តាមរយ:បទចម្រៀងរបស់អ្នកស្រី ងិន ម៉ានីយ៉ា មានចំណងជើងថា “ខ្មែរចាំឱ្យបាន” ដែលជាការរៀបរាប់ពីការឈឺចាប់របស់ប្រជាពលរដ្ឋខ្មែរទូទាំងប្រទេសពីការឈ្លានពាន និងទង្វើដ៏ព្រៃផ្សៃរបស់ចោរសៀមមកលើប្រទេសកម្ពុជាបណ្តាលឱ្យស្លាប់និងរបួសវីរកងទ័ពកម្ពុជាព្រមទាំងប្រជាពលរដ្ឋស្លូតត្រង់ទៀតផង។

កវីនិពន្ធ ងិន ម៉ានីយ៉ា បានបង្ហោះសារបង្ហាញក្តីអន់ចិត្តថា “កន្លែងគេធ្វើល្អៗច្រើនមើលអត់ឃើញ”។ អ្នកស្រីថា ដូចបទនេះអ៊ីចឹង អ្នកស្រីខំបញ្ចេញខួរទាំងគំនិតសរសេរ ឯកូនៗអ្នកស្រីចេញទាំងសំឡេងនិងលុយផលិត ប៉ុន្តែដូចជាអត់សូវមានគេឱ្យតម្លៃ ដែលផ្ទុយពីបទដៀមដាមដៀលជេរគ្នា ហាក់ទទួលបានការគាំទ្រភ្លូកទឹកភ្លូកដីទៅវិញ។

ជាមួយគ្នានេះ ក៏មានការបញ្ចេញមតិពីអ្នកលេងបណ្តាញសង្គមថា “ប្រទេសមួយសត្រូវងាយឈ្លានពានបានដោយសារយុវជនប្រទេសនោះអ្នកគ្រូបទចម្រៀងមានអត្ថន័យទាក់ទងវប្បធម៌ជាតិមិនសូវចាប់អារម្មណ៍ទេ បើគេជេគ្នាដៀមដាមអីចូលមើលចូល like សម្បើមណាស់”។

គួរម្លឹកថា កាលពីថ្មីៗនេះ ហ្វីយ៉ាតា ក៏បានបង្ហោះបទចម្រៀងខាងលើអមនឹងសំណេរថា “យើងខ្ញុំសូមគោរពដឹងគុណដល់វីរភាពរបស់វីរកងទ័ពស្នេហាជាតិកម្ពុជាទាំងអស់ដែលបានពលីជីវិតដើម្បីជាតិមាតុភូមិមួយនេះ។ យើងខ្ញុំក៏សូមចូលរួមរំលែកទុក្ខដ៏ក្រៀមក្រំជាមួយក្រុមគ្រួសារ វីរកងទ័ពដ៏អង់អាចនិងបងប្អូនជនរួមជាតិខ្មែរទាំងអស់ដែលបានពលីជីវិត៕ ដោយ: ចាន់រ៉ា

The post កវីនិពន្ធ ងិន ម៉ានីយ៉ា ទម្លាយការអន់ចិត្ត ខណ:ស្នាដៃនិពន្ធរបស់ខ្លួន បទ”ខ្មែរចាំឱ្យបាន” ពុំទទួលបានការចាប់អារម្មណ៍ appeared first on Kampuchea Thmey Daily.

តួយ៉ាងអ្នកនិពន្ធបទចម្រៀងជើងចាស់ អ្នកស្រី ងិន ម៉ានីយ៉ា បានបញ្ចេញអារម្មណ៍ដោយសង្វេគអាណិតដល់ដំរី Lucky ដែលបានរត់តាមម៉ូតូរបស់លោក ទ្រី ស៊ីថេង ខណ:អ្នកនិពន្ធរូបនេះបញ្ជាក់ថា ឃើញរូបភាពនេះហើយខ្លួនពិតជាមិនអាចទប់ទឹកភ្នែកបានឡើយ។

អ្នកស្រី ងិន ម៉ានីយ៉ា បានរៀបរាប់ថា ថ្ងៃនេះខ្មែរមួយប្រទេសក្តុកក្តួលប្រេះស្រាំបេះដូង ដោយសារតែឃើញការព្រាត់ប្រាសរវាងសត្វដំរីជាមួយអ្នកមើលថែ ទាំងខ្ញុំ ទាំងគេ មិនអាចទប់ទឹកភ្នែកបានឡើយ។ ព្រោះឃើញកាយវិការ និងសម្រែកខ្លោចផ្សារបស់សត្វដំរីមួយនេះ បើវានិយាយរួចវាប្រាកដជាមានពាក្យរាប់ម៉ឺនពាក្យដែលត្រូវរៀបរាប់ជាមួយនឹងគាត់។ ប៉ុន្តែនេះគ្នានិយាយមិនកើតតើគ្នាពិបាកក្នុងចិត្តយ៉ាងណាទៅ?

កវីនិពន្ធ ងិន ម៉ានីយ៉ា បន្តទៀតថា ពួកយើងមិនដឹងថាមកពីមូលហេតុអ្វីនោះឡើយ? ប៉ុន្តែគ្រាន់តែពួកយើងយល់ចិត្តដល់សត្វដែលស្រឡាញ់ម្ចាស់អ្នកមើលថែពីតូចមកដល់ធំ២៦ឆ្នាំ មិនមែនជាពេលវេលាខ្លីនោះទេ។ អ្នកមើលថែ គឺយកបេះដូងស្រលាញ់មកប្រើ ទើបគាត់អាចយកបានបេះដូងសត្វដំរីដ៏ធំមួយក្បាលនេះបានដូចគ្នា។

អ្នកស្រី ងិន ម៉ានីយ៉ា បានបន្ថែមថា នេះមិនមែនថាបេះដូងខ្មែរទន់ជ្រាយនោះទេប៉ុន្តែមកពីខ្មែរធ្លាប់ជួបការបាក់បែកព្រាត់ប្រាស់ទើបធ្វើឱ្យខ្មែរចេះស្រឡាញ់ ចេះយល់ចិត្ត ពួកយើងពិតជាចង់ឃើញអ្នកមើលថែដ៏ល្អនេះជួបជុំគ្នាជាមួយនឹងសត្វដែលគួរឲ្យស្រឡា ញ់មួយក្បាលនេះហើយផ្ដល់ភាពកក់ក្ដៅឲ្យ Lucky វិញណាស់។

សូមជម្រាបដែរថា ការលាឈប់ពីការងាររបស់លោក ទ្រី ស៊ីថេង ជារឿងផ្ទៃក្នុងរបស់អង្គការសម្ព័ន្ធមិត្តសត្វព្រៃដោយមិនមានការជាប់ពាក់ព័ន្ធជាមួយនឹងរដ្ឋបាលព្រៃឈើ ឬក្រសួងកសិកម្ម រុក្ខាប្រមាញ់ និងនេសាទនោះទេ។ នេះបើយោតាមការចេញសេចក្ដីប្រកាសរបស់រដ្ឋបាលព្រៃឈើពាក់ព័ន្ធនឹងរឿងលោក ទ្រី ស៊ីថេង អ្នកមើលថែដំរីឡាក់គី នៅភ្នំតាម៉ៅ ៕ ចាន់រ៉ា

The post កវីនិពន្ធ ងិន ម៉ានីយ៉ា ថាមិនអាចទប់ទឹកភ្នែកបានឡើយក្រោយឃើញដំរីឡាក់គី រត់តាមអ្នកមើលថែ appeared first on Kampuchea Thmey Daily.