមានបំផុតនៅអឺរ៉ុប ក្រោយទទួលមរតកជិត ១៦ពាន់់លានដុល្លារ

Sokha Hotels

ព័ត៌មានពេញនិយម